ភាពរីកចម្រើននៃមុខរបររបស់លោកពូ ហ៊ន ទូច បានបង្ហាញពីលទ្ធផលវិជ្ជមាន ក្រោយប្រើប្រាស់កម្ចីរបស់អិលអូអិលស៊ី (LOLC)
លោកពូ ហ៊ន ទូច ជាជាងជួសជុលរថយន្ត និងម៉ូតូដ៏ជំនាញម្នាក់ នៅភូមិព្រៃអម្ពារ ឃុំព្រៃត្រឡាច ស្រុករុក្ខគិរី ខេត្តបាត់ដំបង។ លោកពូ មានឆន្ទះខ្ពស់ក្នុងការរកប្រាក់ចំណូលសម្រាប់ផ្គត់ផ្គង់គ្រួសាររបស់គាត់។ គាត់បានពង្រីកមុខរបរបច្ចុប្បន្នកាន់តែរីកចម្រើន បង្កើនប្រាក់ចំណូលកាន់តែខ្ពស់ ជាលទ្ធផលធ្វើឱ្យជីវភាពរស់នៅក្នុងគ្រួសារគាត់ល្អប្រសើរឡើង។
ខណៈកំពុងជួសជុលរថយន្តបណ្តើរ លោកពូ ហ៊ន ទូច បានរៀបរាប់បណ្តើរថា “មុខរបរជួសជុលរថយន្ត និងម៉ូតូរបស់ខ្ញុំមានភាពរលូនជាងមុន បន្ទាប់ពីខ្ញុំបានប្រើប្រាស់កម្ចីដំបូងពី អិលអូអិលស៊ី (LOLC) ក្នុងឆ្នាំ២០១៩ និងលើកទី២ក្នុងឆ្នាំ២០២៣ ដែលជាដើមទុន ក្នុងការទិញគ្រឿងបន្លាស់រថយន្ត និងម៉ូតូបន្ថែម សម្រាប់ជួសជុលជូនភ្ញៀវ”។
បច្ចុប្បន្នលោកពូ បានកែលម្អគេហដ្ឋានបានធំទូលាយ និងមានផាសុខភាពសម្រាប់គ្រួសារ ព្រមទាំងបានបើកកន្លែងលាងរថយន្ត និងម៉ូតូបន្ថែម ដែលបង្ហាញពីភាពជោគជ័យលើមុខរបររបស់គាត់ពិតប្រាកដមែន។ លើសពីនេះ ភាពជោគជ័យរបស់លោកពូ បានសបញ្ជាក់ពី សារៈសំខាន់នៃប្រាក់កម្ចីរបស់អិលអូអិលស៊ី (LOLC) តាមរយៈដំណោះស្រាយផ្នែកហិរញ្ញវត្ថុដល់អតិថិជនផងដែរ។
បងប្រុស គួន ភី បានប្រើកម្ចីចំគោលដៅ ដោយបង្កើតភាពរីកចម្រើននៃរបរលក់អីវ៉ាន់ចាប់ហួយ និងសម្ភារសម្រាប់ទារក
ក្រោយបានស្គាល់ អិលអូអិលស៊ី (LOLC) តាមរយៈបងប្អូនបង្កើត និងបានយល់ច្បាស់ពីលក្ខខណ្ឌកម្ចី បងប្រុស គួន ភី ដែលជាជាងផ្សារដែក និងជាអាជីវករលក់អីវ៉ាន់ចាប់ហួយ និងសម្ភារសម្រាប់ទារក នៅភូមិចំការដូង ឃុំព្រៃវិហារ ស្រុកគងពិសី ខេត្តកំពង់ស្ពឺ បានសម្រេចប្រើប្រាស់កម្ចីពី អិលអូអិលស៊ី (LOLC) រហូតដល់ទៅពីរវគ្គជាប់គ្នាដើម្បីពង្រីកមុខរបរលក់ចាប់ហួយ និងសម្ភារសម្រាប់ទារក ដោយបានទិញអីវ៉ាន់ចូលស្តុកបន្ថែមសម្រាប់លក់ឱ្យកាន់តែច្រើន និងសម្បូរបែបជាងមុន។
ពិតជាសមតាមគោលបំណង របរលក់ដូររបស់បងប្រុសបានរីកចម្រើនគួរឱ្យកត់សម្គាល់ព្រោះមានអីវ៉ាន់គ្រប់គ្រាន់សម្រាប់លក់ជូនភ្ញៀវ និងបានលក់ដាច់ជាងមុនដែលធ្វើឱ្យចំណូលរបស់គាត់បានកើនឡើងជាលំដាប់។ ជាការពិតណាស់ នេះជាគុណតម្លៃនៃប្រាក់កម្ចីរបស់ អិលអូអិលស៊ី (LOLC) ដែលបានជួយជំរុញភាពលូតលាស់នៃអាជីវកម្មរបស់បងប្រុសឱ្យបានមកដល់ចំណុចនៃភាពរីកចម្រើននេះ។
បងប្រុសបានឱ្យដឹងបន្ថែមថា ផលិតផល និងសេវាកម្មរបស់ អិលអូអិលស៊ី (LOLC) មានលក្ខណៈល្អប្រសើរសម្រាប់គាត់ ហើយដោយយោងលើភាពងាយស្រួលក្នុងការប្រើប្រាស់សេវាជាមួយ អិលអូអិលស៊ី (LOLC) និងភាពរីកចម្រើននាពេលបច្ចុប្បន្ន គាត់នឹងស្នើកម្ចីបន្តទៀតនាពេលខាងមុខជាមួយ អិលអូអិលស៊ី (LOLC) នៅពេលដែលមានតម្រូវការ។
អ្នកមីង ញ៉ែម ជឿន បានប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីជំរុញការលក់ដូរ និងធ្វើឱ្យជីវភាពគ្រួសារមានភាពរីកចម្រើន
អ្នកមីង ញ៉ែម ជឿន មានអាសយដ្ឋាននៅក្នុង ភូមិកញ្ចំ ឃុំកញ្ចំ ស្រុកពារាំង ខេត្តព្រៃវែង តែងតែស្រមៃចង់ពង្រីករបរលក់ដូររបស់ខ្លួន ដើម្បីបំពេញតម្រូវការទិញរបស់អតិថិជនដែលកំពុងកើនឡើង ប៉ុន្តែអ្វីដែលជាកត្តាប្រឈមនោះគឺការខ្វះខាតដើមទុន។ បន្ទាប់ពីបានស្គាល់ អិលអូអិលស៊ី (LOLC) ដែលជាគ្រឹះស្ថានហិរញ្ញវត្ថុផ្តល់ជូនសេវាប្រាក់កម្ចីយ៉ាងសម្បូរបែប ជាពិសេសគឺសេវាប្រាក់កម្ចីសម្រាប់អាជីវកម្មខ្នាតតូចផងនោះ អ្នកមីង ញ៉ែម ជឿន បានដាក់ពាក្យស្នើសុំកម្ចី ដោយបង្ហាញជូនជាមួយនឹងផែនការយ៉ាងច្បាស់លាស់ពាក់ព័ន្ធនឹងស្ថានភាពចំណូល-ចំណាយនាពេលបច្ចុប្បន្ន និងនាពេលអនាគតដែលរំពឹងទុក។ ក្រោយពេលទទួលបានប្រាក់កម្ចី អ្នកមីងបានបែងចែកប្រាក់មួយចំនួនសម្រាប់រៀបចំទីតាំងលក់អីវ៉ាន់ឱ្យមានភាពទាក់ទាញ និងមួយចំនួនទៀតបានយកទៅទិញអីវ៉ាន់បន្ថែមដើម្បីបំពេញតម្រូវការអតិថិជន។ គិតមកដល់ពេលនេះអ្នកមីងបានប្រើប្រាស់កម្ចីសរុបចំនួនពីរវគ្គរួចមកហើយជាមួយ អិលអូអិលស៊ី (LOLC)។
តាមរយៈការវិនិយោគដ៏ឆ្លាតវៃ ការតាំងចិត្តខ្ពស់ ភាពស្មោះត្រង់ និងការគាំទ្រដើមទុនពី អិលអូអិលស៊ី (LOLC) បានធ្វើឱ្យអតិថិជនរបស់អ្នកមីងមានការកើនឡើងជាលំដាប់ ហើយប្រាក់ចំណូលក៏បានកើនឡើងស្របពេលជាមួយគ្នានោះដែរ ដែលជាហេតុធ្វើឱ្យមុខរបររបស់អ្នកមីងមានការរីកចម្រើនជាបន្តបន្ទាប់ និងមានលទ្ធភាពអាចសងប្រាក់កម្ចីយ៉ាងទៀងទាត់ ហើយថែមទាំងអាចចាប់ផ្តើមសន្សំសម្រាប់ផែនការអនាគត។
អ្នកមីងបានបន្ថែមថា “នៅពេលយើងមានផែនការច្បាស់លាស់ ភាពស្មោះត្រង់ និងការព្យាយាមខ្ពស់ប៉ុនណា នោះអាជីវកម្មរបស់យើងគឺមានឱកាសក្នុងការទទួលបាននូវភាពជោគជ័យខ្ពស់ប៉ុននោះដែរ លើសពីនោះនៅពេលដែលយើងមានប្រវត្តិសងត្រឡប់ប្រាក់កម្ចីល្អ ការស្នើសុំប្រាក់កម្ចីលើកក្រោយទៀតសម្រាប់គាំទ្រមុខរបរក៏ងាយនឹងទទួលបានការយល់ព្រមពីស្ថាប័នហិរញ្ញវត្ថុផងដែរ”។
បងប្រុស ឃុក ចិត្រា ប្រើកម្ចីដើម្បីពង្រីកការដាំដុះ បង្កើនចំណូលបានខ្ពស់ គ្រួសារមានជីវភាពរីកចម្រើន
ខណៈកំពុងពិនិត្យមើលគុណភាពជ័រកៅស៊ូ បងប្រុស ឃុក ចិត្រា ដែលជាកសិករម្នាក់ មានរបរដាំដុះដំណាំកៅស៊ូ ដើម្បីចៀរជ័រយកលក់ សិ្ថតនៅភូមិលាជក្រោម ឃុំជាំ ស្រុកមេមត់ ខេត្តត្បូងឃ្មុំ បានរៀបរាប់ទាំងសេចក្តីសប្បាយរីករាយថា ដើមឡើយបងប្រុសធ្វើចម្ការត្រឹម ២ហិកតា នោះទេ តែឥឡូវបានពង្រីកវិសាលភាពនៃការដាំដុះបានធំជាងមុនរហូតជាង ៣ហិកតា។ តាមរយៈទំហំនៃការដាំដុះបានធំជាងមុនដូច្នេះហើយ ទើបបានធ្វើឱ្យទិន្នផលនៃជ័រកៅស៊ូរបស់បងប្រុសកើនឡើង ដែលអាចរកចំណូលបានច្រើនជាងមុន ហើយមានជីវភាពយ៉ាងល្អប្រសើរ។
ជាក់ស្តែងណាស់ ប្រាក់កម្ចីរបស់ អិលអូអិលស៊ី (LOLC) ពិតជាបានចូលរួមចំណែកធ្វើឱ្យជីវភាពបងប្រុសបានរីកចម្រើនពិតប្រាកដ។ បងប្រុស បានបញ្ជាក់ថា គាត់បានប្រើប្រាស់កម្ចីរបស់ អិលអូអិលស៊ី (LOLC) ដើម្បីយកមកធ្វើជាដើមទុនក្នុងការពង្រីកដីចម្ការរបស់គាត់ ដោយបានទិញដីចម្ការបន្ថែមដើម្បីដាំដុះ។ ហើយនេះជាមូលហេតុដែលធ្វើឱ្យបងប្រុសអាចរកចំណូលបានខ្ពស់ មានជីវភាពរីកចម្រើនមកដល់សព្វថ្ងៃ។
ជាចុងក្រោយបងប្រុស បានសម្តែងការអរគុណអស់ពីចិត្តថា “សូមអរគុណដល់ អិលអូអិលស៊ី ដែលបានផ្តល់ប្រាក់កម្ចីដល់រូបខ្ញុំដើម្បីធ្វើជាដើមទុនសម្រាប់ទិញដីពង្រីកការដាំដុះធ្វើឱ្យជីវភាពរបស់ខ្ញុំល្អប្រសើរ។”
អ្នកមីង នុត សុខៃ មានភាពប៉ិនប្រសប់ក្នុងការធ្វើម្ហូបយ៉ាងចំណាន និងការប្រើប្រាស់កម្ចីចំគោលដៅ ធ្វើឱ្យអាជីវកម្មរីកចម្រើន និងជីវភាពល្អប្រសើរ
ជាមួយទឹកមុខស្រស់ស្រាយ និងរួសរាយរាក់ទាក់អ្នកមីង នុត សុខៃ បានតំណាលពីភាពរីកចម្រើន និងការពង្រឹងអាជីវកម្មរបស់គាត់ជាមួយការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ថា ដំបូងឡើយគាត់គ្រាន់តែជាអាជីវករម្នាក់ ដែលដឹកទំនិញយកទៅលក់នៅទីក្រុងភ្នំពេញតែប៉ុណ្ណោះ ហើយចំណូលទទួលបានក៏នៅមានកម្រិតនៅឡើយព្រមទាំងមានភាពនឿយហត់ជាខ្លាំងក្នុងការធ្វើដំណើរផ្លូវឆ្ងាយជារៀងរាល់ថ្ងៃ។
ក្រោយមក អ្នកមីង នុត សុខៃ បានបើកអាហារដ្ឋានលក់ស៊ុប និងបាយម្ហូប ស្ថិតនៅភូមិជ្រោយស្លែង ឃុំគិរីចុងកោះ ស្រុគិរីវង់ ខេត្តតាកែវ។ ក្នុងឆ្នាំ២០១៧ អ្នកមីងបានចាប់ផ្តើមបន្ថែមដើមទុនទៅលើអាជីវកម្មថ្មីរបស់គាត់ជាមួយនឹងប្រាក់កម្ចីរបស់ អិលអូអិលស៊ី (LOLC)។ មកដល់បច្ចុប្បន្ន អ្នកមីងបានប្រើប្រាស់កម្ចីរហូតដល់ទៅ៤វគ្គ ដើម្បីគាំទ្រដល់ដំណើរលូតលាស់នៃអាជីវកម្មនេះ។
ក្រៅពីដើមទុនសម្រាប់ពង្រឹង និងពង្រីកអាជីវកម្ម អ្នកមីងក៏បានប្រើប្រាស់ក្នុងគោលបំណងដើម្បីកែលម្អគេហដ្ឋាន និងទិញម៉ូតូសម្រាប់ប្រើប្រាស់ក្នុងគ្រួសារផងដែរ។
ភាពប៉ិនប្រសប់ក្នុងការធ្វើម្ហូបយ៉ាងចំណាន និងការប្រើប្រាស់កម្ចីចំគោលដៅផងនោះទើបធ្វើឱ្យអាជីវកម្មរបស់អ្នកមីង រីកចម្រើន ដោយមានការគាំទ្រ និងទទួលស្គាល់ពីស្នាដៃធ្វើម្ហូបដ៏មានឱជារសរបស់គាត់ពីសំណាក់អតិថិជនជិតឆ្ងាយ ដែលធ្វើឱ្យគាត់មានជីវភាពល្អប្រសើរមកដល់សព្វថ្ងៃ។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
