បងស្រី ម៉ៅ ចន្ធី គឺជាម្ចាស់ភោជនីយដ្ឋាន “ម្លប់ឈើទាល” ដែលមានទីតាំងស្ថិតនៅភូមិកំពង់ត្រាច ឃុំកំពង់ត្រាច ស្រុករមាសហែក ខេត្តស្វាយរៀង។
ផ្តើមចេញពីមុខរបរតូចមួយដែលមានលក្ខណៈបែបគ្រួសារ រហូតក្លាយជាម្ចាស់ភោជនីយដ្ឋានដែលទទួលការគាំទ្រយ៉ាងច្រើនពីសំណាក់អតិថិជន ក្រោយពីបានប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីពង្រីកអាជីវកម្ម។ បងស្រី ចន្ធី បានចែករំលែកពីភាពជោគជ័យលើអាជីវកម្មរបស់គាត់អស់រយៈពេល ១៧ឆ្នាំមកនេះ ដូច្នេះថា ដំបូងឡើយព្រោះតែទេពកោសល្យ និងជំនាញក្នុងការធ្វើម្ហូប គាត់ក៏បានចាប់ផ្តើមមុខរបរជាអ្នកលក់ស៊ុបនៅក្នុងភូមិបែបគ្រួសារតូចមួយ។ ក្រោយមក មុខរបរលក់ស៊ុបរបស់គាត់ក៏ទទួលបានការគាំទ្រពីអតិថិជនកាន់តែច្រើនឡើង ដែលជាហេតុនាំឱ្យ បងស្រី និងស្វាមីបានរៀបចំផែនការក្នុងការពង្រីកទីតាំងអាជីវកម្ម ដើម្បីឆ្លើយតបទៅនឹងកំណើននៃតម្រូវការអតិថិជនរបស់ពួកគាត់។ ទោះបីជាយ៉ាងណាក៏ដោយ កង្វះខាតដើមទុននៅតែជាបញ្ហាសម្រាប់ពួកគាត់ ក្នុងដំណើរពង្រីកអាជីវកម្មមួយនេះ។
ដំណោះស្រាយ ក៏បានកើតមាននៅពេលដែល បងស្រី ចន្ធី បានប្រឹក្សា និងបង្ហាញពីគោលបំណងនៃការចង់ពង្រីកអាជីវកម្មរបស់គាត់ទៅកាន់បុគ្គលិក អិលអូអិលស៊ី (LOLC) ម្នាក់ ដែលជាអតិថិជនមួយរូបរបស់គាត់ផងដែរ ដែលតែងតែមកញ៉ាំស៊ុបនៅតូបគាត់ជាប្រចាំ។ ក្នុងឆ្នាំ២០២១ បងស្រី និងស្វាមីក៏បានសម្រេចចិត្តស្នើប្រាក់កម្ចីលើកដំបូងចំនួន ១១.០០០ដុល្លារ ដើម្បីកែលម្អទីតាំងលក់ស៊ុបរបស់គាត់ឱ្យមានភាពធំទូលាយជាងមុន បន្ទាប់មកនៅក្នុងឆ្នាំ២០២៣ គាត់បានស្នើប្រាក់កម្ចីបន្ថែមចំនួន ២០.០០០ដុល្លារ ដើម្បីទិញដីជាប់ផ្ទះសម្រាប់សាងសង់ ភោជនីយដ្ឋាន និងរៀបចំចំណតម៉ូតូ និងរថយន្តឱ្យកាន់តែធំទូលាយសម្រាប់អតិថិជនរបស់គាត់។
បន្ទាប់ពីការសាងសង់ទីតាំងអាជីវកម្មថ្មីបានសម្រេចហើយ បងស្រី ចន្ធី បានផ្លាស់ប្តូរហាងស៊ុបតូចមួយរបស់គាត់ទៅជាភោជនីយដ្ឋាន ដែលមានទីតាំងធំទូលាយ ដោយមានសេវាកម្មលក់ម្ហូបអាហារកុម៉្មង់ជាច្រើនប្រភេទ សម្រាប់អតិថិជនដែលមកទទួលទាននៅភោជនីយដ្ឋានផ្ទាល់ និងការវេចខ្ចប់តាមតម្រូវការរបស់អតិថិជនផងដែរ។ ទាំងនេះហើយជាហេតុដែលធ្វើឱ្យគាត់អាចទាក់ទាញអតិថិជនកាន់តែច្រើនឡើងៗ។
តាមរយៈការប្រើប្រាស់ប្រាក់កម្ចីពី អិលអូអិលស៊ី (LOLC) ទាំងពីរវគ្គនេះ មិនត្រឹមតែជួយឱ្យអាជីវកម្ម បងស្រី រីកចម្រើនប៉ុណ្ណោះទេ ប៉ុន្តែថែមទាំងលើកស្ទួយកម្រិតជីវភាពគ្រួសារ និងប្រាក់ចំណូលរបស់គាត់ឱ្យកើនឡើងផងដែរ។ បងស្រី ចន្ធី បានលើកឡើងថា “ប្រាក់កម្ចីពី អិលអូអិលស៊ី (LOLC) ពិតជាបានលើកស្ទួយជីវភាពគ្រួសារ និងធ្វើឱ្យអាជីវកម្មរបស់ខ្ញុំមានការរីកចម្រើនយ៉ាងពិតប្រាកដ ហើយថែមទាំងបានជួយបង្កើនទ្រព្យសម្រាប់គ្រួសាររបស់ខ្ញុំ តាមរយៈការទិញដីជាប់ផ្ទះមួយកន្លែង ដើម្បីសាងសង់ភោជនីយដ្ឋានផងដែរ។
បងប្រុស នឿន ធីន ជាម្ចាស់សិប្បកម្មកិនស័ង្កសី និងជាអាជីវករលក់គ្រឿងសំណង់មួយរូប ស្ថិតនៅភូមិព្រៃព្រីងខាងជើង១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ខ្ញុំពិតជាសប្បាយចិត្តជាខ្លាំង ព្រោះសិប្បកម្ម និងអាជីវកម្មរបស់ខ្ញុំទទួលបានភាពរីកចម្រើន ដែលអាចបំពេញតម្រូវការអតិថិជនបានយ៉ាងល្អប្រសើរ បន្ទាប់ពីខ្ញុំមានដើមទុនគ្រប់គ្រាន់សម្រាប់ប្រើប្រាស់។” ប្រសាសន៍របស់បងប្រុស នឿន ធីន ជាម្ចាស់សិប្បកម្មកិនស័ង្កសី និងជាអាជីវករលក់គ្រឿងសំណង់មួយរូប ស្ថិតនៅភូមិព្រៃព្រីងខាងជើង១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បងប្រុស ធីន បានរៀបរាប់ពីមូលហេតុដែលធ្វើឱ្យគាត់មានដើមទុនគ្រប់គ្រាន់សម្រាប់គាំទ្រដល់សិប្បកម្ម និងអាជីវកម្មរបស់គាត់បែបនេះថា ខណៈពេលដែលគាត់កំពុងខ្វះខាតដើមទុន សម្រាប់ទិញស័ង្កសីពីក្រៅប្រទេស និងមិនមានអីវ៉ាន់គ្រប់គ្រាន់សម្រាប់ផ្គត់ផ្គង់តម្រូវការទីផ្សារក្នុងស្រុកជូនទៅកាន់អតិថិជនផងនោះ បងប្រុស ក៏បានស្គាល់ អិលអូអិលស៊ី (LOLC) ដោយចៃដន្យ។ បន្ទាប់មក បងប្រុស ធីន ក៏បានជួបពិភាក្សាជាមួយបុគ្គលិកជំនាញផ្នែកប្រឹក្សាសេវាហិរញ្ញវត្ថុអំពីតម្រូវការដើមទុនសម្រាប់ពង្រីកសិប្បកម្ម និងអាជីវកម្មរបស់គាត់។
បងប្រុស ធីន បានប្រើប្រាស់ប្រាក់កម្ចីចំនួនពីរវគ្គពី អិលអូអិលស៊ី (LOLC) ដើម្បីអភិវឌ្ឍសិប្បកម្មកិនស័ង្កសី និងអាជីវកម្មលក់គ្រឿងសំណង់របស់គាត់ ដែលលើកទីមួយចំនួន ១៥.០០០ដុល្លារ ក្នុងឆ្នាំ២០២៣ និងលើកទីពីរចំនួន ២០.០០០ដុល្លារ នៅឆ្នាំ២០២៤។ ក្រោយពីបានប្រើប្រាស់ប្រាក់កម្ចីពី អិលអូអិលស៊ី (LOLC) មក សិប្បកម្ម និងអាជីវកម្មរបស់គាត់មានដំណើរការកាន់តែរីកលូតលាស់ជាងមុន ហើយគាត់អាចផ្គត់ផ្គង់ និងបំពេញតម្រូវការអតិថិជនរបស់គាត់បានយ៉ាងល្អប្រសើរ។
តាមរយៈភាពរីកចម្រើននៃមុខរបររបស់ បងប្រុស ធីន បានធ្វើឱ្យជីវភាពគ្រួសារគាត់ផ្លាស់ប្តូរកាន់តែល្អប្រសើរ ដោយគាត់មានលទ្ធភាពកែប្រែគេហដ្ឋានរបស់គាត់ពីផ្ទះឈើចាស់ទៅជាផ្ទះល្វែងថ្មីដ៏ស្រស់ស្អាតប្រកបដោយផាសុកភាព រួមទាំងមានសម្ភារប្រើប្រាស់គ្រប់គ្រាន់ និងមធ្យោបាយធ្វើដំណើរដូចជាម៉ូតូ ឡាន សម្រាប់ប្រើប្រាស់ក្នុងគ្រួសារទៀតផង។
បងប្រុស ដាឡែត គឺជាជាងជួសជុលរថយន្តដ៏ជំនាញម្នាក់ នៅភូមិហាន់ជ័យទី៣ ឃុំហាន់ជ័យ ស្រុកឆ្លូង ខេត្តក្រចេះ។
ខណៈពេលកំពុងជួសជុលរថយន្តបណ្តើរ បងប្រុស ទិត ដាឡែត បានរៀបរាប់បណ្តើរថា “មុខរបរជួសជុលរថយន្តរបស់ខ្ញុំមានភាពរីកចម្រើន និងរលូនទៅមុខជាងមុន បន្ទាប់ពីខ្ញុំបានប្រើប្រាស់ប្រាក់កម្ចីពី អិលអូអិលស៊ី (LOLC) សម្រាប់ធ្វើជាដើមទុនដើម្បីពង្រីកអាជីវកម្ម។”
បងប្រុស ដាឡែត គឺជាជាងជួសជុលរថយន្តដ៏ជំនាញម្នាក់ នៅភូមិហាន់ជ័យទី៣ ឃុំហាន់ជ័យ ស្រុកឆ្លូង ខេត្តក្រចេះ។ បងប្រុស មានឆន្ទៈខ្ពស់ក្នុងការរកប្រាក់ចំណូលសម្រាប់ផ្គត់ផ្គង់គ្រួសារ ហើយគាត់ក៏បានពង្រីកមុខរបរជួសជុលរថយន្តរបស់គាត់ឱ្យមានភាពរីកចម្រើនជាងមុន និងអាចទាក់ទាញចិត្តអតិថិជនមកជួសជុល និងប្រើប្រាស់សេវាកម្មនៅកន្លែងគាត់កាន់តែច្រើនឡើងៗ ព្រោះតែជំនាញ និងភាពប៉ិនប្រសប់របស់គាត់លើមុខរបរនេះ។ ភាពរីកចម្រើននេះ បានលើកកម្ពស់ជីវភាពរស់នៅក្នុងគ្រួសាររបស់ បងប្រុស ដាឡែត ឱ្យកាន់តែល្អប្រសើរ។
ក្នុងកិច្ចសម្ភាស បងប្រុស ដាឡែត បានបង្ហើបថា គាត់បានពង្រីកមុខរបរជួសជុលរថយន្តរបស់គាត់បានទាំងស្រុង គឺដោយសារគាត់បានប្រើប្រាស់ប្រាក់កម្ចីដែលជាការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ចំនួនពីរវគ្គ ដើម្បីទិញគ្រឿងបន្លាស់ និងសម្ភារសម្រាប់ជួសជុលរថយន្ត ហើយបានប្រើប្រាស់ប្រាក់កម្ចីមួយចំណែកទៀតដើម្បីទិញដីចម្ការសម្រាប់ទុកជាទ្រព្យផងដែរ។
ជាមួយនឹងស្នាមញញឹមប្រកបដោយក្តីសប្បាយរីករាយ បងប្រុស ដាឡែត បានអរគុណដល់ អិលអូអិលស៊ី (LOLC) ដែលបានផ្តល់ជាការគាំទ្រផ្នែកហិរញ្ញវត្ថុជាផលិតផលប្រាក់កម្ចី រួមជាមួយលក្ខខណ្ឌដ៏ល្អប្រសើរសម្រាប់គាត់ ដើម្បីប្រើប្រាស់ក្នុងការពង្រីកអាជីវកម្ម និងបានធ្វើឱ្យអាជីវកម្មរបស់គាត់មានភាពរីកចម្រើន ព្រមទាំងធ្វើឱ្យប្រាក់ចំណូលក្នុងគ្រួសាររបស់គាត់កើនឡើងជាងមុន។
បងស្រី ផុន ធារ៉ា បានកំពុងមមាញឹកក្នុងការប្រកបមុខរបរជាអ្នកលក់ម្ហូបអាហារ និង សាច់ក្រក ងៀតគោ និងងៀតក្របី ដែលមានទីតាំងស្ថិតនៅក្នុងភូមិស្គរដាច់ ឃុំតាកោ ស្រុកព្រៃវែង ខេត្តព្រៃវែង។
ក្នុងនាមជាស្រ្តីមួយរូបប្រកបដោយភាពស្វាហាប់ ទំនួលខុសត្រូវសម្រាប់ក្រុមគ្រួសារ បងស្រី ផុន ធារ៉ា បានកំពុងមមាញឹកក្នុងការប្រកបមុខរបរជាអ្នកលក់ម្ហូបអាហារ និង សាច់ក្រក ងៀតគោ និងងៀតក្របី ដែលមានទីតាំងស្ថិតនៅក្នុងភូមិស្គរដាច់ ឃុំតាកោ ស្រុកព្រៃវែង ខេត្តព្រៃវែង។ រីឯស្វាមីរបស់គាត់ បងប្រុស ស៊ឹម វត្ថា មានមុខរបរជាគ្រូបង្រៀនមួយរូបស្ថិតនៅក្នុងសាលាបឋមសិក្សាតាកោ។ ពួកគាត់មានកូនស្រីចំនួនពីរនាក់ដែលបច្ចុប្បន្នកូនស្រីទី១ អាយុ ២៤ឆ្នាំ មានមុខរបរជាអ្នកលក់ម្ហូបអាហារនៅទីក្រុងភ្នំពេញ និងកូនស្រីទី២ មានអាយុ ២១ឆ្នាំ ជួយលក់ម្ហូបអាហារជាមួយបងស្រី ធារ៉ា ផងដែរ។
ដោយមិនខ្លាចពីភាពនឿយហត់ក្នុងការស្វែងរកប្រាក់ចំណូលសម្រាប់ផ្គត់ផ្គង់ជីវភាពគ្រួសារ បងស្រី ធារ៉ា បានស្វះស្វែងក្នុងការខិតខំ និងធ្វើយ៉ាងណាឱ្យអតិថិជនពេញចិត្តនូវរសជាតិម្ហូបអាហាររបស់គាត់។ ជាលទ្ធផល ការលក់ដូររបស់បងស្រី ធារ៉ា ពិតជាទទួលបានការគាំទ្រជាខ្លាំងពីសំណាក់អតិថិជនគ្រប់រូប។ មូលហេតុនេះហើយបានលើកទឹកចិត្តឱ្យ បងស្រី គិតគូរពីការពង្រីកអាជីវកម្មមួយនេះឱ្យធំជាងមុនសម្រាប់បំពេញតម្រូវការរបស់អតិថិជនដែលចង់មកបរិភោគអាហារនៅហាងរបស់គាត់ផ្ទាល់។ ដោយមានកង្វះខាតផ្នែកហិរញ្ញវត្ថុ ព្រោះប្រាក់សន្សំដែលគាត់មានគឺមិនទាន់គ្រប់ដែលអាចឱ្យគាត់អាចសម្រេចនូវអ្វីដែលគាត់ចង់បាននៅឡើយ ដូច្នេះបងស្រី ក៏សម្រេចចិត្តថានឹងស្វែងរកដៃគូហិរញ្ញវត្ថុមួយដែលអាចឱ្យគាត់ជឿទុកចិត្តបាន។
ក្រោយមកនៅឆ្នាំ២០២២ បងស្រី ធារ៉ា បានពិភាក្សាគ្នាជាមួយស្វាមីក្នុងការស្នើសុំ និងប្រើប្រាស់ប្រាក់កម្ចីរបស់ អិលអូអិលស៊ី (LOLC) ចំនួន ៥.០០០ដុល្លារ ដើម្បីសម្រេចគោលដៅក្នុងការពង្រីកអាជីវកម្មលក់ម្ហូបអាហាររបស់គាត់ឱ្យបានជោគជ័យ។ បងស្រី ធារ៉ា បានបង្ហើបបន្ថែមថា គាត់ក៏បានប្រើប្រាស់ប្រាក់កម្ចីពី អិលអូអិលស៊ី (LOLC) ក្នុងគោលបំណងផ្សេងទៀតផងដែរ ដោយគាត់បានទិញម៉ូតូមួយសម្រាប់ប្តីជាមធ្យោបាយធ្វើដំណើរទៅធ្វើការ និងទិញដីស្រែទុកដើម្បីលក់យកចំណេញនៅពេលដែលដីនោះឡើងថ្លៃផងដែរ។
ដំណើរឈានទៅមុខនៃអាជីវកម្មក្រោយពីបានប្រើប្រាស់ប្រាក់កម្ចីចំគោលដៅនេះហើយ បានធ្វើឱ្យអាជីវកម្មរបស់គាត់រីកលូតលាស់បានយ៉ាងល្អប្រសើរពិតមែន ព្រោះគាត់អាចបំពេញតម្រូវការអតិថិជនបានគ្រប់គ្រាន់។ ភាពរីកចម្រើននេះបានផ្តល់នូវសមិទ្ធផលជាវិជ្ជមានមួយចំនួនមកកាន់ បងស្រី ដូចជា ការពង្រីកទីធ្លាលក់ម្ហូបអាហារនៅខាងមុខផ្ទះបានធំទូលាយជាងមុន មានលទ្ធភាពក្នុងការធ្វើ សាច់ក្រកងៀតគោ និងងៀតក្របីបានជាច្រើនសម្រាប់បំពេញតម្រូវការ និងលក់ជូនភ្ញៀវ ហើយជាពិសេសនោះគឺប្រាក់ចំណូលរបស់គាត់កើនឡើងច្រើនជាងមុន ដែលនាំឱ្យគាត់មានលទ្ធភាពផ្គត់ផ្គង់ជីវភាពគ្រួសារបានយ៉ាងល្អប្រសើរ។
ជាចុងក្រោយបងស្រី ធារ៉ា បានមានប្រសាសន៍ថា បើគ្មានប្រាក់កម្ចីពី អិលអូអិលស៊ី (LOLC) នោះទេ បងស្រី ក៏មិនមានលទ្ធភាពគ្រប់គ្រាន់ក្នុងការពង្រីកអាជីវកម្មនេះផងដែរ។ បងស្រី ធារ៉ា បានសម្ដែងនូវអារម្មណ៍ រីករាយក្រោយបានឃើញអាជីវកម្មរបស់ខ្លួនមានភាពរីកចម្រើន និងមានស្ថេរភាព ព្រោះវាប្រៀបដូចជាឆ្អឹងខ្នងដ៏សំខាន់សម្រាប់ស្វែងរកប្រាក់ចំណូលទ្រទ្រង់ជីវភាពគ្រួសាររបស់គាត់។
ប្អូនស្រី ណន នុត បានដើរតាមឆន្ទៈរបស់ខ្លួនក្នុងការពង្រីកអាជីវកម្មឱ្យទទួលបានជោគជ័យ និងរីកចម្រើនគួរឱ្យស្ញប់ស្ញែង។ ប្អូនស្រី នុត គឺជាអាជីវករលក់ចាប់ហួយ និងសម្ភារប្រើប្រាស់គ្រប់ប្រភេទ ស្ថិតនៅភូមិស្លែង ឃុំពេជសារ ស្រុកកោះអណ្តែត ខេត្តតាកែវ។ ប្អូនស្រីបានប្រកបរបរនេះអស់រយៈពេលជាង ៤ឆ្នាំមកហើយ។
ក្នុងនាមជាស្រ្តីមួយរូបដែលមានក្តីស្រមៃធំធេងពោរពេញដោយក្តីសង្ឃឹម និងការតាំងចិត្តខ្ពស់ ប្អូនស្រី ណន នុត បានដើរតាមឆន្ទៈរបស់ខ្លួនក្នុងការពង្រីកអាជីវកម្មឱ្យទទួលបានជោគជ័យ និងរីកចម្រើនគួរឱ្យស្ញប់ស្ញែង។ ប្អូនស្រី នុត គឺជាអាជីវករលក់ចាប់ហួយ និងសម្ភារប្រើប្រាស់គ្រប់ប្រភេទ ស្ថិតនៅភូមិស្លែង ឃុំពេជសារ ស្រុកកោះអណ្តែត ខេត្តតាកែវ។ ប្អូនស្រីបានប្រកបរបរនេះអស់រយៈពេលជាង ៤ឆ្នាំមកហើយ។
ចាប់ផ្តើមពីតូបឈើតូចមួយ និងមានអីវ៉ាន់ស្តុកទុកបន្តិចបន្តួច ប្អូនស្រី នុត បានសម្លឹងមើលឃើញពីសក្តានុពលនៃអាជីវកម្ម ហើយបានសម្រេចចិត្តពង្រីកអាជីវកម្មរបស់ខ្លួនតាមរយៈការគាំទ្រផ្នែកហិរញ្ញវត្ថុពី អិលអូអិលស៊ី (LOLC) កាលពីឆ្នាំ២០២២ ដោយបានស្នើប្រាក់កម្ចីចំនួន ១១.០០០ដុល្លារ ដើម្បីបង្កើនស្តុកអីវ៉ាន់ឱ្យកាន់តែសម្បូរបែប សម្រាប់បំពេញតម្រូវការអតិថិជន។
ក្រោយមកនៅឆ្នាំ២០២៤ ប្អូនស្រីក៏បានប្រើប្រាស់ប្រាក់កម្ចីលើកទីពីរចំនួន ១៥.០០០ដុល្លារ ដើម្បីធ្វើជាដើមទុនបន្ថែមក្នុងការពង្រីកអាជីវកម្មបន្តទៀតឱ្យកាន់តែធំជាងមុន។ ដោយការខិតខំប្រឹងប្រែងគួបផ្សំនឹងភាពឆ្លាតវៃលើការប្រើប្រាស់ប្រាក់កម្ចីប្រកបដោយប្រសិទ្ធភាព បានជំរុញឱ្យអាជីវកម្ម ប្អូនស្រី ទទួលបានភាពជោគជ័យមកដល់សព្វថ្ងៃ។
ប្អូនស្រី នុត បានបញ្ជាក់ថា ការប្រើប្រាស់ប្រាក់កម្ចីពី អិលអូអិលស៊ី (LOLC) បានផ្តល់ឱ្យគាត់នូវដើមទុនគ្រប់គ្រាន់សម្រាប់អភិវឌ្ឍក៏ដូចជាពង្រីកអាជីវកម្មបន្ថែម មានអីវ៉ាន់គ្រប់ប្រភេទសម្រាប់លក់ជូនអតិថិជន និងមានទីតាំងលក់ដូរធំទូលាយជាងមុន។ ជាពិសេស តាមរយៈភាពរីកចម្រើននេះ បានធ្វើឱ្យប្រាក់ចំណូលរបស់ ប្អូនស្រី កើនឡើងកាន់តែច្រើនដើម្បីប្រើប្រាស់ក្នុងអាជីវកម្ម និងសម្រាប់ផ្គត់ផ្គង់ជីវភាពគ្រួសារ។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
