បងប្រុស សែម នី បានខិតខំប្រឹងប្រែងរហូតក្លាយជាម្ចាស់សិប្បកម្មផ្សារដែកមួយកន្លែង ស្ថិតនៅភូមិមឿងចារ ឃុំជាងទង ស្រុកត្រាំកក់ ខេត្តតាកែវ។
ពីជាងសំណង់ម្នាក់ដែលទទួលបានប្រាក់ឈ្នួលត្រឹមតែ ៤០.០០០រៀល ក្នុងមួយថ្ងៃ បងប្រុស សែម នី បានខិតខំប្រឹងប្រែងរហូតក្លាយជាម្ចាស់សិប្បកម្មផ្សារដែកមួយកន្លែង ស្ថិតនៅភូមិមឿងចារ ឃុំជាងទង ស្រុកត្រាំកក់ ខេត្តតាកែវ។
បងប្រុស សែម នី មានភរិយាឈ្មោះ ងី សុភ័ក្រ ប្រកបរបរជាអ្នកលក់ចាប់ហួយ និងមានកូនស្រីចំនួនបីនាក់ក្នុងបន្ទុកគ្រួសារ ដែលជាសិស្សកំពុងសិក្សានៅថ្នាក់អនុវិទ្យាល័យម្នាក់ និងថ្នាក់បឋមសិក្សាពីរនាក់។ ដោយសេចក្តីព្យាយាម និងការប្ដេជ្ញាចិត្តខ្ពស់ បងប្រុស នី បានខិតខំប្រឹងប្រែងអភិវឌ្ឍអាជីវកម្មរបស់ខ្លួន ដើម្បីធ្វើឱ្យជីវភាពគ្រួសាររីកចម្រើន ជាពិសេសក្នុងការចិញ្ចឹមមើលថែ និងផ្គត់ផ្គង់កូនៗទាំងបីឱ្យទទួលបានការអប់រំល្អប្រសើរ និងមានអនាគតរុងរឿង។
បច្ចុប្បន្ន សិប្បកម្មផ្សារដែករបស់បងប្រុស នី បានដំណើរការយ៉ាងល្អប្រសើរ។ ហើយ បងប្រុស បានបង្ហើបថា ភាពជោគជ័យនេះកើតឡើងដោយសារការគាំទ្រផ្នែកហិរញ្ញវត្ថុពីគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) តាមរយៈការទទួលបានប្រាក់កម្ចីជាបន្តបន្ទាប់។ បងប្រុស នី បានបញ្ជាក់ថា កាលពីឆ្នាំ២០១៩ គាត់បានស្នើកម្ចីលើកដំបូងចំនួន ៦.០០០ដុល្លារ ដើម្បីពង្រីកសិប្បកម្មផ្សារដែករបស់ខ្លួន។ ហើយចាប់តាំងពីពេលនោះមក គាត់បានប្រើប្រាស់ប្រាក់កម្ចីវគ្គក្រោយៗមកទៀត ដើម្បីអភិវឌ្ឍអាជីវកម្មផ្សារដែករបស់គាត់ និងមុខរបរលក់ចាប់ហួយរបស់ភរិយាគាត់ជាបន្តបន្ទាប់ និងប្រាក់កម្ចីដែលមួយចំណែក គាត់បានទិញដីមួយកន្លែងទុកប្រើប្រាស់នាពេលខាងមុខផងដែរ។
បងប្រុស សែម នី បានបង្ហាញពីអារម្មណ៍សប្បាយរីករាយ ចំពោះភាពរីកចម្រើននៃអាជីវកម្មរបស់គាត់ និងការជ្រើសរើសដៃគូរគាំទ្រផ្នែកហិរញ្ញវត្ថុបានត្រឹមត្រូវ។ ភាពរីកចម្រើននេះមិនត្រឹមតែបានធ្វើឱ្យអាជីវកម្មរបស់គាត់មានស្ថិរភាពប៉ុណ្ណោះទេ ប៉ុន្តែថែមទាំងបានធ្វើឱ្យប្រាក់ចំណូលរបស់គាត់កើនឡើងជារឿយៗផងដែរ។ លទ្ធផលវិជ្ជមាននេះបានឱ្យ បងប្រុស និងភរិយាមានលទ្ធភាពគ្រប់គ្រាន់ក្នុងការផ្គត់ផ្គង់ការសិក្សារៀនសូត្ររបស់កូនៗទាំងបីនាក់បានយ៉ាងល្អប្រសើរ ស្របតាមសេចក្តីប្រាថ្នា និងធ្វើឱ្យការរស់នៅរបស់គាត់កាន់តែមានភាពសុភមង្គល។
បងស្រី រដ្ឋ គឺជាអាជីវករលក់ជី ថ្នាំកសិកម្ម និងចាប់ហួយ ស្ថិតនៅភូមិតាគឹមលើ ឃុំអន្លង់សំណរ ស្រុកជីក្រែង ខេត្តសៀមរាប។
ចាប់ផ្តើមពីរោងតូចមួយ និងមានអីវ៉ាន់ស្តុកទុកបន្តិចបន្តួច បងស្រី ជុន រដ្ឋ បានសម្លឹងមើលឃើញពីសក្តានុពលនៃអាជីវកម្មរបស់ខ្លួនថាអាចធំធាត់ និងរីកចម្រើនជាងនេះ។ បងស្រី រដ្ឋ គឺជាអាជីវករលក់ជី ថ្នាំកសិកម្ម និងចាប់ហួយ ស្ថិតនៅភូមិតាគឹមលើ ឃុំអន្លង់សំណរ ស្រុកជីក្រែង ខេត្តសៀមរាប។
ក្នុងនាមជាស្រ្តីមួយរូបដែលមានក្តីស្រមៃធំធេងពោរពេញដោយក្តីសង្ឃឹម និងការតាំងចិត្តខ្ពស់ បងស្រី រដ្ឋ បានដើរតាមឆន្ទៈរបស់ខ្លួនក្នុងការពង្រីកអាជីវកម្មឱ្យរីកចម្រើនប្រសើរឡើង។ បងស្រីបានចែករំលែកថា ការពង្រីកអាជីវកម្មរបស់គាត់គឺបានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) កាលពីឆ្នាំ២០២១ ដោយបានស្នើប្រាក់កម្ចីចំនួន ៥.០០០ដុល្លារ ដើម្បីបង្កើនស្តុកជី និងថ្នាំកសិកម្មសម្រាប់បំពេញតម្រូវការអតិថិជន។ ដោយបានគិតគូរវែងឆ្ងាយ បងស្រីក៏បានប្រើប្រាស់ប្រាក់កម្ចីលើកទីពីរចំនួន ១២.០០០ដុល្លារ នៅឆ្នាំ២០២៣ ដើម្បីទិញដីភូមិមួយកន្លែងទុកប្រើប្រាស់នាពេលអនាគត។ នៅឆ្នាំ២០២៥ បងស្រី រដ្ឋ បានបន្តប្រើប្រាស់កម្ចីវគ្គទីបី ក្នុងគោលបំណងពង្រីកការលក់ដូររបស់គាត់ ដោយបានទិញជី និងថ្នាំកសិកម្មបន្ថែមទៀត។
បងស្រី រដ្ឋ បានបញ្ជាក់ថា ការប្រើប្រាស់ប្រាក់កម្ចីពី អិលអូអិលស៊ី (LOLC) បានផ្តល់ឱ្យគាត់នូវដើមទុនគ្រប់គ្រាន់សម្រាប់អភិវឌ្ឍក៏ដូចជាពង្រីកអាជីវកម្មបន្ថែម មានអីវ៉ាន់ក្នុងស្តុកច្រើនសម្រាប់លក់ជូនអតិថិជន និងបានពង្រីកទីតាំងលក់ដូរកាន់តែធំទូលាយជាងមុន។ ជាពិសេស តាមរយៈភាពរីកចម្រើននេះ បានធ្វើឱ្យប្រាក់ចំណូលរបស់ បងស្រី កើនឡើងកាន់តែច្រើន ដែលអាចឱ្យគាត់យកទៅប្រើប្រាស់ក្នុងអាជីវកម្ម និងសម្រាប់ផ្គត់ផ្គង់ជីវភាពគ្រួសារ។
ស្ថិតនៅក្នុងភូមិត្រពាំងព្រីង ឃុំត្រពាំងព្រីង ស្រុកតំបែរ ខេត្តត្បូងឃ្មុំ បងស្រី ផូ វណ្ណា និងស្វាមីប្រកបរបរជាអ្នកចិញ្ចឹមជ្រូកលក្ខណៈគ្រួសារ
ស្ថិតនៅក្នុងភូមិត្រពាំងព្រីង ឃុំត្រពាំងព្រីង ស្រុកតំបែរ ខេត្តត្បូងឃ្មុំ បងស្រី ផូ វណ្ណា និងស្វាមីប្រកបរបរជាអ្នកចិញ្ចឹមជ្រូកលក្ខណៈគ្រួសារ។ បងស្រី វណ្ណា បានរៀបរាប់ថាកាលពីដើមឡើយ ជីវភាពរស់នៅរបស់ពួកគាត់មិនទាន់ប្រសើរដូចសព្វថ្ងៃនេះឡើយ ព្រោះតែបញ្ហាហិរញ្ញវត្ថុក្នុងគ្រួសារ។ ដោយឡែក ពួកគាត់ទាំងពីរក៏មានកូនចំនួនពីរនាក់នៅក្នុងបន្ទុកដែលត្រូវមើលថែរក្សា និងត្រូវផ្គត់ផ្គង់ការសិក្សារៀនសូត្ររបស់ពួកគេផងដែរ។
ក្រោយមក ជីវភាពរស់នៅក្នុងគ្រួសាររបស់បងស្រី វណ្ណា បានផ្លាស់ប្តូរបន្តិចម្ដងៗបន្ទាប់ពីបងស្រី បានជ្រើសរើសយក អិលអូអិលស៊ី (LOLC) ជាដៃគូសហការក្នុងការដោះស្រាយបញ្ហាផ្នែកហិរញ្ញវត្ថុរបស់ពួកគាត់។ បងស្រី វណ្ណា ចាប់ផ្តើមទទួលយកប្រាក់កម្ចីលើកដំបូងនៅឆ្នាំ២០២៣ ក្នុងគោលបំណងទិញដីចម្ការមួយកន្លែងដើម្បីធ្វើចម្ការស្វាយចន្ទី។ ក្រោយមកឆ្នាំ២០២៥ បងស្រី វណ្ណា បានប្រើប្រាស់ប្រាក់កម្ចីលើកទីពីរ ក្នុងគោលបំណងទិញជ្រូកបន្ថែមសម្រាប់ចិញ្ចឹមទុកលក់ និងប្រាក់កម្ចីមួយចំណែកសម្រាប់ទិញម៉ូតូមួយគ្រឿងដើម្បីទុកប្រើប្រាស់សម្រាប់សម្រួលបន្ទុកលើមុខរបរទាំងពីរខាងលើ និងប្រើប្រាស់ក្នុងគ្រួសារ។
ត្រឹមតែរយៈពេលពីរឆ្នាំប៉ុណ្ណោះ ការប្រកបអាជីវកម្ម និងកសិកម្មទាំងពីរនេះ បានហុចផលមកឱ្យបងស្រី វណ្ណា វិញគួរឱ្យកត់សម្គាល់ និងបានធ្វើឱ្យប្រាក់ចំណូលក្នុងគ្រួសាររបស់បងស្រី កើនឡើងជាបន្តបន្ទាប់ និងបានធ្វើឱ្យជីវភាពរស់នៅរបស់គ្រួសារគាត់កាន់តែល្អប្រសើរ និងមានស្ថិរភាពហិរញ្ញកាន់តែរឹងមាំជាងមុន។
បងស្រី វណ្ណា បានបង្ហាញពីក្តីរីករាយចំពោះលទ្ធផលវិជ្ជមាននៃការប្រើប្រាស់ប្រាក់កម្ចីពី អិលអូអិលស៊ី (LOLC) និងបានអរគុណដល់ អិលអូអិលស៊ី (LOLC) សម្រាប់ដំណោះស្រាយហិរញ្ញវត្ថុ ដែលជាដើមទុនដ៏សំខាន់ជួយឱ្យមុខរបររបស់គាត់រីកចម្រើន ដែលបើកឱកាសឱ្យគ្រួសារគាត់ទទួលបានចំណូលបន្ថែមគួរជាទីគាប់ចិត្ត។
ភាពជោគជ័យរបស់បងស្រី ផូ វណ្ណា គឺជាភស្តុតាងដែលបញ្ជាក់ថាការតស៊ូប្រឹងប្រែងរួមបញ្ចូលជាមួយដៃគូសហការផ្នែកហិរញ្ញវត្ថុដ៏មានទំនួលខុសត្រូវ អាចនាំឱ្យជីវភាពរស់នៅផ្លាស់ប្តូរទៅរកភាពរីកចម្រើនយ៉ាងពិតប្រាកដ។
បងប្រុស រី រ័ត្ន ជាកសិករដាំដុះដំឡូងមី និងស្វាយចន្ទី នៅស្រុកពេជ្រាដា ខេត្តមណ្ឌលគិរី។
តស់! មកអានសាច់រឿងរបស់អតិថិជននៅភូមិភាគឦសាននៃស្រុកពេជ្រាដា ខេត្តមណ្ឌលគិរី វិញម្ដង ដែលគាត់ជាកសិករគំរូម្នាក់កំពុងប្រកបរបរកសិកម្មលើផ្ទៃដីជាច្រើនហិកតា រួមជាមួយភាពឆ្លាតវៃ និងការខិតខំប្រឹងប្រែងយ៉ាងស្វាហាប់។
បងប្រុស រី រ័ត្ន ជាកសិករដាំដុះដំឡូងមី និងស្វាយចន្ទី នៅស្រុកពេជ្រាដា ខេត្តមណ្ឌលគិរី ដែលមានឆន្ទៈដ៏មុតមាំ និងគោលដៅច្បាស់លាស់ក្នុងការអភិវឌ្ឍវិស័យកសិកម្មរបស់ខ្លួនឱ្យរីកលូតលាស់ទៅមុខ។ បច្ចុប្បន្ននេះ ការធ្វើចម្ការរបស់គាត់កំពុងតែរីកចម្រើនយ៉ាងរលូនដោយទទួលផលដ៏ល្អប្រសើរ។
ខណៈពេលកំពុងដើរមើលចម្ការដំឡូងមីរបស់ខ្លួន បងប្រុស រី រ័ត្ន បានឆ្លៀតចែករំលែកពីបទពិសោធន៍ និងបញ្ហាប្រឈមដែលគាត់បានឆ្លងកាត់ និងដំណោះស្រាយដែលនាំឱ្យគាត់ទទួលបានភាពជោគជ័យដូចសព្វថ្ងៃ។ បងប្រុស បានឱ្យដឹងថា ការធ្វើចម្ការដំឡូងមីរបស់គាត់គឺត្រូវការដើមទុនជាច្រើនសម្រាប់ជួលកម្មករ និងជួលត្រាក់ទ័រភ្ជួរដី។ ដោយសារបញ្ហាហិរញ្ញវត្ថុមិនគ្រប់គ្រាន់នេះហើយ គាត់ក៏បានស្វែងរកដៃគូសហការដែលអាចទុកចិត្តបានសម្រាប់គាំទ្រផ្នែកហិរញ្ញវត្ថុរបស់គាត់។
ស្របតាមហេតុផលដែលបានរៀបរាប់ខាងលើនេះ បងប្រុស រី រ័ត្ន ក៏បានសម្រេចចិត្តជ្រើសរើសយក អិលអូអិលស៊ី (LOLC) ជាដៃគូហិរញ្ញវត្ថុ ដោយចាប់ផ្តើមប្រើប្រាស់ប្រាក់កម្ចីដំបូងក្នុងឆ្នាំ២០១៨ ចំនួន ១០.០០០.០០០ រៀល សម្រាប់ជួលកម្មករ និងជួលត្រាក់ទ័រភ្ជួរដីចម្ការដំឡូងមីរបស់គាត់។ បន្ទាប់មក គាត់បានបន្តប្រើប្រាស់ប្រាក់កម្ចីបន្ថែមទៀតក្នុងឆ្នាំបន្តបន្ទាប់ ដើម្បីពង្រឹងការធ្វើចម្ការដំឡូងមី និងចម្ការស្វាយចន្ទីរបស់ខ្លួន។ ការចំណាយដើមទុនដ៏ធំ ទៅលើរបរកសិកម្មនេះ ក៏បានផ្ដល់ជាផ្លែផ្កាមកឱ្យបងប្រុសវិញគួរឱ្យកត់សម្គាល់ ដោយសារទិន្នផលដែលទទួលបានមានភាពល្អប្រសើរឡើងជាបន្តបន្ទាប់ពីមួយឆ្នាំទៅមួយឆ្នាំក្រោយពេលដែលមានប្រភពទុនគ្រប់គ្រាន់សម្រាប់គាំទ្រដល់ដំណើរការដាំដុះ ដែលជាហេតុធ្វើឱ្យប្រាក់ចំណូលរបស់គាត់កើនឡើងជារឿយៗផងដែរ។
ជាមួយនឹងចក្ខុវិស័យវែងឆ្ងាយ និងការគិតគូរយ៉ាងឆ្លាតវៃរបស់គាត់ បងប្រុស រី រ័ត្ន បានប្រើប្រាស់ប្រាក់ចំណូលដែលមានស្រាប់របស់ខ្លួនរួមជាមួយនឹងប្រាក់កម្ចីវគ្គទី៤ ពី អិលអូអិលស៊ី (LOLC) ដើម្បីទិញត្រាក់ទ័រមួយជាកម្មសិទ្ធិផ្ទាល់ខ្លួន ដោយមិនចាំបាច់ជួលគេដូចមុនទៀតឡើយ។ ការបោះជំហានដ៏ឆ្លាតវៃនេះបានជួយឱ្យគាត់កាត់បន្ថយចំណាយលើការជួលត្រាក់ទ័រភ្ជួរដី ហើយការធ្វើចម្ការរបស់គាត់ក៏កាន់តែល្អប្រសើរ ដោយទទួលបានទិន្នផលច្រើនជាងមុន ដែលធ្វើឱ្យប្រាក់ចំណូលរបស់គាត់កើនឡើង នាំឱ្យជីវភាពគ្រួសាររីកចម្រើនកាន់តែប្រសើរ។
បងស្រី សុខ សាវន ដែលជាអ្នកលក់បោះដុំ និងលក់រាយអីវ៉ាន់ចាប់ហួយនៅស្រុកពញាឮ ខេត្តកណ្តាល ។
ដើមទុន គឺជាផ្នែកមួយដ៏សំខាន់សម្រាប់អាជីវករគ្រប់រូបក្នុងការគ្រប់គ្រងអាជីវកម្មរបស់ពួកគាត់ឱ្យមានស្ថិរភាព និងភាពរីកចម្រើន។
បងស្រី សុខ សាវន ដែលជាអ្នកលក់បោះដុំ និងលក់រាយអីវ៉ាន់ចាប់ហួយនៅស្រុកពញាឮ ខេត្តកណ្តាល ដែលមានក្តីស្រមៃចង់ឃើញអាជីវកម្មរបស់ខ្លួនរីកចម្រើន និងអាចបំពេញតម្រូវការរបស់អតិថិជនឱ្យកាន់តែទូលំទូលាយជាងមុន ប៉ុន្តែដោយសារកង្វះខាតដើមទុននេះហើយជាបញ្ហាធំបំផុតសម្រាប់ បងស្រី ដែលបានរារាំងការអភិវឌ្ឍអាជីវកម្មរបស់គាត់។ ទោះជាយ៉ាងណាក៏ដោយ បញ្ហាទាំងនេះមិនមែនជាកង្វល់ និងឧបសគ្គសម្រាប់ បងស្រី ទៀតនោះទេ! តើអ្វីទៅជាអាថ៌កំបាំងនៃភាពជោគជ័យរបស់គាត់? តស់មកអានពីសាច់រឿងរបស់បងស្រីទាំងអស់គា្ន!
“ជាងប្រាំឆ្នាំមកនេះ ខ្ញុំបានប្រកបរបរលក់បោះដុំ និងលក់រាយអីវ៉ាន់ចាប់ហួយ ដែលទទួលបានការគាំទ្រយ៉ាងច្រើនពីអតិថិជន។ ប៉ុន្តែនៅពេលណាដែលការបញ្ជាទិញកើនឡើង ខ្ញុំតែងតែពិបាកក្នុងការផ្គត់ផ្គង់អីវ៉ាន់ឱ្យទាន់ពេលវេលា សម្រាប់ភ្ញៀវ ដោយសារតែអីវ៉ាន់ដែលមានក្នុងស្តុកមិនគ្រប់គ្រាន់ ហើយដើមទុនរបស់ខ្ញុំនៅមានកម្រិតនៅឡើយក្នុងការទិញអីវ៉ាន់បន្ថែមសម្រាប់បំពេញតម្រូវការរបស់ពួកគាត់។” នេះជាប្រសាសន៍របស់បងស្រី សាវន។
ដើម្បីជាដំណោះស្រាយ និងឆ្លើយតបទៅនឹងតម្រូវការរបស់អតិថិជនឱ្យទាន់ពេលវេលា បងស្រី សាវន បានទំនាក់ទំនងមកកាន់ អិលអូអិលស៊ី (LOLC) ដែលជាគ្រឹះស្ថានហិរញ្ញវត្ថុគាំទ្រដល់អាជីវករទាំងឡាយដែល មានតម្រូវការដើមទុនសម្រាប់ពង្រីកអាជីវកម្ម។ បន្ទាប់ពីបានទទួលការប្រឹក្សាច្បាស់លាស់ពី អិលអូអិលស៊ី (LOLC) បងស្រី សាវន ក៏បានសម្រេចចិត្តប្រើប្រាស់ប្រាក់កម្ចីដំបូងរបស់គាត់ជាមួយ អិលអូអិលស៊ី (LOLC) នៅឆ្នាំ២០១៩ ។
ចាប់តាំងពីការប្រើប្រាស់ប្រាក់កម្ចីលើកដំបូងចំនួន ១.០០០ដុល្លារ សម្រាប់ជាដើមទុនក្នុងការទិញអីវ៉ាន់ចាប់ហួយបន្ថែមក្នុងស្តុករបស់គាត់នៅឆ្នាំនោះរួចមក បងស្រី សាវន បានយល់ឃើញថាផលិតផលប្រាក់កម្ចីរបស់ អិលអូអិលស៊ី (LOLC) ពិតជាមានលក្ខខណ្ឌល្អប្រសើរ និងស័ក្តិសមសម្រាប់គាត់។ ដោយហេតុនេះហើយទើប បងស្រី បានស្នើសុំប្រាក់កម្ចីលើកទីពីរចំនួន ១០.០០០ដុល្លារ នៅឆ្នាំ២០២៤ ម្ដងទៀតសម្រាប់ពង្រីកអាជីវកម្មលក់បោះដុំ និងលក់រាយអីវ៉ាន់ចាប់ហួយរបស់គាត់បន្ថែមទៀត។
បច្ចុប្បន្ននេះ បងស្រី សុខ សាវន មានទំនិញក្នុងស្តុកជាច្រើនប្រភេទ និងគ្រប់គ្រាន់សម្រាប់លក់បោះដុំ និងលក់រាយជូនអតិថិជនរបស់គាត់។ ការពង្រីកអាជីវកម្មរបស់ បងស្រី គឺជាការសម្រេចចិត្តដ៏ឆ្លាតវៃ ដែលនាំឱ្យចំណូលរបស់គាត់កើនឡើងជាបន្តបន្ទាប់ តាមរយៈការបំពេញតម្រូវការអតិថិជនដែលមានស្រាប់ និងអតិថិជនថ្មីៗបន្ថែមទៀតផងដែរ។ នេះជាភស្តុតាងច្បាស់ៗដែលបង្ហាញឱ្យឃើញថា ការមានដៃគូហិរញ្ញវត្ថុដ៏មានទំនុកចិត្ត និងការប្រើប្រាស់កម្ចីប្រកបដោយទំនួលខុសត្រូវ និងចំគោលដៅ គឺពិតជាបានធ្វើឱ្យក្តីស្រមៃរបស់អាជីវករគ្រប់រូបក្លាយជាការពិត។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
