បងប្រុស ញ៉ុក យូរ បានតស៊ូរហូតក្លាយខ្លួនមកជាម្ចាស់ហាងលក់ស៊ុបមួយកន្លែងដែលទទួលបានការគាំទ្រយ៉ាងខ្លាំងពីសំណាក់អតិថិជនរបស់គាត់ ស្ថិតនៅភូមិរលួស ឃុំព្រះដំរី ស្រុកស្ទោង ខេត្តកំពង់ធំ។
បងប្រុស យូរ បានចែករំលែកពីបទពិសោធក្រោយពេលដែលគាត់វិលត្រលប់មកពីប្រទេសថៃវិញថា នៅពេលវិលមកស្រុកកំណើតវិញ បងប្រុស បានប្រើប្រាស់ទីតាំងបងប្អូនដើម្បីបើកហាងលក់ស៊ុប ស្វែងរកប្រាក់ចំណូលសម្រាប់ផ្គត់ផ្គង់ជីវភាពគ្រួសាររបស់គាត់។ យ៉ាងណាមិញ ដោយសារកង្វះខាតដើមទុន បងប្រុស មិនអាចពង្រីកហាងរបស់គាត់ឱ្យធំតាមក្តីប្រាថ្នារបស់គាត់នោះឡើយ។ ជួនជាចៃដន្យ បងប្រុស ក៏ទទួលបានការណែនាំឱ្យស្គាល់ផលិតផលប្រាក់កម្ចីពីសាច់ញាតិរបស់គាត់ដែលធ្លាប់ជាអតិថិជនរបស់ អិលអូអិលស៊ី (LOLC) ។
ដោយភាពច្បាស់លាស់ និងហ្មត់ចត់ ព្រមទាំងបានយល់ពីលក្ខខណ្ឌផលិតផលប្រាក់កម្ចីប្រកបដោយទំនុកចិត្ត បងប្រុស ក៏បានសម្រេចចិត្តស្នើសុំប្រាក់កម្ចីលើកទីមួយពី អិលអូអិលស៊ី (LOLC) ចំនួន ៦.០០០ ដុល្លារ ដើម្បីទិញដីមួយកន្លែងក្នុងភូមិ ក្នុងគោលបំណងទុកសម្រាប់សាងសង់លំនៅឋាន ឬជាហាងអាជីវកម្មលក់ស៊ុប ជាទីតាំងកម្មសិទ្ធិរបស់គាត់ផ្ទាល់។ ក្រោយមក នៅឆ្នាំ២០២៣ គាត់ក៏បានស្នើសុំដើមទុនបន្ថែមទៀតពី អិលអូអិលស៊ី (LOLC) ចំនួន ១២.៥០០ ដុល្លារ សម្រាប់ពង្រីកអាជីវកម្មហាងស៊ុប និងទិញសម្ភារក្មេងលេងសម្រាប់លក់ផងដែរ។
តាមរយៈការអភិវឌ្ឍខ្លួន និងការខិតខំប្រឹងប្រែងរបស់បងប្រុស យូរ បន្តិចម្តងៗ បានធ្វើឱ្យអាជីវកម្មលក់ស៊ុបរបស់គាត់ត្រូវបានទទួលការគាំទ្រ និងទាក់ទាញភ្ញៀវកាន់តែច្រើនឡើង ដែលកុម្ម៉ង់ពីហាងរបស់គាត់មិនចេះដាច់ជាមួយនឹងរសជាតិប្រកបដោយឱជារស។ លក្ខណៈពិសេសរបស់ហាងបងប្រុស គឺអតិថិជនមិនចាំបាច់មកទទួលទានដល់ហាងផ្ទាល់នោះទេ គឺគាត់មានសេវាកម្មដឹកជញ្ជូនដល់ផ្ទះ ដោយអតិថិជនគ្រាន់តែកុម្ម៉ង់តាមរយៈទូរសព្ទ ឬតេឡេក្រាម។ បន្ថែមពីនេះ បងប្រុស ក៏មានសេវាកម្មរៀបចំស៊ុបសម្រាប់កម្មវិធីផ្សេងៗទៅតាមតម្រូវការអតិថិជនផងដែរ។
ភាពឈ្លាសវៃ និងការខិតខំប្រឹងប្រែងរបស់ បងប្រុស ព្រមទាំងការប្រើប្រាស់ប្រាក់កម្ចីរបស់ អិលអូអិលស៊ី (LOLC) បានត្រឹមត្រូវទើបធ្វើឱ្យអាជីវកម្មមួយនេះរីកចម្រើន។ បងប្រុស យូរ បានលើកឡើងថា “សព្វថ្ងៃខ្ញុំមានប្រភពចំណូលដ៏រឹងមាំ និងមានជីវភាពធូរធារបន្ទាប់ពីមានដើមទុនគ្រប់គ្រាន់ ដើម្បីគាំទ្រអាជីវកម្មមួយនេះឱ្យទទួលបាននូវភាពរីកចម្រើន”។
អ្នកមីង នៅ សារី មានអាយុ ៦១ឆ្នាំ ព្រមជាមួយនឹងស្វាមីលោកពូ ចែម ភឿន មានអាយុ ៦២ឆ្នាំមានទីលំនៅរស់នៅក្នុងភូមិ តាម៉ៅ ឃុំព្រៃខ្នុរ ស្រុកមេសាង ខេត្តព្រៃវែង។
សព្វថ្ងៃអ្នកមីង និងលោកពូមានកូនចំនួន៤នាក់ ដែលសុទ្ធតែមានមុខរបររៀងខ្លួនអស់ហើយ។ ពួកគាត់ប្រកបរបរជាអ្នកផ្តល់សេវាភ្ជួររាស់ដោយប្រើប្រាស់ត្រាក់ទ័រដល់ប្រជាពលរដ្ឋនៅក្នុងភូមិ។
មុនពេលដែលពួកគាត់ប្រកបរបរជាអ្នកភ្ជួររាស់ដីនេះ អ្នកមីង សារី និងលោកពូ ភឿន បានពឹងផ្អែកទៅលើប្រាក់ចំណូលពីការធ្វើសំណង់ទាំងស្រុង។ ដោយសារអាយុកាន់តែច្រើន កម្លាំងកាយកាន់តែទ្រុឌទ្រោម ហើយការងារនេះហាក់ពិតជាធ្វើឱ្យពួកគាត់ហត់នឿយជាខ្លាំង និងមិនទទួលបានកម្រៃច្រើនសម្រាប់ពួកគាត់ផងទៀតនោះ អ្នកមីង និងលោកពូ ក៏មានគំនិតក្នុងការផ្លាស់ប្តូររបរថ្មី ដោយបានទិញត្រាក់ទ័រមួយគ្រឿង ដើម្បីផ្តល់សេវាភ្ជួររាស់ដីឱ្យគេ។ អ្នកមីង សារី បានសរសើរស្វាមីរបស់គាត់ថាបានខឹតខំប្រឹងប្រែងធ្វើការដោយមិនខ្លាចនឿយហត់នោះទេក៏ព្រោះ ក្រោយពីបញ្ចប់រដូវកាលភ្ជួររាស់ដីរួច ស្វាមីរបស់គាត់បានឡើងទៅរកចំណូលបន្ថែមជាអ្នករត់កង់បីនៅឯទីក្រុងភ្នំពេញ។
អ្នកមីង សារី បានបញ្ជាក់ថា ត្រាក់ទ័រដែលពួកគាត់ទាំងពីរបានទិញគឺបានមកពីការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ដោយបានផ្តល់ប្រាក់កម្ចីមកកាន់ពួកគាត់ចំនួន ១.៥០០ដុល្លារ។ ជាមួយនឹងប្រាក់កម្ចីដំបូងនេះបានជួយឱ្យពួកគាត់មានមុខរបរមួយជាក់លាក់ និងអាចរកប្រាក់ចំណូលបានច្រើនជាងមុន។ អ្នកមីង សារី បានបន្ថែមថា ពួកគាត់បានដាក់ស្នើរប្រាក់កម្ចីលើកទី២ ក្នុងគោលបំណងទិញរថយន្តសមរម្យមួយគ្រឿងសម្រាប់ប្រើប្រាស់ក្នុងគ្រួសារផងដែរ។
អ្នកមីង សារី បានឱ្យដឹងថា អ្នកមីង ពេញចិត្តចំពោះផលិតផលប្រាក់កម្ចីរបស់ អិលអូអិលស៊ី (LOLC) ព្រោះតាមរយៈផលិតផលប្រាក់កម្ចីនេះហើយដែលបានធ្វើឱ្យជីវភាពគ្រួសាររបស់គាត់មានការរីកចម្រើន ជាពិសេសមានមុខរបរមួយដែលអាចរកប្រាក់ចំណូលបានច្រើនគួរជាទីគាប់ចិត្តក្នុងរដូវកាលធ្វើស្រែចម្ការម្ដងៗ។
បងស្រី ពៅ គឺជាអាជីវករលក់កង់ និងចំណីសត្វ ដែលមានទីតាំងស្ថិតនៅភូមិ៤ ឃុំព្រែកខ្សាយ ខ ស្រុកពាមរក៍ ខេត្តព្រៃវែង។
ជាមួយនឹងស្នាមញញឹមប្រកបដោយភាពរីករាយ បងស្រី អ៊ុន ពៅ បានបង្ហើបប្រាប់មកកាន់ក្រុមការងារដែលជាអ្នក ចុះទៅជួបសម្ភាសផ្ទាល់ថា ការប្រើប្រាស់ប្រាក់កម្ចីចំគោលដៅ និងការទទួលបាននូវលក្ខខណ្ឌដ៏សមរម្យពី អិលអូអិលស៊ី (LOLC) បានផ្តល់ឱកាសឱ្យ បងស្រី អាចអភិវឌ្ឍអាជីវកម្ម និងទទួលបានជីវភាពល្អប្រសើរជាងមុន និងមានសម្ភារប្រើប្រាស់ផ្ទាល់ខ្លួនគ្រប់គ្រាន់ដូចជារថយន្ត និងម៉ូតូ ជាដើម។
សព្វថ្ងៃ បងស្រី ពៅ គឺជាអាជីវករលក់កង់ និងចំណីសត្វ ដែលមានទីតាំងស្ថិតនៅភូមិ៤ ឃុំព្រែកខ្សាយ ខ ស្រុកពាមរក៍ ខេត្តព្រៃវែង។ បងស្រី បានបើកដំណើរការអាជីវកម្មទាំងនេះអស់រយៈពេលជាច្រើនឆ្នាំមកហើយ ហើយគាត់ក៏ជាអាជីវករដ៏ឧស្សាហ៍ព្យាយាមមួយរូបផងដែរ ដែលបានប្រើប្រាស់ប្រាក់កម្ចីពី អិលអូអិលស៊ី (LOLC) ដើម្បីពង្រីកអាជីវកម្មប្រកបដោយភាពឈ្លាសវៃ។
ក្នុងឆ្នាំ២០១៧ បងស្រី ពៅ បានស្នើសុំប្រាក់កម្ចីលើកដំបូងពី អិលអូអិលស៊ី (LOLC) ចំនួន ៤០.០០០ ដុល្លារ ដើម្បីទិញរថយន្តសម្រាប់ប្រើប្រាស់ក្នុងអាជីវកម្មរបស់គាត់ដូចជា ដឹកជញ្ជូនកង់ គ្រឿងបន្លាស់ និងចំណីសត្វជូនទៅកាន់អតិថិជន។ បន្ទាប់ពីបងស្រី បានប្រើប្រាស់កម្ចីដំបូងហើយ គាត់ក៏បានស្នើសុំប្រាក់កម្ចីបន្ថែមចំនួន ១២.០០០ ដុល្លារ នៅឆ្នាំ២០២៤ ដើម្បីពង្រីកអាជីវកម្មឱ្យកាន់តែមានវិសាលភាពធំជាងមុនដោយបានទិញកង់ថ្មីៗ និងចំណីសត្វបន្ថែមទុកសម្រាប់លក់ជូនអតិថិជនរបស់គាត់។
ដោយមានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បងស្រី ពៅ មានសមត្ថភាពក្នុងការផ្គត់ផ្គង់កង់ និងចំណីសត្វដែលមានគុណភាពខ្ពស់ទៅកាន់អតិថិជនចាស់ និងថ្មីរបស់គាត់ ដែលអាចបំពេញតាមតម្រូវការរបស់ពួកគេបានគ្រប់គ្រាន់ផងដែរ។ លើសពីនេះ បងស្រី ក៏បានបន្ថែមនូវមុខរបរថ្មីមួយដែលជាសេវាកម្មជួសជុលកង់នៅក្នុងហាងលក់កង់របស់គាត់ ហើយអ្វីដែលកាន់តែពិសេសនោះគឺ គាត់មិនចាំបាច់ត្រូវចំណាយលើថ្លៃជួលគេឱ្យដឹកកង់ ឬចំណីសត្វទៅឱ្យអតិថិជនរបស់គាត់នោះទេ ព្រោះគាត់មានមធ្យោបាយដឹកជញ្ជូនផ្ទាល់ខ្លួន ដែលអាចឱ្យគាត់អាចរកប្រាក់តាមរយៈការដឹកជញ្ជូននេះបានបន្ថែមផងដែរ។ ដោយសារកត្តាទាំងនេះហើយ ទើបធ្វើឱ្យអាជីវកម្មរបស់គាត់អាចមានភាពរីកចម្រើនយ៉ាងឆាប់រហ័ស និងអាចទាក់ទាញអតិថិជនមកទិញទំនិញនៅហាងរបស់គាត់កាន់តែច្រើនឡើងៗ។
បងស្រី ផុន ធារ៉ា បានកំពុងមមាញឹកក្នុងការប្រកបមុខរបរជាអ្នកលក់ម្ហូបអាហារ និង សាច់ក្រក ងៀតគោ និងងៀតក្របី ដែលមានទីតាំងស្ថិតនៅក្នុងភូមិស្គរដាច់ ឃុំតាកោ ស្រុកព្រៃវែង ខេត្តព្រៃវែង។
ក្នុងនាមជាស្រ្តីមួយរូបប្រកបដោយភាពស្វាហាប់ ទំនួលខុសត្រូវសម្រាប់ក្រុមគ្រួសារ បងស្រី ផុន ធារ៉ា បានកំពុងមមាញឹកក្នុងការប្រកបមុខរបរជាអ្នកលក់ម្ហូបអាហារ និង សាច់ក្រក ងៀតគោ និងងៀតក្របី ដែលមានទីតាំងស្ថិតនៅក្នុងភូមិស្គរដាច់ ឃុំតាកោ ស្រុកព្រៃវែង ខេត្តព្រៃវែង។ រីឯស្វាមីរបស់គាត់ បងប្រុស ស៊ឹម វត្ថា មានមុខរបរជាគ្រូបង្រៀនមួយរូបស្ថិតនៅក្នុងសាលាបឋមសិក្សាតាកោ។ ពួកគាត់មានកូនស្រីចំនួនពីរនាក់ដែលបច្ចុប្បន្នកូនស្រីទី១ អាយុ ២៤ឆ្នាំ មានមុខរបរជាអ្នកលក់ម្ហូបអាហារនៅទីក្រុងភ្នំពេញ និងកូនស្រីទី២ មានអាយុ ២១ឆ្នាំ ជួយលក់ម្ហូបអាហារជាមួយបងស្រី ធារ៉ា ផងដែរ។
ដោយមិនខ្លាចពីភាពនឿយហត់ក្នុងការស្វែងរកប្រាក់ចំណូលសម្រាប់ផ្គត់ផ្គង់ជីវភាពគ្រួសារ បងស្រី ធារ៉ា បានស្វះស្វែងក្នុងការខិតខំ និងធ្វើយ៉ាងណាឱ្យអតិថិជនពេញចិត្តនូវរសជាតិម្ហូបអាហាររបស់គាត់។ ជាលទ្ធផល ការលក់ដូររបស់បងស្រី ធារ៉ា ពិតជាទទួលបានការគាំទ្រជាខ្លាំងពីសំណាក់អតិថិជនគ្រប់រូប។ មូលហេតុនេះហើយបានលើកទឹកចិត្តឱ្យ បងស្រី គិតគូរពីការពង្រីកអាជីវកម្មមួយនេះឱ្យធំជាងមុនសម្រាប់បំពេញតម្រូវការរបស់អតិថិជនដែលចង់មកបរិភោគអាហារនៅហាងរបស់គាត់ផ្ទាល់។ ដោយមានកង្វះខាតផ្នែកហិរញ្ញវត្ថុ ព្រោះប្រាក់សន្សំដែលគាត់មានគឺមិនទាន់គ្រប់ដែលអាចឱ្យគាត់អាចសម្រេចនូវអ្វីដែលគាត់ចង់បាននៅឡើយ ដូច្នេះបងស្រី ក៏សម្រេចចិត្តថានឹងស្វែងរកដៃគូហិរញ្ញវត្ថុមួយដែលអាចឱ្យគាត់ជឿទុកចិត្តបាន។
ក្រោយមកនៅឆ្នាំ២០២២ បងស្រី ធារ៉ា បានពិភាក្សាគ្នាជាមួយស្វាមីក្នុងការស្នើសុំ និងប្រើប្រាស់ប្រាក់កម្ចីរបស់ អិលអូអិលស៊ី (LOLC) ចំនួន ៥.០០០ដុល្លារ ដើម្បីសម្រេចគោលដៅក្នុងការពង្រីកអាជីវកម្មលក់ម្ហូបអាហាររបស់គាត់ឱ្យបានជោគជ័យ។ បងស្រី ធារ៉ា បានបង្ហើបបន្ថែមថា គាត់ក៏បានប្រើប្រាស់ប្រាក់កម្ចីពី អិលអូអិលស៊ី (LOLC) ក្នុងគោលបំណងផ្សេងទៀតផងដែរ ដោយគាត់បានទិញម៉ូតូមួយសម្រាប់ប្តីជាមធ្យោបាយធ្វើដំណើរទៅធ្វើការ និងទិញដីស្រែទុកដើម្បីលក់យកចំណេញនៅពេលដែលដីនោះឡើងថ្លៃផងដែរ។
ដំណើរឈានទៅមុខនៃអាជីវកម្មក្រោយពីបានប្រើប្រាស់ប្រាក់កម្ចីចំគោលដៅនេះហើយ បានធ្វើឱ្យអាជីវកម្មរបស់គាត់រីកលូតលាស់បានយ៉ាងល្អប្រសើរពិតមែន ព្រោះគាត់អាចបំពេញតម្រូវការអតិថិជនបានគ្រប់គ្រាន់។ ភាពរីកចម្រើននេះបានផ្តល់នូវសមិទ្ធផលជាវិជ្ជមានមួយចំនួនមកកាន់ បងស្រី ដូចជា ការពង្រីកទីធ្លាលក់ម្ហូបអាហារនៅខាងមុខផ្ទះបានធំទូលាយជាងមុន មានលទ្ធភាពក្នុងការធ្វើ សាច់ក្រកងៀតគោ និងងៀតក្របីបានជាច្រើនសម្រាប់បំពេញតម្រូវការ និងលក់ជូនភ្ញៀវ ហើយជាពិសេសនោះគឺប្រាក់ចំណូលរបស់គាត់កើនឡើងច្រើនជាងមុន ដែលនាំឱ្យគាត់មានលទ្ធភាពផ្គត់ផ្គង់ជីវភាពគ្រួសារបានយ៉ាងល្អប្រសើរ។
ជាចុងក្រោយបងស្រី ធារ៉ា បានមានប្រសាសន៍ថា បើគ្មានប្រាក់កម្ចីពី អិលអូអិលស៊ី (LOLC) នោះទេ បងស្រី ក៏មិនមានលទ្ធភាពគ្រប់គ្រាន់ក្នុងការពង្រីកអាជីវកម្មនេះផងដែរ។ បងស្រី ធារ៉ា បានសម្ដែងនូវអារម្មណ៍ រីករាយក្រោយបានឃើញអាជីវកម្មរបស់ខ្លួនមានភាពរីកចម្រើន និងមានស្ថេរភាព ព្រោះវាប្រៀបដូចជាឆ្អឹងខ្នងដ៏សំខាន់សម្រាប់ស្វែងរកប្រាក់ចំណូលទ្រទ្រង់ជីវភាពគ្រួសាររបស់គាត់។
បងប្រុស ដាឡែត គឺជាជាងជួសជុលរថយន្តដ៏ជំនាញម្នាក់ នៅភូមិហាន់ជ័យទី៣ ឃុំហាន់ជ័យ ស្រុកឆ្លូង ខេត្តក្រចេះ។
ខណៈពេលកំពុងជួសជុលរថយន្តបណ្តើរ បងប្រុស ទិត ដាឡែត បានរៀបរាប់បណ្តើរថា “មុខរបរជួសជុលរថយន្តរបស់ខ្ញុំមានភាពរីកចម្រើន និងរលូនទៅមុខជាងមុន បន្ទាប់ពីខ្ញុំបានប្រើប្រាស់ប្រាក់កម្ចីពី អិលអូអិលស៊ី (LOLC) សម្រាប់ធ្វើជាដើមទុនដើម្បីពង្រីកអាជីវកម្ម។”
បងប្រុស ដាឡែត គឺជាជាងជួសជុលរថយន្តដ៏ជំនាញម្នាក់ នៅភូមិហាន់ជ័យទី៣ ឃុំហាន់ជ័យ ស្រុកឆ្លូង ខេត្តក្រចេះ។ បងប្រុស មានឆន្ទៈខ្ពស់ក្នុងការរកប្រាក់ចំណូលសម្រាប់ផ្គត់ផ្គង់គ្រួសារ ហើយគាត់ក៏បានពង្រីកមុខរបរជួសជុលរថយន្តរបស់គាត់ឱ្យមានភាពរីកចម្រើនជាងមុន និងអាចទាក់ទាញចិត្តអតិថិជនមកជួសជុល និងប្រើប្រាស់សេវាកម្មនៅកន្លែងគាត់កាន់តែច្រើនឡើងៗ ព្រោះតែជំនាញ និងភាពប៉ិនប្រសប់របស់គាត់លើមុខរបរនេះ។ ភាពរីកចម្រើននេះ បានលើកកម្ពស់ជីវភាពរស់នៅក្នុងគ្រួសាររបស់ បងប្រុស ដាឡែត ឱ្យកាន់តែល្អប្រសើរ។
ក្នុងកិច្ចសម្ភាស បងប្រុស ដាឡែត បានបង្ហើបថា គាត់បានពង្រីកមុខរបរជួសជុលរថយន្តរបស់គាត់បានទាំងស្រុង គឺដោយសារគាត់បានប្រើប្រាស់ប្រាក់កម្ចីដែលជាការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ចំនួនពីរវគ្គ ដើម្បីទិញគ្រឿងបន្លាស់ និងសម្ភារសម្រាប់ជួសជុលរថយន្ត ហើយបានប្រើប្រាស់ប្រាក់កម្ចីមួយចំណែកទៀតដើម្បីទិញដីចម្ការសម្រាប់ទុកជាទ្រព្យផងដែរ។
ជាមួយនឹងស្នាមញញឹមប្រកបដោយក្តីសប្បាយរីករាយ បងប្រុស ដាឡែត បានអរគុណដល់ អិលអូអិលស៊ី (LOLC) ដែលបានផ្តល់ជាការគាំទ្រផ្នែកហិរញ្ញវត្ថុជាផលិតផលប្រាក់កម្ចី រួមជាមួយលក្ខខណ្ឌដ៏ល្អប្រសើរសម្រាប់គាត់ ដើម្បីប្រើប្រាស់ក្នុងការពង្រីកអាជីវកម្ម និងបានធ្វើឱ្យអាជីវកម្មរបស់គាត់មានភាពរីកចម្រើន ព្រមទាំងធ្វើឱ្យប្រាក់ចំណូលក្នុងគ្រួសាររបស់គាត់កើនឡើងជាងមុន។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
