កម្ចីប្រាក់បៀវត្ស (SAL) គឺជាផលិតផលកម្ចីមួយប្រភេទ ដែលមានរយៈពេលខ្លី ដោយមិនមានការប្រាក់ និងផ្តល់ជូនសម្រាប់អតិថិជនដែលកំពុងប្រើប្រាស់សេវាបើកប្រាក់បៀវត្សជាមួយ អិលអូអិលស៊ី ដោយមិនតម្រូវឱ្យមានទ្រព្យដាក់ធានា ឡើយ។ ផលិតផលនេះ គឺប្រើប្រាស់សម្រាប់អតិថិជនដែលជាបុគ្គលិកអង្គការក្រៅរដ្ឋាភិបាល ក្រុមហ៊ុន ឬសហគ្រាសដែលកំពុងប្រើប្រាស់សេវាបើកប្រាក់បៀវត្សជាមួយ អិលអូអិលស៊ី ដូចខាងក្រោម៖

• បុគ្គលដែលកំពុងបម្រើការងារ។
• បុគ្គលដែលត្រូវការជំនួយហិរញ្ញវត្ថុរយៈពេលខ្លី។
• បុគ្គលដែលចង់បានប្រាក់កម្ចី ឆាប់រហ័ស និងងាយស្រួល ដោយមិនចាំបាច់មានទ្រព្យដាក់ធានា។

គោលការណ៍សំខាន់ៗ៖

• ទំហំកម្ចី៖ អិលអូអិលស៊ី ផ្តល់កម្ចីជូនអតិថិជនស្មើនឹង ៧០% នៃប្រាក់បៀវត្សសុទ្ធអប្បបរមា សម្រាប់រយៈពេល ០៣ខែជាប់គ្នាចុងក្រោយរបស់អតិថិជន ប៉ុន្តែមិនលើសពី ២.០០០ ដុល្លារ ឬសមមូលនឹងប្រាក់រៀល ដោយមិនមានការប្រាក់ ប៉ុន្តែអតិថិជនត្រូវយល់ព្រមបង់សោហ៊ុយអនុម័តកម្ចី។
• រយៈពេលកម្ចី៖ រយៈពេលកម្ចី គិតចាប់ពីថ្ងៃទម្លាក់ទុនរហូតដល់ថ្ងៃបើកប្រាក់បៀវត្សរបស់អតិថិជនជាក់ស្តែង ប៉ុន្តែមិនលើសពី ១ខែ ឬ ៣១ថ្ងៃ ហើយការបង់សងកម្ចីត្រូវអនុវត្តដូចខាងក្រោម៖
  • ករណីបើកប្រាក់បៀវត្សតែម្តងក្នុងមួយខែ៖ ត្រូវកាត់ចេញពីគណនីប្រាក់បៀវត្សរបស់អតិថិជនដោយស្វ័យប្រវត្តិ នៅចំថ្ងៃបើកប្រាក់បៀវត្សតែម្តង។
  • ករណីបើកប្រាក់បៀវត្សពីរដងក្នុងមួយខែ៖ ត្រូវកាត់ចេញពីគណនីប្រាក់បៀវត្សរបស់អតិថិជនដោយស្វ័យប្រវត្តិ នៅចំថ្ងៃបើកប្រាក់បៀវត្សលើកទីមួយម្តង និងលើកទីពីរម្តងទៀត។
• ការផ្តល់កម្ចីសារឡើងវិញ៖ អាចអនុញ្ញាតទៅបាន លុះត្រាតែអតិថិជនត្រូវទូទាត់កម្ចីវគ្គមុនឱ្យបានចប់សព្វគ្រប់ ជាមុនសិន។
• មិនតម្រូវឱ្យមានអ្នករួមខ្ចី និងអ្នកធានា។