បងប្រុស ផៃ សុផុន បច្ចុប្បន្នជាគ្រូបង្រៀនម្នាក់នៅវិទ្យាល័យថ្មពួក ដែលគាត់បានប្រកបអាជីពនេះអស់រយៈពេល១៤ឆ្នាំមកហើយ។ លើសពីតួនាទីជាគ្រូបង្រៀន បងប្រុស សុផុន ក៏ជានាយកមជ្ឈមណ្ឌលភាសា និងបច្ចេកវិទ្យាមួយកន្លែង ដែលមានទីតាំងស្ថិតនៅភូមិថ្មពួក ឃុំថ្មពួក ស្រុកថ្មពួក ខេត្តបន្ទាយមានជ័យ។
បងប្រុស សុផុន បានចែករំលែកថាមជ្ឈមណ្ឌលភាសា និងបច្ចេកវិទ្យារបស់គាត់ផ្តោតលើការពង្រឹងវិន័យរបស់សិស្សជាចម្បងដើម្បីឱ្យសិស្សមានសីលធម៌ និងសុជីវធម៌ល្អ រីឯបរិយាកាសនៅខាងក្នុង និងក្រៅថ្នាក់រៀនគឺរក្សាបាននូវអនាម័យជាប់ជានិច្ច ដើម្បីឱ្យសិស្សមានអារម្មណ៍ល្អក្នុងការសិក្សា។ ចំពោះលោកគ្រូ អ្នកគ្រូ ក្នុងមជ្ឈមណ្ឌលក៏មានបទពិសោធន៍ និងវិជ្ជាជីវៈច្បាស់លាស់ ដែលអាចបង្រៀនសិស្សដែលរៀនយឺតឱ្យរៀនទាន់គេបាន។ ចំណុចសំខាន់ៗទាំងអស់នេះហើយ បានធ្វើឱ្យមជ្ឈមណ្ឌលរបស់គាត់រក្សាបាននូវការគាំទ្រពីសំណាក់អាណាព្យាបាលរបស់សិស្ស និងមានសិស្សថ្មីចុះឈ្មោះចូលរៀនជារឿយៗ។
គុណភាព និងសេវាកម្មបង្រៀនក្នុងមជ្ឈមណ្ឌលបានទាក់ទាញកំណើនរបស់សិស្សកាន់តែច្រើនឡើងៗ ដែលធ្វើឱ្យបងប្រុស សុផុន រិះរកមធ្យោបាយក្នុងការពង្រីកមជ្ឈមណ្ឌលឱ្យធំជាងនេះ។ បងប្រុស បានទទួលការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ដើម្បីជាទុនបន្ថែមសម្រាប់ពង្រីកមជ្ឈមណ្ឌលរបស់គាត់។ បងប្រុសបានបង្ហើបឱ្យដឹងថា គាត់បានប្រើប្រាស់ប្រាក់កម្ចីរហូតដល់ទៅ ៤វគ្គ សម្រាប់យកមកអភិវឌ្ឍមជ្ឈមណ្ឌលមួយនេះ ដោយបានទិញសម្ភារបង្រៀន តុសិស្ស កៅអីគ្រូ កុំព្យូទ័រ និងរៀបចំបន្ទប់បង្រៀន។ បន្ថែមពីនេះ បងប្រុសក៏បានទិញដីបន្ថែមសម្រាប់សាងសង់អគារសិក្សាថ្មី ដើម្បីពង្រីកមជ្ឈមណ្ឌលរបស់គាត់ឱ្យកាន់តែធំ។
ដោយសារការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បានជួយឱ្យមជ្ឈមណ្ឌលភាសា និងបច្ចេកវិទ្យារបស់ បងប្រុស សុផុន រីកចម្រើនយ៉ាងល្អប្រសើរ។ បងប្រុស បានអរគុណចំពោះ អិលអូអិលស៊ី (LOLC) ដែលបានផ្តល់ប្រាក់កម្ចីសម្រាប់ពង្រីកអាជីវកម្ម និងជួយឱ្យគ្រួសាររបស់គាត់មានជីវភាពកាន់តែប្រសើរជាងមុន។ ភាពរីកចម្រើននៃអាជីវកម្មសព្វថ្ងៃបានជំរុញចិត្តឱ្យ បងប្រុស មានក្តីស្រមៃចង់កសាងអាជីវកម្មមួយបន្ថែមទៀតនាពេលអនាគតផងដែរ។
បងប្រុស ប៊ុន រ៉ាវណ្ណ ចាប់ផ្តើមពីអ្នកលក់អីវ៉ាន់ចាប់ហួយតូចមួយរហូតអាចបង្កើត និងគ្រប់គ្រងអាជីវកម្មចំនួនបីក្នុងពេលតែមួយប្រកបដោយភាពជោគជ័យ
បងប្រុស ប៊ុន រ៉ាវណ្ណ ចាប់ផ្តើមពីអ្នកលក់អីវ៉ាន់ចាប់ហួយតូចមួយរហូតអាចបង្កើត និងគ្រប់គ្រងអាជីវកម្មចំនួនបីក្នុងពេលតែមួយប្រកបដោយភាពជោគជ័យ។ បងប្រុស ប៊ុន រ៉ាវណ្ណ គឺជាម្ចាស់ស្ថានីយលក់ប្រេងឥន្ធនៈ ហើយក៏ជាភ្នាក់ងារវីង និងជាអាជីវករលក់អីវ៉ាន់ចាប់ហួយមួយរូបផងដែរ ដែលមានទីតាំងស្ថិតនៅភូមិកណ្តោល ឃុំស្វាយចេក ស្រុកអង្គរធំ ខេត្តសៀមរាប។
តាមការរៀបរាប់របស់ បងប្រុស រ៉ាវណ្ណ ក្នុងកិច្ចសម្ភាសន៍ជាមួយបុគ្គលិក អិលអូអិលស៊ី (LOLC) បានឱ្យដឹងថា ភាពជោគជ័យរបស់គាត់សព្វថ្ងៃ គឺមានការរួមចំណែកពីការគាំទ្រផ្នែកហិរញ្ញវត្ថុរបស់ អិលអូអិលស៊ី (LOLC) ជាមួយនឹងការតស៊ូព្យាយាមរបស់គាត់។ ផ្ដើមពីហាងលក់អីវ៉ាន់ចាប់ហួយ និងភេសជ្ជៈក្នុងផ្ទះឈើតូចមួយ បងប្រុស រ៉ាវណ្ណ តែងតែមានបំណង ចង់ពង្រីកមុខរបររបស់គាត់តាំងពីដើមមក។
នៅឆ្នាំ២០១៨ បងប្រុស បានស្នើសុំ និងទទួលកម្ចីដំបូងពី អិលអូអិលស៊ី (LOLC) ដើម្បីពង្រីកមុខរបរ ដែលជាកត្តាជំរុញឱ្យអាជីវកម្មលក់ចាប់ហួយរបស់គាត់ចាប់ផ្តើមរីកចម្រើនបន្ទាប់ពីមានស្តុកអីវ៉ាន់គ្រប់គ្រាន់សម្រាប់លក់។ ក្រោយមក បងប្រុសក៏បានស្នើកម្ចីជាបន្តបន្ទាប់ទៀត ដើម្បីបន្តពង្រីកអាជីវកម្ម និងបង្កើតមុខរបរពីរបន្ថែមទៀតគឺ បើកស្ថានីយលក់ប្រេងឥន្ធនៈ និងបើកភ្នាក់ងារវីង ដើម្បីអាចស្វែងរកប្រាក់ចំណូលបន្ថែមឱ្យកាន់តែច្រើន។
ជាមួយប្រាក់កម្ចីជាច្រើនវគ្គរបស់ អិលអូអិលស៊ី (LOLC) បានធ្វើឱ្យជីវភាពរស់នៅរបស់ បងប្រុស រ៉ាវណ្ណ មានការប្រែប្រួលយ៉ាងច្រើន ដោយគាត់អាចពង្រឹង និងអភិវឌ្ឍអាជីវកម្មទាំងបីរបស់គាត់យ៉ាងរឹងមាំ និងមានស្ថិរភាព។ ការគាំទ្រនេះអាចឱ្យ បងប្រុស រ៉ាវណ្ណបានកែលម្អជីវភាពរស់នៅរបស់គ្រួសារគាត់កាន់តែល្អប្រសើរផងដែរ ដោយគាត់អាចសាងសង់គេហដ្ឋានថ្មីមួយសម្រាប់គ្រួសារយ៉ាងមានផាសុកភាព។
ប្រែក្លាយពីកម្មការីកាត់ដេរក្នុងរោងចក្រ ប្អូនស្រី រឿន ធឿន បានបង្កើតឱកាសសម្រាប់ខ្លួនឯង ដោយផ្លាស់ប្តូរមកជាម្ចាស់អាជីវកម្មលក់ចាប់ហួយមួយរូប ដែលអាចកែប្រែជីវភាពរស់នៅរបស់ប្អូនបានយ៉ាងល្អប្រសើរ។
ប្អូនស្រី ធឿន គឺជាអាជីវករលក់ចាប់ហួយ នៅភូមិព្រែកត្នោត ឃុំតាំងស្យា ស្រុកភ្នំស្រួច ខេត្តកំពង់ស្ពឺ ដែលសព្វថ្ងៃ ប្អូនស្រី រស់នៅជាមួយស្វាមី មានឈ្មោះ សុខ សានអែនឌី ដែលមានមុខរបរជាអ្នកបើកឡានដឹកតុការ និងមានកូនស្រីម្នាក់ក្នុងបន្ទុក។
ថ្វីត្បិតតែអាជីវកម្ម ប្អូនស្រី ធឿន បានដំណើរការហើយក្តី ក៏ប្អូនស្រីបានគិតគូររិះរកមធ្យោបាយដើម្បីធ្វើយ៉ាងណាឱ្យអាជីវកម្មរបស់គាត់រីកចម្រើនជាងនេះផងដែរ។ ដើម្បីពង្រឹងភាពរឹងមាំនៃអាជីវកម្ម ប្អូនស្រី ធឿន បានសិក្សាស្វែងយល់បន្ថែមពីប្រាក់កម្ចីរបស់ អិលអូអិលស៊ី (LOLC) បន្ទាប់ពីទទួលបានការណែនាំពីអ្នកស្គាល់គ្នាក្នុងភូមិ។ ក្រោយពីបានយល់ច្បាស់នូវលក្ខខណ្ឌប្រាក់កម្ចី ប្អូនស្រី មិនបង្អង់យូរក៏ចាប់យកឱកាសពង្រីកមុខរបររបស់ខ្លួនឱ្យកាន់តែរីកចម្រើនរហូតមកដល់ពេលបច្ចុប្បន្ន។
ប្អូនស្រី ធឿន បានរៀបរាប់ពីការប្រើប្រាស់កម្ចីថា ប្អូនស្រី បានស្នើកម្ចីរហូតដល់ពីរវគ្គពី អិលអូអិលស៊ី (LOLC) ក្នុងគោលបំណងទិញអីវ៉ាន់បន្ថែមសម្រាប់មុខរបរលក់ចាប់ហួយ និងមួយចំណែកប្រើប្រាស់សម្រាប់កែលម្អគេហដ្ឋានឱ្យកាន់តែល្អប្រសើរក្នុងការរស់នៅ។ “ខ្ញុំពិតជាសប្បាយចិត្តព្រោះមានមុខរបរផ្ទាល់ខ្លួនច្បាស់លាស់ ដែលអាចរកប្រាក់ចំណូលបានទៀងទាត់សម្រាប់ផ្គត់ផ្គង់គ្រួសារ ជាពិសេសមានពេលវេលាគ្រប់គ្រាន់មើលថែកូន ព្រមទាំងអាចរស់នៅក្នុងផ្ទះខ្លួនឯងប្រកបដោយផាសុកភាពជាងមុន។” ប្រសាសន៍របស់ប្អូនស្រី រឿន ធឿន។
ជាចុងក្រោយ ប្អូនស្រីបានសរសើរដល់បុគ្គលិករបស់ អិលអូអិលស៊ី (LOLC) ដែលបានបំពេញការងារប្រកបដោយវិជ្ជាជីវៈ ដោយបានប្រឹក្សា និងផ្ដល់ព័ត៌មានដល់ ប្អូនស្រី ឱ្យបានយល់ច្បាស់នូវលក្ខខណ្ឌផ្សេងៗមុនពេលផ្តល់ប្រាក់កម្ចី។ មិនត្រឹមតែប៉ុណ្ណោះ អាកប្បកិរិយាបុគ្គលិកទៀតសោត គឺមានភាពរួសរាយរាក់ទាក់ និងការផ្តល់សេវាកម្មបានលឿន និងរហ័សគួរជាទីគាប់ចិត្ត។
ប្រភពចំណូលតែមួយច្រក មិនទាន់គ្រប់គ្រាន់សម្រាប់ឱ្យ បងស្រី គង់ ស្រីយ៉ា មានជីវភាពធូរធារបានទេ!
បងស្រី ស្រីយ៉ា សព្វថ្ងៃគឺជាអាជីវករលក់ចាប់ហួយ និងភេសជ្ជៈគ្រប់ប្រភេទ (ទឹកដូង ទឹកអំពៅ និងភេសជ្ជៈកំប៉ុងផ្សេងទៀត) ដែលមានទីតាំងស្ថិតនៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ ហើយបច្ចុប្បន្ន គាត់រស់នៅជាមួយស្វាមីឈ្មោះ សំ ចន្ធី និងកូនៗទាំងពីររបស់គាត់ ដែលមានកូនប្រុសម្នាក់ និងកូនស្រីម្នាក់។
បងស្រី ស្រីយ៉ា បានបង្ហាញឱ្យដឹងថា គាត់ហាក់មិនទាន់ពេញចិត្តជីវភាពពីមុនរបស់គាត់ឡើយ ព្រោះតែប្រាក់ចំណូលរបស់គាត់នៅមានកម្រិតដែលមិនអាចឱ្យគាត់ពង្រីកមុខរបររបស់គាត់បាននោះទេ។ អាស្រ័យហេតុនេះ គាត់បានត្រិះរិះពិចារណាក្នុងការស្វែងរកប្រភពចំណូលបន្ថែម។ បងស្រី បានតំណាលថា កាលដើមឡើយ គាត់លក់តែភេសជ្ជៈ ដែលមានទឹកដូង ទឹកអំពៅ និងភេសជ្ជៈកំប៉ុងប៉ុណ្ណោះ ប៉ុន្តែក្រោយមក បន្ទាប់ពីបានគិតគូរយ៉ាងច្បាស់លាស់ ព្រមទាំងបានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ទើប បងស្រី ចាប់ផ្តើមបង្កើតមុខរបរលក់ចាប់ហួយបន្ថែមមួយទៀត។ ការគាំទ្រផ្នែកហិរញ្ញវត្ថុនេះ បានផ្តល់លទ្ធភាពដល់ បងស្រី ស្រីយ៉ា ឱ្យរៀបចំទីតាំងលក់ និងទិញអីវ៉ាន់បានច្រើនសម្រាប់ចាប់ផ្តើមមុខរបរថ្មីរបស់គាត់បានយ៉ាងរលូន។
ជាមួយស្នាមញញឹមដ៏ស្រស់ស្អាត បងស្រី ស្រីយ៉ា បានបង្ហើបថា គាត់បានប្រើប្រាស់ប្រាក់កម្ចីចំនួនពីរវគ្គពី អិលអូអិលស៊ី (LOLC) ដោយនៅឆ្នាំ២០២១ ចំនួន ៦.០០០ដុល្លារ សម្រាប់ចាប់ផ្តើមមុខរបរថ្មី និងឆ្នាំ២០២៤ ចំនួន ១.០០០ដុល្លារ បន្ថែមទៀតដើម្បីពង្រីកមុខរបររបស់គាត់។ ស្របតាមបំណងនៃការពង្រីកអាជីវកម្ម និងភាពរីកចម្រើនបានយ៉ាងល្អប្រសើរនាំឱ្យប្រាក់ចំណូលរបស់គាត់កើនឡើងលើសពីការរំពឹងទុក។
ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ពិតជាបានចូលរួមចំណែកលើកស្ទួយជីវភាពរស់នៅរបស់បងប្រុស ថេង ឱ្យកាន់តែប្រសើរឡើង ដោយសព្វថ្ងៃអាជីវកម្មរបស់គាត់មានអីវ៉ាន់ច្រើនសម្បូរបែបសម្រាប់លក់ជូនភ្ញៀវ ...
ព្រឹកព្រលឹមស្រាងៗ បងប្រុស យ៉ែម ថេង បានរួសរាន់ក្រោកពីដំណេក ដើម្បីរៀបចំខ្លួនធ្វើដំណើរដោយរថយន្តរបស់គាត់ឆ្ពោះទៅយកកម្មករ កម្មការីរោងចក្រដើម្បីដឹកពួកគាត់ទៅបម្រើការងារ ដែលនេះគឺជាសកម្មភាព និងមុខរបរប្រចាំថ្ងៃរបស់ បងប្រុស។ ក្រៅពីការប្រកបមុខរបរដឹកកម្មករ កម្មការីរោងចក្រ បងប្រុស ថេង និងភរិយា ក៏ជាអាជីវករលក់ចាប់ហួយម្នាក់ផងដែរ ដែលមានទីតាំងស្ថិតនៅភូមិត្រពាំងបួន ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង។
បងប្រុស បានបញ្ជាក់ថា ជីវភាពរស់នៅក្នុងគ្រួសាររបស់គាត់មិនសូវមានការខ្វះខាតអ្វីឡើយ ប៉ុន្តែដោយសារមើលឃើញពីឱកាសបង្កើនប្រាក់ចំណូល ដើម្បីធ្វើឱ្យការលក់ដូររបស់គាត់កាន់តែមានសក្តានុពល និងរីកចម្រើនជាងនេះ បង ថេង បានស្វែងរកជំនួយជាការគាំទ្រផ្នែកហិរញ្ញវត្ថុពីដៃគូដ៏មានទំនុកចិត្ត ដើម្បីពង្រីកអាជីវកម្មលក់ចាប់ហួយរបស់គាត់។ ជាលទ្ធផល បងប្រុស បានស្គាល់ អិលអូអិលស៊ី (LOLC) តាមរយៈបណ្តាញសង្គម ហើយក្រោយមក បន្ទាប់ពីបានទទួលការប្រឹក្សាយោបល់យ៉ាងច្បាស់លាស់ពីបុគ្គលិកជំនាញរបស់ អិលអូអិលស៊ី (LOLC) គាត់ក៏បានទទួលយកប្រាក់កម្ចីមកប្រើប្រាស់តាមតម្រូវការដែលបានគ្រោងទុក និងសម្រាប់ពង្រីកអាជីវកម្មបស់គាត់។ គិតមកដល់ពេលបច្ចុប្បន្ននេះ បងប្រុស បានប្រើប្រាស់ប្រាក់កម្ចី ពី អិលអូអិលស៊ី (LOLC) រហូតដល់ទៅបួនវគ្គមកហើយ។
ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ពិតជាបានចូលរួមចំណែកលើកស្ទួយជីវភាពរស់នៅរបស់បងប្រុស ថេង ឱ្យកាន់តែប្រសើរឡើង ដោយសព្វថ្ងៃអាជីវកម្មរបស់គាត់មានអីវ៉ាន់ច្រើនសម្បូរបែបសម្រាប់លក់ជូនភ្ញៀវ រីឯប្រាក់ចំណូលរបស់គាត់វិញគឺពិតជាបានកើនឡើងគួរឱ្យគត់សម្គាល់។ ទាំងនេះ គឺជាលទ្ធិផលដ៏ប្រសើរមួយដែលកើតចេញពីការខិតខំប្រឹងប្រែង គួបផ្សំនឹងការប្រើប្រាស់ប្រាក់កម្ចីប្រកបដោយភាពឈ្លាសវៃ និងចំគោលដៅរបស់បងប្រុសផងដែរ។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
