បងស្រី ចំប៉ា គឺជាអាជីវករលក់ថ្នាំបាញ់ស្មៅ និងភេសជ្ជៈ រីឯស្វាមីរបស់គាត់ បងប្រុស រៀម ខ័ណ្ឌ ប្រកបរបរ ធ្វើស្រែ និងចម្ការដំឡូងមី ដែលមានទីតាំងស្ថិតនៅស្រុកថ្មពួក ខេត្តបន្ទាយមានជ័យ។
ក្នុងនាមជាគ្រួសារដែលពោរពេញដោយក្តីសង្ឃឹម ចង់បានជីវភាពមួយដ៏ល្អប្រសើរ និងការតាំងចិត្តខ្ពស់ បងស្រី ធឿយ ចំប៉ា និងបងប្រុស រៀម ខ័ណ្ឌ បានពង្រីកអាជីវកម្ម និងមុខរបរររបស់ខ្លួនឱ្យទទួលបានភាពជោគជ័យ និងភាពរីកចម្រើនគួរឱ្យស្ញប់ស្ញែង។ បងស្រី ចំប៉ា គឺជាអាជីវករលក់ថ្នាំបាញ់ស្មៅ និងភេសជ្ជៈ រីឯស្វាមីរបស់គាត់ បងប្រុស រៀម ខ័ណ្ឌ ប្រកបរបរ ធ្វើស្រែ និងចម្ការដំឡូងមី ដែលមានទីតាំងស្ថិតនៅស្រុកថ្មពួក ខេត្តបន្ទាយមានជ័យ។
ចាប់ផ្តើមពីការលក់ដូរតូចតាច ដែលមានអីវ៉ាន់ស្តុកទុកបន្តិចបន្តួច បងស្រី ចំប៉ា បានសម្លឹងមើលឃើញពីសក្តានុពលនៃអាជីវកម្មលក់ដូររបស់គាត់ ហើយក៏បានសម្រេចចិត្តពង្រីកអាជីវកម្មនេះតាមរយៈការគាំទ្រផ្នែកហិរញ្ញវត្ថុពី អិលអូអិលស៊ី (LOLC) កាលពីឆ្នាំ២០២៣។ ជាមួយនឹងប្រាក់កម្ចីចំនួន ៧.០០០ដុល្លារ គាត់បានប្រើប្រាស់សម្រាប់បង្កើនស្តុកអីវ៉ាន់ឱ្យកាន់តែសម្បូរបែប ក្នុងការបំពេញតម្រូវការអតិថិជន និងមួយចំណែកទៀតសម្រាប់ទិញដីចម្ការដំឡូងមីបន្ថែមសម្រាប់ការធ្វើចម្ការរបស់ស្វាមីគាត់។ ក្រោយមក នៅឆ្នាំ២០២៤ បងស្រី ចំប៉ា និងបងប្រុស ខ័ណ្ឌ ក៏បានប្រើប្រាស់ប្រាក់កម្ចីលើកទីពីរចំនួន ៥.០០០ដុល្លារ ដើម្បីធ្វើជាដើមទុនបន្ថែមក្នុងការពង្រីកអាជីវកម្មបន្តទៀតឱ្យកាន់តែធំជាងមុន និងទិញដីចម្ការដំឡូមីបន្ថែមទៀតផងដែរ។
ដោយការខិតខំប្រឹងប្រែងគួបផ្សំនឹងភាពឆ្លាតវៃលើការប្រើប្រាស់ប្រាក់កម្ចីប្រកបដោយប្រសិទ្ធភាព បានជំរុញឱ្យអាជីវកម្មរបស់បងស្រី ចំប៉ា លក់ដាច់ជាងមុន រីឯការធ្វើចម្ការរបស់បងប្រុស ខ័ណ្ឌ ក៏ទទួលបានទិន្នផលច្រើនគួរជាគាប់ចិត្ត។ បងស្រី ចំប៉ា បានបញ្ជាក់ថា ការប្រើប្រាស់ប្រាក់កម្ចីពី អិលអូអិលស៊ី (LOLC) បានផ្តល់ឱ្យគ្រួសាររបស់គាត់នូវដើមទុនគ្រប់គ្រាន់សម្រាប់អភិវឌ្ឍអាជីវកម្ម និងជីវភាពរស់នៅ ដោយបានទិញមុខទំនិញបន្ថែម និងអាចពង្រីកដីចម្ការបានកាន់តែធំជាងមុន។
តាមរយៈភាពរីកចម្រើននេះ បានធ្វើឱ្យប្រាក់ចំណូលក្នុងគ្រួសាររបស់គាត់កើនឡើងកាន់តែច្រើន ដែលអាចឱ្យគាត់មានទុនបង្វិលក្នុងអាជីវកម្ម និងការធ្វើចម្ការបានគ្រប់គ្រាន់ ហើយថែមទាំងអាចឱ្យគាត់បង់សងត្រលប់ប្រាក់កម្ចីមក អិលអូអិលស៊ី (LOLC) បានទៀងទាត់ ព្រមទាំងបានផ្គត់ផ្គង់ជីវភាពគ្រួសារកាន់តែប្រសើរទៀតផង។
បងប្រុស យ៉ុង សាវរ៉ុង គឺជាកសិករគំរូមួយរូប មកពីស្រុកស្នួល ខេត្តក្រចេះ ដែលទទួលបានការចាប់អារម្មណ៍ពីកសិករក្នុងសហគមន៍ ដោយសារភាពជោគជ័យក្នុងការប្រែក្លាយជីវភាពតាមរយៈការប្រើប្រាស់ប្រាក់កម្ចីយ៉ាងឆ្លាតវៃរបស់គាត់ជាមួយ អិលអូអិលស៊ី (LOLC)
ស្ថិតនៅតំបន់ខ្ពង់រាបភាគឦសាននៃព្រះរាជាណាចក្រកម្ពុជា ក្រុមគ្រួសារភាគច្រើនតែងតែពឹងផ្អែកលើការប្រកបរបរកសិកម្ម ដោយពួកគាត់និយមដាំដំណាំកៅស៊ូ និងស្វាយចន្ទី ដែលសមស្របជាមួយសណ្ឋានដី និងអាកាសធាតុនៅទីនោះ។ ក្នុងចំណោមកសិករដែលនៅតំបន់ទាំងនេះ បងប្រុស យ៉ុង សាវរ៉ុង គឺជាកសិករគំរូមួយរូប មកពីស្រុកស្នួល ខេត្តក្រចេះ ដែលទទួលបានការចាប់អារម្មណ៍ពីកសិករក្នុងសហគមន៍ ដោយសារភាពជោគជ័យក្នុងការប្រែក្លាយជីវភាពតាមរយៈការប្រើប្រាស់ប្រាក់កម្ចីយ៉ាងឆ្លាតវៃរបស់គាត់ជាមួយ អិលអូអិលស៊ី (LOLC)។
កាលពីដើមឡើយ បងប្រុស សាវរ៉ុង គឺគ្រាន់តែជាកសិករធម្មតាម្នាក់ប៉ុណ្ណោះ ដែលដាំកៅស៊ូលើផ្ទៃដីតូចមួយកន្លែង ដូចនឹងប្រជាកសិករដទៃទៀតផងដែរ ប៉ុន្តែដោយសារតែការខិតខំប្រឹងប្រែង និងក្ដីស្រមៃចង់ឱ្យអនាគតរបស់គាត់កាន់តែល្អប្រសើរ គាត់បានសិក្សាស្វែងយល់ពីទីផ្សារ និងសក្តានុពលនៃដំណាំកៅស៊ូ ហើយបានសម្រេចចិត្តពង្រីកផ្ទៃដីកសិកម្មលើដំណាំកៅស៊ូបន្ថែម ដើម្បីបង្កើនទិន្នផល និងចំណូលសម្រាប់គ្រួសារ។
ក្នុងឆ្នាំ២០២០ បងប្រុស បានស្នើសុំប្រាក់កម្ចីចំនួន ៤.០០០.០០០រៀល ពី អិលអូអិលស៊ី (LOLC) ដើម្បីទិញជីកសិកម្មសម្រាប់បំប៉នដើមកៅស៊ូរបស់គាត់ឱ្យលូតលាស់បានល្អជាងមុន។ បន្ទាប់មកទៀត ក្នុងឆ្នាំ២០២១ និងឆ្នាំ២០២៣ គាត់បានស្នើសុំប្រាក់កម្ចីបន្ថែម សម្រាប់ទិញដីចម្ការកៅស៊ូបន្ថែមក្នុងការពង្រីកផ្ទៃដីដាំដុះឱ្យធំជាងមុន និងទិញដីសម្រាប់ដាំស្វាយចន្ទី និងមួយចំណែកទៀតគាត់បានយកទៅទិញកូនកៅស៊ូ និងកូនស្វាយចន្ទីដើម្បីដាំក្នុងចម្ការរបស់គាត់ផងដែរ។
ការខិតខំប្រឹងប្រែងអស់រយៈពេលជាច្រើនឆ្នាំ និងការប្រើប្រាស់ប្រាក់កម្ចីពីដៃគូរហិរញ្ញវត្ថុប្រកបដោយទំនុកចិត្ត បងប្រុស សាវរ៉ុង បានចាប់ផ្តើមប្រមូលផលពីដំណាំកៅស៊ូ និងស្វាយចន្ទី ដែលបានផ្តល់ទិន្នផលដល់គាត់គួរជាទីគាប់ចិត្ត។ បច្ចុប្បន្ន បងប្រុស សាវរ៉ុន មានដីចម្ការកៅស៊ូចំនួន ៥ហិកតា និងចម្ការស្វាយចន្ទីចំនួន ២ហិកតា ដែលនេះគឺជាការរីកចម្រើនគួរឱ្យកត់សម្គាល់ បើប្រៀបធៀបនឹងស្ថានភាពមុនពេលដែលគាត់មិនទាន់បានប្រើប្រាស់ប្រាក់កម្ចីរបស់ អិលអូអិលស៊ី (LOLC)។
បងប្រុស សាវរ៉ុង បានចែករំលែកថា “ប្រាក់កម្ចី មិន នាំឱ្យជីវភាពយើងលំបាកនោះទេ ប៉ុន្តែវាជាជំនួយផ្នែកហិរញ្ញវត្ថុដែលជួយរលើកកម្ពស់ជីវភាពគ្រួសារ ប្រសិនបើយើងប្រើប្រាស់វាឱ្យបានត្រឹមត្រូវ និងចំគោលដៅ ដោយមានផែនការអាជីវកម្មច្បាស់លាស់ ប្រើប្រាស់ស្របតាមគោលបំណង និងមានវិន័យក្នុងការគ្រប់គ្រងហិរញ្ញវត្ថុ។”
ភាពជោគជ័យរបស់ បងប្រុស យ៉ុង សាវរ៉ុង បង្ហាញថា ការប្រើប្រាស់ប្រាក់កម្ចីដោយត្រឹមត្រូវ មានផែនការ និងគិតគូរបានច្បាស់លាស់ អាចជួយលើកកម្ពស់ជីវភាពរស់នៅល្អប្រសើរដោយសារអាជីវកម្មមានការរីកចម្រើន។
បងប្រុស ញ៉េន គឹមហ៊ាង ដែលជាម្ចាស់អាហារដ្ឋាន “ស្រមោចខ្មៅ” ដែលមានទីតាំងស្ថិតនៅស្រុកវាលវែង ខេត្តពោធិ៍សាត់
តើអ្នកកំពុងស្វែងរកផ្លូវឆ្ពោះទៅរកការអភិវឌ្ឍអាជីវកម្ម និងចង់ឱ្យគ្រួសារមានស្ថិរភាពផ្នែកហិរញ្ញវត្ថុដែរ ឬទេ?
តស់ មកស្វែងយល់ពីភាពជោគជ័យក្នុងអាជីវកម្មរបស់ បងប្រុស ញ៉េន គឹមហ៊ាង ដែលជាម្ចាស់អាហារដ្ឋាន “ស្រមោចខ្មៅ” ដែលមានទីតាំងស្ថិតនៅស្រុកវាលវែង ខេត្តពោធិ៍សាត់ ក្រោយពីបានប្រើប្រាស់ប្រាក់កម្ចីពី អិលអូអិលស៊ី (LOLC) ប្រកបដោយភាពឆ្លាតវៃ រួមជាមួយចក្ខុវិស័យច្បាស់លាស់របស់គាត់!
អាហារដ្ឋានរបស់បងប្រុស គឹមហ៊ាង មានឈ្មោះល្បីល្បាញនៅជុំវិញតំបន់ដែលគាត់រស់នៅក៏ព្រោះតែម្ហូបដែលចម្អិនចេញមកមានរស់ជាតិឆ្ងាញ់ពិសា និងសេវាកម្មរហ័សទាន់ចិត្ត។ អតិថិជនជាច្រើនតែងតែសរសើរ និងទទួលស្គាល់ថា អាហារដ្ឋាន “ស្រមោចខ្មៅ” ជាទីកន្លែងញ៉ាំអាហារល្អបំផុតសម្រាប់អ្នករស់នៅក្នុងតំបន់ និងអ្នកដំណើរដែលឆ្លងកាត់ទីនោះ។ ក្រៅពីអាជីវកម្មលក់ម្ហូបអាហារ បងប្រុស គឹមហ៊ាង និងភរិយា ក៏បានបើកសេវាលាងម៉ូតូ និងរថយន្ត ផងដែរ ហើយក៏កំពុងទទួលបានការគាំទ្រយ៉ាងច្រើនពីអតិថិជនក្នុងតំបន់។
ទោះបីជាពេលបច្ចុប្បន្ននេះ គាត់ទទួលបានជោគជ័យក៏ដោយ បងប្រុស គឹមហ៊ាង ក៏ធ្លាប់ប្រឈមមុខនឹងបញ្ហា និងឧបសគ្គជាច្រើនដែលរាំងស្ទះអាជីវកម្មគាត់ដូចជា ទីតាំងអាជីវកម្មតូចចង្អៀត ច្រកចេញចូលពិបាក និងជីវភាពគ្រួសារមិនសូវល្អប្រសើរ។ យ៉ាងណាមិញ ដោយសារតែការខិតខំប្រឹងប្រែង និងមានជំនឿលើការតាំងចិត្តរបស់ខ្លួនឯង បងប្រុស គឹមហ៊ាង បានជ្រើសរើស អិលអូអិលស៊ី (LOLC) ជាដៃគូហិរញ្ញវត្ថុ ដើម្បីសម្រេចក្តីស្រមៃរបស់ខ្លួន។
ដោយមានការគាំទ្រពី អិលអូអិលស៊ី (LOLC) កាលពីឆ្នាំ២០១៨ បងប្រុស គឹមហ៊ាង បានចាប់ផ្តើមប្រើប្រាស់ប្រាក់កម្ចីលើកដំបូងចំនួន ១០.០០០ដុល្លារ សម្រាប់កែលម្អទីតាំងអាហារដ្ឋាន និងទិញដីមួយកន្លែងក្បែរនោះសម្រាប់ប្រើប្រាស់នៅពេលក្រោយ និងបានកែលម្អគេហដ្ឋានរបស់គាត់ផងដែរ។ ហើយ បងប្រុស ក៏បានស្នើកម្ចីជាបន្តបន្ទាប់ ក្នុងគោលបំណងពង្រីកហាងលក់ម្ហូបអាហារបន្ថែម និងពង្រីកទីតាំងលក់អាហាររបស់គាត់ឱ្យធំទូលាយជាងមុន និងមានទីធ្លាធំសម្រាប់ភ្ញៀវចេញចូលឱ្យកាន់តែមានភាពងាយស្រួល និងប្រាក់កម្ចីដែលនៅសេសសល់គាត់បានប្រើប្រាស់សម្រាប់ទិញរថយន្តសម្រាប់ប្រើប្រាស់ក្នុងអាជីវកម្ម និងប្រើប្រាស់ក្នុងគ្រួសារ។
ការចូលរួមចំណែកគាំទ្រពី អិលអូអិលស៊ី (LOLC) គឺពិតជាបានជួយឱ្យ បងប្រុស គឹមហ៊ាង អាចពង្រីកអាជីវកម្មរបស់គាត់ឱ្យរឹងមាំ មានស្ថិរភាពផ្នែកហិរញ្ញវត្ថុ និងធ្វើឱ្យជីវភាពគ្រួសារប្រសើរឡើង។ ជាចុងក្រោយ បងប្រុស គឹមហ៊ាង បានបង្ហាញអារម្មណ៍រីករាយ និងមានមោទកភាពចំពោះខ្លួនឯងជាខ្លាំងដែលអាចគ្រប់គ្រងអាជីវកម្មរបស់ខ្លួនបានដោយជោគជ័យ។
បងស្រី ម៉ុត កែវបុប្ផា ប្រកបមុខរបរជាអ្នកលក់ចាប់ហួយ ដែលមានទីតាំងស្ថិតនៅភូមិរាជានុកូល២ ខេត្តស្ទឹងត្រែង អស់រយៈពេល ៨ឆ្នាំមកហើយ។
បងស្រី ម៉ុត កែវបុប្ផា ប្រកបមុខរបរជាអ្នកលក់ចាប់ហួយ ដែលមានទីតាំងស្ថិតនៅភូមិរាជានុកូល២ ខេត្តស្ទឹងត្រែង អស់រយៈពេល ៨ឆ្នាំមកហើយ។ បងស្រី កែវបុប្ផា បានចែករំលែកមកកាន់ អិលអូអិលស៊ី (LOLC) ថា មុនពេលប្រើប្រាស់ប្រាក់កម្ចី អាជីវកម្មរបស់គាត់មានលក្ខណៈតូចតាចនៅឡើយ ព្រោះមិនមានស្តុកអីវ៉ាន់គ្រប់គ្រាន់ សម្រាប់លក់ជូនអតិថិជន ដែលជាហេតុធ្វើឱ្យប្រាក់ចំណូលរបស់គាត់នៅមានកម្រិត។
ដោយមានឆន្ទៈ និងមហិច្ឆតាចង់ឱ្យអាជីវកម្មរបស់គាត់រីកចម្រើន បងស្រី កែវបុប្ផា បានសម្រេចចិត្តប្រើប្រាស់ប្រាក់កម្ចីលើកដំបូងចំនួន ១១.០០០ដុល្លារ ក្នុងឆ្នាំ២០២២ ពី អិលអូអិលស៊ី (LOLC) សម្រាប់ជួសជុលតូបរបស់គាត់ និងទិញអីវ៉ាន់ចាប់ហួយបន្ថែមផងដែរ។ បន្ទាប់មក បងស្រី បានសម្រេចចិត្តប្រើប្រាស់ប្រាក់កម្ចីវគ្គទី២ ចំនួន ១៣.០០០ដុល្លារ ក្នុងឆ្នាំ២០២៤ ដើម្បីបន្ថែមស្តុកអីវ៉ាន់ និងប្រាក់កម្ចីដែលនៅសេសសល់គាត់ប្រើប្រាស់សម្រាប់កែលម្អគេហដ្ឋានរបស់គាត់ឱ្យកាន់តែមានផាសុកភាពជាងមុនផងដែរ។ ក្រោយពីបន្ថែមស្តុកអីវ៉ាន់បានកាន់តែសម្បូរបែប និងច្រើនជាងមុន ការគាំទ្រពីសំណាក់អតិថិជនថ្មីចាស់របស់គាត់បានកើនឡើងគួរជាទីគាប់ចិត្ត ដែលជាហេតុជំរុញឱ្យ បងស្រី កែវបុប្ផា បានស្នើសុំកម្ចីវគ្គទី៣ បន្ថែមទៀត សម្រាប់ពង្រីកស្តុកអីវ៉ាន់របស់គាត់។
ក្រោយពីទទួលបាន ការគាំទ្រផ្នែកហិរញ្ញវត្ថុតាមរយៈផលិតផលប្រាក់កម្ចីពី អិលអូអិលស៊ី (LOLC) រួចមក អាជីវកម្មរបស់ បងស្រី កែវបុប្ផា ទទួលបានភាពរីកចម្រើនកាន់តែប្រសើរឡើង ព្រោះគាត់មានស្តុកអីវ៉ាន់គ្រប់គ្រាន់សម្រាប់លក់ជូនអតិថិជន និងទទួលបានការគាំទ្រពីសំណាក់អតិថិជនកាន់តែច្រើន ដែលនាំឱ្យការលក់ដូររបស់គាត់កើនឡើងជាលំដាប់ រួមទាំងបានធ្វើឱ្យប្រាក់ចំណូលរបស់គាត់កើនឡើងផងដែរ។
ជាមួយនឹងស្នាមញញឹមពោរពេញដោយភាពសប្បាយរីករាយ បងស្រី កែវបុប្ផា បានបន្ថែមថា បច្ចុប្បន្នអាជីវកម្មរបស់គាត់កាន់តែមានភាពល្អប្រសើរ និងរីកចម្រើនទៅមុខ រីឯជីវភាពគ្រួសារក៏មានភាពប្រសើរជាងមុន ចំណែកការរស់នៅរបស់គាត់វិញក៏កាន់តែមានសុភមង្គល និងមានផាសុកភាពល្អជាងមុនផងដែរ។
បងប្រុស សែម នី បានខិតខំប្រឹងប្រែងរហូតក្លាយជាម្ចាស់សិប្បកម្មផ្សារដែកមួយកន្លែង ស្ថិតនៅភូមិមឿងចារ ឃុំជាងទង ស្រុកត្រាំកក់ ខេត្តតាកែវ។
ពីជាងសំណង់ម្នាក់ដែលទទួលបានប្រាក់ឈ្នួលត្រឹមតែ ៤០.០០០រៀល ក្នុងមួយថ្ងៃ បងប្រុស សែម នី បានខិតខំប្រឹងប្រែងរហូតក្លាយជាម្ចាស់សិប្បកម្មផ្សារដែកមួយកន្លែង ស្ថិតនៅភូមិមឿងចារ ឃុំជាងទង ស្រុកត្រាំកក់ ខេត្តតាកែវ។
បងប្រុស សែម នី មានភរិយាឈ្មោះ ងី សុភ័ក្រ ប្រកបរបរជាអ្នកលក់ចាប់ហួយ និងមានកូនស្រីចំនួនបីនាក់ក្នុងបន្ទុកគ្រួសារ ដែលជាសិស្សកំពុងសិក្សានៅថ្នាក់អនុវិទ្យាល័យម្នាក់ និងថ្នាក់បឋមសិក្សាពីរនាក់។ ដោយសេចក្តីព្យាយាម និងការប្ដេជ្ញាចិត្តខ្ពស់ បងប្រុស នី បានខិតខំប្រឹងប្រែងអភិវឌ្ឍអាជីវកម្មរបស់ខ្លួន ដើម្បីធ្វើឱ្យជីវភាពគ្រួសាររីកចម្រើន ជាពិសេសក្នុងការចិញ្ចឹមមើលថែ និងផ្គត់ផ្គង់កូនៗទាំងបីឱ្យទទួលបានការអប់រំល្អប្រសើរ និងមានអនាគតរុងរឿង។
បច្ចុប្បន្ន សិប្បកម្មផ្សារដែករបស់បងប្រុស នី បានដំណើរការយ៉ាងល្អប្រសើរ។ ហើយ បងប្រុស បានបង្ហើបថា ភាពជោគជ័យនេះកើតឡើងដោយសារការគាំទ្រផ្នែកហិរញ្ញវត្ថុពីគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) តាមរយៈការទទួលបានប្រាក់កម្ចីជាបន្តបន្ទាប់។ បងប្រុស នី បានបញ្ជាក់ថា កាលពីឆ្នាំ២០១៩ គាត់បានស្នើកម្ចីលើកដំបូងចំនួន ៦.០០០ដុល្លារ ដើម្បីពង្រីកសិប្បកម្មផ្សារដែករបស់ខ្លួន។ ហើយចាប់តាំងពីពេលនោះមក គាត់បានប្រើប្រាស់ប្រាក់កម្ចីវគ្គក្រោយៗមកទៀត ដើម្បីអភិវឌ្ឍអាជីវកម្មផ្សារដែករបស់គាត់ និងមុខរបរលក់ចាប់ហួយរបស់ភរិយាគាត់ជាបន្តបន្ទាប់ និងប្រាក់កម្ចីដែលមួយចំណែក គាត់បានទិញដីមួយកន្លែងទុកប្រើប្រាស់នាពេលខាងមុខផងដែរ។
បងប្រុស សែម នី បានបង្ហាញពីអារម្មណ៍សប្បាយរីករាយ ចំពោះភាពរីកចម្រើននៃអាជីវកម្មរបស់គាត់ និងការជ្រើសរើសដៃគូរគាំទ្រផ្នែកហិរញ្ញវត្ថុបានត្រឹមត្រូវ។ ភាពរីកចម្រើននេះមិនត្រឹមតែបានធ្វើឱ្យអាជីវកម្មរបស់គាត់មានស្ថិរភាពប៉ុណ្ណោះទេ ប៉ុន្តែថែមទាំងបានធ្វើឱ្យប្រាក់ចំណូលរបស់គាត់កើនឡើងជារឿយៗផងដែរ។ លទ្ធផលវិជ្ជមាននេះបានឱ្យ បងប្រុស និងភរិយាមានលទ្ធភាពគ្រប់គ្រាន់ក្នុងការផ្គត់ផ្គង់ការសិក្សារៀនសូត្ររបស់កូនៗទាំងបីនាក់បានយ៉ាងល្អប្រសើរ ស្របតាមសេចក្តីប្រាថ្នា និងធ្វើឱ្យការរស់នៅរបស់គាត់កាន់តែមានភាពសុភមង្គល។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
