បងស្រី ស៊ីវ ណាលី កំពុងគ្រប់គ្រងមុខរបរចំនួនបីក្នុងពេលតែមួយរបស់គាត់រួមមាន មុខរបរកាត់ដេរសម្លៀកបំពាក់ លក់ចាប់ហួយ និងមុខរបរផលិតទឹកពិសាបរិសុទ្ធ។
ដើមឡើយ បងស្រី ស៊ីវ ណាលី ត្រឹមតែជាអ្នកកាត់ដេរសម្លៀកបំពាក់មួយរូបប៉ុណ្ណោះ ប៉ុន្តែដោយសារភាពឆ្លាតវៃ និងចក្ខុវិស័យវែងឆ្ងាយ បងស្រីក៏បានបន្តបង្កើតអាជីវកម្មចំនួនពីរបន្ថែមទៀតដោយខ្លួនឯងរហូតមកដល់សព្វថ្ងៃ។
ក្នុងឆ្នាំ២០១៨ បងស្រី បានចាប់ផ្តើមបើកដំណើរការអាជីវកម្មលក់ចាប់ហួយ ដោយស្នើសុំប្រាក់កម្ចីលើកដំបូងចំនួន ៥.០០០ ដុល្លារ ពី អិលអូអិលស៊ី (LOLC) ក្នុងគោលបំណងគាំទ្រសកម្មភាពបង្កើតអាជីវកម្មថ្មីនេះ។ បន្ទាប់មកនៅឆ្នាំ២០២២ បងស្រី បានស្នើសុំប្រាក់កម្ចីចំនួន ៦.០០០ ដុល្លារបន្ថែមដើម្បីបង្កើតអាជីវកម្មថ្មីមួយបន្ថែមទៀត គឺអាជីវកម្មផលិតទឹកពិសារបរិសុទ្ធ។ ដោយមានការគាំទ្រផ្នែកហិរញ្ញវត្ថុដ៏រឹងមាំពី អិលអូអិលស៊ី (LOLC) បានធ្វើឱ្យ បងស្រី ណាលី មានដើមទុនគ្រប់គ្រាន់ក្នុងការទ្រទ្រង់សកម្មភាពអាជីវកម្មទាំងបីរបស់គាត់ឱ្យដំណើរការប្រកបដោយភាពល្អប្រសើរនាពេលបច្ចុប្បន្ននេះ។
គួរបញ្ជាក់ផងដែរថា ក្រៅពីការប្រើប្រាក់កម្ចីសម្រាប់បង្កើតអាជីវកម្មទាំងពីរបន្ថែម បងស្រី ក៏បានស្នើសុំប្រាក់កម្ចីសម្រាប់គោលបំណងផ្សេងៗដូចជា ពង្រីកអាជីវកម្មបន្ថែម ទិញរថយន្ត និងទិញដី។
បងស្រី ណាលី បានបង្ហាញពីទំនុកចិត្តខ្ពស់ចំពោះគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) ដែលបានផ្តល់ប្រាក់កម្ចីដ៏សមស្រប និងជួយឱ្យជីវភាពរស់នៅរបស់គាត់មានភាពប្រសើរឡើង ព្រោះ បងស្រី អាចបង្កើនប្រាក់ចំណូលបន្ថែម និងបង្កើតអាជីវកម្មថ្មីៗ ដែលជាហេតុនាំឱ្យជីវភាពរបស់គាត់ឆ្ពោះទៅរកភាពរីកចម្រើន។
បងស្រី ចាន់ ធាវី ដែលជាអាជីវករលក់ចាប់ហួយ នៅភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ បានឆ្លៀតឱកាសចែករំលែកអំពីដំណើរនៃការរីកចម្រើនក្នុងអាជីវកម្មរបស់គាត់មកកាន់ អិលអូអិលស៊ី (LOLC) ប្រកបដោយភាពរីករាយ។
បន្ទាប់ពីទំនេរពីការងារប្រចាំថ្ងៃរបស់ខ្លួន បងស្រី ចាន់ ធាវី ដែលជាអាជីវករលក់ចាប់ហួយ នៅភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ បានឆ្លៀតឱកាសចែករំលែកអំពីដំណើរនៃការរីកចម្រើនក្នុងអាជីវកម្មរបស់គាត់មកកាន់ អិលអូអិលស៊ី (LOLC) ប្រកបដោយភាពរីករាយ។
ជាមួយទឹកមុខស្រស់បំព្រង និងស្នាមញញឹមដ៏រួសរាយរាក់ទាក់ បងស្រី ធាវី បានរៀបរាប់ថា មុនពេលទទួលបានការគាំទ្រផ្នែក ហិរញ្ញវត្ថុពី អិលអូអិលស៊ី (LOLC) បងស្រី មិនមានទំនិញគ្រប់គ្រាន់សម្រាប់បំពេញតម្រូវការអតិថិជនរបស់គាត់នោះទេ ដែលជាហេតុនាំឱ្យការលក់ដូររបស់គាត់ធ្លាក់ចុះ។ ខណៈនោះ បងស្រី ធាវី ក៏បានស្គាល់ពីផលិតផលប្រាក់កម្ចីរបស់ អិលអូអិលស៊ី (LOLC) តាមរយៈអ្នកជិតខាងរបស់គាត់ ហើយដោយមិនស្ទាក់ស្ទើរ គាត់ក៏បាន ពិភាក្សាជាមួយបុគ្គលិក អិលអូអិលស៊ី (LOLC) អំពីតម្រូវការដើមទុនសម្រាប់ការពង្រីកអាជីវកម្មរបស់គាត់ និងបានសម្រេចចិត្តជ្រើសរើសទំហំប្រាក់កម្ចីដែលសមស្របទៅនឹងសមត្ថភាពបង់សងរបស់គាត់ផងដែរ។
ក្រោយពីបានប្រើប្រាស់ប្រាក់កម្ចីវគ្គដំបូងរួចហើយ បងស្រី ធាវី បានសង្កេតឃើញពីការវិវឌ្ឍន៍ដ៏គួរឱ្យចាប់អារម្មណ៍ក្នុងការលក់ដូររបស់គាត់ដោយមានទំនិញគ្រប់គ្រាន់សម្រាប់ផ្គត់ផ្គង់ជូនអតិថិជន។ ការផ្លាស់ប្តូរជាវិជ្ជមាននេះបានជួយកែប្រែជីវភាពគ្រួសាររបស់គាត់ឱ្យប្រសើរឡើងគួរឱ្យកត់សម្គាល់។ រហូតមកដល់បច្ចុប្បន្ន បងស្រី ធាវី បានប្រើប្រាស់ប្រាក់កម្ចីសរុបចំនួនបីវគ្គ ក្នុងគោលបំណងពង្រីកអាជីវកម្ម។ ជាពិសេស គាត់ក៏បានកែលម្អផ្ទះរបស់គាត់ពីផ្ទះតូចចង្អៀតទៅជាផ្ទះថ្មីធំទូលាយ និងមានផាសុកភាពក្នុងការរស់នៅសម្រាប់ គ្រួសាររបស់គាត់ទៀតផង។
បងស្រី ចាន់ ធាវី បានបង្ហាញពីក្តីសោមនស្សរីករាយចំពោះការគាំទ្រផ្នែក ហិរញ្ញវត្ថុដែលគាត់បានទទួលពី អិលអូអិលស៊ី (LOLC) ដែលមិនត្រឹមតែបានផ្លាស់ប្តូរកម្រិតជីវភាពគ្រួសារគាត់ប៉ុណ្ណោះទេ ប៉ុន្តែថែមទាំងជួយដល់អាជីវកម្មរបស់គាត់មានការរីកចម្រើនថែមទៀតផង។ គាត់នៅតែមានសុទិដ្ឋិនិយមអំពីអនាគត និងប្តេជ្ញាបន្តពង្រីកអាជីវកម្មរបស់ខ្លួនជាមួយការគាំទ្រផ្នែកសេវាហិរញ្ញវត្ថុពី អិលអូអិលស៊ី (LOLC) នៅពេលក្រោយទៀត។
បងស្រី បិន ភឿន គឺជាអាជីវករលក់គ្រឿងក្រអូប សម្លៀកបំពាក់ និងសម្ភារប្រើប្រាស់ក្នុងផ្ទះមួយរូប ដែលរស់នៅជាប់ព្រំដែនកម្ពុជា-ថៃ ជាទីតាំងសម្បូរទៅដោយការប្រកបអាជីវកម្មជាច្រើនប្រភេទ។ បងស្រី បានបញ្ជាក់ថា គាត់បានប្រកបអាជីវកម្មនេះអស់រយៈពេល ១០ឆ្នាំមកហើយ ដែលទីតាំងអាជីវកម្មរបស់គាត់ស្ថិតនៅភូមិទួលស្វាយ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។
មុនពេលក្លាយជាអតិថិជនរបស់ អិលអូអិលស៊ី (LOLC) បងស្រី ភឿន មិនមានអីវ៉ាន់ស្តុកទុកគ្រប់គ្រាន់សម្រាប់បំពេញតម្រូវការអតិថិជននោះទេ។ កង្វះខាតស្តុកនេះ បានបណ្ដាលឱ្យការលក់របស់គាត់ធ្លាក់ចុះ និងបាត់បង់ឱកាសរកប្រាក់ចំណូលសម្រាប់គ្រួសារ។ យ៉ាងណាមិញ ដើម្បីស្វែងរកឱកាសក្នុងការអភិវឌ្ឍអាជីវកម្ម និងកែលម្អស្ថានភាពនេះ ក៏ដូចជាបង្កើនមុខទំនិញបន្ថែមសម្រាប់លក់ជូនអតិថិជន បងស្រី បានស្វែងរកដៃគូហិរញ្ញវត្ថុដែលអាចផ្តល់ការគាំទ្រដ៏មានប្រសិទ្ធភាព និងទំនុកចិត្តមួយ។
ក្រោយពីបានស្គាល់ អិលអូអិលស៊ី (LOLC) និងទទួលបានការគាំទ្រផ្នែកហិរញ្ញវត្ថុសម្រាប់ពង្រីកអាជីវកម្ម បងស្រី ភឿន បានសង្កេតឃើញពីភាពរីកចម្រើនក្នុងអាជីវកម្ម និងការកើនឡើងនៃប្រាក់ចំណូលរបស់គាត់។ ភាពរីកចម្រើននេះ ក៏ព្រោះតែគាត់ប្រើប្រាស់ប្រាក់កម្ចីបានត្រឹមត្រូវ និងចំគោលដៅ ដែលអាចឱ្យគាត់មានលទ្ធភាពទិញអីវ៉ាន់ស្តុកទុកបន្ថែម និងមានសម្ភារផ្គត់ផ្គង់ជាច្រើនប្រភេទសម្រាប់លក់ជូនអតិថិជនរបស់គាត់។
បងស្រី ភឿន បានបង្ហើបថា គាត់បានស្នើសុំប្រាក់កម្ចីពី អិលអូអិលស៊ី (LOLC) ចំនួនពីរវគ្គ។ លើកទីមួយ នៅឆ្នាំ២០១៩ និងលើកទីពីរ នៅឆ្នាំ២០២៤ សម្រាប់ពង្រីកអាជីវកម្មបន្ថែម។ បងស្រី ភឿន ក៏មានបំណងស្នើសុំប្រាក់កម្ចីបន្ថែមទៀតនៅពេលខាងមុខ ដើម្បីបន្តពង្រីកអាជីវកម្មរបស់ខ្លួនឱ្យកាន់តែធំជាងនេះ។
បងស្រី ភឿន ជឿជាក់ថា ប្រាក់កម្ចីដែលបានទទួលពីការគាំទ្រផ្នែកហិរញ្ញវត្ថុរបស់ អិលអូអិលស៊ី (LOLC) បានចូលរួមចំណែកជួយលើកស្ទួយអាជីវកម្ម និងជីវភាពរស់នៅរបស់គាត់ឱ្យកាន់តែប្រសើរ និងរីកចម្រើនឆ្ពោះទៅមុខ។
បងស្រី ម៉ៅ ចន្ធី គឺជាម្ចាស់ភោជនីយដ្ឋាន “ម្លប់ឈើទាល” ដែលមានទីតាំងស្ថិតនៅភូមិកំពង់ត្រាច ឃុំកំពង់ត្រាច ស្រុករមាសហែក ខេត្តស្វាយរៀង។
ផ្តើមចេញពីមុខរបរតូចមួយដែលមានលក្ខណៈបែបគ្រួសារ រហូតក្លាយជាម្ចាស់ភោជនីយដ្ឋានដែលទទួលការគាំទ្រយ៉ាងច្រើនពីសំណាក់អតិថិជន ក្រោយពីបានប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីពង្រីកអាជីវកម្ម។ បងស្រី ចន្ធី បានចែករំលែកពីភាពជោគជ័យលើអាជីវកម្មរបស់គាត់អស់រយៈពេល ១៧ឆ្នាំមកនេះ ដូច្នេះថា ដំបូងឡើយព្រោះតែទេពកោសល្យ និងជំនាញក្នុងការធ្វើម្ហូប គាត់ក៏បានចាប់ផ្តើមមុខរបរជាអ្នកលក់ស៊ុបនៅក្នុងភូមិបែបគ្រួសារតូចមួយ។ ក្រោយមក មុខរបរលក់ស៊ុបរបស់គាត់ក៏ទទួលបានការគាំទ្រពីអតិថិជនកាន់តែច្រើនឡើង ដែលជាហេតុនាំឱ្យ បងស្រី និងស្វាមីបានរៀបចំផែនការក្នុងការពង្រីកទីតាំងអាជីវកម្ម ដើម្បីឆ្លើយតបទៅនឹងកំណើននៃតម្រូវការអតិថិជនរបស់ពួកគាត់។ ទោះបីជាយ៉ាងណាក៏ដោយ កង្វះខាតដើមទុននៅតែជាបញ្ហាសម្រាប់ពួកគាត់ ក្នុងដំណើរពង្រីកអាជីវកម្មមួយនេះ។
ដំណោះស្រាយ ក៏បានកើតមាននៅពេលដែល បងស្រី ចន្ធី បានប្រឹក្សា និងបង្ហាញពីគោលបំណងនៃការចង់ពង្រីកអាជីវកម្មរបស់គាត់ទៅកាន់បុគ្គលិក អិលអូអិលស៊ី (LOLC) ម្នាក់ ដែលជាអតិថិជនមួយរូបរបស់គាត់ផងដែរ ដែលតែងតែមកញ៉ាំស៊ុបនៅតូបគាត់ជាប្រចាំ។ ក្នុងឆ្នាំ២០២១ បងស្រី និងស្វាមីក៏បានសម្រេចចិត្តស្នើប្រាក់កម្ចីលើកដំបូងចំនួន ១១.០០០ដុល្លារ ដើម្បីកែលម្អទីតាំងលក់ស៊ុបរបស់គាត់ឱ្យមានភាពធំទូលាយជាងមុន បន្ទាប់មកនៅក្នុងឆ្នាំ២០២៣ គាត់បានស្នើប្រាក់កម្ចីបន្ថែមចំនួន ២០.០០០ដុល្លារ ដើម្បីទិញដីជាប់ផ្ទះសម្រាប់សាងសង់ ភោជនីយដ្ឋាន និងរៀបចំចំណតម៉ូតូ និងរថយន្តឱ្យកាន់តែធំទូលាយសម្រាប់អតិថិជនរបស់គាត់។
បន្ទាប់ពីការសាងសង់ទីតាំងអាជីវកម្មថ្មីបានសម្រេចហើយ បងស្រី ចន្ធី បានផ្លាស់ប្តូរហាងស៊ុបតូចមួយរបស់គាត់ទៅជាភោជនីយដ្ឋាន ដែលមានទីតាំងធំទូលាយ ដោយមានសេវាកម្មលក់ម្ហូបអាហារកុម៉្មង់ជាច្រើនប្រភេទ សម្រាប់អតិថិជនដែលមកទទួលទាននៅភោជនីយដ្ឋានផ្ទាល់ និងការវេចខ្ចប់តាមតម្រូវការរបស់អតិថិជនផងដែរ។ ទាំងនេះហើយជាហេតុដែលធ្វើឱ្យគាត់អាចទាក់ទាញអតិថិជនកាន់តែច្រើនឡើងៗ។
តាមរយៈការប្រើប្រាស់ប្រាក់កម្ចីពី អិលអូអិលស៊ី (LOLC) ទាំងពីរវគ្គនេះ មិនត្រឹមតែជួយឱ្យអាជីវកម្ម បងស្រី រីកចម្រើនប៉ុណ្ណោះទេ ប៉ុន្តែថែមទាំងលើកស្ទួយកម្រិតជីវភាពគ្រួសារ និងប្រាក់ចំណូលរបស់គាត់ឱ្យកើនឡើងផងដែរ។ បងស្រី ចន្ធី បានលើកឡើងថា “ប្រាក់កម្ចីពី អិលអូអិលស៊ី (LOLC) ពិតជាបានលើកស្ទួយជីវភាពគ្រួសារ និងធ្វើឱ្យអាជីវកម្មរបស់ខ្ញុំមានការរីកចម្រើនយ៉ាងពិតប្រាកដ ហើយថែមទាំងបានជួយបង្កើនទ្រព្យសម្រាប់គ្រួសាររបស់ខ្ញុំ តាមរយៈការទិញដីជាប់ផ្ទះមួយកន្លែង ដើម្បីសាងសង់ភោជនីយដ្ឋានផងដែរ។
បងប្រុស នឿន ធីន ជាម្ចាស់សិប្បកម្មកិនស័ង្កសី និងជាអាជីវករលក់គ្រឿងសំណង់មួយរូប ស្ថិតនៅភូមិព្រៃព្រីងខាងជើង១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ខ្ញុំពិតជាសប្បាយចិត្តជាខ្លាំង ព្រោះសិប្បកម្ម និងអាជីវកម្មរបស់ខ្ញុំទទួលបានភាពរីកចម្រើន ដែលអាចបំពេញតម្រូវការអតិថិជនបានយ៉ាងល្អប្រសើរ បន្ទាប់ពីខ្ញុំមានដើមទុនគ្រប់គ្រាន់សម្រាប់ប្រើប្រាស់។” ប្រសាសន៍របស់បងប្រុស នឿន ធីន ជាម្ចាស់សិប្បកម្មកិនស័ង្កសី និងជាអាជីវករលក់គ្រឿងសំណង់មួយរូប ស្ថិតនៅភូមិព្រៃព្រីងខាងជើង១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បងប្រុស ធីន បានរៀបរាប់ពីមូលហេតុដែលធ្វើឱ្យគាត់មានដើមទុនគ្រប់គ្រាន់សម្រាប់គាំទ្រដល់សិប្បកម្ម និងអាជីវកម្មរបស់គាត់បែបនេះថា ខណៈពេលដែលគាត់កំពុងខ្វះខាតដើមទុន សម្រាប់ទិញស័ង្កសីពីក្រៅប្រទេស និងមិនមានអីវ៉ាន់គ្រប់គ្រាន់សម្រាប់ផ្គត់ផ្គង់តម្រូវការទីផ្សារក្នុងស្រុកជូនទៅកាន់អតិថិជនផងនោះ បងប្រុស ក៏បានស្គាល់ អិលអូអិលស៊ី (LOLC) ដោយចៃដន្យ។ បន្ទាប់មក បងប្រុស ធីន ក៏បានជួបពិភាក្សាជាមួយបុគ្គលិកជំនាញផ្នែកប្រឹក្សាសេវាហិរញ្ញវត្ថុអំពីតម្រូវការដើមទុនសម្រាប់ពង្រីកសិប្បកម្ម និងអាជីវកម្មរបស់គាត់។
បងប្រុស ធីន បានប្រើប្រាស់ប្រាក់កម្ចីចំនួនពីរវគ្គពី អិលអូអិលស៊ី (LOLC) ដើម្បីអភិវឌ្ឍសិប្បកម្មកិនស័ង្កសី និងអាជីវកម្មលក់គ្រឿងសំណង់របស់គាត់ ដែលលើកទីមួយចំនួន ១៥.០០០ដុល្លារ ក្នុងឆ្នាំ២០២៣ និងលើកទីពីរចំនួន ២០.០០០ដុល្លារ នៅឆ្នាំ២០២៤។ ក្រោយពីបានប្រើប្រាស់ប្រាក់កម្ចីពី អិលអូអិលស៊ី (LOLC) មក សិប្បកម្ម និងអាជីវកម្មរបស់គាត់មានដំណើរការកាន់តែរីកលូតលាស់ជាងមុន ហើយគាត់អាចផ្គត់ផ្គង់ និងបំពេញតម្រូវការអតិថិជនរបស់គាត់បានយ៉ាងល្អប្រសើរ។
តាមរយៈភាពរីកចម្រើននៃមុខរបររបស់ បងប្រុស ធីន បានធ្វើឱ្យជីវភាពគ្រួសារគាត់ផ្លាស់ប្តូរកាន់តែល្អប្រសើរ ដោយគាត់មានលទ្ធភាពកែប្រែគេហដ្ឋានរបស់គាត់ពីផ្ទះឈើចាស់ទៅជាផ្ទះល្វែងថ្មីដ៏ស្រស់ស្អាតប្រកបដោយផាសុកភាព រួមទាំងមានសម្ភារប្រើប្រាស់គ្រប់គ្រាន់ និងមធ្យោបាយធ្វើដំណើរដូចជាម៉ូតូ ឡាន សម្រាប់ប្រើប្រាស់ក្នុងគ្រួសារទៀតផង។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
