បងប្រុស យឿន សុខគួន គឺជាអាជីវករផលិត និងចែកចាយទឹកបរិសុទ្ធបោះដុំ ដែលមានទីតាំងស្ថិតនៅក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល
អំឡុងពេលដែលកំពុងរស់នៅក្រោមដំបូលផ្ទះរបស់ឪពុកម្តាយ បងប្រុស យឿន សុខគួន តែងមានក្តីស្រមៃចង់ឱ្យអាជីវកម្មរបស់ខ្លួនរីកចម្រើនដែលអាចឱ្យគាត់អាចមានលទ្ធភាពសាងសង់គេហដ្ឋានមួយដែលជារបស់ខ្លួន និងចង់ឃើញជីវភាពគ្រួសារមានភាពរីកចម្រើនកាន់តែប្រសើរ។ បងប្រុស យឿន សុខគួន គឺជាអាជីវករផលិត និងចែកចាយទឹកបរិសុទ្ធបោះដុំ ដែលមានទីតាំងស្ថិតនៅក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល។
ជាមួយបទពិសោធន៍ជាង ៧ឆ្នាំ ក្នុងអាជីវកម្មផលិតទឹកបរិសុទ្ធ បងប្រុស សុខគួន មានការយល់ដឹងច្បាស់លាស់អំពីការគ្រប់គ្រងអាជីវកម្មរបស់ខ្លួន និងបានសង្កេតឃើញពីបញ្ហាប្រឈមមួយចំនួនដែលរាំងស្ទះដល់ភាពរីកចម្រើននៃអាជីវកម្មរបស់គាត់ដូចជា ទីតាំងអាជីវកម្មមានទំហំតូចចង្អៀត មិនមានសមត្ថភាពគ្រប់គ្រាន់ក្នុងការដឹកជញ្ជូនទឹកទៅកាន់អតិថិជន និងខ្វះខាតដើមទុនក្នុងការបម្រុងទុកសម្រាប់ធានាស្ថិរភាពនៃអាជីវកម្ម។
ដើម្បីរក្សាស្ថិរភាព និងជំរុញឱ្យអាជីវកម្មមានភាពរឹងមាំ និងរីកចម្រើន បងប្រុស សុខគួន បានស្វែងរកដៃគូហិរញ្ញវត្ថុដ៏មានទំនុកចិត្តមួយ ដើម្បីគាំទ្រវឌ្ឍនភាពនៃអាជីវកម្មរបស់ខ្លួន។ ដោយទទួលបានការណែនាំពីអតិថិជនរបស់ អិលអូអិលស៊ី (LOLC) ដែលជាអ្នកជិតខាងរបស់គាត់ ព្រមទាំងបានយល់ឃើញពីលក្ខណៈល្អប្រសើរ និងភាពសមស្របនៃផលិតផលប្រាក់កម្ចីរបស់ អិលអូអិលស៊ី (LOLC) បងប្រុស សុខគួន បានសម្រេចចិត្តប្រើប្រាស់ប្រាក់កម្ចីចំនួនពីរវគ្គជាប់គ្នា រហូតមកដល់បច្ចុប្បន្ន។
នៅឆ្នាំ២០២៣ បងប្រុស សុខគួន បានប្រើប្រាស់ប្រាក់កម្ចីលើកដំបូងចំនួន ១៥.០០០ដុល្លារ សម្រាប់ពង្រីកទីតាំងផលិតកម្មទឹកបរិសុទ្ធឱ្យកាន់តែធំទូលាយ និងមួយចំណែកទៀតប្រើប្រាស់សម្រាប់ធ្វើជាទុនបម្រុងក្នុងអាជីវកម្ម។ បន្ទាប់ពីបានមើលឃើញពីសក្ដានុពលនៃភាពរីកចម្រើននាពេលអនាគត បងប្រុស សុខគួន បានបន្តប្រើប្រាស់ប្រាក់កម្ចីលើកទីពីរ នៅឆ្នាំ ២០២៥ ចំនួន ២០.០០០ ដុល្លារ ដើម្បីទិញរថយន្តបន្ថែមមួយគ្រឿង សម្រាប់ពង្រឹងដល់សេវាកម្មដឹកជញ្ជូនទឹកបរិសុទ្ធទៅកាន់អតិថិជនឱ្យបានកាន់តែទូលំទូលាយជាងមុន។
តាមរយៈការប្រើប្រាស់ប្រាក់កម្ចីប្រកបដោយប្រសិទ្ធភាពបានឱ្យ បងប្រុស សុខគួន កត់សម្គាល់ឃើញថា អាជីវកម្មរបស់គាត់បានទទួលនូវភាពរីកចម្រើនយ៉ាងច្បាស់លាស់ ដោយអាចឱ្យគាត់អាចបង្កើនប្រាក់ចំណូលក្នុងគ្រួសារ និងបានធ្វើឱ្យជីវភាពរស់នៅរបស់គ្រួសារគាត់មានភាពប្រសើរឡើង។ ជាពិសេស បងប្រុស សុខគួន មានលទ្ធភាពសាងសង់គេហដ្ឋានផ្ទាល់ខ្លួន ប្រកបដោយផាសុកភាព និងសុភមង្គល រួមទាំងមានទុនបម្រុងគ្រប់គ្រាន់ ដើម្បីរក្សាស្ថិរភាព និងបន្តអភិវឌ្ឍអាជីវកម្មរបស់គាត់ឱ្យបានយូរអង្វែងទៅមុខ។
អ្នកមីង ធឿន ថា ជាម្ចាស់ហាងលក់ម្ហូបអាហារមួយកន្លែង និងស្វាមីរបស់គាត់គឺ លោកពូ ខាត់ ឈា ជាអ្នកបើកឡានដឹកដី នៅភូមិកញ្ចាំ ឃុំកញ្ចាំ ស្រុកពារាំង ខេត្តព្រៃវែង
អ្នកមីង ធឿន ថា ជាម្ចាស់ហាងលក់ម្ហូបអាហារមួយកន្លែង និងស្វាមីរបស់គាត់គឺ លោកពូ ខាត់ ឈា ជាអ្នកបើកឡានដឹកដី នៅភូមិកញ្ចាំ ឃុំកញ្ចាំ ស្រុកពារាំង ខេត្តព្រៃវែង។ ពួកគាត់មានកូនចំនួនបីនាក់ កូនស្រីពីរនាក់ និងកូនប្រុសម្នាក់។ បច្ចុប្បន្ន កូនស្រីច្បងកំពុងសិក្សានៅមហាវិទ្យាល័យ ខណៈដែលកូនប្រុសទីពីរ និងកូនស្រីទីបី កំពុងសិក្សានៅថ្នាក់វិទ្យាល័យ។
ទោះបីកំពុងមមាញឹកក្នុងការរៀបចំអាហារ អ្នកមីង ថា ក៏បានឆ្លៀតចែករំលែកពីបទពិសោធន៍ខ្លះៗនៃភាពរីកចម្រើនក្នុងអាជីវកម្មរបស់គាត់ជាមួយទឹកមុខយ៉ាងស្រស់ស្រាយ និងប្រកបដោយភាពរួសរាយរាក់ទាក់។ អ្នកមីង ថា បានឱ្យដឹងថា ការដែលអាចចម្អិនម្ហូបអាហារឱ្យមានរសជាតិឆ្ងាញ់តែម្យ៉ាង មិនទាន់គ្រប់គ្រាន់សម្រាប់ទាក់ចិត្តភ្ញៀវបានទាំងស្រុងនោះទេ តែគួបផ្សំជាមួយនឹងការរៀបចំម្ហូបអាហារដោយមានអនាម័យ ព្រមទាំងចេះរៀបចំហាងឱ្យមានសណ្តាប់ធ្នាប់ល្អ និងភាពទាក់ទាញផងដែរ។
អ្នកមីង បានបញ្ជាក់បន្ថែមថា នៅពីក្រោយភាពរីកចម្រើនរបស់ហាងលក់ម្ហូបអាហាររបស់គាត់ គឺមានការចូលរួមចំណែកពីប្រាក់កម្ចីរបស់ អិលអូអិលស៊ី (LOLC) ដែលគាត់បានប្រើប្រាស់សម្រាប់ជាដើមទុនក្នុងការកែលម្អ និងរៀបចំហាងរបស់គាត់ឱ្យបានល្អប្រសើរ។ អ្នកមីង បានប្រើប្រាស់កម្ចីចំនួនពីរវគ្គសម្រាប់ពង្រីកអាជីវកម្មរបស់គាត់ ដោយចាប់ផ្តើមប្រើប្រាស់ប្រាក់កម្ចីវគ្គដំបូងចំនួន ២.០០០ដុល្លារ នៅឆ្នាំ២០២១ និងកម្ចីវគ្គទីពីរចំនួន ៤.០០០ដុល្លារ នៅឆ្នាំ២០២៣ ក្នុងគោលបំណងកែលម្អ និងរៀបចំហាងឱ្យកាន់តែមានសោភ័ណភាព និងផាសុកភាព។
ការប្រើប្រាស់ប្រាក់កម្ចីដើម្បីពង្រីកអាជីវកម្ម បានធ្វើឱ្យចំណូលរបស់គាត់កើនឡើងជារឿយៗតាមរយៈការរក្សាបានទាំងអតិថិជនចាស់ និងទាក់ទាញបានអតិថិជនថ្មីៗ។ ដោយសារតែភាពរីកចម្រើននេះហើយ បានធ្វើឱ្យអ្នកមីង ថា មានលទ្ធភាពគ្រប់គ្រាន់ក្នុងការផ្គត់ផ្គង់ការសិក្សារបស់កូនៗឱ្យរៀនបានខ្ពស់ដូចក្តីប្រាថ្នារបស់គាត់ និងការរស់នៅប្រកបដោយសុភមង្គល និងភាពរីកចម្រើន។
បងប្រុស រស្មី បានទិញដីបន្ថែមជាច្រើនហិកតា ដើម្បីធ្វើចម្ការដោយមានដាំដំណាំផ្សេងៗរួមមាន ចម្ការស្វាយចន្ទី ចម្ការទុរេន និងចម្ការម្រេច
ផ្តើមចេញពីអ្នកធ្វើចម្ការកៅស៊ូ និងស្រែទ្រង់ទ្រាយតូច នៅភូមិចាន់មូល ឃុំចាន់មូល ស្រុកមេមត់ ខេត្តត្បូងឃ្មុំ បងប្រុស យុត រស្មី បានតស៊ូឆ្លងកាត់ឧបសគ្គគ្រប់យ៉ាងរហូតអាចពង្រីកការធ្វើកសិកម្មទ្រង់ទ្រាយតូចរបស់គាត់ ឱ្យបានធំជាងមុន។ បងប្រុស រស្មី បានទិញដីបន្ថែមជាច្រើនហិកតា ដើម្បីធ្វើចម្ការដោយមានដាំដំណាំផ្សេងៗរួមមាន ចម្ការស្វាយចន្ទី ចម្ការទុរេន និងចម្ការម្រេច។ ក្រៅពីនេះ បងប្រុស ក៏បានបន្ថែមមុខរបរលក់ចាប់ហួយថ្មីមួយនៅផ្ទះរបស់គាត់ផងដែរ។
នៅពីក្រោយភាពជោគជ័យទាំងអស់របស់ បងប្រុស យុត រស្មី គឺមានដៃគូសហការផ្នែកហិរញ្ញវត្ថុដ៏មានទំនុកចិត្តមួយដែលតែងតែជួយសម្រួលបន្ទុករបស់គាត់ នោះគឺ អិលអូអិលស៊ី (LOLC) ដែលបានផ្តល់ប្រាក់កម្ចីជូនគាត់សម្រាប់ពង្រីកវិសាលភាពនៃការធ្វើចម្ការដែលមានទ្រង់ទ្រាយតូច ឱ្យមានលក្ខណៈល្អប្រសើរ និងធំជាងមុន។ បងប្រុស យុត រស្មី បានប្រើប្រាស់ប្រាក់កម្ចីពី អិលអូអិលស៊ី (LOLC) ចំនួនបីវគ្គរួចមកហើយ ដោយប្រាក់កម្ចីវគ្គដំបូងចំនួន ១០.០០០ដុល្លារ ក្នុងឆ្នាំ២០២២ សម្រាប់ប្រើប្រាស់ក្នុងការពង្រីកការដាំដុះកូនកៅស៊ូ និងទិញដីធ្វើចម្ការស្វាយចន្ទីបន្ថែម។ បន្ទាប់មក បងប្រុសបានស្នើកម្ចីវគ្គទីពីរ និងទីបី សម្រាប់ទិញដីធ្វើចម្ការទុរេន និងដីធ្វើចម្ការម្រេច ហើយបែងចែកប្រាក់កម្ចីមួយផ្នែកទៀតសម្រាប់បើកមុខរបរលក់ចាប់ហួយនៅផ្ទះបន្ថែមផងដែរ។
អស់រយៈពេលជាច្រើនឆ្នាំ ជាមួយនឹងការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បងប្រុស រស្មី ទទួលបានលទ្ធផលល្អគួរជាទីពេញចិត្ត។ ការធ្វើចម្ការទាំងអស់របស់គាត់ទទួលបានទិន្នផលខ្ពស់ត្រឡប់មកវិញ ដែលអាចឱ្យគាត់បង្កើនលទ្ធភាពលក់បន្តទៅឱ្យឈ្មួញ និងផ្គត់ផ្គង់ដល់ប្រជាពលរដ្ឋក្នុងសហគមន៍បានច្រើនជាងមុនផងដែរ។ ភាពរីកចម្រើនទាំងនេះហើយ បានធ្វើឱ្យចំណូលរបស់គាត់កើនឡើងទ្វេដង បើប្រៀបធៀបទៅមុនពេលដែលគាត់ប្រើប្រាស់ប្រាក់កម្ចីពី អិលអូអិលស៊ី (LOLC)។
បច្ចុប្បន្ននេះ បងប្រុស យុត រស្មី អាចរក្សាស្ថិរភាពផ្នែកហិរញ្ញវត្ថុនៅក្នុងគ្រួសាររបស់គាត់បានយ៉ាងរឹងមាំ។ បងប្រុស រស្មី ក៏បានបង្ហាញពីទំនុកចិត្ត និងចំណាប់អារម្មណ៍ចំពោះ អិលអូអិលស៊ី (LOLC) ថាជាស្ថាប័នហិរញ្ញវត្ថុ ដែលតែងតែគិតគូរអំពីភាពរីកចម្រើនរបស់អតិថិជន មានបុគ្គលិកប្រកបដោយវិជ្ជាជីវៈខ្ពស់ និងផ្តល់សេវាកម្មយ៉ាងឆាប់រហ័ស។ គាត់ក៏បានថ្លែងអំណរគុណដល់ អិលអូអិលស៊ី (LOLC) ផងដែរសម្រាប់បង្កើតផលិតផលប្រាក់កម្ចី ដែលមានលក្ខខណ្ឌអំណោយផល និងសេវាកម្មល្អ ដែលបានជួយគាំទ្រការពង្រីកមុខរបរធ្វើចម្ការ និងលក់អីវ៉ាន់ចាប់ហួយរបស់គាត់រីកចម្រើនទៅមុខ និងធ្វើឱ្យជីវភាពរបស់គាត់កាន់តែល្អប្រសើរឡើង។
អ្នកមីង ហែល ដាវីជាម្ចាស់ហាងលក់សាច់អាំងមួយកន្លែង ដែលមានទីតាំងស្ថិតនៅក្នុងភូមិបាក់រនាស់ សង្កាត់សង្ឃ័រ ក្រុងស្វាយរៀង ខេត្តស្វាយរៀង
ក្នុងនាមជាម្ចាស់ហាងលក់សាច់អាំងមួយកន្លែង ដែលមានទីតាំងស្ថិតនៅក្នុងភូមិបាក់រនាស់ សង្កាត់សង្ឃ័រ ក្រុងស្វាយរៀង ខេត្តស្វាយរៀង អ្នកមីង ហែល ដាវី បានឃើញពី ការរីកចម្រើនគួរឱ្យកត់សម្គាល់ក្នុងអាជីវកម្មរបស់គាត់ បន្ទាប់ពីបានប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីអភិវឌ្ឍ និងពង្រីកអាជីវកម្មនោះ។
អ្នកមីង ដាវី បានចែករំលែកឱ្យដឹងថា តាមរយៈការគាំទ្រផ្នែកហិរញ្ញវត្ថុពីប្រាក់កម្ចីទាំងបីវគ្គរបស់ អិលអូអិលស៊ី (LOLC) បានជួយឱ្យជីវភាពរស់នៅគ្រួសាររបស់គាត់ផ្លាស់ប្តូរកាន់តែប្រសើរឡើង។ អ្នកមីងបានបញ្ជាក់ថា ដំបូងឡើយ គាត់បានប្រើប្រាស់ប្រាក់កម្ចីវគ្គទី១ នៅឆ្នាំ២០១៨ ចំនួន ១០.០០០ដុល្លារ ដើម្បីពង្រីកអាជីវកម្ម និងទិញដីមួយកន្លែងសម្រាប់ទុកប្រើប្រាស់នៅថ្ងៃក្រោយ។ បន្ទាប់មក អ្នកមីងបានគិតដល់ការពង្រីកអាជីវកម្មបន្ថែម ដើម្បីទទួលបានភាពរីកចម្រើនជាងនេះ គាត់ក៏បានប្រើប្រាស់ប្រាក់កម្ចីបន្ទាប់ចំនួនពីរវគ្គជាប់គ្នាដើម្បីសាងសង់ខ្យូសថ្មីៗ និងកែលម្អហាងរបស់គាត់ ព្រមទាំងទិញអីវ៉ាន់បន្ថែមសម្រាប់ប្រើប្រាស់ក្នុងអាជីវកម្មលក់សាច់អាំងរបស់គាត់។
ភាពខុសគ្នាដ៏គួរឱ្យចាប់អារម្មណ៍មុន និងក្រោយពេលដែលអ្នកមីង ប្រើប្រាស់សេវាប្រាក់កម្ចីរបស់ អិលអូអិលស៊ី (LOLC) នោះគឺប្រាក់ចំណូលដែលទទួលបានពីអាជីវកម្មរបស់គាត់មានការកើនឡើងស្ទើរតែទ្វេដង។ នេះក៏ព្រោះតែហាងរបស់គាត់អាចទទួលអតិថិជនបានកាន់តែច្រើនឡើង ព្រោះមានខ្យូសថ្មីៗបន្ថែមសម្រាប់ទទួលភ្ញៀវ និងហាងធំទូលាយជាងមុន។
ភាពរីកចម្រើនក្នុងអាជីវកម្ម តាមរយៈការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បានធ្វើឱ្យ អ្នកមីង ដាវី មានលទ្ធភាពបង់សងត្រលប់បានយ៉ាងទៀងទាត់ ជាពិសេស អ្នកមីង ក៏អាចដកប្រាក់ខ្លះសម្រាប់សន្សំ និងមួយចំណែកសម្រាប់ប្រើប្រាស់ដើម្បីវិនិយោគទៅលើអាជីវកម្មរបស់គាត់បន្ថែមទៀតផងដែរ។
បងប្រុស ប៊ុនណា គឺជាម្ចាស់អាជីវកម្មលក់អីវ៉ាន់ចាប់ហួយ និងស្ថានីយប្រេងឥន្ធនៈខ្នាតតូចមួយនៅស្រុកភ្នំស្រួច ខេត្តកំពង់ស្ពឺ
បងប្រុស ឃី ប៊ុនណា គឺជាអតីតកម្មកររោងចក្រម្នាក់ ដែលមិនធ្លាប់បោះបង់ក្តីស្រមៃក្នុងការចង់ក្លាយជាម្ចាស់អាជីវកម្មមួយរូបនោះឡើយ។ ការខិតខំតស៊ូរបស់បងប្រុស ប៊ុនណា ពិតជាបានធ្វើឱ្យគាត់អាចសម្រេចក្ដីស្រមៃក្នុងការបើកអាជីវកម្មខ្លួនឯងពិតប្រាដកមែន។ បច្ចុប្បន្ន បងប្រុស ប៊ុនណា គឺជាម្ចាស់អាជីវកម្មលក់អីវ៉ាន់ចាប់ហួយ និងស្ថានីយប្រេងឥន្ធនៈខ្នាតតូចមួយនៅស្រុកភ្នំស្រួច ខេត្តកំពង់ស្ពឺ។ ដោយមានចក្ខុវិស័យវែងឆ្ងាយ បងប្រុស ប៊ុនណា នៅតែបន្តកែលម្អ និងអភិវឌ្ឍអាជីវកម្មរបស់គាត់ជារឿយៗ។
ក្នុងឆ្នាំ២០១៩ ក្រោយពីបានគិតគូរយ៉ាងច្បាស់លាស់ បងប្រុស ប៊ុនណា បានជ្រើសរើស អិលអូអិលស៊ី (LOLC) ធ្វើជាដៃគូហិរញ្ញវត្ថុ ក្នុងការទទួលបានប្រាក់កម្ចីលើកដំបូងចំនួន ៨.០០០ដុល្លារ សម្រាប់ពង្រីកទីតាំងលក់អីវ៉ាន់ចាប់ហួយរបស់គាត់ និងកែលម្អគេហដ្ឋានផងដែរ។ បន្ទាប់មកទៀតក្នុងឆ្នាំ២០២៣ គាត់ស្នើសុំប្រាក់កម្ចីលើកទីពីរចំនួន ១៣.០០០ដុល្លារ ដើម្បីពង្រឹងអាជីវកម្មឱ្យកាន់តែប្រសើរ ដោយបានទិញអីវ៉ាន់ចាប់ហួយចូលស្តុក ក៏ដូចជាទិញប្រេងសាំងស្តុកទុកបន្ថែម។
រយៈពេលបួនឆ្នាំនៃការប្រើប្រាស់ប្រាក់កម្ចីពី អិលអូអិលស៊ី (LOLC) ពិតជាបានជួយជ្រោមជ្រែងអាជីវកម្មរបស់ បងប្រុស ប៊ុនណា ឱ្យមានភាពរីកចម្រើនយ៉ាងពិតប្រាកដ ដោយបានបង្កើនប្រាក់ចំណូល និងធ្វើឱ្យជីវភាពគ្រួសាររបស់គាត់កាន់តែប្រសើរឡើង។ បងប្រុស បានចែករំលែកបន្តថា សេវាកម្មឆាប់រហ័ស និងការប្រឹក្សាយោបល់ដោយយកចិត្តទុកដាក់ពីបុគ្គលិក អិលអូអិលស៊ី (LOLC) បានផ្តល់ទំនុកចិត្តយ៉ាងខ្លាំងក្នុងការប្រើប្រាស់ប្រាក់កម្ចីសម្រាប់អភិវឌ្ឍអាជីវកម្មរបស់គាត់។
បងប្រុស ឃី ប៊ុនណា មានភាពរីករាយជាយ៉ាងខ្លាំង ពេលឃើញអាជីវកម្មលក់អីវ៉ាន់ចាប់ហួយ និងស្ថានីយប្រេងឥន្ធនៈខ្នាតតូចរបស់គាត់ មានការរីកចម្រើន និងអាចបំពេញតម្រូវការអតិថិជនចាស់ ព្រមទាំងទាក់ទាញអតិថិជនថ្មីរបស់គាត់ក្នុងសហគមន៍បានយ៉ាងល្អប្រសើរ។ ភាពជោគជ័យនេះបង្ហាញយ៉ាងច្បាស់ថា ការដែលមានដៃគូហិរញ្ញវត្ថុដែលអាចទុកចិត្តបាន គឺជាគន្លឹះដ៏សំខាន់ក្នុងការពង្រឹងអាជីវកម្មឱ្យមានស្ថេរភាព និងរឹងមាំ។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
