បងស្រី ពៅ គឺជាអាជីវករលក់កង់ និងចំណីសត្វ ដែលមានទីតាំងស្ថិតនៅភូមិ៤ ឃុំព្រែកខ្សាយ ខ ស្រុកពាមរក៍ ខេត្តព្រៃវែង។
ជាមួយនឹងស្នាមញញឹមប្រកបដោយភាពរីករាយ បងស្រី អ៊ុន ពៅ បានបង្ហើបប្រាប់មកកាន់ក្រុមការងារដែលជាអ្នក ចុះទៅជួបសម្ភាសផ្ទាល់ថា ការប្រើប្រាស់ប្រាក់កម្ចីចំគោលដៅ និងការទទួលបាននូវលក្ខខណ្ឌដ៏សមរម្យពី អិលអូអិលស៊ី (LOLC) បានផ្តល់ឱកាសឱ្យ បងស្រី អាចអភិវឌ្ឍអាជីវកម្ម និងទទួលបានជីវភាពល្អប្រសើរជាងមុន និងមានសម្ភារប្រើប្រាស់ផ្ទាល់ខ្លួនគ្រប់គ្រាន់ដូចជារថយន្ត និងម៉ូតូ ជាដើម។
សព្វថ្ងៃ បងស្រី ពៅ គឺជាអាជីវករលក់កង់ និងចំណីសត្វ ដែលមានទីតាំងស្ថិតនៅភូមិ៤ ឃុំព្រែកខ្សាយ ខ ស្រុកពាមរក៍ ខេត្តព្រៃវែង។ បងស្រី បានបើកដំណើរការអាជីវកម្មទាំងនេះអស់រយៈពេលជាច្រើនឆ្នាំមកហើយ ហើយគាត់ក៏ជាអាជីវករដ៏ឧស្សាហ៍ព្យាយាមមួយរូបផងដែរ ដែលបានប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីពង្រីកអាជីវកម្មប្រកបដោយភាពឈ្លាសវៃ។
ក្នុងឆ្នាំ២០១៧ បងស្រី ពៅ បានស្នើសុំប្រាក់កម្ចីលើកដំបូងពី អិលអូអិលស៊ី (LOLC) ចំនួន ៤០.០០០ ដុល្លារ ដើម្បីទិញរថយន្តសម្រាប់ប្រើប្រាស់ក្នុងអាជីវកម្មរបស់គាត់ដូចជា ដឹកជញ្ជូនកង់ គ្រឿងបន្លាស់ និងចំណីសត្វជូនទៅកាន់អតិថិជន។ បន្ទាប់ពីបងស្រី បានប្រើប្រាស់កម្ចីដំបូងហើយ គាត់ក៏បានស្នើសុំប្រាក់កម្ចីបន្ថែមចំនួន ១២.០០០ ដុល្លារ នៅឆ្នាំ២០២៤ ដើម្បីពង្រីកអាជីវកម្មឱ្យកាន់តែមានវិសាលភាពធំជាងមុនដោយបានទិញកង់ថ្មីៗ និងចំណីសត្វបន្ថែមទុកសម្រាប់លក់ជូនអតិថិជនរបស់គាត់។
ដោយមានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បងស្រី ពៅ មានសមត្ថភាពក្នុងការផ្គត់ផ្គង់កង់ និងចំណីសត្វដែលមានគុណភាពខ្ពស់ទៅកាន់អតិថិជនចាស់ និងថ្មីរបស់គាត់ ដែលអាចបំពេញតាមតម្រូវការរបស់ពួកគេបានគ្រប់គ្រាន់ផងដែរ។ លើសពីនេះ បងស្រី ក៏បានបន្ថែមនូវមុខរបរថ្មីមួយដែលជាសេវាកម្មជួសជុលកង់នៅក្នុងហាងលក់កង់របស់គាត់ ហើយអ្វីដែលកាន់តែពិសេសនោះគឺ គាត់មិនចាំបាច់ត្រូវចំណាយលើថ្លៃជួលគេឱ្យដឹកកង់ ឬចំណីសត្វទៅឱ្យអតិថិជនរបស់គាត់នោះទេ ព្រោះគាត់មានមធ្យោបាយដឹកជញ្ជូនផ្ទាល់ខ្លួន ដែលអាចឱ្យគាត់អាចរកប្រាក់តាមរយៈការដឹកជញ្ជូននេះបានបន្ថែមផងដែរ។ ដោយសារកត្តាទាំងនេះហើយ ទើបធ្វើឱ្យអាជីវកម្មរបស់គាត់អាចមានភាពរីកចម្រើនយ៉ាងឆាប់រហ័ស និងអាចទាក់ទាញអតិថិជនមកទិញទំនិញនៅហាងរបស់គាត់កាន់តែច្រើនឡើងៗ។
បងស្រី ភិន សារ៉ុត ជាអាជីវករលក់អាហារសម្រន់ និងភេសជ្ជៈគ្រប់ប្រភេទដូចជាកាហ្វេ ភេសជ្ជៈកំប៉ុង និងទឹកផ្លែឈើក្រឡុក ដែលមានទីតាំងស្ថិតនៅលើសួនច្បារមួយកន្លែងក្នុងភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ។
ខណៈពេលដែលមនុស្សជាច្រើនកំពុងដើរហាត់ប្រាណ លេងកីឡា អង្គុយលំហែអារម្មណ៍ គយគន់ទេសភាពនៅមាត់ទឹក និងខ្លះទៀតកំពុងបរិភោគអាហារ បងស្រី ភិន សារ៉ុត កំពុងរៀបចំភេសជ្ជៈសម្រាប់អតិថិជនរបស់គាត់យ៉ាងមមាញឹក។
បងស្រី ភិន សារ៉ុត ជាអាជីវករលក់អាហារសម្រន់ និងភេសជ្ជៈគ្រប់ប្រភេទដូចជាកាហ្វេ ភេសជ្ជៈកំប៉ុង និងទឹកផ្លែឈើក្រឡុក ដែលមានទីតាំងស្ថិតនៅលើសួនច្បារមួយកន្លែងក្នុងភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ។
ដោយសារទីតាំងស្ថិតនៅកន្លែងសមស្រប និងមានមនុស្សច្រើន ការលក់ដូររបស់បងស្រី សារ៉ុត លក់ដាច់ជាខ្លាំង។ មូលហេតុនេះហើយ បានជំរុញទឹកចិត្តឱ្យបងស្រី គិតដល់ការពង្រីកអាជីវកម្ម ដើម្បីបំពេញតម្រូវការអតិថិជនរបស់គាត់ តាមរយៈការផ្តល់នូវទំនិញដ៏សម្បូរបែបជាងមុន។ តែដោយខ្វះដើមទុនសម្រាប់ពង្រីកអាជីវកម្ម បងស្រី ក៏បានជ្រើសរើស និងប្រើប្រាស់ប្រាក់កម្ចីពី អិលអូអិលស៊ី (LOLC) សម្រាប់ដំណើរមួយនេះ។
បងស្រី សារ៉ុត បានចែករំលែកពីបទពិសោធន៍ថា គ្រប់ពេលដែលគាត់គិតពីការពង្រីកអាជីវកម្ម គាត់បានគិតឃើញបញ្ហាដើមទុនទៅហើយ ប៉ុន្តែបន្ទាប់ពីបានប្រឹក្សាជាមួយមន្ត្រីប្រឹក្សាលក់សេវាហិរញ្ញវត្ថុរបស់ អិលអូអិលស៊ី (LOLC)រួចមក បានជួយឱ្យគាត់រកឃើញនូវដំណោះស្រាយដ៏សមស្របមួយ។ ជាលទ្ធផល បងស្រី បានស្នើសុំប្រាក់កម្ចីដំបូងពី អិលអូអិលស៊ី (LOLC) ចំនួន ១០.០០០.០០០រៀល ក្នុងឆ្នាំ២០១៩ ដើម្បីពង្រីកអាជីវកម្ម។ សព្វថ្ងៃនេះគាត់បានទទួលប្រាក់កម្ចីបន្ថែមជាបន្តបន្ទាប់រហូតដល់ទៅបួនវគ្គរួចមកហើយដើម្បីបន្ថែមដើមទុន និងមួយចំណែកសម្រាប់សាងសង់គេហដ្ឋាន។
ជីវភាពរស់នៅរបស់ បងស្រី សារ៉ុត សព្វថ្ងៃមានភាពរីកចម្រើន ដោយសារប្រាក់ចំណូលកើនឡើងច្រើនបើប្រៀបធៀបនឹងអតីតកាល។ ភាពជោគជ័យនៃអាជីវកម្មរបស់គាត់គឺបានមកពីការខិតខំប្រឹងប្រែង តស៊ូ និងការប្រើប្រាស់ប្រាក់កម្ចីដ៏ត្រឹមត្រូវ និងមានប្រសិទ្ធភាពពី អិលអូអិលស៊ី (LOLC)។
ការជ្រើសរើសគ្រឹះស្ថានហិរញ្ញវត្ថុស្របច្បាប់ និងការកំណត់គោលដៅច្បាស់លាស់បានជួយឱ្យ បងស្រី សារ៉ុត សម្រេចក្តីស្រមៃក្នុងការអភិវឌ្ឍអាជីវកម្មរបស់គាត់ពិតប្រាកដមែន។
បងប្រុស ម៉េងហ៊ុយ គឺជាជាងជួសជុលម៉ូតូមួយរូប ដែលមានទីតាំងស្ថិតនៅភូមិដូង ឃុំបឹងរាំង ស្រុកកំរៀង ខេត្តបាត់ដំបង ដែលគាត់បានប្រកបរបរនេះអស់រយៈពេលជាង ៣ឆ្នាំ មកហើយ។
នៅចម្ងាយប្រមាណ ២០០ ម៉ែត្រពី "ផ្សារខ្មែរ" ដែលជាតំបន់ពោរពេញដោយសកម្មភាពអាជីវកម្ម បងប្រុស ម៉ាន់ ម៉េងហ៊ុយ កំពុងមមាញឹកក្នុងការជួសជុលម៉ូតូជូនភ្ញៀវយ៉ាងយកចិត្តទុកដាក់ប្រកបដោយស្នាដៃ និងភាពស្ទាត់ជំនាញរបស់គាត់។ បងប្រុស ម៉េងហ៊ុយ គឺជាជាងជួសជុលម៉ូតូមួយរូប ដែលមានទីតាំងស្ថិតនៅភូមិដូង ឃុំបឹងរាំង ស្រុកកំរៀង ខេត្តបាត់ដំបង ដែលគាត់បានប្រកបរបរនេះអស់រយៈពេលជាង ៣ឆ្នាំ មកហើយ។
ដោយសារតែភាពឆ្លាតវៃ និងជំនាញក្នុងការជួសជុលម៉ូតូ បងប្រុស ម៉េងហ៊ុយ បានសម្រេចចិត្តពង្រីកអាជីវកម្មដើម្បីចាប់យកឱកាសក្នុងការទទួលបានភាពរីកចម្រើន។ បងប្រុស បានស្នើសុំប្រាក់កម្ចីចំនួន ៥.០០០ ដុល្លារពី អិលអូអិលស៊ី (LOLC) ដើម្បីទិញគ្រឿងបន្លាស់ម៉ូតូបន្ថែម និងម៉ូតូមួយទឹកសម្រាប់កែលម្អដើម្បីលក់បន្ត។ ក្រៅពីនេះ បងប្រុស ក៏បានប្រើប្រាស់ប្រាក់កម្ចី ដើម្បីទិញដីលំនៅឋានសម្រាប់សាងសង់ផ្ទះផងដែរ។
ជាមួយទឹកមុខប្រកបដោយស្នាមញញឹម បងប្រុស ម៉េងហ៊ុយ បានបង្ហាញពីទំនុកចិត្តលើការប្រើប្រាស់សេវាកម្មរបស់ អិលអូអិលស៊ី (LOLC) ដោយសរសើរថា "ការជ្រើសរើសប្រើប្រាស់ប្រាក់កម្ចីពី អិលអូអិលស៊ី (LOLC) គឺជាជម្រើសដ៏ត្រឹមត្រូវ និងសុវត្ថិភាពមួយសម្រាប់ខ្ញុំ។"
ប្រាក់កម្ចីនេះមិនត្រឹមតែជួយអភិវឌ្ឍអាជីវកម្មរបស់គាត់ប៉ុណ្ណោះទេ ប៉ុន្តែថែមទាំងបានធ្វើឱ្យជីវភាពរស់នៅក្នុងគ្រួសារគាត់មានភាពប្រសើរឡើង ប្រាក់ចំណូលកើនឡើង និងអាជីវកម្មកាន់តែមានស្ថិរភាពជាងមុន។
បងស្រី អូន សព្វថ្ងៃគឺជាអាជីវករលក់សម្លៀកបំពាក់ និងស្បែកជើងដែលមានទីតាំងស្ថិតនៅភូមិព្រែកលៀប សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
ការគាំទ្រជំនួយផ្នែកហិរញ្ញវត្ថុដ៏មានទំនុកចិត្ត ពិតជាបានធ្វើឱ្យអាជីវកម្មរបស់ បងស្រី សុក អូន មានស្ថិរភាព និងដំណើរការទៅមុខបានយ៉ាងល្អប្រសើរ។ បងស្រី អូន សព្វថ្ងៃគឺជាអាជីវករលក់សម្លៀកបំពាក់ និងស្បែកជើងដែលមានទីតាំងស្ថិតនៅភូមិព្រែកលៀប សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
បងស្រី អូន បានចាប់ផ្តើមអាជីវកម្មលក់សម្លៀកបំពាក់ និងស្បែកជើង ក្នុងឆ្នាំ២០២០ ក្រោមការគាំទ្រផ្នែកហិរញ្ញវត្ថុពី អិលអូអិលស៊ី (LOLC)។ បងស្រីបានបញ្ជាក់ថា ក្រោយពីទទួលបានការណែនាំពីសាច់ញាតិ បងស្រីក៏ចាប់អារម្មណ៍ និងបានសម្រេចចិត្តជាមួយស្វាមីរបស់គាត់ក្នុងការជ្រើសរើសការប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីបង្កើតរបរមួយនេះឡើង ដោយស្នើសុំប្រាក់កម្ចីដំបូង ចំនួន ២.០០០ ដុល្លារអាមេរិក។ បន្ថែមពីនេះ បងស្រី ក៏បានស្នើកម្ចីលើកទីពីរចំនួន ៨.០០០ ដុល្លារអាមេរិក នៅឆ្នាំ២០២២ ដើម្បីពង្រីកការលក់ដូររបស់គាត់ឱ្យកាន់តែធំជាងមុន។
ប្រាក់កម្ចីរបស់ អិលអូអិលស៊ី (LOLC) មិនត្រឹមតែជួយឱ្យ បងស្រី អូន អាចបង្កើតអាជីវកម្មប៉ុណ្ណោះទេ ប៉ុន្តែថែមទាំងជួយជ្រោមជ្រែងដល់ដំណើរលូតលាស់នៃអាជីវកម្មរបស់គាត់ផងដែរ ដោយបានធ្វើឱ្យគាត់មានដើមទុនគ្រប់គ្រាន់ក្នុងការទិញទំនិញបន្ថែមសម្រាប់លក់ជូនភ្ញៀវ និងធ្វើឱ្យការលក់របស់គាត់មានការកើនឡើងគួរជាទីគាប់ចិត្ត ដែលអាចរកចំណូលបានច្រើនជាងមុនពីមួយថ្ងៃទៅមួយថ្ងៃ និងបានធ្វើឱ្យជីវភាពរស់នៅរបស់គ្រួសារគាត់កាន់តែមានភាពល្អប្រសើរច្រើន។
ទំនុកចិត្តខ្ពស់ និងភាពងាយស្រួលលើការប្រើប្រាស់ផលិតផល និងសេវាកម្មរបស់ អិលអូអិលស៊ី (LOLC) បានទាក់ចិត្តឱ្យ បងស្រី សុក អូន នៅតែបន្តប្រើប្រាស់ផលិតផល និងសេវាកម្មរបស់ អិលអូអិលស៊ី (LOLC) រហូតមកដល់ពេលនេះ ហើយគាត់មានបំណងស្នើសុំប្រាក់កម្ចីបន្ថែមទៀតក្នុងពេលឆាប់ៗនេះ ដើម្បីបង្កើតរបររកស៊ីឱ្យកូនស្រីរបស់គាត់។
អ្នកមីង ផាន់ លីន គឺជាអាជីវករលក់លូ សសរផ្ទះ និងចាប់ហួយមួយរូប ដែលមានទីតាំងស្ថិតនៅភូមិស្រែប្រីយ៍ ឃុំចាន់ស ស្រុកសូទ្រនិគម ខេត្តសៀមរាប។
តាមការលើកឡើងរបស់អ្នកមីង លីន បានឱ្យដឹងថា លូ និងសសរផ្ទះរបស់ពួកគាត់លក់ដាច់ជាខ្លាំង ព្រោះមានតម្រូវការច្រើនពីសំណាក់អតិថិជន ដែលជាហេតុធ្វើឱ្យមុខរបរនេះដំណើរការបានល្អប្រសើរ។ យ៉ាងណាមិញ អ្នកមីង លីន និងលោកពូ ឃុន មិនទាន់ពេញចិត្តទាំងស្រុងទៅលើលទ្ធផលមួយនេះនៅឡើយទេ បើទោះបីជាវាមានភាពប្រសើរឡើងប្រៀបធៀបនឹងការចាប់ផ្តើមដំបូងក៏ដោយ ព្រោះតែតម្រូវការរបស់អតិថិជនកាន់តែច្រើនឡើងៗពីមួយថ្ងៃទៅថ្ងៃ លើសពីចំនួនដែលពួកគាត់អាចផលិត និងផ្គត់ផ្គង់ទៅកាន់អតិថិជនបាន។ អាស្រ័យហេតុនេះ ពួកគាត់បានពិចារណាក្នុងការបង្កើនការផលិតឱ្យកាន់តែច្រើនជាងមុនដើម្បីបំពេញតម្រូវការអតិថិជនរបស់ពួកគាត់។
ដោយសារកត្តាដើមទុននៅមានកម្រិត មិនអនុញ្ញាតឱ្យអ្នកមីង និងលោកពូ អាចសម្រេចគោលដៅក្នុងការបង្កើនការផលិតទាំងស្រុងនោះឡើយ។ ហេតុដូច្នេះហើយ ពួកគាត់ក៏បានសម្រេចចិត្តប្រើប្រាស់ប្រាក់កម្ចីពី អិលអូអិលស៊ី (LOLC) ចំនួន ៧.៥០០ដុល្លារ នៅឆ្នាំ២០២១ ដើម្បីគាំទ្រដំណើរការក្នុងការពង្រីកអាជីវកម្មរបស់គាត់។ អ្នកមីងបញ្ជាក់ថា គាត់ និងស្វាមីបានប្រើប្រាស់កម្ចីចំនួនពីរវគ្គមកហើយសម្រាប់ធ្វើជាទុនក្នុងការពង្រីកអាជីវកម្ម ហើយសម្រាប់ប្រាក់កម្ចីលើកទីពីរនេះ អិលអូអិលស៊ី នៅតែជាជម្រើសដៃគូរហិរញ្ញវត្ថុទីមួយដែលអ្នកមីងបានជ្រើសរើសជាមួយទំហំកម្ចីចំនួន ៦.៥០០ដុល្លារ នៅក្នុងឆ្នាំ២០២៤។
ចាប់តាំងពីអ្នកមីង លីន និងលោពូ ឃុន មានដើមទុនគ្រប់គ្រាន់សម្រាប់គាំទ្រដំណើរការពង្រីកអាជីវកម្មកន្លងមក ពួកគាត់ទាំងពីរបានឃើញពីភាពខុសគ្នាជាច្រើននៃវឌ្ឍនភាពក្នុងអាជីវកម្មនេះ ព្រោះគាត់អាចផលិតលូ និងសសរផ្ទះបានច្រើនជាងមុន ដែលអាចបំពេញតាមតម្រូវការអតិថិជនរបស់គាត់បានគ្រប់គ្រាន់ និងទាន់ពេលវេលា រួមទាំងអាចស្តុកទុកសម្រាប់លក់ទៅកាន់អតិថិជនថ្មីៗផងដែរ។ ភាពរីកចម្រើននេះបានជំរុញឱ្យប្រាក់ចំណូលរបស់ពួកគាត់កាន់តែកើនឡើងច្រើនជាងមុនបន្ថែមទៀត។
អ្វីដែលគួរឱ្យកត់សម្គាល់ពីភាពរីកចម្រើននៃអាជីវកម្មរបស់ពួកគាត់បានបង្ហាញតាមរយៈ ការមានលទ្ធភាពបង់សងប្រាក់កម្ចីទាន់ពេលវេលាប្រកបដោយទំនួលខុសត្រូវ។ លើសពីនេះ ពួកគាត់បានកែលម្អគេហដ្ឋានឱ្យកាន់តែល្អប្រសើរ និងធំទូលាយជាងមុន ដោយបានសាងសង់បន្ទប់បន្ថែម និងសំយាបផ្ទះយ៉ាងត្រឈឹងត្រឈៃធ្វើឱ្យផ្ទះរបស់ពួកគាត់កាន់តែមានផាសុកភាពក្នុងការរស់នៅ។ ក្រៅពីភាពរីកចម្រើនលើការរស់នៅប្រចាំថ្ងៃ អាជីវកម្មរបស់ពួកគាត់ក៏បានអភិវឌ្ឍមិនចាញ់គ្នាដែរ ព្រោះពួកគាត់មានលទ្ធភាពជួលកម្មករមកបំពេញការងារបន្ថែមចំនួន៦នាក់បន្ថែមទៀតផង។ ការរីកចម្រើននេះបានបង្ហាញយ៉ាងច្បាស់ថាវាមិនត្រឹមតែផ្តល់ផលចំណេញទៅដល់អ្នកមីង លីន និងលោពូ ឃុន ប៉ុណ្ណោះទេ ថែមទាំងធ្វើឱ្យបងៗកម្មករមានការងារធ្វើ និងទទួលបានចំណូលផងដែរ។
ជាចុងក្រោយអ្នកមីង លីន បានបង្ហើបថា ដោយសារប្រាក់ចំណូលកើនឡើងច្រើន ធ្វើឱ្យគាត់មានគោលបំណងយកប្រាក់ទាំងនោះមកដាក់សន្សំនៅ អិលអូអិលស៊ី (LOLC) ដើម្បីទទួលបានអត្រាការប្រាក់ប្រចាំខែ ជាពិសេសទទួលបានសុវត្ថិភាពខ្ពស់ក្នុងការទុកដាក់ប្រាក់សន្សំទៀតផង។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
