បងស្រី ហ៊ាង សុខណាន ជាម្ចាស់អាជីវកម្មលក់អីវ៉ាន់ចាប់ហួយបោះដុំ និងលក់រាយមួយរូប ដែលមានទីតាំងស្ថិតនៅក្នុងភូមិឈើបាក់ ឃុំបឹងណាយ ស្រុកព្រៃឈរ ខេត្តកំពង់ចាម
បងស្រី ហ៊ាង សុខណាន ជាម្ចាស់អាជីវកម្មលក់អីវ៉ាន់ចាប់ហួយបោះដុំ និងលក់រាយមួយរូប ដែលមានទីតាំងស្ថិតនៅក្នុងភូមិឈើបាក់ ឃុំបឹងណាយ ស្រុកព្រៃឈរ ខេត្តកំពង់ចាម។ អាជីវកម្មលក់ចាប់ហួយរបស់បងស្រី សុខណាន ទទួលបានការគាំទ្រយ៉ាងច្រើនពីសំណាក់អតិថិជនជិតឆ្ងាយ ដោយសារមុខទំនិញមានគុណភាព តម្លៃសមរម្យ និងមានអីវ៉ាន់ចម្រុះជាច្រើនប្រភេទតាមតម្រូវការរបស់អតិថិជន។
តើអ្វីជាអាថ៌កំបាំងដែលនាំឱ្យអាជីវកម្មរបស់ បងស្រី សុខណាន រីកចម្រើន? តស់! មកដឹងពីបទពិសោធរបស់គាត់ទាំងអស់គ្នា!
បងស្រី សុខណាន បានរៀបរាប់ថា ដំបូងឡើយគាត់មិនមានដើមទុនគ្រប់គ្រាន់សម្រាប់ពង្រីកអាជីវកម្មរបស់គាត់នោះទេ ដែលនេះគឺជាបញ្ហាដ៏ធំមួយរបស់គាត់។ ប៉ុន្តែការផ្លាស់ប្តូរដ៏គួរឱ្យគត់សម្គាល់មួយបានកើតឡើង នៅពេលដែលបងស្រី បានសម្រេចចិត្តប្រើប្រាស់សេវាហិរញ្ញវត្ថុពី អិលអូអិលស៊ី (LOLC)។
ដើម្បីបង្កើតឱកាសដល់ការអភិវឌ្ឍ និងធ្វើឱ្យអាជីវកម្មរបស់គាត់រីកចម្រើន បងស្រី សុខណាន បានប្រើប្រាស់ប្រាក់កម្ចីសរុបចំនួន ៥វគ្គពី អិលអូអិលស៊ី (LOLC) ក្នុងការបន្ថែមស្តុកអីវ៉ាន់ចាប់ហួយឱ្យមានអីវ៉ាន់ចម្រុះគ្រប់ប្រភេទ សម្រាប់បំពេញតម្រូវការរបស់អតិថិជនបោះដុំ និងអតិថិជនលក់រាយរបស់គាត់។
គួរបញ្ជាក់ផងដែរថា ប្រាក់កម្ចីវគ្គទី១ គឺសម្រាប់ពង្រីកអាជីវកម្មដោយទិញអីវ៉ាន់ចាប់ហួយបន្ថែម។ បន្ទាប់ពីឃើញពីលទ្ធផលវិជ្ជមានក្រោយពីបានពង្រីកអាជីវកម្ម ដោយការលក់បានកើនឡើង បងស្រី ក៏បានស្នើសុំប្រាក់កម្ចីជាបន្តបន្ទាប់រហូតមកដល់បច្ចុប្បន្ន។ ក្រោយមក បងស្រី ក៏បានប្រើប្រាស់ប្រាក់កម្ចីរហូតដល់ ៥វគ្គ សម្រាប់ពង្រីកអាជីវកម្ម ហើយបងស្រីក៏បានប្រើប្រាស់ប្រាក់កម្ចីមួយចំណែកសម្រាប់កែលម្អគេហដ្ឋានដូចជា តសំយាបផ្ទះ ដែលជាជំហានដំបូងក្នុងការលើកកម្ពស់ សោភណភាពផ្ទះ និងសុខមាលភាពក្នុងការរស់នៅរបស់គ្រួសារគាត់ផងដែរ។
ជាមួយនឹងទំនួលខុសត្រូវ និងមានផែនការច្បាស់លាស់ក្នុងការប្រើប្រាស់ប្រាក់កម្ចីពិតជាបានជួយឱ្យបងស្រី សុខណាន អាចបំប្លែងអាជីវកម្មពីហាងតូចមួយរបស់គាត់ឱ្យក្លាយជាអាជីវកម្មដែលមានលក្ខណៈធំទូលាយជាងមុន និងមានស្ថិរភាពប្រកបដោយភាពរីកចម្រើន។ បងស្រី សុខណាន ក៏បានបង្ហាញពីការពេញចិត្តចំពោះសេវាកម្មរបស់ អិលអូអិលស៊ី ផងដែរ តាមរយៈការផ្តល់សេវាកម្មឆាប់រហ័ស ហើយថែមទាំងបានផ្តល់ការប្រឹក្សាយោបល់លើការគ្រប់គ្រងហិរញ្ញវត្ថុ និងបានផ្តល់ទំនុកចិត្តឱ្យគាត់បន្តពង្រីកអាជីវកម្ម និងលើកកម្ពស់ជីវភាពគ្រួសារឱ្យកាន់តែល្អប្រសើរ។
បងស្រី សាវឿន គឺជាម្ចាស់អាហារដ្ឋានមួយមានឈ្មោះថា «អាហារដ្ឋានចែដាក្រវ៉ាត់ក្រុង» ដែលមានទីតាំងស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប
“សូមអរគុណចំពោះ អិលអូអិលស៊ី (LOLC) សម្រាប់ការគាំទ្រផ្នែកហិរញ្ញវត្ថុ ដែលជាដើមទុនសំខាន់ក្នុងការជួយអភិវឌ្ឍអាជីវកម្មរបស់ខ្ញុំឱ្យរីកចម្រើនកាន់តែប្រសើរ។” នេះជាប្រសាសន៍របស់បងស្រី វី សាវឿន ដែលបានបង្ហាញពីទំនុកចិត្ត បន្ទាប់ពីបានប្រើប្រាស់សេវាកម្មរបស់ អិលអូអិលស៊ី (LOLC)។
បងស្រី សាវឿន គឺជាម្ចាស់អាហារដ្ឋានមួយមានឈ្មោះថា «អាហារដ្ឋានចែដាក្រវ៉ាត់ក្រុង» ដែលមានទីតាំងស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប។ បងស្រី សាវឿន មានអាយុ ៤៣ ឆ្នាំ បានចែករំលែកថា មុនពេលទទួលបានប្រាក់កម្ចីពី អិលអូអិលស៊ី (LOLC) គ្រួសាររបស់គាត់ខ្វះដើមទុនសម្រាប់គាំទ្រការពង្រីកអាជីវកម្មបន្ថែម ក៏ដូចជាមធ្យោបាយសម្រាប់ធ្វើដំណើរ។
ដោយមើលឃើញពីសក្តានុពលនៃមុខរបររបស់ខ្លួន បងស្រី សាវឿន និងស្វាមីបានពិភាក្សា ហើយសម្រេចចិត្តស្វែងរកដើមទុនបន្ថែមពី អិលអូអិលស៊ី (LOLC)។ នៅឆ្នាំ២០២២ និងឆ្នាំ២០២៣ បងស្រីបានប្រើប្រាស់ប្រាក់កម្ចីចំនួនពីរវគ្គ ដើម្បីពង្រីកអាជីវកម្ម ដោយបានកែលម្អទីតាំងអាហារដ្ឋានឱ្យកាន់តែមានសោភណភាព និងមានទីធ្លាទូលំទូលាយ បន្ថែមសម្ភារប្រើប្រាស់ថ្មីៗ និងបន្ថែមមុខម្ហូបឱ្យកាន់តែសម្បូរបែបសម្រាប់អតិថិជន។ ដោយឡែក នៅឆ្នាំ២០២៥ បងស្រីក៏បានស្នើសុំប្រាក់កម្ចីបន្ថែម ដើម្បីទិញរថយន្តថ្មីមួយគ្រឿង សម្រាប់ ការធ្វើដំណើរក្នុងគ្រួសារ ឱ្យកាន់តែមានផាសុកភាព និងសុវត្ថិភាព។
ជាចុងក្រោយ បងស្រី សាវ៉ឿន បានបន្ថែមថា ប្រាក់កម្ចីពី អិលអូអិលស៊ី (LOLC) ពិតជាបានជួយឱ្យអាជីវកម្មរបស់គាត់រីកចម្រើន រួមទាំងបានជួយបង្កើនប្រាក់ចំណូល និងធ្វើឱ្យជីវភាពគ្រួសាររបស់គាត់កាន់តែប្រសើរឡើង។ សាច់រឿងជោគជ័យរបស់បងស្រី វី សាវ៉ឿន គឺជាសក្ខីភាពមួយបង្ហាញថា ការខិតខំប្រឹងប្រែង រួមជាមួយនឹងការគាំទ្រផ្នែកហិរញ្ញវត្ថុដ៏ត្រឹមត្រូវ ពិតជាអាចជួយលើកកម្ពស់ការអភិវឌ្ឍអាជីវកម្ម និងជីវភាពគ្រួសារឱ្យកាន់តែប្រសើរឡើងបានយ៉ាងពិតប្រាកដ។
មុនចាប់ផ្តើមអាជីវកម្មផ្ទាល់ខ្លួន បងប្រុស វ៉ា គឹមសាន ធ្លាប់ជាបុគ្គលិកម្នាក់ ដែលទទួលបានប្រាក់ចំណូលថេរ សម្រាប់ផ្គត់ផ្គង់ការចំណាយនៅក្នុងគ្រួសាររបស់គាត់
មុនចាប់ផ្តើមអាជីវកម្មផ្ទាល់ខ្លួន បងប្រុស វ៉ា គឹមសាន ធ្លាប់ជាបុគ្គលិកម្នាក់ ដែលទទួលបានប្រាក់ចំណូលថេរ សម្រាប់ផ្គត់ផ្គង់ការចំណាយនៅក្នុងគ្រួសាររបស់គាត់ ។ ក្រោយមក បងប្រុសសម្រេចចិត្តផ្លាស់ប្តូរគោលដៅដើម្បីបង្កើនប្រាក់ចំណូលសម្រាប់គ្រួសារដោយចាប់យកមុខរបរផ្ទាល់ខ្លួនជាអ្នកទិញលក់គោ លក់កាហ្វេ និងលក់អីវ៉ាន់ចាប់ហ៊ួយ ដែលមានទីតាំងស្ថិតនៅភូមិធ្លកវៀន ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង។ មុខរបរទាំងនេះបានជួយឱ្យប្រាក់ចំណូលរបស់គាត់មានស្ថិរភាព និងការរស់នៅកាន់តែល្អប្រសើរជាងមុន។
បងប្រុស គឹមសាន បានចែករំលែកថា គាត់បានស្គាល់ អិលអូអិលស៊ី (LOLC) តាមរយៈឪពុកម្តាយរបស់គាត់ ដែលជាអតិថិជនរបស់ អិលអូអិលស៊ី (LOLC)។ តាមរយៈការប្រើប្រាស់ប្រាក់កម្ចីចំនួន ៤វគ្គពី អិលអូអិលស៊ី (LOLC) នេះបានជួយឱ្យគាត់អាចពង្រីកមុខរបរ និងអភិវឌ្ឍជីវភាពរបស់គាត់ និងគ្រួសារឱ្យរីកចម្រើនជាបន្តបន្ទាប់មកដល់សព្វថ្ងៃ។
បងប្រុស គឹមសាន បង្ហើបថា ប្រាក់កម្ចីវគ្គទី១ ចំនួន៧.០០០ ដុល្លារ នៅឆ្នាំ២០២៧ គាត់បានប្រើប្រាស់ដើម្បីទិញគោសម្រាប់លក់បន្ត ហើយមួយផ្នែកទៀតគាត់បានប្រើប្រាស់សម្រាប់កែលម្អគេហដ្ឋានផងដែរ។ ប្រាក់កម្ចីវគ្គទី២ ចំនួន១២.០០០ ដុល្លារ នៅឆ្នាំ២០១៩ គាត់បានយកទៅពង្រឹងមុខរបរទិញគោលក់ និងកែលម្អគេហដ្ឋានរបស់គាត់បន្ថែម ព្រមទាំងបានទិញម៉ូតូមួយគ្រឿងសម្រាប់សម្រួលដល់ការដឹកជញ្ជូនផងដែរ។ ចំពោះប្រាក់កម្ចីវគ្គទី៣ ចំនួន២០.០០០ ដុល្លារ នៅឆ្នាំ២០២៣ គាត់បានយកទៅបន្ថែមទុនលើអាជីវកម្មឱ្យកាន់តែរឹងមាំ និងវិនិយោគលើការទិញដីសម្រាប់ពេលអនាគត។ ចំណែកឯប្រាក់កម្ចីវគ្គទី៤ វិញ ចំនួន២៧.០០0 ដុល្លារ នៅឆ្នាំ២០២៥ បងប្រុស គឹមសាន បានបើកតូបកាហ្វេ និងលក់អីវ៉ាន់ចាប់ហ៊ួយ ព្រមទាំងបន្ថែមទុនលើអាជីវកម្ម។
តាមរយៈការប្រើប្រាស់សេវាហិរញ្ញវត្ថុប្រកបដោយទំនួលខុសត្រូវ និងការខិតខំពង្រីកអាជីវកម្មជាបន្តបន្ទាប់ បងប្រុស វ៉ា គឹមសាន បានផ្លាស់ប្តូរជីវភាពរស់នៅពីការងារជាបុគ្គលិកដែលទទួលបានប្រាក់ចំណូលថេរ មកក្លាយជាម្ចាស់អាជីវកម្មមួយរូប ដែលទទួលបានប្រាក់ចំណូលពីច្រើនប្រភព ដែលអាចឱ្យគាត់មានជីវភាពកាន់តែល្អប្រសើរ និងមានស្ថិរភាពផ្នែកហិរញ្ញវត្ថុសម្រាប់គ្រប់គ្រងអាជីវកម្ម និងការចំណាយលើគ្រួសារ ព្រមទាំងចំណាយលើការសិក្សាររបស់កូនផងដែរ។
បងស្រី ខូយ សាវ៉េត ជាម្ចាស់អាហារដ្ឋាន “ចែវ៉េត ៩៩៨” ស្ថិតនៅភូមិបឹងជ្រោយ ឃុំសូទិព្វ ស្រុកជើងព្រៃ ខេត្តកំពង់ចាម
ស្ថិតនៅក្នុងអាហារដ្ឋានមួយកន្លែង ជាមួយនឹងខ្យល់ត្រជាក់បក់មករវិចៗជាបរិយាកាសមួយដែលធ្វើឱ្យអតិថិជនកំពុងអង្គុយទទួលទានអាហារថ្ងៃត្រង់នៅអាហារដ្ឋាន “ចែវ៉េត ៩៩៨” ពិតជាមានអារម្មណ៍ស្រស់ស្រាយប្រកបដោយភាពរីករាយ។
បងស្រី ខូយ សាវ៉េត ជាម្ចាស់អាហារដ្ឋាន “ចែវ៉េត ៩៩៨” ស្ថិតនៅភូមិបឹងជ្រោយ ឃុំសូទិព្វ ស្រុកជើងព្រៃ ខេត្តកំពង់ចាម។ ដោយសារតែមានការគាំទ្រពីអតិថិជនកាន់តែច្រើនឡើង បានធ្វើឱ្យបងស្រី សាវ៉េត និងស្វាមី កើតមានក្តីស្រមៃធំមួយគឺការពង្រីកអាជីវកម្មឱ្យធំជាងមុន។ ជាមួយនឹងទស្សនវិស័យច្បាស់លាស់បងស្រី សាវ៉េត បានសម្រេចចិត្តស្វែងរកដំណោះស្រាយផ្នែកហិរញ្ញវត្ថុ ដើម្បីធ្វើឱ្យក្តីស្រមៃក្លាយជាការពិត។ ដោយបានការណែនាំពីបងប្អូនរបស់គាត់ឱ្យស្គាល់ អិលអូអិលស៊ី (LOLC) បងស្រី សាវ៉េត បានសម្រេចចិត្តទទួលការប្រឹក្សាផ្នែកហិរញ្ញវត្ថុពី អិលអូអិលស៊ី (LOLC) ដើម្បីស្វែងរកមធ្យោបាយដ៏សមស្របសម្រាប់ការពង្រីកអាជីវកម្ម។
ការប្រឹក្សាផ្នែកហិរញ្ញវត្ថុយ៉ាងច្បាស់លាស់ និងការផ្តល់សេវាកម្មទាន់ពេលវេលារបស់ អិលអូអិលស៊ី (LOLC) បានផ្តល់ភាពជឿជាក់ឱ្យបងស្រីក្នុងការសម្រេចចិត្តទទួលការគាំទ្រផ្នែកហិរញ្ញវត្ថុ ដើម្បីពង្រីកអាជីវកម្មរបស់ខ្លួន។ បងស្រី សាវ៉េត បានប្រើប្រាស់ប្រាក់កម្ចីចំនួនពីរវគ្គ ដោយវគ្គទីមួយ នៅឆ្នាំ២០២៣ មានចំនួន ១១.៥០០ ដុល្លារអាមេរិក និងវគ្គទីពីរ នៅឆ្នាំ២០២៥ មានចំនួន ១៥.០០០ ដុល្លារអាមេរិក។ ប្រាក់កម្ចីទាំងនេះ ត្រូវបានយកទៅប្រើប្រាស់សម្រាប់ពង្រីកអាជីវកម្ម ដោយបានកែលម្អអាហារដ្ឋាន ទិញសម្ភារសម្រាប់ប្រើប្រាស់ក្នុងអាជីវកម្ម និងបន្តអភិវឌ្ឍអាជីវកម្ម ដើម្បីបម្រើអតិថិជនឱ្យកាន់តែប្រសើរឡើង និងទាក់ទាញអតិថិជនកាន់តែច្រើន។
អស់រយៈពេល ៦ឆ្នាំនៃការខិតខំប្រឹងប្រែង អាហារដ្ឋានរបស់បងស្រី សាវ៉េត បានក្លាយជាកន្លែងទទួលទានអាហារថ្ងៃត្រង់ដ៏ពេញនិយមសម្រាប់អតិថិជនចាស់ ថ្មីនៅក្នុងតំបន់នោះ ព្រោះតែបរិយាកាសនៃទីតាំងអាជីវកម្មរបស់គាត់ និងរសជាតិនៃម្ហូបអាហារផងដែរ ដែលនេះបានធ្វើឱ្យអតិថិជនកាន់តែមានទំនុកចិត្ត និងគាំទ្រអាជីវកម្មរបស់គាត់កាន់តែច្រើនឡើង។ ទន្ទឹមនឹងការប្រើប្រាស់ប្រាក់កម្ចីដែលមានផែនការច្បាស់លាល់ និងការប្រើប្រាស់ចំគោលដៅ អាជីវកម្មរបស់ បងស្រី សាវ៉េត មានការរីកចម្រើនជាលំដាប់ ដែលបានធ្វើឱ្យប្រាក់ចំណូលរបស់គាត់កើនឡើង និងបានទ្រទ្រង់ជីវភាពរស់នៅរបស់គ្រួសារគាត់កាន់តែមានស្ថិរភាព និងភាពល្អប្រសើរ។
បងស្រី ម៉ែន ស្រីធីម មានអាយុ ៤០ឆ្នាំ ប្រកបមុខរបរជាអ្នកលក់ចាប់ហួយ ស្ថិតនៅភូមិអង្គរមាស ឃុំជង្រុក ស្រុកគងពិសី ខេត្តកំពង់ស្ពឺ
ដោយមានក្តីស្រមៃចង់ឃើញគ្រួសាររស់នៅកាន់តែប្រសើរឡើង និងមានប្រាក់ចំណូលប្រកបដោយស្ថិរភាព បងស្រី ម៉ែន ស្រីធីម បានសម្រេចចិត្តចាប់យកឱកាសអភិវឌ្ឍអាជីវកម្មរបស់ខ្លួន ដោយទទួលបានការគាំទ្រផ្នែកហិរញ្ញវត្ថុពី អិលអូអិលស៊ី (LOLC)។ បងស្រី ម៉ែន ស្រីធីម មានអាយុ ៤០ឆ្នាំ ប្រកបមុខរបរជាអ្នកលក់ចាប់ហួយ ស្ថិតនៅភូមិអង្គរមាស ឃុំជង្រុក ស្រុកគងពិសី ខេត្តកំពង់ស្ពឺ។
នៅឆ្នាំ២០១៥ និងឆ្នាំ២០១៧ បងស្រី បានសម្រេចចិត្តប្រើប្រាស់ប្រាក់កម្ចីលើកទី១ ដែលមានចំនួន ៦.០០០ ដុល្លារអាមេរិក និងប្រាក់កម្ចីលើកទី២ ចំនួន ៧.៥០០ ដុល្លារអាមេរិក របស់គាត់ជាមួយ អិលអូអិលស៊ី (LOLC) សម្រាប់ការវិនិយោគដោយទិញដីស្រែទុកជាទ្រព្យសម្បត្តិ និងមានគម្រោងលក់បន្តនៅពេលដីស្រែទាំងនោះមានតម្លៃខ្ពស់នាពេលអនាគត។
បន្ទាប់ពីបានបង់ផ្តាច់ប្រាក់កម្ចីវគ្គទី២រួចមក នៅឆ្នាំ២០២៥ បងស្រី ស្រីធីម បានស្នើសុំប្រាក់កម្ចីលើកទី៣ ចំនួន ៧.០០០ដុល្លារអាមេរិក ដើម្បីពង្រីកមុខរបរលក់ចាប់ហួយ ក៏ដូចជាបន្ថែមមុខទំនិញឱ្យកាន់តែសម្បូរបែប និងទិញម៉ូតូកង់បី សម្រាប់សម្រួលដល់ការប្រកបអាជីវកម្ម និងការប្រើប្រាស់ក្នុងជីវភាពប្រចាំថ្ងៃក្នុងគ្រួសារ។ ជាលទ្ធផល អាជីវកម្មរបស់ បងស្រី មានការរីកចម្រើនគួរឱ្យកត់សម្គាល់ រីឯប្រាក់ចំណូលកើនឡើងជាលំដាប់ និងមុខរបរមានស្ថិរភាពជាងមុនផងដែរ។
ដោយសារតែការគ្រប់គ្រងហិរញ្ញវត្ថុប្រកបដោយវិន័យ និងការរៀបចំផែនការច្បាស់លាស់ បងស្រី ស្រីធីម អាចសន្សំប្រាក់ទុកសម្រាប់បង្ការហានិភ័យ និងស្ថានភាពអាសន្ន ព្រមទាំងអាចផ្គត់ផ្គង់ជីវភាពគ្រួសារបានល្អប្រសើរ និងគាំទ្រការសិក្សាដល់កូនៗរបស់គាត់បានយ៉ាងពេញលេញ។ សាច់រឿងរបស់បងស្រី ម៉ែន ស្រីធីម នេះបានបង្ហាញយ៉ាងច្បាស់ថា ការខិតខំប្រឹងប្រែងរួមជាមួយនឹងការគាំទ្រផ្នែកហិរញ្ញវត្ថុត្រឹមត្រូវ អាចជួយឱ្យក្តីស្រមៃក្លាយជាការពិត និងបង្កើនស្ថិរភាពហិរញ្ញវត្ថុកាន់តែរឹងមាំសម្រាប់គ្រួសារ។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
