ការផ្ដល់ចំណាត់ថ្នាក់

អិលអូអិលស៊ី (ខេមបូឌា) ទទួលបានចំណាត់ថ្នាក់ខ្ពស់ក្នុងការវាយតម្លៃផ្នែកសង្គម (Social Rating) និងផ្នែកហិរញ្ញវត្ថុ (Institutional Rating) សម្រាប់ឆ្នាំ ២០២៣

Microfinance Institutional Rating

រួមជាមួយនឹងសមិទ្ធផលនេះ អិលអីអិលស៊ី មានមោទនភាពក្នុងការប្រកាសពីសមិទ្ធផលដ៏សំខាន់មួយទៀត គឺការទទួលបានចំណាត់ថ្នាក់ខ្ពស់ “α” នៅក្នុងការវាយតម្លៃស្ថាប័ន។ ចំណាត់ថ្នាក់នេះឆ្លុះបញ្ចាំងពីការវាយតម្លៃដ៏ទូលំទូលាយរបស់ស្ថាប័ននៅទូទាំងវិស័យសំខាន់ៗ រួមទាំងអភិបាលកិច្ច និងយុទ្ធសាស្ត្រ ស្ថាប័ន និងការគ្រប់គ្រង និងការអនុវត្តផ្នែកហិរញ្ញវត្ថុ។ ចំណាត់ថ្នាក់ “α” នេះត្រូវបានទទួលស្គាល់ថាជាចំណាត់ថ្នាក់ខ្ពស់ ដែលគូសបញ្ជាក់ពីសមត្ថភាពដ៏រឹងមាំរបស់ អិលអូអិលស៊ី ចំពោះការអនុវត្តការគ្រប់គ្រងដ៏មានប្រសិទ្ធភាព និងលទ្ធផលហិរញ្ញវត្ថុរួម។

កិច្ចគាំពារអតិថិជន ២០២៥

នៅខែវិច្ឆិកា ឆ្នាំ២០២៥ អិលអូអិលស៊ី បានទទួលវិញ្ញាបនបត្រកម្រិតមាសលើកិច្ចគាំពារអតិថិជន (CPP) ដែលស្របទៅតាមក្របខ័ណ្ឌវិញ្ញាបនបត្រលើកិច្ចគាំពារអតិថិជនរបស់ Cerise+SPTF ពីស្ថាប័នវាយតម្លៃអន្តរជាតិ M-CRIL (Micro-Credit Ratings International Ltd) ហើយវិញ្ញាបនបត្រនេះមានសុពលភាពរហូតដល់ខែវិច្ឆិកា ឆ្នាំ២០២៨។ការទទួលស្គាល់នេះបានឆ្លុះបញ្ចាំងពីការប្តេជ្ញាចិត្តដ៏រឹងមាំជិតមួយទសវត្សរ៍មកនេះរបស់ អិលអូអិលស៊ី ចាប់តាំងពីឆ្នាំ២០១៥ ក្នុងការផ្តល់សេវាហិរញ្ញវត្ថុដោយត្រឹមត្រូវ តម្លាភាព និងទំនួលខុសត្រូវ។ ក្នុងនាមជា គ្រឹះស្ថានមីក្រូហិរញ្ញវត្ថុទទួលប្រាក់បញ្ញើ ឈានមុខគេមួយក្នុងប្រទេសកម្ពុជា អិលអូអិលស៊ី នៅតែបន្តយកចិត្តទុកដាក់ ប្រកាន់ខ្ជាប់ខ្ជួននូវគោលការណ៍ការពារអតិថិជន ដើម្បីធានាឱ្យបាននូវសុខុមាលភាព និងការជឿទុកចិត្តពីអតិថិជនគ្រប់រូប។

ចំណាត់ថ្នាក់ផ្នែកសង្គម 2023

អិលអូអិលស៊ី (ខេមបូឌា) ភីអិលស៊ី ដែលជាគ្រឹះស្ថានមីក្រូហិរញ្ញវត្ថុ ទទួលប្រាក់បញ្ញើឈានមុខគេមួយនៅព្រះរាជាណាចក្រកម្ពុជា បានទទួលនូវការវាយតម្លៃចំណាត់ថ្នាក់ផ្នែកសង្គម ក្នុងកម្រិតពិន្ទុ “BB +” ដែលជាកម្រិតពិន្ទុមួយដ៏ខ្ពស់មួយបន្ទាប់ពីបញ្ចប់ការវាយតម្លៃក្នុងខែកុម្ភៈ ឆ្នាំ២០២៣ ថ្មីៗនេះពីស្ថាប័ន MicroFinanza ។ ការវាយតម្លៃនេះគឺធ្វើឡើងដោយផ្អែកលើចំណុចសំខាន់ៗមួយចំនួនដូចជា៖ ការគ្រប់គ្រងសកម្មភាពសង្គម គោលការណ៍ការពារអតិថិជន ទំនួលខុសត្រូវសង្គម វិសាលភាពនៃប្រតិបត្តិការ និងគុណភាពនៃសេវាកម្ម។

ចំណាត់ថ្នាក់ហិរញ្ញវត្ថុ 2023

ទន្ទឹមនឹងសមិទ្ធផលដ៏គួរឱ្យស្ញប់ស្ញែងមួយនេះ អិលអូអិលស៊ី ក៏ទទួលបានការវាយតម្លៃ ដ៏ពិសេសមួយទៀតក្នុងកម្រិតពិន្ទុខ្ពស់ “α Medium” ទៅលើការវាយតម្លៃចំណាត់ថ្នាក់ហិរញ្ញវត្ថុ ដែលធ្វើដោយផ្អែកទៅលើចំណុចមួយចំនួនដូចជា៖ បរិបទខាងក្រៅ អភិបាលកិច្ចនិងយុទ្ធសាស្ត្រ ស្ថានភាពហិរញ្ញវត្ថុ គុណភាពផលបត្រឥណទាន និងប្រព័ន្ធគ្រប់គ្រង។ កម្រិតពិន្ទុខ្ពស់ α Medium ពីការវាយតម្លៃចំណាត់ថ្នាក់ផ្នែកហិរញ្ញវត្ថុ គឺជាលំដាប់ពិន្ទុខ្ពស់ដូចគ្នា។

វិញ្ញាបនបត្រការពារអតិថិជន (CPC)

នៅឆ្នាំ 2022 អិលអូអិលស៊ី បានទទួលវិញ្ញាបនបត្រការពារអតិថិជនកម្រិតមាសពី Cerise និង SPTF ហើយវិញ្ញាបនបត្រនេះមានសុពលភាពរហូតដល់ខែកុម្ភៈ ឆ្នាំ 2025។ នេះបញ្ជាក់ឱ្យឃើញថា គ្រឹះស្ថានមីក្រូហិរញ្ញវត្ថុ អិលអូអិលស៊ី តែងតែការពារ និងគាំទ្រអតិថិជនក្នុងការពង្រីកអាជីវកម្មរបស់ពួកគេតាមរយៈការផ្តល់ជូននូវសេវាហិរញ្ញវត្ថុដែលប្រកបដោយប្រសិទ្ធភាព និងនិរន្តរភាព។

អិលអូអិលស៊ី (ខេមបូឌា) ភីអិលស៊ី បានបម្រើដល់សាធារណជន និងសង្គមកម្ពុជា អស់រយៈពេលជាង២៩ឆ្នាំមកហើយ ហើយក៏ត្រូវបានទទួលស្គាល់ពីស្ថាប័នហិរញ្ញវត្ថុជាតិ និងអន្តរជាតិផងដែរ។ ផលិតផល និងសេវាកម្មរបស់យើង ត្រូវបានបង្កើតឡើងដើម្បីសម្រួលដល់ជីវភាពរស់នៅរបស់អតិថិជនកម្ពុជា។

អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា