លោកពូ សុខ វ៉ាន់ គឺជាម្ចាស់អាជីវកម្មផ្គត់ផ្គង់សេវាកម្មជួលរោង តុ ធុងបាស កង្ហារ អំពូល និងសម្ភារផ្សេងៗសម្រាប់កម្មវិធីនានា។ ទីតាំងអាជីវកម្មរបស់ លោកពូ ស្ថិតនៅភូមិដក់ពរ ឃុំវល្លិសរ ស្រុកសំរោងទង ខេត្តកំពង់ស្ពឺ។
“ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ជាដើមទុនយ៉ាងសំខាន់ដែលបានផ្តល់ឱកាសឱ្យខ្ញុំអាចពង្រីកអាជីវកម្ម និងបម្រើសេវាកម្មដល់អតិថិជនបានកាន់តែប្រសើរឡើង។ ខ្ញុំមានទំនុកចិត្តថា អាជីវកម្មនេះនឹងបន្តរីកលូតលាស់ទៅមុខ និងជួយឱ្យជីវភាពគ្រួសាររបស់ខ្ញុំកាន់តែល្អប្រសើរផងដែរ។” នេះជាប្រសាសន៍របស់លោកពូ សុខ វ៉ាន់។
លោកពូ សុខ វ៉ាន់ គឺជាម្ចាស់អាជីវកម្មផ្គត់ផ្គង់សេវាកម្មជួលរោង តុ ធុងបាស កង្ហារ អំពូល និងសម្ភារផ្សេងៗសម្រាប់កម្មវិធីនានា។ ទីតាំងអាជីវកម្មរបស់ លោកពូ ស្ថិតនៅភូមិដក់ពរ ឃុំវល្លិសរ ស្រុកសំរោងទង ខេត្តកំពង់ស្ពឺ។ ក្រៅពីអាជីវកម្មដែលបានរៀបរាប់ខាងលើនេះ លោកពូ ក៏មានមុខរបរលក់ចាប់ហួយនៅផ្ទះផងដែរ។
ជាការឆ្លើយតបទៅនឹងការកើនឡើងនៃការគាំទ្រពីសំណាក់អតិថិជន លោកពូ វ៉ាន់ បានប្រើប្រាស់ប្រាក់កម្ចីពី អិលអូអិលស៊ី (LOLC) តាំងពីឆ្នាំ២០១៦ មកម៉្លេះ។ ដោយមើលឃើញពីភាពរីកចម្រើនក្រោយប្រើប្រាស់ប្រាក់កម្ចីពី អិលអូអិលស៊ី មកពង្រីកអាជីវកម្ម លោកពូ ក៏បន្តប្រើប្រាស់ប្រាក់កម្ចីជាបន្តបន្ទាប់រហូតមកដល់បច្ចុប្បន្ន សម្រាប់ទិញសម្ភារបន្ថែម ដើម្បីគាំទ្រដល់មុខរបរជួលរោង តុ ធុងបាស កង្ហារ អំពូល និងសម្ភារផ្សេងៗ ហើយក៏ដូចជាទិញរបស់របរ និងគ្រឿងទេសបន្ថែមសម្រាប់មុខរបរលក់ចាប់ហួយរបស់គាត់ផងដែរ។
ក្រោយពីទទួលបានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) អាជីវកម្មរបស់លោកពូ សុខ វ៉ាន់ មិនត្រឹមតែរីកចម្រើនប៉ុណ្ណោះទេ ប៉ុន្តែថែមទាំងអាចបើកឱកាសឱ្យគាត់ផ្គត់ផ្គង់សេវាកម្មទៅកាន់អតិថិជនបានទូលំទូលាយ និងទាន់ពេលវេលាជាងមុន។ រីឯជីវភាពរស់នៅក្នុងគ្រួសាររបស់ លោកពូ សុខ វ៉ាន់ ក៏ប្រសើរឡើងជាងមុនគួរឱ្យកត់សម្គាល់ ដោយគាត់មានលទ្ធភាពកែលម្អផ្ទះឱ្យបានសមរម្យជាងមុន សម្រាប់ការរស់នៅប្រកបដោយផាសុកភាព និងសាងសង់របងថ្មព័ទ្ធជុំវិញផ្ទះ ដើម្បីធានាដល់សុវត្ថិភាពក្នុងការរស់នៅផងដែរ។
បងប្រុស ផុន បូរ៉ាជួសជុលម៉ូតូនៅភូមិពូតាង ឃុំពូជ្រៃ ស្រុកពេជ្រាដា ខេត្តមណ្ឌលគិរី ។
ស្ថិតនៅភូមិពូតាង ឃុំពូជ្រៃ ស្រុកពេជ្រាដា ខេត្តមណ្ឌលគិរី បងប្រុស ផុន បូរ៉ា កំពុងមមាញឹកក្នុងការជួសជុលម៉ូតូជូនអតិថិជនជាមួយនឹងចំណេះជំនាញយ៉ាងស្ទាត់របស់គាត់។ ជីវភាពរបស់បងប្រុស ផុន បូរ៉ា បានចាប់ផ្ដើមផ្លាស់ប្តូរយ៉ាងច្រើនបន្ទាប់ពីគាត់បានជ្រើសរើសប្រើប្រាស់ផលិតផលកម្ចីពី អិលអូអិលស៊ី (LOLC)។ តើប្រាក់កម្ចីបានធ្វើឱ្យជីវិត បងប្រុស បូរ៉ា ផ្លាស់ប្តូរយ៉ាងដូចម្តេចខ្លះ? តស់ ទៅដឹងពីសាច់រឿងទាំងមូលរបស់គាត់ទាំងអស់គ្នា!
ក្នុងរយៈពេលកន្លងមកនេះ បងប្រុស បូរ៉ា បានប្រើប្រាស់កម្ចីពី អិលអូអិលស៊ី (LOLC) រហូតដល់ ៤វគ្គមកហើយ ដើម្បីជួយឱ្យអាជីវកម្ម និងជីវភាពគ្រួសាររបស់គាត់រីកចម្រើនជាបន្តបន្ទាប់។ កម្ចីវគ្គទី១ និងទី២ បងប្រុស បានប្រើប្រាស់ ដើម្បីទិញគ្រឿងបន្លាស់ម៉ូតូបន្ថែម ក្នុងការបំពេញតម្រូវការរបស់អតិថិជនឱ្យកាន់តែប្រសើរ។ កម្ចីវគ្គទី៣ និងទី៤ បងប្រុស បានប្រើប្រាស់ក្នុងគោលបំណងពង្រីកកន្លែងជួសជុលម៉ូតូ ក៏ដូចជាបង្រ្គប់ទិញដី និងសាងសង់ផ្ទះថ្មថ្មីរបស់គាត់ឱ្យបានធំទូលាយ និងសុវត្ថិភាពជាងមុន ព្រមទាំងធ្វើឱ្យការរស់នៅរបស់គ្រួសារគាត់កាន់តែមានផាសុកភាពផងដែរ។
បងប្រុស បូរ៉ា ក៏បានបង្ហើបបន្ថែមថា គាត់មានបំណងចង់ប្រើប្រាស់កម្ចីវគ្គបន្ទាប់ទៀតនាពេលខាងមុខនេះ ដើម្បីទិញដីចម្ការកៅស៊ូបន្ថែម។
ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ពិតជាបានចូលរួមចំណែកយ៉ាងសំខាន់ក្នុងការកែលម្អជីវភាពរបស់ បងប្រុស បូរ៉ា ឱ្យកាន់តែល្អប្រសើរ ដោយប្រាក់ចំណូលរបស់គាត់កើនឡើង ហើយអាជីវកម្មរបស់គាត់កាន់តែរឹងមាំ និងរីកចម្រើន ថែមទាំងមានផ្ទះផ្ទាល់ខ្លួនមួយប្រកបដោយផាសុកភាព ដីភូមិ ដីចម្ការ និងសម្ភារប្រើប្រាស់ផ្សេងៗ ជាដើម។ ទាំងនេះបានសបញ្ជាក់ឱ្យឃើញថាប្រាក់កម្ចីរបស់ អិលអូអិលស៊ី (LOLC) គឺជាចំណែកដ៏សំខាន់មួយ ដែលជួយឱ្យអាជីវកម្ម និងការរស់នៅរបស់ បងប្រុស បូរ៉ា មានការផ្លាស់ប្តូរជាវិជ្ជមានប្រកបដោយភាពរីកចម្រើន។
បងស្រីមានឈ្មោះ ស៊ីថា ជាអាជីវករលក់ចាប់ហួយមួយរូប ដែលមានលក់ គ្រឿងទេស ភេសជ្ជៈ គ្រឿងក្រអូប និងទំនិញផ្សេងទៀត ស្ថិតនៅជិតផ្សារអង្គសឹង្ហ ក្នុងភូមិសីហា ឃុំចំបក់ ស្រុកបាទី ខេត្តតាកែវ។
អាជីវករឆ្លាតវៃ ប្រើប្រាស់កម្ចីប្រកបដោយទំនួលខុសត្រូវ នាំឱ្យគ្រួសាររីកចម្រើន!
តស់ មកស្គាល់អាជីវករឆ្លាតវៃមួយរូប ដែលជាអ្នកស្រុកបាទី បន្ទាប់ពីបានប្រើប្រាស់កម្ចីពី អិលអូអិលស៊ី (LOLC) បានត្រឹមត្រូវ និងចំគោលដៅដែលធ្វើឱ្យជីវភាពគ្រួសារ និងអាជីវកម្មរបស់គាត់រីកលូតលាស់កាន់តែល្អប្រសើរ។ បងស្រីមានឈ្មោះ ស៊ីថា ជាអាជីវករលក់ចាប់ហួយមួយរូប ដែលមានលក់ គ្រឿងទេស ភេសជ្ជៈ គ្រឿងក្រអូប និងទំនិញផ្សេងទៀត ស្ថិតនៅជិតផ្សារអង្គសឹង្ហ ក្នុងភូមិសីហា ឃុំចំបក់ ស្រុកបាទី ខេត្តតាកែវ។
បងស្រី ស៊ីថា មានចក្ខុវិស័យ និងយល់ច្បាស់ពីមធ្យោបាយធ្វើឱ្យអាជីវកម្មរបស់គាត់រីកចម្រើន តាមរយៈការបន្ថែមទំនិញថ្មីៗក្នុងរបរលក់ចាប់ហួយរបស់គាត់ឱ្យកាន់តែច្រើនសម្បូរបែប ដើម្បីបំពេញបាននូវតម្រូវការអតិថិជនរបស់គាត់។ ដោយសារមានទំនិញច្រើនប្រភេទសម្រាប់បំពេញតម្រូវការអតិថិជន បានធ្វើឱ្យការលក់របស់គាត់កើនឡើងជាងមុនជាលំដាប់ ដូច្នេះហើយប្រាក់ចំណូលរបស់គាត់ក៏បានកើនឡើងផងដែរ។ ការពង្រីកអាជីវកម្មរបស់គាត់ ពិតជាបានផ្ដល់ឱកាសដ៏ល្អសម្រាប់ភាពរីកចម្រើនទាំងជីវភាព និងអាជីវកម្ម។
នៅពីក្រោយភាពរីកចម្រើននេះផងដែរ គឺជាការរួមចំណែកដ៏សំខាន់ពីប្រាក់កម្ចីរបស់ អិលអូអិលស៊ី (LOLC) សម្រាប់ជាទុនក្នុងការពង្រីកអាជីវកម្មរបស់គាត់។ បងស្រី ស៊ីថា មានប្រសាសន៍ថា គាត់បានប្រើប្រាស់កម្ចីពី អិលអូអិលស៊ី (LOLC) ចំនួន៤វគ្គមកហើយ ដោយចាប់ផ្តើមពីឆ្នាំ២០២១ ជាមួយប្រាក់កម្ចីចំនួន ១៦.២០០ដុល្លារ ក្នុងគោលបំណងពង្រីកអាជីវកម្មលក់ចាប់ហួយ។ ក្រោយមកនៅឆ្នាំ២០២៣ បងស្រី បានប្រើប្រាស់កម្ចីលើកទីពីរចំនួន ១៦.០០០ដុល្លារ ដើម្បីទិញរថយន្ត១គ្រឿងសម្រាប់ប្រើប្រាស់ក្នុងអាជីវកម្ម និងគ្រួសារ។ បន្ទាប់មក បងស្រី បានបន្តប្រើប្រាស់កម្ចីចំនួន ១៨.០០០ដុល្លារ ដើម្បីបន្ថែមទុនលើមុខរបរ និងមួយចំណែកសម្រាប់កែលម្អផ្ទះបាយ និងរបងផ្ទះរបស់គាត់។ ដោយមើលឃើញពីឱកាសក្នុងការធ្វើឱ្យអាជីវកម្មរបស់គាត់កាន់តែរីកចម្រើន បងស្រី ក៏សម្រេចប្រើកម្ចីជាលើកទី៤ ដើម្បីបន្ថែមទុនសម្រាប់ពង្រីកស្តុកឥវ៉ាន់ឱ្យកាន់តែធំជាងមុន។
តាមរយៈភាពរីកចម្រើននៃអាជីវកម្មនេះបានជួយឱ្យជីវភាពបងស្រី ស៊ីថា ធូធារជាងមុន ដែលអនុញ្ញាតឱ្យគាត់មានលទ្ធភាពពង្រីកមុខរបរ និងស្តុកឥវ៉ាន់កាន់តែច្រើន ព្រមទាំងអាចទិញម៉ូតូចំនួនពីរគ្រឿង និងរថយន្តចំនួនមួយគ្រឿងសម្រាប់ប្រើប្រាស់ក្នុងគ្រួសារ និងអាជីវកម្មផងដែរ។ ជាចុងក្រោយ បងស្រី ស៊ីថា បានសរសើរដល់ អិលអូអិលស៊ី (LOLC) ដែលមានផលិតផល និងសេវាកម្មល្អ និងសម្បូរបែប ហើយជាពិសេសបានជួយគាំទ្រផ្នែកហិរញ្ញវត្ថុ ដែលនេះជាការរួមចំណែកមួយក្នុងការធ្វើឱ្យជីវភាពគ្រួសាររបស់គាត់រីកចម្រើន និងមានមុខមាត់ក្នុងសង្គម។
បងប្រុស សាវរី និងបងស្រី ថារិន្ទ គឺជាប្តីប្រពន្ធនឹងគ្នាដែលសព្វថ្ងៃពួកគាត់ទាំងពីរកំពុងប្រកបរបរទាំងនេះ នៅភូមិអង់ត្បូង ឃុំតាពូង ស្រុកថ្មគោល ខេត្តបាត់ដំបង។
ក្នុងនាមជាម្ចាស់អាជីវកម្មលក់ម្ហូបអាហារ និងលាងសម្អាតម៉ូតូ បងប្រុស វ៉ាន់ សាវរី និងបងស្រី រួម ថារិន្ទ មិនដែលពោលពាក្យថានឿយហត់ម្តងណាឡើយ។ បងប្រុស សាវរី និងបងស្រី ថារិន្ទ គឺជាប្តីប្រពន្ធនឹងគ្នាដែលសព្វថ្ងៃពួកគាត់ទាំងពីរកំពុងប្រកបរបរទាំងនេះ នៅភូមិអង់ត្បូង ឃុំតាពូង ស្រុកថ្មគោល ខេត្តបាត់ដំបង។ ក្រៅពីមុខរបរទាំងពីរខាងលើ បងប្រុស និងភរិយាក៏ជាអ្នកធ្វើស្រែចម្ការតាមរដូវកាលផងដែរ។
បងប្រុស សាវរី បានរំលឹកថា កាលពីដើមឡើយ ពួកគាត់ទាំងពីរបានប្រកបរបរចិញ្ចឹមជ្រូក ដើម្បីរកចំណូលផ្គត់ផ្តង់ជីវភាពគ្រួសារ តែមុខរបរនោះហាក់បីដូចជាមិនសមប្រកបសម្រាប់គ្រួសាររបស់គាត់សោះឡើយ ព្រោះតែតម្លៃជ្រូកមិនឋិតថេរ ដែលធ្វើឱ្យទទួលបានផលចំណេញតិចតួចនិងមិនអាចធ្វើឱ្យជីវភាពគ្រួសារគាត់ប្រសើរជាងមុនបានទេ។
ដោយមូលហេតុទាំងអស់នេះហើយបានជំរុញឱ្យបងប្រុស សាវរី និងភរិយា គិតពិចារណាក្នុងការផ្លាស់ប្តូរនូវមុខរបរថ្មី ដើម្បីផ្គត់ផ្គង់ជីវភាពគ្រួសារឱ្យបានល្អប្រសើរជាងនេះ។
ជាមួយចក្ខុវិស័យថ្មី បងប្រុស និងភរិយាបានចាប់ផ្តើមបើកលក់ម្ហូបអាហារ និងសេវាកម្មលាងសម្អាតម៉ូតូ នៅខាងមុខគេហដ្ឋានរបស់គាត់ផ្ទាល់។ ភាពឈ្លាសវៃរបស់ពួកគាត់ បានឱ្យបងប្រុស និងភរិយា រិះរកមធ្យោបាយយ៉ាងណា ដើម្បីធ្វើឱ្យមុខរបរថ្មីទាំងពីររបស់គាត់នេះដំណើរការល្អប្រសើរ។ អាស្រ័យហេតុនេះ ពួកគាត់បានសម្រេចចិត្តស្នើ កម្ចីពី អិលអូអិលស៊ី (LOLC) ជាលើកដំបូងចំនួន ៦.០០០ដុល្លារ ក្នុងឆ្នាំ២០២៣ ក្នុងគោលបំណងពង្រីកទីតាំងលក់ម្ហូបអាហារ និងលាងសម្អាតម៉ូតូ ព្រមទាំងទិញសម្ភារផ្សេងៗដើម្បីគាំទ្រមុខរបរទាំងពីររបស់គាត់ឱ្យកាន់តែល្អប្រសើរជាងមុន។
ក្រោយពីទទួលបានភាពជោគជ័យក្នុងការពង្រីកមុខរបរថ្មីទាំងពីរខាងលើ បងប្រុស សាវរី និងភរិយាបានស្នើ កម្ចីបន្តបន្ទាប់ពី អិលអូអិលស៊ី (LOLC) ដើម្បីយកទៅពង្រីកបន្ថែមលើអាជីវកម្មរបស់គាត់ និងយកទៅបង្គ្រប់ជាមួយប្រាក់សន្សំរបស់គាត់ដើម្បីទិញដីសម្រាប់ប្រើប្រាស់នាពេលអនាគត។
តាមរយៈការប្រើប្រាស់ប្រាក់កម្ចីពី អិលអូអិលស៊ី (LOLC) ដោយត្រឹមត្រូវ និងចំគោលដៅ បានធ្វើឱ្យគ្រួសារ បងប្រុស សាវរី មានជីវភាពកាន់តែល្អប្រសើរ ដោយពួកគាត់មានចំណូលច្រើន និងឋិតថេរជាងមុន ដែលធ្វើឱ្យគ្រួសារកាន់តែមានសុភមង្គល។
បងស្រី សុឃីម គឺជាកសិករ ដាំបន្លែ ស្ថិតនៅនៅភូមិព្រៃពោធិ៍ សង្កាត់ក្របីរៀល ក្រុងសៀមរាប ខេត្តសៀមរាប។
ក្រៅពីរបរដាំបន្លៃ បងស្រី ក៏ធ្វើស្រែតាមរដូវកាលផងដែរ។ នៅរៀងរាល់ថ្ងៃពេលរសៀល បងស្រី និងគ្រួសារ តែងតែនៅក្នុងចម្ការរបស់គាត់ដើម្បីប្រមូលផលបន្លែរួមមាន ស្ពៃ ត្រសក់ និងបន្លែបន្ទាប់បន្សំផ្សេងទៀត ដើម្បីរៀបចំវេចខ្ចប់ត្រៀមយកទៅលក់នៅពេលព្រឹកនៅឯផ្សារសាមគ្គី ក្នុងក្រុងសៀមរាប។ជារៀងរាល់ថ្ងៃ បងស្រី សុឃីម តែងក្រោកពីព្រឹកព្រលឹម ដើម្បីស្រោចទឹកដំណាំរបស់គាត់។ បទពិសោធន៍ជាច្រើនឆ្នាំក្នុងការប្រកបរបរជាអ្នកដាំដុះបន្លែ បងស្រី សុឃីម យល់ច្បាស់ពីរបៀបមើលថែទាំដំណាំរបស់គាត់ឱ្យលូតលាស់បានយ៉ាងល្អប្រសើរ។ ដោយមានចក្ខុវិស័យវែងឆ្ងាយ និងបានសំឡឹងឃើញឱកាសទីផ្សារផងដែរនោះ បងសុឃីម បានពង្រីកការដាំដុះរបស់គាត់បានកាន់ធំឡើងតាមរយៈការទិញដីបន្ថែមសម្រាប់ដាំដុះ ទិញគ្រាប់ពូជបន្ថែម និងទិញគ្រឿងកសិកម្មផ្សេងៗទៀត។ ការពង្រីកនេះ គឺបានការគាំទ្រពីប្រាក់កម្ចីរបស់ អិលអូអិលស៊ី (LOLC) ដែល បងស្រី បានប្រើប្រាស់ប្រាក់កម្ចីនោះជាច្រើនវគ្គ និងជាបន្តបន្ទាប់រហូតមកដល់ពេលបច្ចុបន្ន។
បងស្រី សុឃីម បានបង្ហើបថា នៅឆ្នាំ ២០១៧ គាត់បានស្នើសុំកម្ចីចំនួន ៣.០០០.០០០ រៀល ក្នុងគោលបំណងទិញពូជបន្លែ ជី និងថ្នាំកសិកម្ម។ ដើម្បីពង្រីកការដាំដុះ និងពង្រីកទីផ្សារ នៅឆ្នាំ២០១៩ បងស្រី សុឃីម ក៏បានស្នើសុំកម្ចីបន្ថែមចំនួន ២.៦០០ ដុល្លារ ក្នុងគោលបំណងទិញដីស្រែដើម្បីពង្រីកកសិកម្មរបស់គាត់។ នៅឆ្នាំ២០២៤ បងស្រីបានបន្តទិញដីកសិកម្មបន្ថែម ដើម្បីបន្តពង្រីកការធ្វើកសិកម្ម ដោយបានស្នើកម្ចីចំនួន ១៣.០០០ ដុល្លារបន្ថែម។ ការគាំទ្រនេះ បានធ្វើឱ្យគាត់មានឧបករណ៍សម្រាប់ធ្វើកសិកម្មគ្រប់គ្រាន់ និងបានកែលម្អប្រព័ន្ធស្រោចទឹកបន្ថែមទៀត។
ការប្រើប្រាស់ប្រាក់កម្ចីចំគោលដៅបានធ្វើឱ្យជីវភាពគ្រួសាររបស់ បងស្រី សុឃីម មានការអភិវឌ្ឍ និងរីកចម្រើនគួរជាទីកត់សម្គាល់។ បច្ចុប្បន្ន បងស្រី សុឃីម មានលទ្ធភាពគ្រប់គ្រាន់ក្នុងការផ្គត់ផ្គង់បន្លែមានគុណភាពទៅកាន់ទីផ្សារ ដើម្បីលើកកម្ពស់ផលិតភាពកសិផលក្នុងស្រុក។
“ខ្ញុំពិតជាពេញចិត្តចំពោះការគាំទ្រផែ្នកហិរញ្ញវត្ថុពី អិលអូអិលស៊ី (LOLC) ដែលបានកែប្រែជីវភាពគ្រួសាររបស់ខ្ញុំ និងធ្វើឱ្យអាជីវកម្មរបស់ខ្ញុំមានស្ថិរភាព និងភាពរីកចម្រើន” នេះជាចំណាប់អារម្មណ៍ បងស្រី សុឃីម។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
