សកម្មភាពសង្គម (CSR)

អិលអូអិលស៊ី (LOLC) បានបន្តរៀបចំកម្មវិធីបណ្តុះបណ្តាលក្រោមប្រធានបទ «យល់ដឹងពីប្រាក់កម្ចី និងការគ្រប់គ្រងប្រាក់កម្ចី»

អិលអូអិលស៊ី (LOLC) ប្តេជ្ញាយ៉ាងមុតមាំក្នុងការលើកកម្ពស់ការយល់ដឹងរបស់អតិថិជន ដោយផ្តល់ជូនពួកគាត់នូវចំណេះដឹងផ្នែកហិរញ្ញវត្ថុ ដែលជាគន្លឹះដ៏សំខាន់សម្រាប់ការសម្រេចផ្នែកហិរញ្ញវត្ថុឱ្យបានត្រឹមត្រូវ។ ដោយយល់ឃើញពីគុណប្រយោជន៍នេះ អិលអូអិលស៊ី (LOLC) បានបន្តរៀបចំកម្មវិធីបណ្តុះបណ្តាលក្រោមប្រធានបទ «យល់ដឹងពីប្រាក់កម្ចី និងការគ្រប់គ្រងប្រាក់កម្ចី» ដើម្បីជួយឱ្យអ្នកចូលរួមយល់ដឹងច្បាស់អំពីអ្វីជាប្រាក់កម្ចី ស្ថានភាពប្រាក់កម្ចីរបស់ខ្លួន និងវិធីគ្រប់គ្រងប្រាក់កម្ចីឱ្យបានត្រឹមត្រូវ និងមានប្រសិទ្ធភាព។ ចាប់ពីថ្ងៃទី២៣ ដល់ថ្ងៃទី៣១ ខែមីនា ឆ្នាំ២០២៦ កម្មវិធីបណ្តុះបណ្តាលនេះ ត្រូវបានអនុវត្តយ៉ាងសកម្មនៅតាមសហគមន៍ផ្សេងៗ សរុបចំនួន ២៣ វគ្គ ដោយមានអ្នកចូលរួមសរុប ៣៧០ នាក់ ក្នុងនោះមានស្ត្រីចំនួន ២៥៨ នាក់ ដែលបានរៀបចំនៅតាមតំបន់ដូចបានបង្ហាញខាងក្រោម៖ ១. ស្រុកអូរយ៉ាដាវ ខេត្តរតនគិរី ២. ស្រុកបរកែវ ខេត្តរតនគិរី ៣. ស្រុកលំផាត់ ខេត្តរតនគិរី ៤. ស្រុករំដួល ខេត្តស្វាយរៀង ៥. ស្រុករមាសហែក ខេត្តស្វាយរៀង ៦. ស្រុកសាមគ្គីមានជ័យ ខេត្តកំពង់ឆ្នាំង ៧. ស្រុកកំពង់ត្រឡាច ខេត្តកំពង់ឆ្នាំង ៨. ស្រុកទឹកផុស ខេត្តកំពង់ឆ្នាំង
អតិថិជន និងអ្នកភូមិចំនួន ៤៤៩នាក់ ក្នុងនោះមានស្ត្រី ៣០៩នាក់ បានស្ម័គ្រចិត្តចូលរួមវគ្គបណ្តុះបណ្តាលអប់រំចំណេះដឹងផ្នែកហិរញ្ញវត្ថុក្រោមប្រធានបទ «យល់ដឹងអំពីប្រាក់កម្ចី និងការគ្រប់គ្រងប្រាក់កម្ចី»

ឆ្លៀតពេលដ៏មានតម្លៃ អតិថិជន និងអ្នកភូមិចំនួន ៤៤៩នាក់ ក្នុងនោះមានស្ត្រី ៣០៩នាក់ បានស្ម័គ្រចិត្តចូលរួមវគ្គបណ្តុះបណ្តាលអប់រំចំណេះដឹងផ្នែកហិរញ្ញវត្ថុក្រោមប្រធានបទ «យល់ដឹងអំពីប្រាក់កម្ចី និងការគ្រប់គ្រងប្រាក់កម្ចី» ដែលរៀបចំដោយ អិលអូអិលស៊ី ចាប់ពីថ្ងៃទី១៦ ដល់ថ្ងៃទី២០ ខែកុម្ភៈ ឆ្នាំ២០២៦។ តាមរយៈវគ្គបណ្តុះបណ្តាលនេះ អ្នកចូលរួមទទួលបានចំណេះដឹងសំខាន់ៗ រួមមាន ការវាយតម្លៃស្ថានភាពបំណុលផ្ទាល់ខ្លួន ការគណនាសមត្ថភាពបង់សងប្រាក់ និងវិធីសាស្ត្រគ្រប់គ្រងប្រាក់កម្ចីឱ្យបានត្រឹមត្រូវ និងមានប្រសិទ្ធភាព។ ខាងក្រោមនេះ គឺជារូបភាពមួយចំនួនពីវគ្គបណ្តុះបណ្តាលសរុបចំនួន ២៤វគ្គ ដែលបានរៀបចំឡើងនៅតាមស្រុកនានាចំនួន ៩ស្រុក ក្នុង៣ខេត្តរួមមានខេត្តរតនគិរី ខេត្តព្រៃវែង និងខេត្តកំពង់ចាម។
ចំណេះដឹងហិរញ្ញវត្ថុ គឺជាបំណិនជីវិតដ៏សំខាន់សម្រាប់មនុស្សគ្រប់រូប!

ការផ្សព្វផ្សាយអប់រំចំណេះដឹងផ្នែកហិរញ្ញវត្ថុ គឺពិតជាចាំបាច់សម្រាប់លើកកម្ពស់ការយល់ដឹងរបស់ប្រជាពលរដ្ឋក្នុងសហគមន៍។ ចាប់ពីដើមខែមីនា ឆ្នាំ២០២៦ អិលអូអិលស៊ី (LOLC) បានរៀបចំវគ្គបណ្តុះបណ្តាលសម្រាប់ប្រជាពលរដ្ឋនៅតាមសហគមន៍ ដើម្បីជួយឱ្យពួកគាត់យល់ដឹងកាន់តែច្បាស់អំពីការប្រើប្រាស់ប្រាក់កម្ចីឱ្យបានត្រឹមត្រូវ និងមានប្រសិទ្ធភាព។ វគ្គបណ្តុះបណ្តាលនេះ ត្រូវបានរៀបចំឡើងចាប់ពីថ្ងៃទី២ ដល់ថ្ងៃទី១៧ ខែមីនា ឆ្នាំ២០២៦ ដោយមានការចូលរួមទាំងអតិថិជនរបស់ អិលអូអិលស៊ី និងប្រជាពលរដ្ឋក្នុងសហគមន៍ សរុបចំនួន ៣២៧នាក់ ក្នុងនោះមានស្ត្រីចំនួន ១៩៧នាក់។ វគ្គនេះបានធ្វើឡើងនៅភូមិចំនួន១៦ ក្នុងស្រុកតាវែង ស្រុកវើនសៃ និងស្រុកអូរយ៉ាដាវ ខេត្តរតនគិរី។
វគ្គបណ្តុះបណ្តាលចំណេះដឹងផ្នែកហិរញ្ញវត្ថុតាមរថយន្តឡូរី ដែលបានធ្វើដំណើរផ្សព្វផ្សាយចំណេះដឹងដ៏សំខាន់នេះដល់អតិថិជន និងសាធារណជនឱ្យបានយល់ដឹង

ដើម្បីបន្តលើកកម្ពស់ការអប់រំចំណេះដឹងផ្នែកហិរញ្ញវត្ថុឱ្យកាន់តែទូលំទូលាយ អិលអូអិលស៊ី (LOLC) តែងតែផ្តួចផ្តើម និងរចនាកម្មវិធីថ្មីៗ ដើម្បីផ្តល់ការយល់ដឹងដល់សហគមន៍។ ជាភស្តុតាង ខាងក្រោមនេះគឺជារូបភាពមួយចំនួនពីវគ្គបណ្តុះបណ្តាលចំណេះដឹងផ្នែកហិរញ្ញវត្ថុតាមរថយន្តឡូរី ដែលបានធ្វើដំណើរផ្សព្វផ្សាយចំណេះដឹងដ៏សំខាន់នេះដល់អតិថិជន និងសាធារណជនឱ្យបានយល់ដឹង។ យុទ្ធនាការនេះត្រូវបានអនុវត្តពីថ្ងៃទី៩ ដល់ថ្ងៃទី១៣ ខែមីនា ឆ្នាំ២០២៦ នៅចំនួន ៨ទីតាំង ដោយមានអ្នកចូលរួមផ្ទាល់សរុបចំនួន ១៦៣នាក់ ក្នុងនោះមានស្ត្រី ១១៧នាក់ ពីតំបន់នានា រួមមាន៖ ១. ភូមិព្រែកតាដុល ឃុំពោធិ៍បាន ស្រុកកោះធំ ខេត្តកណ្តាល ២. ភូមិត្របែកពក ឃុំកំពង់កុង ស្រុកកោះធំ ខេត្តកណ្តាល ៣. ភូមិកណ្តាលកោះធំ ឃុំកោះធំ.ក ស្រុកកោះធំ ខេត្តកណ្តាល ៤. ភូមិកំពង់កុង ឃុំកំពង់កុង ស្រុកកោះធំ ខេត្តកណ្តាល ៥. ភូមិដើមពោធិ៍ សង្កាត់ជ្រោយតាកែវ ក្រុងសំពៅពូន ខេត្តកណ្តាល ៦. ភូមិពោធិ៍អណ្តែត សង្កាត់ព្រែកស្តី ក្រុងសំពៅពូន ខេត្តកណ្តាល ៧. ភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្តាល ៨. ភូមិកោះតូច សង្កាត់ឈើខ្មៅ ក្រុងសំពៅពូន ខេត្តកណ្តាល
អិលអូអិលស៊ី និងសមាគមមីក្រូហិរញ្ញវត្ថុកម្ពុជា ផ្តល់ជំនួយមនុស្សធម៌ដល់គ្រួសារជនភៀសសឹក និងកងទ័ពនៅខេត្តភាគខាងជើង នៃព្រះរាជាណាចក្រកម្ពុជា

រាជធានីភ្នំពេញ, ថ្ងៃទី២២ ខែមីនា ឆ្នាំ២០២៦ – គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ដោយសហការជាមួយសមាគមមីក្រូហិរញ្ញវត្ថុកម្ពុជា (CMA) បានរួមគ្នាផ្តល់ជំនួយមនុស្សធម៌ដល់សហគមន៍ជនភៀសសឹក និងកងទ័ពជួរមុខ នៅខេត្តឧត្តរមានជ័យ និងខេត្តបន្ទាយមានជ័យ។ ក្រោមគម្រោងសហការនេះ អិលអូអិលស៊ីបានផ្តល់កាបូប និងសៀវភៅសិក្សា ដល់កុមារនៅតំបន់ជនភៀសសឹក និងកុមារជាកូនៗរបស់យោធិនដើម្បីគាំទ្រដល់ការបន្តការសិក្សារៀនសូត្រ ទោះបីជាកំពុងប្រឈមនឹងស្ថានភាពលំបាកក៏ដោយ។ ជាមួយគ្នានេះ សមាគមមីក្រូហិរញ្ញវត្ថុកម្ពុជា បានប្រគល់ជំនួយជាថវិកា ស្បៀងអាហារ និងសម្ភារៈចាំបាច់ផ្សេងៗ ដល់គ្រួសារជនភៀសសឹក ព្រមទាំងកងទ័ពជួរមុខ ដែលកំពុងបំពេញភារកិច្ចនៅតំបន់ដែលរងផលប៉ះពាល់។ តាមរយៈកិច្ចខិតខំរួមគ្នានេះ ក្រុមការងារបានផ្តល់ជំនួយគាំទ្រដល់គ្រួសារជនភៀសសឹកចំនួន ៣៤៨ គ្រួសារ នៅខេត្តឧត្តរមានជ័យ និងបានផ្តល់ជំនួយដល់កងទ័ពជួរមុខ នៅខេត្តបន្ទាយមានជ័យ ដើម្បីជួយបំពេញតម្រូវការបន្ទាន់ផ្នែកមនុស្សធម៌។ កិច្ចសហការនេះបង្ហាញពីការប្តេជ្ញាចិត្តជាបន្តបន្ទាប់របស់អិលអូអិលស៊ី ក្នុងការអនុវត្តកិច្ចការទទួលខុសត្រូវសង្គម និងការគាំទ្រដល់សហគមន៍ ជាពិសេសនៅក្នុងគ្រាដែលប្រជាពលរដ្ឋកំពុងជួបប្រទះការលំបាក។ អិលអូអិលស៊ី បន្តប្តេជ្ញាចិត្តយ៉ាងមុតមាំ ក្នុងការគាំទ្រដល់សហគមន៍ដែលងាយរងគ្រោះ និងចូលរួមចំណែកក្នុងការពង្រឹងសុខុមាលភាព និងភាពធន់រឹងមាំរបស់សហគមន៍ទៅទូទាំងព្រះរាជាណាចក្រកម្ពុជា។
អិលអូអិលស៊ី (LOLC) បន្តប្តេជ្ញាចិត្តក្នុងការចូលរួមលើកកម្ពស់ការអភិរក្សបរិស្ថាន និងសកម្មភាពសង្គមជាបន្តបន្ទាប់

អិលអូអិលស៊ី (LOLC) បន្តប្តេជ្ញាចិត្តក្នុងការចូលរួមលើកកម្ពស់ការអភិរក្សបរិស្ថាន និងសកម្មភាពសង្គមជាបន្តបន្ទាប់។ ជាផ្នែកមួយនៃការប្តេជ្ញានេះ អិលអូអិលស៊ី សាខាបវេល បានរួមមតិគ្នារៀបចំសកម្មភាពដាំដើមឈើនៅក្នុងបរិវេណសាលាបឋមសិក្សាជ្រោយស្នា ដែលមានទីតាំងស្ថិតនៅភូមិជ្រោយស្នា ឃុំខ្នាចរមាស ស្រុកបវេល ខេត្តបាត់ដំបង។ បន្ថែមពីនេះ សាខាបវេល ក៏បានឧបត្ថម្ភថ្មមិច ទោង និងបង់ថ្ម ដើម្បីលើកកម្ពស់សោភណភាព និងបរិយាកាសសិក្សាឱ្យកាន់តែល្អប្រសើរឡើងផងដែរ។ ព្រឹត្តិការណ៍សហគមន៍នេះ បានប្រព្រឹត្តទៅនៅថ្ងៃទី២១ ខែកុម្ភៈ ឆ្នាំ២០២៦។ តាមរយៈសកម្មភាពដ៏មានអត្ថន័យនេះ បានរួមចំណែកផ្តល់សារដ៏សំខាន់មួយដល់សិស្សានុសិស្សអំពីអត្ថប្រយោជន៍នៃការដាំដើមឈើ ដែលមានតម្លៃយ៉ាងខ្លាំងចំពោះបរិស្ថាន។ អិលអូអិលស៊ី សង្ឃឹមថា សកម្មភាពដែលបានអនុវត្តនៅថ្ងៃនេះ នឹងក្លាយជាគំរូល្អសម្រាប់ក្មេងជំនាន់ក្រោយ អនុវត្តតាម ដើម្បីរួមចំណែកការពារ និងថែរក្សាបរិស្ថានរបស់យើងទាំងអស់គ្នា។
អិលអូអិលស៊ី (LOLC) សាខា ៧ មករា–សង្កាត់បឹងព្រលឹត បានរៀបចំព្រឹត្តិការណ៍សហគមន៍មួយនៅសាលាបឋមសិក្សាព្រែករាំង ខណ្ឌជ្រោយចង្វារ រាជធានីភ្នំពេញ

ការអប់រំគឺជាមូលដ្ឋានដ៏សំខាន់សម្រាប់ការកសាងអនាគត ដោយមើលឃើញពីសារៈសំខាន់នេះហើយ អិលអូអិលស៊ី (LOLC) បានចូលរួមចំណែកជាច្រើនលើការងារសង្គម ក៏ដូចជាគាំទ្រ និងលើកកម្ពស់វិស័យអប់រំក្នុងសហគមន៍ផងដែរ។ កាលពីថ្ងៃទី២០ ខែធ្នូ ឆ្នាំ២០២៥ អិលអូអិលស៊ី (LOLC) សាខា ៧ មករា–សង្កាត់បឹងព្រលឹត បានរៀបចំព្រឹត្តិការណ៍សហគមន៍មួយនៅសាលាបឋមសិក្សាព្រែករាំង ខណ្ឌជ្រោយចង្វារ រាជធានីភ្នំពេញ ដោយបានឧបត្ថម្ភសម្ភារសិក្សាចាំបាច់ជូនដល់សិស្សានុសិស្ស។ ការគាំទ្រនេះបានជួយផ្តល់កម្លាំងចិត្តដល់កុមារ ក្នុងការខិតខំប្រឹងប្រែងរៀនសូត្រ និងអភិវឌ្ឍសមត្ថភាពរបស់ខ្លួន។ អិលអូអិលស៊ី (LOLC) ជឿជាក់ថា ការគាំទ្រលើការអប់រំនៅថ្ងៃនេះ គឺជាគ្រឹះដ៏រឹងមាំសម្រាប់ការកសាងជំនាន់ថ្មីដែលមានចំណេះដឹង វិន័យ និងទំនួលខុសត្រូវ ក្នុងការចូលរួមអភិវឌ្ឍសង្គមជាតិឱ្យកាន់តែរីកចម្រើន។
អិលអូអិលស៊ី (LOLC) បានបន្តរៀបចំវគ្គបណ្តុះបណ្តាលយ៉ាងសកម្ម និងទទួលបានការចាប់អារម្មណ៍យ៉ាងខ្លាំងពីសំណាក់អ្នកចូលរួម ក្រោមប្រធានបទ «យល់ដឹងអំពីប្រាក់កម្ចី និងការគ្រប់គ្រងប្រាក់កម្ចី»

នៅដើមឆ្នាំ២០២៦ ក្នុងខែមករា ក្រុមការងាររបស់ អិលអូអិលស៊ី (LOLC) បានបន្តរៀបចំវគ្គបណ្តុះបណ្តាលយ៉ាងសកម្ម និងទទួលបានការចាប់អារម្មណ៍យ៉ាងខ្លាំងពីសំណាក់អ្នកចូលរួម ក្រោមប្រធានបទ «យល់ដឹងអំពីប្រាក់កម្ចី និងការគ្រប់គ្រងប្រាក់កម្ចី»។ តាមរយៈវគ្គបណ្តុះបណ្តាលនេះ បានផ្តល់ការយល់ដឹងដល់អ្នកចូលរួមពីចំណេះដឹងសំខាន់ៗអំពីការប្រើប្រាស់ប្រាក់កម្ចីឱ្យបានត្រឹមត្រូវ និងការគ្រប់គ្រងប្រាក់កម្ចីឱ្យមានប្រសិទ្ធភាព។ ខាងក្រោមនេះ គឺជារូបភាពមួយចំនួនពីវគ្គបណ្តុះបណ្តាលសរុបចំនួន ៦៤ វគ្គ ដែលបានរៀបចំឡើងចាប់ពីថ្ងៃទី ៥ ដល់ថ្ងៃទី ៣០ ខែមករា ឆ្នាំ២០២៦ ដោយមានអ្នកចូលរួមសរុបចំនួន ១,២៦០ នាក់ ក្នុងនោះមានស្ត្រីចូលរួមចំនួន ៨០៩ នាក់ នៅតាមតំបន់នានា ដូចបានរៀបរាប់ខាងក្រោម។ ១. ស្រុកវើនសៃ ខេត្តរតនគិរី ២. ស្រុកអូរជុំ ខេត្តរតនគិរី ៣. ស្រុកអណ្តូងមាស ខេត្តរតនគិរី ៤. ស្រុកបរកែវ ខេត្តរតនគិរី ៥. ស្រុកឆ្លូង ខេត្តក្រចេះ ៦. ស្រុកពញាក្រែក ខេត្តត្បូងឃ្មុំ ៧. ស្រុកក្រូចឆ្មារ ខេត្តត្បូងឃ្មុំ ៨. ស្រុកស្ទឹងត្រង់ ខេត្តកំពង់ចាម ៩. ស្រុកស្វាយជ្រំ ខេត្តស្វាយរៀង ១០. ស្រុកស្វាយទាប ខេត្តស្វាយរៀង ១១. ស្រុកកោះអណ្តែត ខេត្តតាកែវ
កម្មវិធីអប់រំចំណេះដឹងផ្នែកហិរញ្ញវត្ថុ គឺជាផ្នែកដ៏សំខាន់មួយក្នុងការលើកកម្ពស់បរិយាបន្នហិរញ្ញវត្ថុនៅ អិលអូអិលស៊ី

កម្មវិធីអប់រំចំណេះដឹងផ្នែកហិរញ្ញវត្ថុ គឺជាផ្នែកដ៏សំខាន់មួយក្នុងការលើកកម្ពស់បរិយាបន្នហិរញ្ញវត្ថុនៅ អិលអូអិលស៊ី។ តាមរយៈការប្តេជ្ញាចិត្តយ៉ាងមុតមាំ អិលអូអិលស៊ី បានផ្តួចផ្តើមបង្កើតកម្មវិធី និងយុទ្ធនាការថ្មីៗ ដើម្បីពង្រីកការផ្សព្វផ្សាយចំណេះដឹងដ៏មានប្រយោជន៍នេះឱ្យកាន់តែទូលំទូលាយ។ ថ្មីៗនេះ យុទ្ធនាការផ្តល់ចំណេះដឹងផ្នែកហិរញ្ញវត្ថុតាមរថយន្តឡូរី ត្រូវបានបង្កើតឡើងដើម្បីបន្ថែម និងគាំទ្រដល់វគ្គបណ្តុះបណ្តាលចំណេះដឹងផ្នែកហិរញ្ញវត្ថុតាមសហគមន៍។ ចាប់ពីថ្ងៃទី៩ ដល់ថ្ងៃទី១៣ ខែកុម្ភៈ ឆ្នាំ២០២៦ ក្រុមការងាររបស់ អិលអូអិលស៊ី (LOLC) បានអនុវត្តការផ្សព្វផ្សាយចំណេះដឹងផ្នែកហិរញ្ញវត្ថុតាមរថយន្តឡូរី នៅ៨ទីតាំង ដោយមានអ្នកចូលរួមផ្ទាល់សរុប ១៦៦នាក់ ក្នុងនោះមានស្ត្រី ១១៦នាក់ តាមតំបន់នានា រួមមាន៖ ១. ភូមិក្រាំងពន្លៃ ឃុំគិរីវ័ន្ត ស្រុកភ្នំស្រួច ខេត្តកំពង់ស្ពឺ ២. ភូមិទួល ឃុំមហាសាំង ស្រុកភ្នំស្រួច ខេត្តកំពង់ស្ពឺ ៣. ភូមិព្រៃឈើទាល ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ ៤. ភូមិរំដួល៨៨ ឃុំអូរ ស្រុកភ្នំស្រួច ខេត្តកំពង់ស្ពឺ ៥. ភូមិក្បាលទឹកលើ ឃុំជាំសង្កែ ស្រុកភ្នំស្រួច ខេត្តកំពង់ស្ពឺ ៦. ភូមិក្អែកពង ឃុំតាំងស្យា ស្រុកភ្នំស្រួច ខេត្តកំពង់ស្ពឺ ៧. ភូមិក្រាំងតាកន ឃុំតាំងស្យា ស្រុកភ្នំស្រួច ខេត្តកំពង់ស្ពឺ
អតិថិជន និងអ្នកភូមិចំនួន ១.១៣៤នាក់ ក្នុងនោះមានស្ត្រី ៧៩០នាក់ បានស្ម័គ្រចិត្តចូលរួមវគ្គបណ្តុះបណ្តាលអប់រំចំណេះដឹងផ្នែកហិរញ្ញ

ឆ្លៀតពេលដ៏មានតម្លៃ អតិថិជន និងអ្នកភូមិចំនួន ១.១៣៤នាក់ ក្នុងនោះមានស្ត្រី ៧៩០នាក់ បានស្ម័គ្រចិត្តចូលរួមវគ្គបណ្តុះបណ្តាលអប់រំចំណេះដឹងផ្នែកហិរញ្ញវត្ថុក្រោមប្រធានបទ «យល់ដឹងអំពីប្រាក់កម្ចី និងការគ្រប់គ្រងប្រាក់កម្ចី» ដែលរៀបចំដោយ អិលអូអិលស៊ី ចាប់ពីថ្ងៃទី២ ដល់ថ្ងៃទី២៧ ខែកុម្ភៈ ឆ្នាំ២០២៦។ តាមរយៈវគ្គបណ្តុះបណ្តាលនេះ អ្នកចូលរួមទទួលបានចំណេះដឹងសំខាន់ៗ រួមមាន ការវាយតម្លៃស្ថានភាពបំណុលផ្ទាល់ខ្លួន ការគណនាសមត្ថភាពបង់សងប្រាក់ និងវិធីសាស្ត្រគ្រប់គ្រងប្រាក់កម្ចីឱ្យបានត្រឹមត្រូវ និងមានប្រសិទ្ធភាព។ ខាងក្រោមនេះ គឺជារូបភាពមួយចំនួនពីវគ្គបណ្តុះបណ្តាលសរុបចំនួន ៦៥វគ្គ ដែលបានរៀបចំឡើងនៅតាមស្រុកនានាចំនួន ១៥ស្រុក ក្នុង ៦ខេត្តរួមមានខេត្តរតនគិរី ខេត្តកំពង់ឆ្នាំង ខេត្តស្ទឹងត្រែង ខេត្តត្បូងឃ្មុំ និងខេត្តស្វាយរៀង។
អិលអូអិលស៊ី (LOLC) សាខាស្រុកកៀនស្វាយ មានសេចក្តីរីករាយ ក្នុងការចូលរួមគាំទ្រការអប់រំរបស់ក្មួយៗសិស្សានុសិស្ស នៅសាលាបឋមសិក្សាទួលសូភី

ការចូលរួមលើកកម្ពស់វិស័យអប់រំ គឺជាការរួមចំណែកដ៏សំខាន់ក្នុងការអភិវឌ្ឍធនធានមនុស្ស និងជំរុញភាព រីកចម្រើនរបស់ប្រទេសជាតិ។ នៅថ្ងៃទី២១ ខែកុម្ភៈ ឆ្នាំ២០២៦ អិលអូអិលស៊ី (LOLC) សាខាស្រុកកៀនស្វាយ មានសេចក្តីរីករាយ ក្នុងការចូលរួមគាំទ្រការអប់រំរបស់ក្មួយៗសិស្សានុសិស្ស នៅសាលាបឋមសិក្សាទួលសូភី ដែលមានទីតាំងស្ថិតនៅភូមិស្តៅកន្លែងទី៥ ឃុំដីឥដ្ឋ ស្រុកកៀនស្វាយ ខេត្តកណ្តាល ដោយបានផ្តល់ជូនកាតាបស្ពាយ និងសម្ភារសិក្សាសំខាន់ៗមួយចំនួន ដើម្បីលើកទឹកចិត្តឱ្យពួកគាត់ខិតខំសិក្សា ដែលជាស្ពាននាំទៅរកអនាគតដ៏ភ្លឺស្វាង។ បន្ថែមពីនេះ អិលអូអិលស៊ី (LOLC) សាខាស្រុកកៀនស្វាយ ក៏បានឧបត្ថម្ភធុងសំរាមមួយចំនួនប្រគល់ជូន សាលាផងដែរ ដើម្បីឱ្យសិស្សានុសិស្សទាំងអស់អាចទុកដាក់សំរាមបានត្រឹមត្រូវ ដែលជាការរួមចំណែកលើក កម្ពស់បរិស្ថានស្អាតក្នុងបរិវេណសាលារៀន។
លើកកម្ពស់សេវាសាធារណៈ និងចូលរួមចំណែកអភិវឌ្ឍសហគមន៍មូលដ្ឋានរបស់យើង!

កាលពីថ្ងៃទី២០ ខែធ្នូ ឆ្នាំ២០២៥ អិលអូអិលស៊ី (LOLC) សាខាស្រុកព្រៃឈរ បានឧបត្ថម្ភសម្ភារចាំបាច់ជូនសាលាឃុំល្វា ស្ថិតនៅស្រុកព្រៃឈរ ខេត្តកំពង់ចាម ដើម្បីពង្រឹងបរិក្ខារសាធារណៈ និងសម្រួលដល់ការផ្តល់សេវាជូនប្រជាពលរដ្ឋ។ សកម្មភាពនេះបង្ហាញពីស្មារតីទំនួលខុសត្រូវសង្គម និងការចូលរួមយ៉ាងសកម្មរបស់ អិលអូអិលស៊ី (LOLC) ក្នុងការរួមចំណែកកសាងសហគមន៍ឱ្យកាន់តែរីកចម្រើន និងលើកកម្ពស់សេវាសាធារណៈដល់សហគមន៍មូលដ្ឋាន។
នៅថ្ងៃទី២០ ខែធ្នូ ឆ្នាំ២០២៥ អិលអូអិលស៊ី សាខាស្រុកឧដុង្គម៉ែជ័យ បានរៀបចំព្រឹត្តិការណ៍សហគមន៍មួយ ដើម្បីលើកកម្ពស់សោភណភាព និងបរិស្ថាននៅសាលាបឋមសិក្សាអង្រ្គង ស្ថិតនៅស្រុកសាមគ្គីមុនីជ័យ ខេត្តកំពង់ស្ពឺ

អិលអូអិលស៊ី (LOLC) បន្តចូលរួមយ៉ាងសកម្មជាមួយសហគមន៍នៅទូទាំងប្រទេស! នៅថ្ងៃទី២០ ខែធ្នូ ឆ្នាំ២០២៥ អិលអូអិលស៊ី សាខាស្រុកឧដុង្គម៉ែជ័យ បានរៀបចំព្រឹត្តិការណ៍សហគមន៍មួយ ដើម្បីលើកកម្ពស់សោភណភាព និងបរិស្ថាននៅសាលាបឋមសិក្សាអង្រ្គង ស្ថិតនៅស្រុកសាមគ្គីមុនីជ័យ ខេត្តកំពង់ស្ពឺ។ ក្នុងឱកាសនោះ អិលអូអិលស៊ី (LOLC) បានចែកជូនសម្ភារសិក្សាដល់សិស្សានុសិស្ស ផ្តល់អំពូលសូឡាដល់សាលារៀន និងចូលរួមដាំកូនឈើក្នុងបរិវេណសាលា ដើម្បីផ្តល់ជាម្លប់ និងលើកកម្ពស់ការយល់ដឹងអំពីការថែរក្សាបរិស្ថាន។ សកម្មភាពទាំងនេះ មិនត្រឹមតែគាំទ្រការអប់រំប៉ុណ្ណោះទេ ប៉ុន្តែថែមទាំងជួយបង្កើតបរិយាកាសសិក្សាដ៏ល្អប្រសើរ និងជំរុញទឹកចិត្តដល់សិស្សានុសិស្សឱ្យមានការចូលរួមថែរក្សាបរិស្ថានសាលារៀន និងសហគមន៍របស់ខ្លួន។
អិលអូអិលស៊ី បានផ្តល់វគ្គបណ្តុះបណ្តាលស្តីពី «ការយល់ដឹងអំពីប្រាក់កម្ចី និងការគ្រប់គ្រងប្រាក់កម្ចី» ដល់អតិថិជន និងប្រជាពលរដ្ឋនៅក្នុងសហគមន៍

ក្នុងនាមជាគ្រឹះស្ថានហិរញ្ញវត្ថុដែលមានការទទួលខុសត្រូវចំពោះសង្គម អិលអូអិលស៊ី (LOLC) បានបន្តជំរុញ និងលើកកម្ពស់ការយល់ដឹងផ្នែកហិរញ្ញវត្ថុ ដែលជាគ្រឹះដ៏សំខាន់សម្រាប់មនុស្សគ្រប់រូបក្នុងការរស់នៅ និងការគ្រប់គ្រងជីវភាពប្រចាំថ្ងៃ។ ជាក់ស្តែង អិលអូអិលស៊ី បានផ្តល់វគ្គបណ្តុះបណ្តាលស្តីពី «ការយល់ដឹងអំពីប្រាក់កម្ចី និងការគ្រប់គ្រងប្រាក់កម្ចី» ដល់អតិថិជន និងប្រជាពលរដ្ឋនៅក្នុងសហគមន៍ ដោយផ្តោតលើចំណេះដឹងមូលដ្ឋានចាំបាច់ក្នុងការប្រើប្រាស់ប្រាក់កម្ចីឱ្យមានប្រសិទ្ធភាព និងការការពារខ្លួនពីហានិភ័យនៃបំណុលលើសលប់។ ចាប់ពីថ្ងៃទី២២ ដល់ថ្ងៃទី២៦ ខែធ្នូ ឆ្នាំ២០២៥ ក្រុមការងាររបស់ អិលអូអិលស៊ី (LOLC) បានរៀបចំវគ្គបណ្តុះបណ្តាលសរុបចំនួន ២៧ វគ្គ ដោយមានអ្នកចូលរួមសរុបចំនួន ៥៧២ នាក់ ក្នុងនោះមានស្ត្រីចំនួន ៤០១ នាក់ តាមតំបន់នានា រួមមាន៖ ១. ស្រុកកំពង់ត្របែក ខេត្តព្រៃវែង ២. ស្រុកព្រះស្ដេច ខេត្តព្រៃវែង ៣. ស្រុកបាភ្នំ ខេត្តព្រៃវែង ៤. មេសាង ខេត្តព្រៃវែង ៥. ស្រុកបរកែវ ខេត្តរតនគិរី ៦. ស្រុកអូរជុំ ខេត្តរតនគិរី ៧. ស្រុកត្បូងឃ្មុំ ខេត្តត្បូងឃ្មុំ
ជាការពិតណាស់! ចំណេះដឹងផ្នែកហិរញ្ញវត្ថុមានសារៈសំខាន់យ៉ាងខ្លាំងសម្រាប់មនុស្សគ្រប់រូប។

ជាការពិតណាស់! ចំណេះដឹងផ្នែកហិរញ្ញវត្ថុមានសារៈសំខាន់យ៉ាងខ្លាំងសម្រាប់មនុស្សគ្រប់រូប។ អិលអូអិលស៊ី (LOLC) ដែលជាគ្រឹះស្ថានហិរញ្ញវត្ថុមួយតែងតែយកចិត្តទុកដាក់ចំពោះសង្គម បានបន្តលើកកម្ពស់ចំណេះដឹងផ្នែកហិរញ្ញវត្ថុ ដោយផ្តល់ការយល់ដឹងអំពី “ការគ្រប់គ្រងកម្ចី” ដល់អតិថិជន និងប្រជាពលរដ្ឋក្នុងសហគមន៍។ ក្នុងនោះ ក្រុមការងាររបស់ អិលអូអិលស៊ី (LOLC) បានរៀបចំវគ្គបណ្តុះបណ្តាលសរុបចំនួន ១៤ វគ្គ ចាប់ពីថ្ងៃទី១៥ ដល់ថ្ងៃទី១៩ ខែធ្នូ ឆ្នាំ ២០២៥ ដោយមានអ្នកចូលរួមសរុបចំនួន ១៨៤នាក់ ដែលក្នុងនោះមានស្ត្រីចំនួន ១២១នាក់ នៅតាមតំបន់ដូចបានរៀបរាប់ខាងក្រោម៖ ១. ស្រុកចំការលើ ខេត្តកំពង់ចាម ២. ស្រុកស្ទឹងត្រង់ ខេត្តកំពង់ចាម ៣. ស្រុកត្បូងឃ្មុំ ខេត្តត្បូងឃ្មុំ វគ្គបណ្តុះបណ្តាលនេះបានផ្តល់ឱ្យអ្នកចូលរួមនូវចំណេះដឹងមូលដ្ឋានសំខាន់ៗ ស្តីពីការប្រើប្រាស់ប្រាក់កម្ចីឱ្យបានត្រឹមត្រូវ និងការជៀសវាងការធ្លាក់ចូលក្នុងស្ថានភាពបំណុលលើសលប់ ដែលជាផ្នែកមួយនៃការអនុវត្តគោលការណ៍ផ្តល់កម្ចីប្រកបដោយទំនួលខុសត្រូវរបស់ អិលអូអិលស៊ី (LOLC)។

អិលអូអិលស៊ី (ខេមបូឌា) ភីអិលស៊ី បានបម្រើដល់សាធារណជន និងសង្គមកម្ពុជា អស់រយៈពេលជាង៣២ឆ្នាំមកហើយ ហើយក៏ត្រូវបានទទួលស្គាល់ពីស្ថាប័នហិរញ្ញវត្ថុជាតិ និងអន្តរជាតិផងដែរ។ ផលិតផល និងសេវាកម្មរបស់យើង ត្រូវបានបង្កើតឡើងដើម្បីសម្រួលដល់ជីវភាពរស់នៅរបស់អតិថិជនកម្ពុជា។

អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា