បងស្រី សុង ឡី ដែលជាអាជីវករលក់ចាប់ហួយ និងម្ហូបអាហារ នៅភូមិគោកកណ្ដាល ឃុំល្វាក្រាំង ស្រុកវ៉ារិន ក្រុងខេត្តសៀមរាប។
ខ្ញុំពេញចិត្តនឹងការប្រើប្រាស់ប្រាក់កម្ចីនៅ អិលអូអិលស៊ី (LOLC) ជាខ្លាំងព្រោះ អិលអូអិលស៊ី (LOLC) មានសេវាកម្មល្អ ផលិតផលច្រើនសម្បូរបែប ជាពិសេសបុគ្គលិកមានភាពរួសរាយរាក់ទាក់ និងផ្តល់ការប្រឹក្សាយោបល់យ៉ាងច្បាស់លាស់ ក្នុងការប្រើប្រាស់ប្រាក់កម្ចីឱ្យបានត្រឹមត្រូវ និងចំគោលដៅ“។ ប្រសាសន៍ បងស្រី សុង ឡី ដែលជាអាជីវករលក់ចាប់ហួយ និងម្ហូបអាហារ នៅភូមិគោកកណ្ដាល ឃុំល្វាក្រាំង ស្រុកវ៉ារិន ក្រុងខេត្តសៀមរាប។
បងស្រី ឡី បានរំលឹកថា មុនពេលប្រើប្រាស់កម្ចីរបស់ អិលអូអិលស៊ី (LOLC) បងស្រី ក៏បានស្វែងយល់ពីលក្ខខណ្ឌផ្តល់ប្រាក់កម្ចីរបស់គ្រឹះស្ថានហិរញវត្ថុផ្សេងៗមួយចំនួនផងដែរ ក្នុងគោលបំណងស្នើប្រាក់កម្ចីយកទៅពង្រីកអាជីវកម្មរបស់គាត់។ ប៉ុន្តែក្រោយពីទទួលបានការណែនាំអំពីសេវាកម្ម និងផលិតផលប្រាក់កម្ចីរបស់ អិលអូអិលស៊ី (LOLC) ពីសំណាក់ប្អូនថ្លៃរបស់គាត់ដែលជាអតិថិជនរបស់ អិលអូអិលស៊ី (LOLC) ផងដែរនោះ បងស្រី ក៏បាន ស្វែងយល់កាន់តែច្បាស់ពីផលិតផលកម្ចីរហូតក្លាយជាអតិថិជនរបស់ អិលអូអិលស៊ី (LOLC) មួយរូបផងដែរ ដោយគាត់បានស្នើប្រាក់កម្ចី បន្ថែម ដើម្បីគាំទ្រដល់ដំណើររីកលូតលាស់នៃអាជីវកម្មរបស់គាត់ជាច្រើនវគ្គ។
បងស្រី ឡី បានបន្ថែមថា គាត់បានប្រើប្រាស់កម្ចី អិលអូអិលស៊ី តាំងពីឆ្នាំ ២០១៧ រហូតមកដល់ពេលបច្ចុប្បន្ន ក្នុងគោលបំណងផ្សេងៗគ្នាដូចជា បានស្នើសុំកម្ចីចំនួន ៨.០០០.០០០ រៀល ជាទុនដើម្បីវិនិយោគលើអាជីវកម្មរបស់គាត់ ដែលការគាំទ្រហិរញ្ញវត្ថុនេះ បានធ្វើឱ្យគាត់អាចមានឱកាសក្នុងការបង្កើតមុខរបរថ្មីបន្ថែម និងធ្វើឱ្យការលក់ដូររបស់គាត់កាន់តែប្រសើរឡើង ថែមទាំងអាចបំពេញតម្រូវការអតិថិជនបានកាន់តែច្រើន។ បងស្រី ក៏បានស្នើប្រាក់កម្ចីចំនួន ២.៣៥០ ដុល្លារអាមេរិក បន្ថែម ដើម្បីបន្តពង្រីកអាជីវកម្មរបស់គាត់ និងមួយចំណែកសម្រាប់ ទិញម៉ូតូ ០១ គ្រឿង ដើម្បីប្រើប្រាស់ក្នុងគ្រួសារ និងបម្រើក្នុងអាជីវកម្មរបស់ពួកគាត់។ លើសពីនេះ បងស្រីក៏បានស្នើប្រាក់កម្ចីចំនួន ២០.០០០ ដុល្លារអាមេរិក ដើម្បីបង្រ្គប់ទិញដីសម្រាប់ទុកសាងសង់លំនៅដ្ឋានផងដែរ។
ក្នុងកិច្ចសម្ភាសន៍ជាមួយបុគ្គលិក អិលអូអិលស៊ី (LOLC) នេះផងដែរ បងស្រី ឡី បានរៀបរាប់ឱ្យដឹងថា ភាពជោគជ័យរបស់គាត់នាពេលបច្ចុប្បន្ន មានការរួមចំណែកដ៏សំខាន់ពីការគាំទ្រផ្នែកហិរញ្ញវត្ថុរបស់ អិលអូអិលស៊ី (LOLC) ជាមួយនឹងការខិតខំព្យាយាមរបស់គាត់។ ភាពរីកចម្រើននេះ បានឱ្យគាត់មានលទ្ធភាពអាចសាងសង់គេហដ្ឋានផ្ទាល់ខ្លួនមួយ និងអាចមានសម្ភារសម្រាប់ប្រើប្រាស់ផ្ទាល់ខ្លួន ដែលធ្វើឱ្យការរស់នៅកាន់តែល្អប្រសើរ។
ប្អូនស្រី ច័ន្ទរ៉ា គឺជាម្ចាស់ហាងកាហ្វេចំនួនពីរកន្លែង ដែលហាងទី១ មានទីតាំងស្ថិតនៅក្នុងភូមិថ្កូវ ឃុំឈើទាល ស្រុកបាណន់ ខេត្តបាត់ដំបង និងហាងទី២ ស្ថិតនៅភូមិបាណន់ ឃុំកន្ទឺ២ ស្រុកបាណន់ ខេត្តបាត់ដំបង។
ជាមួយនឹងបទពិសោធន៍ និងការគាំទ្រផ្នែកហិរញ្ញវត្ថុប្រកបដោយទំនុកចិត្តពី អិលអូអិលស៊ី (LOLC) គឺជាទុនមួយដ៏សំខាន់ក្នុងដំណើរការរីកលូតលាស់នៃអាជីវកម្មរបស់ប្អូនស្រី រៀង ច័ន្ទរ៉ា។
ក្នុងនាមជាម្ចាស់ហាងកាហ្វេ ដែលបានបើកដំណើរការអស់រយៈពេលជាង៦ឆ្នាំកន្លងមកនេះ ប្អូនស្រី ច័ន្ទរ៉ា បានចែករំលែកបទពិសោធន៍អំពីការចាប់ផ្តើម អាជីវកម្មរបស់ខ្លួនរហូតដល់ទទួលបានភាពជោគជ័យដូចសព្វថ្ងៃ។ បច្ចុប្បន្ន ប្អូនស្រី ច័ន្ទរ៉ា គឺជាម្ចាស់ហាងកាហ្វេចំនួនពីរកន្លែង ដែលហាងទី១ មានទីតាំងស្ថិតនៅក្នុងភូមិថ្កូវ ឃុំឈើទាល ស្រុកបាណន់ ខេត្តបាត់ដំបង និងហាងទី២ ស្ថិតនៅភូមិបាណន់ ឃុំកន្ទឺ២ ស្រុកបាណន់ ខេត្តបាត់ដំបង។ ជាមួយនឹងស្នាមញញឹមដ៏ស្រស់សោភា ប្អូនស្រី ច័ន្ទរ៉ា បានរៀបរាប់ថា មុនពេលមានហាងផ្ទាល់ខ្លួន ប្អូនស្រី ក៏ធ្លាប់ជាបុគ្គលិកធ្វើការឱ្យគេនៅហាងការហ្វេមួយកន្លែងដែរ។ ការងារនេះបានផ្តល់ជំនាញ និងចំណេះដឹងយ៉ាងច្បាស់លាស់សម្រាប់ប្អូនស្រីឱ្យមានសមត្ថភាពអាចបើកហាងដោយខ្លួនឯងបាន។ ទោះជាយ៉ាងណាក្តី ការគាំទ្រផ្នែកហិរញ្ញវត្ថុគឺពិតជាមានសារៈសំខាន់ណាស់សម្រាប់ដំណើរការបើកអាជីវកម្មររបស់គាត់។
នៅឆ្នាំ២០២០ ប្អូនស្រី ច័ន្ទរ៉ា បានស្នើប្រាក់កម្ចីពី អិលអូអិលស៊ី (LOLC) ចំនួន ៥.០០០ ដុល្លារអាមេរិក ដើម្បីជាទុនបង្គ្រប់សម្រាប់បើកហាងកាហ្វេក្នុងក្តីស្រមៃរបស់គាត់។ អាជីវកម្មហាងកាហ្វេទី១របស់គាត់ ហាក់បីដូចជាដំណើរការបានយ៉ាងល្អប្រសើរ។ នៅឆ្នាំ២០២១ ប្អូនស្រី បានស្នើសុំប្រាក់កម្ចីវគ្គទី២ ចំនួន ៧.០០០ ដុល្លារអាមេរិក ដើម្បីវិនិយោគលើអាជីវកម្មរបស់គាត់បន្ថែមទៀត។ ដោយមើលឃើញពីសក្ដានុពលនៃការរីកលូតលាស់លើអាជីវកម្មរបស់ខ្លួនប្រកបដោយស្ថិរភាព និងភាពរឹងមាំ ប្អូនស្រី បានសម្រេចចិត្តបើកហាងទី២ របស់ខ្លួននៅក្នុងឆ្នាំ២០២៣ ជាមួយនឹងប្រាក់កម្ចីវគ្គទី៣ពី អិលអូអិលស៊ី (LOLC) ចំនួន ៩.០០០ ដុល្លារអាមេរិក។
ក្រោយពីបានប្រើប្រាស់សេវាហិរញ្ញវត្ថុប្រកបដោយទំនួលខុសត្រូវពី អិលអូអិលស៊ី (LOLC) ប្អូនស្រី ច័ន្ទរ៉ា មិនត្រឹមតែអាចបើកហាងសមតាមក្តីប្រាថ្នាខ្លួនឯងប៉ុណ្ណោះទេ តែថែមទាំងទទួលបាននូវស្ថិរភាពហិរញ្ញវត្ថុ និងលក្ខខណ្ឌរស់នៅដ៏ល្អប្រសើរ។ តាមរយៈការប្រើប្រាស់ប្រាក់កម្ចីយ៉ាងឆ្លាតវៃ ប្អូនស្រី បានធានាថាអាជីវកម្មរបស់គាត់នឹងមានការរីកចម្រើនបន្តទៅមុខទៀត ហើយការរស់នៅរបស់គាត់ និងគ្រួសារកាន់តែប្រសើរឡើងផងដែរ៕
បងប្រុស ញ៉ុក យូរ បានតស៊ូរហូតក្លាយខ្លួនមកជាម្ចាស់ហាងលក់ស៊ុបមួយកន្លែងដែលទទួលបានការគាំទ្រយ៉ាងខ្លាំងពីសំណាក់អតិថិជនរបស់គាត់ ស្ថិតនៅភូមិរលួស ឃុំព្រះដំរី ស្រុកស្ទោង ខេត្តកំពង់ធំ។
បងប្រុស យូរ បានចែករំលែកពីបទពិសោធក្រោយពេលដែលគាត់វិលត្រលប់មកពីប្រទេសថៃវិញថា នៅពេលវិលមកស្រុកកំណើតវិញ បងប្រុស បានប្រើប្រាស់ទីតាំងបងប្អូនដើម្បីបើកហាងលក់ស៊ុប ស្វែងរកប្រាក់ចំណូលសម្រាប់ផ្គត់ផ្គង់ជីវភាពគ្រួសាររបស់គាត់។ យ៉ាងណាមិញ ដោយសារកង្វះខាតដើមទុន បងប្រុស មិនអាចពង្រីកហាងរបស់គាត់ឱ្យធំតាមក្តីប្រាថ្នារបស់គាត់នោះឡើយ។ ជួនជាចៃដន្យ បងប្រុស ក៏ទទួលបានការណែនាំឱ្យស្គាល់ផលិតផលប្រាក់កម្ចីពីសាច់ញាតិរបស់គាត់ដែលធ្លាប់ជាអតិថិជនរបស់ អិលអូអិលស៊ី (LOLC) ។
ដោយភាពច្បាស់លាស់ និងហ្មត់ចត់ ព្រមទាំងបានយល់ពីលក្ខខណ្ឌផលិតផលប្រាក់កម្ចីប្រកបដោយទំនុកចិត្ត បងប្រុស ក៏បានសម្រេចចិត្តស្នើសុំប្រាក់កម្ចីលើកទីមួយពី អិលអូអិលស៊ី (LOLC) ចំនួន ៦.០០០ ដុល្លារ ដើម្បីទិញដីមួយកន្លែងក្នុងភូមិ ក្នុងគោលបំណងទុកសម្រាប់សាងសង់លំនៅឋាន ឬជាហាងអាជីវកម្មលក់ស៊ុប ជាទីតាំងកម្មសិទ្ធិរបស់គាត់ផ្ទាល់។ ក្រោយមក នៅឆ្នាំ២០២៣ គាត់ក៏បានស្នើសុំដើមទុនបន្ថែមទៀតពី អិលអូអិលស៊ី (LOLC) ចំនួន ១២.៥០០ ដុល្លារ សម្រាប់ពង្រីកអាជីវកម្មហាងស៊ុប និងទិញសម្ភារក្មេងលេងសម្រាប់លក់ផងដែរ។
តាមរយៈការអភិវឌ្ឍខ្លួន និងការខិតខំប្រឹងប្រែងរបស់បងប្រុស យូរ បន្តិចម្តងៗ បានធ្វើឱ្យអាជីវកម្មលក់ស៊ុបរបស់គាត់ត្រូវបានទទួលការគាំទ្រ និងទាក់ទាញភ្ញៀវកាន់តែច្រើនឡើង ដែលកុម្ម៉ង់ពីហាងរបស់គាត់មិនចេះដាច់ជាមួយនឹងរសជាតិប្រកបដោយឱជារស។ លក្ខណៈពិសេសរបស់ហាងបងប្រុស គឺអតិថិជនមិនចាំបាច់មកទទួលទានដល់ហាងផ្ទាល់នោះទេ គឺគាត់មានសេវាកម្មដឹកជញ្ជូនដល់ផ្ទះ ដោយអតិថិជនគ្រាន់តែកុម្ម៉ង់តាមរយៈទូរសព្ទ ឬតេឡេក្រាម។ បន្ថែមពីនេះ បងប្រុស ក៏មានសេវាកម្មរៀបចំស៊ុបសម្រាប់កម្មវិធីផ្សេងៗទៅតាមតម្រូវការអតិថិជនផងដែរ។
ភាពឈ្លាសវៃ និងការខិតខំប្រឹងប្រែងរបស់ បងប្រុស ព្រមទាំងការប្រើប្រាស់ប្រាក់កម្ចីរបស់ អិលអូអិលស៊ី (LOLC) បានត្រឹមត្រូវទើបធ្វើឱ្យអាជីវកម្មមួយនេះរីកចម្រើន។ បងប្រុស យូរ បានលើកឡើងថា “សព្វថ្ងៃខ្ញុំមានប្រភពចំណូលដ៏រឹងមាំ និងមានជីវភាពធូរធារបន្ទាប់ពីមានដើមទុនគ្រប់គ្រាន់ ដើម្បីគាំទ្រអាជីវកម្មមួយនេះឱ្យទទួលបាននូវភាពរីកចម្រើន”។
បងស្រី ពៅ គឺជាអាជីវករលក់កង់ និងចំណីសត្វ ដែលមានទីតាំងស្ថិតនៅភូមិ៤ ឃុំព្រែកខ្សាយ ខ ស្រុកពាមរក៍ ខេត្តព្រៃវែង។
ជាមួយនឹងស្នាមញញឹមប្រកបដោយភាពរីករាយ បងស្រី អ៊ុន ពៅ បានបង្ហើបប្រាប់មកកាន់ក្រុមការងារដែលជាអ្នក ចុះទៅជួបសម្ភាសផ្ទាល់ថា ការប្រើប្រាស់ប្រាក់កម្ចីចំគោលដៅ និងការទទួលបាននូវលក្ខខណ្ឌដ៏សមរម្យពី អិលអូអិលស៊ី (LOLC) បានផ្តល់ឱកាសឱ្យ បងស្រី អាចអភិវឌ្ឍអាជីវកម្ម និងទទួលបានជីវភាពល្អប្រសើរជាងមុន និងមានសម្ភារប្រើប្រាស់ផ្ទាល់ខ្លួនគ្រប់គ្រាន់ដូចជារថយន្ត និងម៉ូតូ ជាដើម។
សព្វថ្ងៃ បងស្រី ពៅ គឺជាអាជីវករលក់កង់ និងចំណីសត្វ ដែលមានទីតាំងស្ថិតនៅភូមិ៤ ឃុំព្រែកខ្សាយ ខ ស្រុកពាមរក៍ ខេត្តព្រៃវែង។ បងស្រី បានបើកដំណើរការអាជីវកម្មទាំងនេះអស់រយៈពេលជាច្រើនឆ្នាំមកហើយ ហើយគាត់ក៏ជាអាជីវករដ៏ឧស្សាហ៍ព្យាយាមមួយរូបផងដែរ ដែលបានប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីពង្រីកអាជីវកម្មប្រកបដោយភាពឈ្លាសវៃ។
ក្នុងឆ្នាំ២០១៧ បងស្រី ពៅ បានស្នើសុំប្រាក់កម្ចីលើកដំបូងពី អិលអូអិលស៊ី (LOLC) ចំនួន ៤០.០០០ ដុល្លារ ដើម្បីទិញរថយន្តសម្រាប់ប្រើប្រាស់ក្នុងអាជីវកម្មរបស់គាត់ដូចជា ដឹកជញ្ជូនកង់ គ្រឿងបន្លាស់ និងចំណីសត្វជូនទៅកាន់អតិថិជន។ បន្ទាប់ពីបងស្រី បានប្រើប្រាស់កម្ចីដំបូងហើយ គាត់ក៏បានស្នើសុំប្រាក់កម្ចីបន្ថែមចំនួន ១២.០០០ ដុល្លារ នៅឆ្នាំ២០២៤ ដើម្បីពង្រីកអាជីវកម្មឱ្យកាន់តែមានវិសាលភាពធំជាងមុនដោយបានទិញកង់ថ្មីៗ និងចំណីសត្វបន្ថែមទុកសម្រាប់លក់ជូនអតិថិជនរបស់គាត់។
ដោយមានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បងស្រី ពៅ មានសមត្ថភាពក្នុងការផ្គត់ផ្គង់កង់ និងចំណីសត្វដែលមានគុណភាពខ្ពស់ទៅកាន់អតិថិជនចាស់ និងថ្មីរបស់គាត់ ដែលអាចបំពេញតាមតម្រូវការរបស់ពួកគេបានគ្រប់គ្រាន់ផងដែរ។ លើសពីនេះ បងស្រី ក៏បានបន្ថែមនូវមុខរបរថ្មីមួយដែលជាសេវាកម្មជួសជុលកង់នៅក្នុងហាងលក់កង់របស់គាត់ ហើយអ្វីដែលកាន់តែពិសេសនោះគឺ គាត់មិនចាំបាច់ត្រូវចំណាយលើថ្លៃជួលគេឱ្យដឹកកង់ ឬចំណីសត្វទៅឱ្យអតិថិជនរបស់គាត់នោះទេ ព្រោះគាត់មានមធ្យោបាយដឹកជញ្ជូនផ្ទាល់ខ្លួន ដែលអាចឱ្យគាត់អាចរកប្រាក់តាមរយៈការដឹកជញ្ជូននេះបានបន្ថែមផងដែរ។ ដោយសារកត្តាទាំងនេះហើយ ទើបធ្វើឱ្យអាជីវកម្មរបស់គាត់អាចមានភាពរីកចម្រើនយ៉ាងឆាប់រហ័ស និងអាចទាក់ទាញអតិថិជនមកទិញទំនិញនៅហាងរបស់គាត់កាន់តែច្រើនឡើងៗ។
បងស្រី ភិន សារ៉ុត ជាអាជីវករលក់អាហារសម្រន់ និងភេសជ្ជៈគ្រប់ប្រភេទដូចជាកាហ្វេ ភេសជ្ជៈកំប៉ុង និងទឹកផ្លែឈើក្រឡុក ដែលមានទីតាំងស្ថិតនៅលើសួនច្បារមួយកន្លែងក្នុងភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ។
ខណៈពេលដែលមនុស្សជាច្រើនកំពុងដើរហាត់ប្រាណ លេងកីឡា អង្គុយលំហែអារម្មណ៍ គយគន់ទេសភាពនៅមាត់ទឹក និងខ្លះទៀតកំពុងបរិភោគអាហារ បងស្រី ភិន សារ៉ុត កំពុងរៀបចំភេសជ្ជៈសម្រាប់អតិថិជនរបស់គាត់យ៉ាងមមាញឹក។
បងស្រី ភិន សារ៉ុត ជាអាជីវករលក់អាហារសម្រន់ និងភេសជ្ជៈគ្រប់ប្រភេទដូចជាកាហ្វេ ភេសជ្ជៈកំប៉ុង និងទឹកផ្លែឈើក្រឡុក ដែលមានទីតាំងស្ថិតនៅលើសួនច្បារមួយកន្លែងក្នុងភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ។
ដោយសារទីតាំងស្ថិតនៅកន្លែងសមស្រប និងមានមនុស្សច្រើន ការលក់ដូររបស់បងស្រី សារ៉ុត លក់ដាច់ជាខ្លាំង។ មូលហេតុនេះហើយ បានជំរុញទឹកចិត្តឱ្យបងស្រី គិតដល់ការពង្រីកអាជីវកម្ម ដើម្បីបំពេញតម្រូវការអតិថិជនរបស់គាត់ តាមរយៈការផ្តល់នូវទំនិញដ៏សម្បូរបែបជាងមុន។ តែដោយខ្វះដើមទុនសម្រាប់ពង្រីកអាជីវកម្ម បងស្រី ក៏បានជ្រើសរើស និងប្រើប្រាស់ប្រាក់កម្ចីពី អិលអូអិលស៊ី (LOLC) សម្រាប់ដំណើរមួយនេះ។
បងស្រី សារ៉ុត បានចែករំលែកពីបទពិសោធន៍ថា គ្រប់ពេលដែលគាត់គិតពីការពង្រីកអាជីវកម្ម គាត់បានគិតឃើញបញ្ហាដើមទុនទៅហើយ ប៉ុន្តែបន្ទាប់ពីបានប្រឹក្សាជាមួយមន្ត្រីប្រឹក្សាលក់សេវាហិរញ្ញវត្ថុរបស់ អិលអូអិលស៊ី (LOLC)រួចមក បានជួយឱ្យគាត់រកឃើញនូវដំណោះស្រាយដ៏សមស្របមួយ។ ជាលទ្ធផល បងស្រី បានស្នើសុំប្រាក់កម្ចីដំបូងពី អិលអូអិលស៊ី (LOLC) ចំនួន ១០.០០០.០០០រៀល ក្នុងឆ្នាំ២០១៩ ដើម្បីពង្រីកអាជីវកម្ម។ សព្វថ្ងៃនេះគាត់បានទទួលប្រាក់កម្ចីបន្ថែមជាបន្តបន្ទាប់រហូតដល់ទៅបួនវគ្គរួចមកហើយដើម្បីបន្ថែមដើមទុន និងមួយចំណែកសម្រាប់សាងសង់គេហដ្ឋាន។
ជីវភាពរស់នៅរបស់ បងស្រី សារ៉ុត សព្វថ្ងៃមានភាពរីកចម្រើន ដោយសារប្រាក់ចំណូលកើនឡើងច្រើនបើប្រៀបធៀបនឹងអតីតកាល។ ភាពជោគជ័យនៃអាជីវកម្មរបស់គាត់គឺបានមកពីការខិតខំប្រឹងប្រែង តស៊ូ និងការប្រើប្រាស់ប្រាក់កម្ចីដ៏ត្រឹមត្រូវ និងមានប្រសិទ្ធភាពពី អិលអូអិលស៊ី (LOLC)។
ការជ្រើសរើសគ្រឹះស្ថានហិរញ្ញវត្ថុស្របច្បាប់ និងការកំណត់គោលដៅច្បាស់លាស់បានជួយឱ្យ បងស្រី សារ៉ុត សម្រេចក្តីស្រមៃក្នុងការអភិវឌ្ឍអាជីវកម្មរបស់គាត់ពិតប្រាកដមែន។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
