បងប្រុស ស្រ៊ ពិសិដ្ឋ គឺជាជាងជួសជុលម៉ូតូមួយរូប ដែលបានប្រកបមុខរបរនេះអស់រយៈពេលជាច្រើនឆ្នាំមកហើយ ខណៈដែលភរិយារបស់គាត់មានមុខរបរជាកម្មការីរោងចក្រ
ស្ថិតនៅក្នុងភូមិព្រែកប៉ុក សង្កាត់ព្រែកស្តី ក្រុងសំពៅពូន ខេត្តកណ្តាល ប្រជាពលរដ្ឋកំពុងប្រកបរបរយ៉ាងមមាញឹកទៅតាមជំនាញរៀងៗខ្លួន។ ក្នុងនោះផងដែរ បងប្រុស ស្រ៊ ពិសិដ្ឋ កំពុងជួសជុលម៉ូតូជូនអតិថិជនប្រកបដោយភាពស្ទាត់ជំនាញ និងការយកចិត្តទុកដាក់។ បងប្រុស ស្រ៊ ពិសិដ្ឋ គឺជាជាងជួសជុលម៉ូតូមួយរូប ដែលបានប្រកបមុខរបរនេះអស់រយៈពេលជាច្រើនឆ្នាំមកហើយ ខណៈដែលភរិយារបស់គាត់មានមុខរបរជាកម្មការីរោងចក្រ។
ដោយសារតែភាពឆ្លាតវៃ និងជំនាញប្រកបដោយវិជ្ជាជីវៈក្នុងការជួសជុលម៉ូតូ បងប្រុស ពិសិដ្ឋ បានសម្រេចចិត្តចាប់យកឱកាសទៅរកភាពរីកចម្រើន តាមរយៈការស្នើសុំប្រាក់កម្ចីពី អិលអូអិលស៊ី (LOLC) ចំនួនបួនវគ្គ សម្រាប់ពង្រីកមុខរបរជួសជុលម៉ូតូ និងទិញគ្រឿងបន្លាស់ម៉ូតូបន្ថែម។
បងប្រុស ពិសិដ្ឋ បានប្រើប្រាស់ប្រាក់កម្ចីចាប់តាំងពីឆ្នាំ២០១៧ មកម៉្លេះ ជាមួយនឹងប្រាក់កម្ចីលើកដំបូងរបស់គាត់មានចំនួន ៣.០០០ដុល្លារ ប្រាក់កម្ចីលើកទីពីរចំនួន ១០.០០០ដុល្លារ ប្រាក់កម្ចីលើកទីបីចំនួន ១០.៥០០ដុល្លារ និងប្រាក់កម្ចីលើកទីបួនចំនួន ១០.៥០០ដុល្លារ សម្រាប់ពង្រីកអាជីវកម្មរបស់គាត់។ លើសពីនេះ មួយផ្នែកនៃប្រាក់កម្ចីលើកទីបីរបស់គាត់ បងប្រុសក៏បានប្រើប្រាស់សម្រាប់ទិញម៉ូតូមួយគ្រឿង ដើម្បីសម្រួលបន្ទុកឱ្យភរិយារបស់គាត់ប្រើប្រាស់សម្រាប់ការធ្វើដំណើរទៅធ្វើការ។
ជាមួយទឹកមុខប្រកបដោយស្នាមញញឹម បងប្រុស ពិសិដ្ឋ បានបង្ហាញពីទំនុកចិត្តលើការជ្រើសរើសប្រើប្រាស់ប្រាក់កម្ចីពី អិលអូអិលស៊ី (LOLC) ថាជាជម្រើសដ៏ត្រឹមត្រូវ និងមានសុវត្ថិភាព ដែលបានរួមចំណែកយ៉ាងសំខាន់ក្នុងការធ្វើឱ្យអាជីវកម្មមានភាពរីកចម្រើន ស្ថិរភាព និងភាពរឹងមាំកាន់តែប្រសើរឡើង ហើយថែមទាំងបានកែលម្អជីវភាពរស់នៅក្នុងគ្រួសាររបស់គាត់ឱ្យល្អប្រសើរ និងថែមទាំងបានបង្កើនប្រាក់ចំណូលសម្រាប់គ្រួសារគាត់ផងដែរ។
បងប្រុស ជឹង ចន បានសម្រេចចិត្តផ្លាស់ប្តូរអាជីពរបស់ខ្លួនពីគ្រូបង្រៀន មកបើកអាជីវកម្ម ផ្គត់ផ្គង់សេវាកម្មថតចម្លងឯកសារ ថតរូប
ផ្ដើមចេញពីគ្រូបង្រៀនភាសាអង់គ្លេសក្រៅម៉ោងមួយរូប បងប្រុស ជឹង ចន បានសម្រេចចិត្តផ្លាស់ប្តូរអាជីពរបស់ខ្លួនពីគ្រូបង្រៀន មកបើកអាជីវកម្ម ផ្គត់ផ្គង់សេវាកម្មថតចម្លងឯកសារ ថតរូប និងបោះពុម្ពធៀបការ ព្រមទាំងបើកអាជីវកម្មលក់សម្ភារសិក្សា និងសម្ភារការិយាល័យបន្ថែម ដែលមានទីតាំងស្ថិតនៅភូមិចុងសំណាយ ឃុំជ្រៃ ស្រុកមោងឫស្សី ខេត្តបាត់ដំបង។
ក្នុងដំណើរនៃការបង្កើតអាជីវកម្មផ្ទាល់ខ្លួនមួយមិនមែនជារឿងងាយស្រួលទេ ជាពិសេសបញ្ហាដើមទុនដែលជាកត្តាដ៏សំខាន់បំផុតដើម្បីគាំទ្រដល់ដំណើរវឌ្ឍនភាពនៃអាជីវកម្ម របស់អាជីវករគ្រប់ៗរូប។ អាស្រ័យហេតុនេះ បងប្រុស ចន បានជ្រើសរើស អិលអូអិលស៊ី (LOLC) ជាដៃគូហិរញ្ញវត្ថុ ដើម្បីទទួលបានទុនបន្ថែមមកគាំទ្រដល់ដំណើរមួយនេះ ឱ្យកាន់តែរឹងមាំ និងឈានទៅរកភាពរីកចម្រើន។
គួររំលឹកផងដែរថា បងប្រុស ចន បានចាប់ផ្តើមស្នើសុំប្រាក់កម្ចីលើកទីមួយចំនួន ៣.០០០ដុល្លារ ពី អិលអូអិលស៊ី (LOLC) សម្រាប់ទិញម៉ាស៊ីនបោះពុម្ព ដើម្បីគាំទ្រដល់អាជីវកម្មថ្មីមួយរបស់គាត់គឺ អាជីវកម្មបោះពុម្ពធៀបការ។ បន្ទាប់មក បងប្រុស ចន បានប្រើប្រាស់ប្រាក់កម្ចីលើកទីពីរ ចំនួន ១៤.០០០ដុល្លារ ដើម្បីទិញសម្ភារសិក្សា និងសម្ភារការិយាល័យបន្ថែមសម្រាប់លក់។
បន្ទាប់ពីបានសង្កេតឃើញពីការរីកលូតលាស់យ៉ាងល្អប្រសើរនៃអាជីវកម្មមួយនេះ វាក៏បានជំរុញទឹកចិត្តឱ្យ បងប្រុស ចន ស្នើសុំប្រាក់កម្ចីលើកទីបី ចំនួន ១៦.៦០០ដុល្លារ ដើម្បីបើកតូបថ្មីមួយបន្ថែមទៀតដើម្បីពង្រីកអាជីវកម្ម លក់សម្ភារសិក្សា និងសម្ភារការិយាល័យ ។
បច្ចុប្បន្ននេះ អាជីវកម្មរបស់ បងប្រុស ចន ទទួលបានការគាំទ្រយ៉ាងច្រើនពីសំណាក់អតិថិជនចាស់ និងថ្មី។ នេះបង្ហាញឱ្យឃើញថា ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ពិតជាបានផ្តល់ឱកាសឱ្យ បងប្រុស ចន អាចពង្រីក និងបង្កើតអាជីវកម្មថ្មីបន្ថែម ដែលជួយបង្កើនប្រភពចំណូល និងលើកកម្ពស់ជីវភាពរស់នៅក្នុងគ្រួសាររបស់គាត់។
បងប្រុស យឿន សុខគួន គឺជាអាជីវករផលិត និងចែកចាយទឹកបរិសុទ្ធបោះដុំ ដែលមានទីតាំងស្ថិតនៅក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល
អំឡុងពេលដែលកំពុងរស់នៅក្រោមដំបូលផ្ទះរបស់ឪពុកម្តាយ បងប្រុស យឿន សុខគួន តែងមានក្តីស្រមៃចង់ឱ្យអាជីវកម្មរបស់ខ្លួនរីកចម្រើនដែលអាចឱ្យគាត់អាចមានលទ្ធភាពសាងសង់គេហដ្ឋានមួយដែលជារបស់ខ្លួន និងចង់ឃើញជីវភាពគ្រួសារមានភាពរីកចម្រើនកាន់តែប្រសើរ។ បងប្រុស យឿន សុខគួន គឺជាអាជីវករផលិត និងចែកចាយទឹកបរិសុទ្ធបោះដុំ ដែលមានទីតាំងស្ថិតនៅក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល។
ជាមួយបទពិសោធន៍ជាង ៧ឆ្នាំ ក្នុងអាជីវកម្មផលិតទឹកបរិសុទ្ធ បងប្រុស សុខគួន មានការយល់ដឹងច្បាស់លាស់អំពីការគ្រប់គ្រងអាជីវកម្មរបស់ខ្លួន និងបានសង្កេតឃើញពីបញ្ហាប្រឈមមួយចំនួនដែលរាំងស្ទះដល់ភាពរីកចម្រើននៃអាជីវកម្មរបស់គាត់ដូចជា ទីតាំងអាជីវកម្មមានទំហំតូចចង្អៀត មិនមានសមត្ថភាពគ្រប់គ្រាន់ក្នុងការដឹកជញ្ជូនទឹកទៅកាន់អតិថិជន និងខ្វះខាតដើមទុនក្នុងការបម្រុងទុកសម្រាប់ធានាស្ថិរភាពនៃអាជីវកម្ម។
ដើម្បីរក្សាស្ថិរភាព និងជំរុញឱ្យអាជីវកម្មមានភាពរឹងមាំ និងរីកចម្រើន បងប្រុស សុខគួន បានស្វែងរកដៃគូហិរញ្ញវត្ថុដ៏មានទំនុកចិត្តមួយ ដើម្បីគាំទ្រវឌ្ឍនភាពនៃអាជីវកម្មរបស់ខ្លួន។ ដោយទទួលបានការណែនាំពីអតិថិជនរបស់ អិលអូអិលស៊ី (LOLC) ដែលជាអ្នកជិតខាងរបស់គាត់ ព្រមទាំងបានយល់ឃើញពីលក្ខណៈល្អប្រសើរ និងភាពសមស្របនៃផលិតផលប្រាក់កម្ចីរបស់ អិលអូអិលស៊ី (LOLC) បងប្រុស សុខគួន បានសម្រេចចិត្តប្រើប្រាស់ប្រាក់កម្ចីចំនួនពីរវគ្គជាប់គ្នា រហូតមកដល់បច្ចុប្បន្ន។
នៅឆ្នាំ២០២៣ បងប្រុស សុខគួន បានប្រើប្រាស់ប្រាក់កម្ចីលើកដំបូងចំនួន ១៥.០០០ដុល្លារ សម្រាប់ពង្រីកទីតាំងផលិតកម្មទឹកបរិសុទ្ធឱ្យកាន់តែធំទូលាយ និងមួយចំណែកទៀតប្រើប្រាស់សម្រាប់ធ្វើជាទុនបម្រុងក្នុងអាជីវកម្ម។ បន្ទាប់ពីបានមើលឃើញពីសក្ដានុពលនៃភាពរីកចម្រើននាពេលអនាគត បងប្រុស សុខគួន បានបន្តប្រើប្រាស់ប្រាក់កម្ចីលើកទីពីរ នៅឆ្នាំ ២០២៥ ចំនួន ២០.០០០ ដុល្លារ ដើម្បីទិញរថយន្តបន្ថែមមួយគ្រឿង សម្រាប់ពង្រឹងដល់សេវាកម្មដឹកជញ្ជូនទឹកបរិសុទ្ធទៅកាន់អតិថិជនឱ្យបានកាន់តែទូលំទូលាយជាងមុន។
តាមរយៈការប្រើប្រាស់ប្រាក់កម្ចីប្រកបដោយប្រសិទ្ធភាពបានឱ្យ បងប្រុស សុខគួន កត់សម្គាល់ឃើញថា អាជីវកម្មរបស់គាត់បានទទួលនូវភាពរីកចម្រើនយ៉ាងច្បាស់លាស់ ដោយអាចឱ្យគាត់អាចបង្កើនប្រាក់ចំណូលក្នុងគ្រួសារ និងបានធ្វើឱ្យជីវភាពរស់នៅរបស់គ្រួសារគាត់មានភាពប្រសើរឡើង។ ជាពិសេស បងប្រុស សុខគួន មានលទ្ធភាពសាងសង់គេហដ្ឋានផ្ទាល់ខ្លួន ប្រកបដោយផាសុកភាព និងសុភមង្គល រួមទាំងមានទុនបម្រុងគ្រប់គ្រាន់ ដើម្បីរក្សាស្ថិរភាព និងបន្តអភិវឌ្ឍអាជីវកម្មរបស់គាត់ឱ្យបានយូរអង្វែងទៅមុខ។
អ្នកមីង ធឿន ថា ជាម្ចាស់ហាងលក់ម្ហូបអាហារមួយកន្លែង និងស្វាមីរបស់គាត់គឺ លោកពូ ខាត់ ឈា ជាអ្នកបើកឡានដឹកដី នៅភូមិកញ្ចាំ ឃុំកញ្ចាំ ស្រុកពារាំង ខេត្តព្រៃវែង
អ្នកមីង ធឿន ថា ជាម្ចាស់ហាងលក់ម្ហូបអាហារមួយកន្លែង និងស្វាមីរបស់គាត់គឺ លោកពូ ខាត់ ឈា ជាអ្នកបើកឡានដឹកដី នៅភូមិកញ្ចាំ ឃុំកញ្ចាំ ស្រុកពារាំង ខេត្តព្រៃវែង។ ពួកគាត់មានកូនចំនួនបីនាក់ កូនស្រីពីរនាក់ និងកូនប្រុសម្នាក់។ បច្ចុប្បន្ន កូនស្រីច្បងកំពុងសិក្សានៅមហាវិទ្យាល័យ ខណៈដែលកូនប្រុសទីពីរ និងកូនស្រីទីបី កំពុងសិក្សានៅថ្នាក់វិទ្យាល័យ។
ទោះបីកំពុងមមាញឹកក្នុងការរៀបចំអាហារ អ្នកមីង ថា ក៏បានឆ្លៀតចែករំលែកពីបទពិសោធន៍ខ្លះៗនៃភាពរីកចម្រើនក្នុងអាជីវកម្មរបស់គាត់ជាមួយទឹកមុខយ៉ាងស្រស់ស្រាយ និងប្រកបដោយភាពរួសរាយរាក់ទាក់។ អ្នកមីង ថា បានឱ្យដឹងថា ការដែលអាចចម្អិនម្ហូបអាហារឱ្យមានរសជាតិឆ្ងាញ់តែម្យ៉ាង មិនទាន់គ្រប់គ្រាន់សម្រាប់ទាក់ចិត្តភ្ញៀវបានទាំងស្រុងនោះទេ តែគួបផ្សំជាមួយនឹងការរៀបចំម្ហូបអាហារដោយមានអនាម័យ ព្រមទាំងចេះរៀបចំហាងឱ្យមានសណ្តាប់ធ្នាប់ល្អ និងភាពទាក់ទាញផងដែរ។
អ្នកមីង បានបញ្ជាក់បន្ថែមថា នៅពីក្រោយភាពរីកចម្រើនរបស់ហាងលក់ម្ហូបអាហាររបស់គាត់ គឺមានការចូលរួមចំណែកពីប្រាក់កម្ចីរបស់ អិលអូអិលស៊ី (LOLC) ដែលគាត់បានប្រើប្រាស់សម្រាប់ជាដើមទុនក្នុងការកែលម្អ និងរៀបចំហាងរបស់គាត់ឱ្យបានល្អប្រសើរ។ អ្នកមីង បានប្រើប្រាស់កម្ចីចំនួនពីរវគ្គសម្រាប់ពង្រីកអាជីវកម្មរបស់គាត់ ដោយចាប់ផ្តើមប្រើប្រាស់ប្រាក់កម្ចីវគ្គដំបូងចំនួន ២.០០០ដុល្លារ នៅឆ្នាំ២០២១ និងកម្ចីវគ្គទីពីរចំនួន ៤.០០០ដុល្លារ នៅឆ្នាំ២០២៣ ក្នុងគោលបំណងកែលម្អ និងរៀបចំហាងឱ្យកាន់តែមានសោភ័ណភាព និងផាសុកភាព។
ការប្រើប្រាស់ប្រាក់កម្ចីដើម្បីពង្រីកអាជីវកម្ម បានធ្វើឱ្យចំណូលរបស់គាត់កើនឡើងជារឿយៗតាមរយៈការរក្សាបានទាំងអតិថិជនចាស់ និងទាក់ទាញបានអតិថិជនថ្មីៗ។ ដោយសារតែភាពរីកចម្រើននេះហើយ បានធ្វើឱ្យអ្នកមីង ថា មានលទ្ធភាពគ្រប់គ្រាន់ក្នុងការផ្គត់ផ្គង់ការសិក្សារបស់កូនៗឱ្យរៀនបានខ្ពស់ដូចក្តីប្រាថ្នារបស់គាត់ និងការរស់នៅប្រកបដោយសុភមង្គល និងភាពរីកចម្រើន។
បងប្រុស រស្មី បានទិញដីបន្ថែមជាច្រើនហិកតា ដើម្បីធ្វើចម្ការដោយមានដាំដំណាំផ្សេងៗរួមមាន ចម្ការស្វាយចន្ទី ចម្ការទុរេន និងចម្ការម្រេច
ផ្តើមចេញពីអ្នកធ្វើចម្ការកៅស៊ូ និងស្រែទ្រង់ទ្រាយតូច នៅភូមិចាន់មូល ឃុំចាន់មូល ស្រុកមេមត់ ខេត្តត្បូងឃ្មុំ បងប្រុស យុត រស្មី បានតស៊ូឆ្លងកាត់ឧបសគ្គគ្រប់យ៉ាងរហូតអាចពង្រីកការធ្វើកសិកម្មទ្រង់ទ្រាយតូចរបស់គាត់ ឱ្យបានធំជាងមុន។ បងប្រុស រស្មី បានទិញដីបន្ថែមជាច្រើនហិកតា ដើម្បីធ្វើចម្ការដោយមានដាំដំណាំផ្សេងៗរួមមាន ចម្ការស្វាយចន្ទី ចម្ការទុរេន និងចម្ការម្រេច។ ក្រៅពីនេះ បងប្រុស ក៏បានបន្ថែមមុខរបរលក់ចាប់ហួយថ្មីមួយនៅផ្ទះរបស់គាត់ផងដែរ។
នៅពីក្រោយភាពជោគជ័យទាំងអស់របស់ បងប្រុស យុត រស្មី គឺមានដៃគូសហការផ្នែកហិរញ្ញវត្ថុដ៏មានទំនុកចិត្តមួយដែលតែងតែជួយសម្រួលបន្ទុករបស់គាត់ នោះគឺ អិលអូអិលស៊ី (LOLC) ដែលបានផ្តល់ប្រាក់កម្ចីជូនគាត់សម្រាប់ពង្រីកវិសាលភាពនៃការធ្វើចម្ការដែលមានទ្រង់ទ្រាយតូច ឱ្យមានលក្ខណៈល្អប្រសើរ និងធំជាងមុន។ បងប្រុស យុត រស្មី បានប្រើប្រាស់ប្រាក់កម្ចីពី អិលអូអិលស៊ី (LOLC) ចំនួនបីវគ្គរួចមកហើយ ដោយប្រាក់កម្ចីវគ្គដំបូងចំនួន ១០.០០០ដុល្លារ ក្នុងឆ្នាំ២០២២ សម្រាប់ប្រើប្រាស់ក្នុងការពង្រីកការដាំដុះកូនកៅស៊ូ និងទិញដីធ្វើចម្ការស្វាយចន្ទីបន្ថែម។ បន្ទាប់មក បងប្រុសបានស្នើកម្ចីវគ្គទីពីរ និងទីបី សម្រាប់ទិញដីធ្វើចម្ការទុរេន និងដីធ្វើចម្ការម្រេច ហើយបែងចែកប្រាក់កម្ចីមួយផ្នែកទៀតសម្រាប់បើកមុខរបរលក់ចាប់ហួយនៅផ្ទះបន្ថែមផងដែរ។
អស់រយៈពេលជាច្រើនឆ្នាំ ជាមួយនឹងការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បងប្រុស រស្មី ទទួលបានលទ្ធផលល្អគួរជាទីពេញចិត្ត។ ការធ្វើចម្ការទាំងអស់របស់គាត់ទទួលបានទិន្នផលខ្ពស់ត្រឡប់មកវិញ ដែលអាចឱ្យគាត់បង្កើនលទ្ធភាពលក់បន្តទៅឱ្យឈ្មួញ និងផ្គត់ផ្គង់ដល់ប្រជាពលរដ្ឋក្នុងសហគមន៍បានច្រើនជាងមុនផងដែរ។ ភាពរីកចម្រើនទាំងនេះហើយ បានធ្វើឱ្យចំណូលរបស់គាត់កើនឡើងទ្វេដង បើប្រៀបធៀបទៅមុនពេលដែលគាត់ប្រើប្រាស់ប្រាក់កម្ចីពី អិលអូអិលស៊ី (LOLC)។
បច្ចុប្បន្ននេះ បងប្រុស យុត រស្មី អាចរក្សាស្ថិរភាពផ្នែកហិរញ្ញវត្ថុនៅក្នុងគ្រួសាររបស់គាត់បានយ៉ាងរឹងមាំ។ បងប្រុស រស្មី ក៏បានបង្ហាញពីទំនុកចិត្ត និងចំណាប់អារម្មណ៍ចំពោះ អិលអូអិលស៊ី (LOLC) ថាជាស្ថាប័នហិរញ្ញវត្ថុ ដែលតែងតែគិតគូរអំពីភាពរីកចម្រើនរបស់អតិថិជន មានបុគ្គលិកប្រកបដោយវិជ្ជាជីវៈខ្ពស់ និងផ្តល់សេវាកម្មយ៉ាងឆាប់រហ័ស។ គាត់ក៏បានថ្លែងអំណរគុណដល់ អិលអូអិលស៊ី (LOLC) ផងដែរសម្រាប់បង្កើតផលិតផលប្រាក់កម្ចី ដែលមានលក្ខខណ្ឌអំណោយផល និងសេវាកម្មល្អ ដែលបានជួយគាំទ្រការពង្រីកមុខរបរធ្វើចម្ការ និងលក់អីវ៉ាន់ចាប់ហួយរបស់គាត់រីកចម្រើនទៅមុខ និងធ្វើឱ្យជីវភាពរបស់គាត់កាន់តែល្អប្រសើរឡើង។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
