បងស្រី តាំង សុខវល័ក្ខណ៍ មានឈ្មោះថា “អានី ម៉ូត” ដែលមានទីតាំងស្ថិតនៅភូមិទី០២ សង្កាត់វាលវង់ ក្រុងកំពង់ចាម ខេត្តកំពង់ចាម និងមានចម្ងាយប្រមាណ ១គីឡូម៉ែត្រ ពីផ្សាររាត្រី ខេត្តកំពង់ចាម
នេះជាប្រសាសន៍របស់ បងស្រី តាំង សុខវល័ក្ខណ៍ ដែលជាម្ចាស់ហាងលក់សម្លៀកបំពាក់បុរសមួយកន្លែង “កាលពីមុន ខ្ញុំមិនមានដើមទុនគ្រប់គ្រាន់ ដើម្បីទំនុកបម្រុងអាជីវកម្មរបស់ខ្ញុំឱ្យដំណើរការបានល្អប្រសើរនោះទេ ដូច្នេះទើប ខ្ញុំមិនមានសម្លៀកបំពាក់គ្រប់គ្រាន់ និងសម្បូរបែបសម្រាប់បំពេញតម្រូវការរបស់អតិថិជន។”
ហាងលក់សម្លៀកបំពាក់បុរសរបស់ បងស្រី តាំង សុខវល័ក្ខណ៍ មានឈ្មោះថា “អានី ម៉ូត” ដែលមានទីតាំងស្ថិតនៅភូមិទី០២ សង្កាត់វាលវង់ ក្រុងកំពង់ចាម ខេត្តកំពង់ចាម និងមានចម្ងាយប្រមាណ ១គីឡូម៉ែត្រ ពីផ្សាររាត្រី ខេត្តកំពង់ចាម។
ឆ្លើយតបទៅនឹងផលលំបាកដែលគាត់បានលើកឡើងខាងលើ បងស្រី វល័ក្ខណ៍ បានសម្រេចចិត្តចាប់យកឱកាសក្នុងការអភិវឌ្ឍអាជីវកម្មរបស់ខ្លួន ដោយជ្រើសរើសយកគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) ជាដៃគូក្នុងការគាំទ្រផ្នែកហិរញ្ញវត្ថុរបស់គាត់។
បន្ទាប់ពីបានប្រើប្រាស់ប្រាក់កម្ចីពី អិលអូអិលស៊ី (LOLC) អស់មួយរយៈ បងស្រី វល័ក្ខណ៍ បានសង្កេតឃើញពីភាពប្រសើរឡើង និងការរីកចម្រើនយ៉ាងច្បាស់លាស់នៃអាជីវកម្មរបស់ខ្លួន។ បច្ចុប្បន្ន ហាងលក់សម្លៀកបំពាក់របស់ បងស្រី វល័ក្ខណ៍ មានសម្លៀកបំពាក់ថ្មីៗ និងពេញនិយម ព្រមទាំងមានច្រើនម៉ូត និងច្រើនប្រភេទ ដែលអាចទាក់ចិត្តអតិថិជនចាស់ និងអតិថិជនថ្មីមកទិញសម្លៀកបំពាក់នៅហាងរបស់គាត់កាន់តែច្រើនឡើងៗ ដែលធ្វើឱ្យការលក់របស់គាត់កើនឡើងជាលំដាប់។
“ប្រាក់កម្ចីដែលខ្ញុំទទួលបានពី អិលអូអិលស៊ី (LOLC) ពិតជាបានចូលរួមចំណែកយ៉ាងសំខាន់ ក្នុងការជួយលើកកម្ពស់ជីវភាពគ្រួសាររបស់ខ្ញុំ និងជំរុញឱ្យអាជីវកម្មរបស់ខ្ញុំឱ្យទទួលបានការរីកចម្រើនយ៉ាងច្បាស់” ប្រសាសន៍របស់ បងស្រី តាំង សុខវល័ក្ខណ៍។
បងស្រី សុង ស្រីអន បន្ទាប់ពីបានប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីពង្រីកអាជីវកម្មបោកគក់សម្លៀកបំពាក់ ដែលមានទីតាំងស្ថិតភូមិត្រពាំងអារ័ក្ស សង្កាត់ឪឡោក ខណ្ឌកំបូល រាជធានីភ្នំពេញ
នេះជារឿងរ៉ាវនៃភាពរីកចម្រើនរបស់បងស្រី សុង ស្រីអន បន្ទាប់ពីបានប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីពង្រីកអាជីវកម្មបោកគក់សម្លៀកបំពាក់ ដែលមានទីតាំងស្ថិតភូមិត្រពាំងអារ័ក្ស សង្កាត់ឪឡោក ខណ្ឌកំបូល រាជធានីភ្នំពេញ។ ជាមួយនឹងឆន្ទៈក្នុងការកសាងជីវភាពគ្រួសារឱ្យមានភាពរីកចម្រើន និងដើម្បីអនាគតដ៏ល្អប្រសើរសម្រាប់កូនប្រុសតូចម្នាក់របស់ពួកគាត់ បងស្រី និងស្វាមី បានខិតខំស្វែងរកចំណូលរួមគ្នាដោយមិនគិតពីភាពនឿយហត់នោះទេ។
ក្រោយពីបានប្រកបមុខរបរបោកគក់សម្លៀកបំពាក់អស់រយៈពេល ៣ឆ្នាំកន្លងមកនេះ បងស្រី ស្រីអន មានបំណងចង់ពង្រីកអាជីវកម្មរបស់គាត់ឱ្យកាន់តែធំជាងមុន ដើម្បីអាចបម្រើជូនអតិថិជនបានកាន់តែច្រើនជាងមុន។ ទោះជាយ៉ាងណាក្ដី កង្វះខាតដើមទុនបានក្លាយជាឧបសគ្គដ៏សំខាន់ ដែលធ្វើឱ្យគាត់មិនអាចសម្រេចបំណងទាំងនោះបាន ព្រោះគាត់គ្មានលទ្ធភាពគ្រប់គ្រាន់ក្នុងការទិញឧបករណ៍ និងសម្ភារចាំបាច់បន្ថែមសម្រាប់អាជីវកម្មនេះ។
ដោយមានទំនុកចិត្តលើសក្តានុពលនៃអាជីវកម្មរបស់ខ្លួន បងស្រី ស្រីអន បានសម្រេចជ្រើសរើសយក អិលអូអិលស៊ី (LOLC) ធ្វើជាដៃគូក្នុងការគាំទ្រផ្នែកហិរញ្ញវត្ថុរបស់គាត់។ នៅឆ្នាំ២០២៣ បងស្រី បានស្នើប្រាក់កម្ចីលើកដំបូងចំនួន ២.០០០ដុល្លារ ដើម្បីជួសជុល និងពង្រីកទីតាំងអាជីវកម្មរបស់គាត់។ បន្ទាប់មកនៅឆ្នាំ២០២៤ គាត់បានស្នើប្រាក់កម្ចីបន្ថែមចំនួន ៥.០០០ដុល្លារ ដើម្បីបន្តពង្រីក និងពង្រឹងអាជីវកម្មរបស់គាត់ឱ្យកាន់តែល្អប្រសើរ។
ការប្រើប្រាស់ប្រាក់កម្ចីបានត្រឹមត្រូវ ពិតជាបានរួមចំណែក ធ្វើឱ្យអាជីវកម្ម និងជីវភាពគ្រួសាររបស់បងស្រី ស្រីអន ទទួលបានភាពរីកចម្រើនយ៉ាងច្បាស់។ ហើយសមិទ្ធផលទាំងនេះ បានធ្វើឱ្យ បងស្រី មានក្តីសង្ឃឹមក្នុងការបង្កើតមុខរបរបន្ថែមនាពេលអនាគត និងផ្គត់ផ្គង់ការសិក្សាដ៏ល្អប្រសើរសម្រាប់កូនប្រុសរបស់គាត់ប្រកបដោយមានទំនុកចិត្ត។
ជាចុងក្រោយ បងស្រី ស្រីអន បានបន្ថែមថា សេវាហិរញ្ញវត្ថុរបស់ អិលអូអិលស៊ី (LOLC) នឹងនៅតែជាជម្រើសទី១ សម្រាប់គាត់ក្នុងការជ្រើសរើសដើម្បីគាំទ្រ អាជីវកម្ម និងការកែលម្អគុណភាពជីវិតគ្រួសាររបស់គាត់នៅថ្ងៃអនាគត។
បងស្រី ចេង ស្រីតូច និងស្វាមី តែងតែរៀបចំផ្លែឈើ និងត្រីចំហុយ ដាក់លើរថយន្តផ្ទាល់ខ្លួន ដើម្បីយកទៅលក់ចល័តតាមភូមិ និងនៅតាមផ្សារ
ជារៀងរាល់ព្រឹកព្រលឹម បងស្រី ចេង ស្រីតូច និងស្វាមី តែងតែរៀបចំផ្លែឈើ និងត្រីចំហុយ ដាក់លើរថយន្តផ្ទាល់ខ្លួន ដើម្បីយកទៅលក់ចល័តតាមភូមិ និងនៅតាមផ្សារ។ សកម្មភាពនេះគឺជាមុខរបរប្រចាំថ្ងៃរបស់ពួកគាត់ ក្នុងការរកប្រាក់ចំណូលសម្រាប់ផ្គត់ផ្គង់ជីវភាពគ្រួសារ។
បងស្រី ស្រីតូច បានរម្លឹកថាដើមឡើយ គាត់ធ្លាប់ជាកសិករមួយរូប ដែលមានជីវភាពមិនសូវធូរធារនោះទេ ហើយគាត់តែងមានក្តីស្រមៃចង់ឃើញគ្រួសាររបស់គាត់មានជីវភាពល្អប្រសើរ មុខរបរមានស្ថិរភាព និងប្រាក់ចំណូលរឹងមាំ ដើម្បីគាំទ្រការសិក្សារបស់កូនៗទាំងពីរឱ្យទទួលបានភាពជោគជ័យ។ ដូច្នេះហើយ បងស្រី និងស្វាមីបានសម្រេចចិត្តស្វែងរកមុខរបរថ្មី ដើម្បីបំពេញក្តីស្រមៃរបស់ខ្លួន ដោយបានប្រើប្រាស់ប្រាក់កម្ចីពី អិលអូអិលស៊ី (LOLC) សម្រាប់ជាជំនួយផ្នែកហិរញ្ញវត្ថុលើការបង្កើតមុខរបរថ្មីមួយនេះ។
ជាមួយនឹងស្នាមញញឹមដ៏ស្រស់ស្អាត បងស្រី ស្រីតូច បានចែករំលែកបទពិសោធន៍អំពីការប្រើប្រាស់ប្រាក់កម្ចីរបស់គាត់ជាមួយ អិលអូអិលស៊ី (LOLC) ផងដែរ។ នៅឆ្នាំ២០១៤ បងស្រី បានស្នើប្រាក់កម្ចីចំនួន ៣.០០០ ដុល្លារ ក្នុងគោលបំណងទិញម៉ូតូមួយគ្រឿងសម្រាប់ប្រើប្រាស់ក្នុងគ្រួសារ។ បន្តមក នៅឆ្នាំ២០១៨ គាត់បានស្នើប្រាក់កម្ចីចំនួន ១៥.០០០ ដុល្លារ ដើម្បីធ្វើជាដើមទុនក្នុងការបង្កើតមុខរបរលក់ផ្លែឈើ និងត្រីចំហុយ ព្រមទាំងទិញរថយន្តមួយគ្រឿងសម្រាប់គាំទ្រអាជីវកម្មថ្មីនេះផងដែរ។ បន្ទាប់ពីបានបង់ផ្តាច់ប្រាក់កម្ចីដោយជោគជ័យ នៅឆ្នាំ២០២៥ បងស្រី បានសម្រេចស្នើប្រាក់កម្ចីបន្ទាប់ចំនួន ២៥.០០០ ដុល្លារ ដើម្បីបន្តគាំទ្រមុខរបររបស់គាត់ ហើយបានយកប្រាក់កម្ចីមួយផ្នែកទៅកែលម្អគេហដ្ឋានឱ្យកាន់តែមានផាសុកភាព និងទិញដីស្រែមួយកន្លែងផងដែរ។
ជាមួយនឹងការប្រើប្រាស់ និងការគ្រប់គ្រងប្រាក់កម្ចីបានយ៉ាងត្រឹមត្រូវរបស់គាត់ វាបានជួយឱ្យជីវភាពគ្រួសាររបស់ គាត់មានភាពប្រសើរឡើង មុខរបរមានភាពរឹងមាំ ប្រាក់ចំណូលមានស្ថិរភាព ហើយអាចផ្គត់ផ្គង់ការសិក្សារបស់កូនៗគាត់បានយ៉ាងពេញលេញ និងស្របតាមក្តីស្រមៃរបស់គាត់។
សាច់រឿងជោគជ័យរបស់បងស្រី ចេង ស្រីតូច នេះគឺជាឧទាហរណ៍ដ៏ច្បាស់លាស់នៃការខិតខំប្រឹងប្រែងក្នុងការចាប់យកឱកាស និងជ្រើសរើសដៃគូគាំទ្រផ្នែកហិរញ្ញវត្ថុបានត្រឹមត្រូវ ដែលបានជួយប្រែក្តីស្រមៃរបស់គាត់ឱ្យក្លាយជាការពិតបាន។
បងស្រី ធីតា គឺជាអ្នកលក់ម្ហូបកុម្ម៉ង់មួយរូប ដែលមានទីតាំងនៅភូមិចេក ឃុំគិរីចុងកោះ ស្រុកគិរីវង់ ខេត្តតាកែវ ដែលមានចម្ងាយប្រមាណ ២គីឡូម៉ែត្រ ពីផ្សារទន្លាប់
“សម្រាប់ខ្ញុំ អិលអូអិលស៊ី (LOLC) មិនត្រឹមតែផ្តល់ប្រាក់កម្ចីដល់ខ្ញុំប៉ុណ្ណោះទេ ប៉ុន្តែថែមទាំងផ្តល់ឱកាស និងការគាំទ្រក្នុងការកសាងអនាគតដ៏ល្អប្រសើរថែមទៀតផង។ តាមរយៈផលិតផលប្រាក់កម្ចីដែលមានលក្ខខណ្ឌសមស្រប បានចូលរួមយ៉ាងសំខាន់ក្នុងការផ្លាស់ប្តូរជីវភាពរស់នៅរបស់ខ្ញុំ និងជួយឱ្យគ្រួសាររបស់ខ្ញុំមានជីវភាពកាន់តែរីកចម្រើន។” ប្រសាសន៍របស់ បងស្រី ម៉ន ធីតា។
ពេលវេលាដែលមនុស្សគ្រប់គ្នាសម្រាកពីការងារដើម្បីទទួលទានអាហារថ្ងៃត្រង់ គឺជាពេលដែល បងស្រី ធីតា កំពុងមមាញឹកក្នុងការចម្អិនម្ហូបអាហារសម្រាប់ភ្ញៀវរបស់គាត់។ បងស្រី ធីតា គឺជាអ្នកលក់ម្ហូបកុម្ម៉ង់មួយរូប ដែលមានទីតាំងនៅភូមិចេក ឃុំគិរីចុងកោះ ស្រុកគិរីវង់ ខេត្តតាកែវ ដែលមានចម្ងាយប្រមាណ ២គីឡូម៉ែត្រ ពីផ្សារទន្លាប់។ រីឯស្វាមីរបស់ បងស្រី ធីតា មានមុខរបរជាបុគ្គលិកផលិតទឹកសុទ្ធ ហើយពួកគាត់ទាំងពីរមានកូនចំនួន ១នាក់ កំពុងស្ថិតនៅក្នុងបន្ទុក និងកំពុងសិក្សានៅថ្នាក់បឋមសិក្សា។
ខណៈកំពុងចម្អិនម្ហូបជូនអតិថិជន បងស្រី ធីតា បានឆ្លៀតចែករំលែកផងដែរថា មុនពេលទទួលបានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ជីវភាពរស់នៅរបស់គាត់បានប្រឈមមុខនឹងឧបសគ្គមួយចំនួន ដូចជាការខ្វះខាតដើមទុនសម្រាប់ពង្រីកអាជីវកម្ម ជាដើម។ ការខ្វះខាតនេះបានធ្វើឱ្យប្រាក់ចំណូលក្នុងគ្រួសាររបស់គាត់នៅមានកម្រិត និងមិនអាចចំណាយលើជីវភាពរស់នៅក្នុងគ្រួសារ និងការសិក្សារបស់កូនបានល្អប្រសើរនោះឡើយ។
ដើម្បីកែលម្អជីវភាព និងបង្កើនប្រាក់ចំណូលក្នុងគ្រួសារ បងស្រី ម៉ន ធីតា បានសម្រេចចិត្តទទួលយកកម្ចីពី អិលអូអិលស៊ី (LOLC) ចំនួន ៣វគ្គ ដើម្បីជាទុនសម្រាប់ពង្រីកអាជីវកម្មរបស់គាត់។ នៅឆ្នាំ២០២១ បងស្រី បានប្រើប្រាស់ប្រាក់កម្ចីវគ្គទី១ ចំនួន ២.១៨០ ដុល្លារ សម្រាប់ទិញម៉ូតូមួយគ្រឿង ដើម្បីប្រើប្រាស់ក្នុងអាជីវកម្ម និងប្រើប្រាស់ក្នុងគ្រួសារ។ បន្តមកទៀត នៅឆ្នាំ២០២២ បងស្រីបានប្រើប្រាស់ប្រាក់កម្ចីវគ្គទី២ ចំនួន ៥.០០០ ដុល្លារ ដើម្បីពង្រីកអាជីវកម្មលក់ម្ហូបអាហារឱ្យកាន់តែធំជាងមុន សម្រាប់ជាការបម្រើនូវសេវាកម្មកាន់តែល្អប្រសើរទៅកាន់អតិថិជន។ ក្រោយមក នៅឆ្នាំ២០២៥ បងស្រី បានប្រើប្រាស់ប្រាក់កម្ចីវគ្គទី៣ ចំនួន ៧.០០០ ដុល្លារ ដើម្បីបន្តអភិវឌ្ឍ និងពង្រឹងមុខរបរឱ្យកាន់តែមានស្ថិរភាព។
ជាលទ្ធផលនៃការប្រើប្រាស់ដើមទុនប្រកបដោយប្រសិទ្ធភាព បានធ្វើឱ្យមុខរបរលក់ម្ហូបកុម្ម៉ង់របស់បងស្រី ធីតា នាពេលបច្ចុប្បន្ននេះ មានភាពរីកចម្រើន និងអាចបង្កើនប្រាក់ចំណូលបានច្រើន ដែលជួយលើកកម្ពស់ជីវភាពគ្រួសាររបស់គាត់ឱ្យមានស្ថិរភាព និងអាចគាំទ្រការសិក្សារបស់កូនបានយ៉ាងល្អប្រសើរជាងមុនផងដែរ។
បងស្រី ផាន់ ទីណា គឺជាកសិករដាំដុះបន្លែជាច្រើនប្រភេទដូចជា ត្រឡាច ត្រសក់ ននោង ឈូក ជាដើម ដែលមានទីតាំងស្ថិតនៅភូមិឈើទាលភ្លោះ ឃុំស្វាយអំពារ ស្រុកមុខកំពូល ខេត្តកណ្ដាល
ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) គឺជាចំណែកដ៏សំខាន់មួយក្នុងការកែលម្អជីវភាពរស់នៅរបស់បងស្រី ផាន់ ទីណា ឱ្យល្អប្រសើរ។ ស្ថិតក្នុងវ័យ ៣៨ឆ្នាំ បងស្រី ផាន់ ទីណា គឺជាកសិករដាំដុះបន្លែជាច្រើនប្រភេទដូចជា ត្រឡាច ត្រសក់ ននោង ឈូក ជាដើម ដែលមានទីតាំងស្ថិតនៅភូមិឈើទាលភ្លោះ ឃុំស្វាយអំពារ ស្រុកមុខកំពូល ខេត្តកណ្ដាល។
បងស្រី ទីណា បានចែករំលែកថា គាត់បានប្រើប្រាស់ប្រាក់កម្ចីពី អិលអូអិលស៊ី (LOLC) សរុបចំនួន ៥ វគ្គរួចមកហើយ។ នៅឆ្នាំ ២០២១ បងស្រីបានស្នើប្រាក់កម្ចីវគ្គដំបូងចំនួន ១៥.០០០ ដុល្លារ ដើម្បីពង្រឹងមុខរបរកសិកម្មរបស់ខ្លួន និងកែលម្អគេហដ្ឋានឱ្យកាន់តែមានផាសុកភាព សុវត្ថិភាព និងសមស្របសម្រាប់ការរស់នៅរបស់គ្រួសារ។ បន្ទាប់មក នៅឆ្នាំ ២០២៣ គាត់បានស្នើប្រាក់កម្ចីវគ្គទី២ ចំនួន ២០.០០០ ដុល្លារ ដើម្បីទិញគោចំនួន ២ក្បាល សម្រាប់ចិញ្ចឹមយកសាច់លក់ និងទិញម៉ូតូកង់បីចំនួន ១គ្រឿង សម្រាប់បង្កើនចំណូលបន្ថែម។
ក្រោយមក បងស្រី ទីណា បានបន្ត ប្រើប្រាស់ប្រាក់កម្ចីវគ្គទី៣ ចំនួន ២.០០០ ដុល្លារ ប្រាក់កម្ចីវគ្គទី៤ ចំនួន ២.០៥០ ដុល្លារ និងចុងក្រោយ វគ្គទី៥ ចំនួន ៣.០០០ ដុល្លារក្នុងឆ្នាំ២០២៤ និង២០២៥ ដោយបានយកប្រាក់កម្ចីទាំងនោះទៅវិនិយោគលើការទិញគោយន្តចំនួន១ គ្រឿង រ៉ឺម៉កដឹកបន្លែចំនួន១គ្រឿង ម៉ាស៊ីនបូមទឹកចំនួន៣គ្រឿង ព្រមទាំងទិញពូជបន្លែ និងថ្នាំកសិកម្មបន្ថែម សម្រាប់គាំទ្រដល់ការពង្រីកផលិតកម្មកសិកម្មរបស់ខ្លួន។
តាមរយៈការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បងស្រី ទីណា អាចពង្រឹងគុណភាពរបរកសិកម្មរបស់គាត់ឱ្យល្អប្រសើរ និងទទួលបានទិន្នផលខ្ពស់ស្របតាមការរំពឹងទុករបស់គាត់។ ការរីកចម្រើននេះ បានធ្វើឱ្យជីវភាពគ្រួសាររបស់បងស្រីប្រសើរឡើងគួរឱ្យកត់សម្គាល់ ដែលអាចឱ្យគាត់មានលទ្ធភាពទិញម៉ូតូ១គ្រឿងសម្រាប់ឱ្យកូនៗជិះទៅសាលារៀន និងមានប្រាក់សន្សំសម្រាប់ប្រើប្រាស់ក្នុងករណីចាំបាច់ផងដែរ។ ជាពិសេស ការបង់សងប្រាក់កម្ចីរបស់បងស្រីក៏មានភាពទៀងទាត់ ដែលនេះបង្ហាញពីស្មារតីទំនួលខុសត្រូវ និងការខិតខំប្រឹងប្រែងយ៉ាងខ្ជាប់ខ្ជួនរបស់គាត់។
សាច់រឿងជោគជ័យរបស់ បងស្រី ផាន់ ទីណា នេះ គឺជាភស្តុតាងដ៏សំខាន់ដែលបង្ហាញពីការខិតខំប្រឹងប្រែង និងការចាប់ឱកាសក្នុងការទទួលយកទុនបន្ថែមពី អិលអូអិលស៊ី (LOLC) ដើម្បីជួយពង្រឹងការធ្វើកសិកម្មរបស់គាត់ឱ្យកាន់តែរឹងមាំ និងក្លាយជាប្រភពចំណូលសំខាន់មួយក្នុងការគាំទ្រជីវភាពគ្រួសារឱ្យរស់នៅបានល្អប្រសើរជាងមុន។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
