ដោយមានការគាំទ្រពីប្រាក់កម្ចីរបស់ អិលអូអិលស៊ី (LOLC) ភោជនីយដ្ឋានរបស់បងស្រី ព្រំ សុលាភា បានបន្តរីកលូតលាស់កាន់តែប្រសើរឡើង និងបានធ្វើឱ្យជីវភាពរស់នៅរបស់គ្រួសារគាត់ដើរស្របជាមួយក្តីប្រាថ្នាដែលគាត់ចង់បាន។
ដោយមានការគាំទ្រពីប្រាក់កម្ចីរបស់ អិលអូអិលស៊ី (LOLC) ភោជនីយដ្ឋានរបស់បងស្រី ព្រំ សុលាភា បានបន្តរីកលូតលាស់កាន់តែប្រសើរឡើង និងបានធ្វើឱ្យជីវភាពរស់នៅរបស់គ្រួសារគាត់ដើរស្របជាមួយក្តីប្រាថ្នាដែលគាត់ចង់បាន។
បងស្រី សុលាភា គឺជាម្ចាស់ភោជនីយដ្ឋានមួយកន្លែងមានឈ្មោះថា “ហាងបាយស្រអែមភូមិខ្ញុំ” ស្ថិតនៅខេត្តព្រះវិហារ។ ដោយសារតែស្នាដៃចំអិនម្ហូបរបស់បងស្រីមានរសជាតិឆ្ងាញ់ គាត់បានទទួលការគាំទ្រពីអតិថិជនជាច្រើន តែហាងរបស់គាត់មានទំហំតូច ជាហេតុធ្វើឱ្យគាត់អាចទទួលភ្ញៀវក្នុងចំនួនកំណត់ ដូច្នេះបងស្រីក៏បានសម្រេចចិត្តប្រើប្រាស់ប្រាក់កម្ចីពី អិលអូអិលស៊ី (LOLC)។ គាត់បានប្រើប្រាស់កម្ចីដើម្បីពង្រីកហាងអាហារឱ្យកាន់តែធំ និងមានសោភ័ណភាពដើម្បីទាក់ទាញភ្ញៀវបានកាន់តែច្រើន ក៏ដូចជាបង្កើនប្រាក់ចំណូលផងដែរ។ បន្ថែមពីនេះ បងស្រី ក៏បានស្នើកម្ចីមួយវគ្គផ្សេងទៀត ដើម្បីទិញដីមួយកន្លែងសម្រាប់សាងសង់លំនៅឋានសម្រាប់គ្រួសារផងដែរ។
បងស្រី សុលាភា បានបង្ហើបប្រាប់ក្រុមការងារ អិលអូអិលស៊ី (LOLC) ថាតាមរយៈការណែនាំពីអតិថិជនផ្សេងទៀតរបស់ អិលអូអិលស៊ី (LOLC) បានធ្វើឱ្យគាត់បានចាប់អារម្មណ៍ និងស្វែងយល់បន្ថែមពីផលិតផលប្រាក់កម្ចី។ លើសពីនេះទៅទៀត ការប្រាស្រ័យទាក់ទងលើកដំបូងរបស់គាត់ជាមួយបុគ្គលិក អិលអូអិលស៊ី (LOLC) បានទាក់ទាញចិត្តគាត់ ព្រោះបានឃើញពីអាកប្បកិរិយាដ៏ល្អ ភាពរួសរាយរាក់ទាក់ និងការប្រឹក្សាយោបល់ប្រកបដោយវិជ្ជាជីវៈ ដែលធ្វើឱ្យគាត់យល់កាន់តែច្បាស់ពីសេវាហិរញ្ញវត្ថុ។
តាមរយៈបទពិសោធន៍ពីការប្រើប្រាស់ប្រាក់កម្ចីកន្លងមក បងស្រី សុលាភា បានអរគុណចំពោះ អិលអូអិលស៊ី (LOLC) ដែលជាចំណែកមួយធ្វើឱ្យអាជីវកម្មរបស់គាត់ទទួលបានភាពជោគជ័យផងដែរ។
ខ្ញុំចង់ឱ្យកូនៗរបស់ខ្ញុំ មានអនាគតដ៏ភ្លឺស្វាង មានការអប់រំល្អ និងទទួលបានការងារដែលមានស្ថិរភាពមួយនាថ្ងៃអនាគត ទាំងនេះគឺជាគោលដៅរបស់ខ្ញុំ។
"ខ្ញុំចង់ឱ្យកូនៗរបស់ខ្ញុំ មានអនាគតដ៏ភ្លឺស្វាង មានការអប់រំល្អ និងទទួលបានការងារដែលមានស្ថិរភាពមួយនាថ្ងៃអនាគត ទាំងនេះគឺជាគោលដៅរបស់ខ្ញុំ។ ហើយខ្ញុំ សូមអរគុណដល់ អិលអូអិលស៊ី (LOLC) ដែលបានចូលរួមចំណែកដើម្បីសម្រេចគោលដៅរបស់ខ្ញុំ" មានប្រសាសន៍ដោយបងស្រី សៅ គីម។
បងស្រី សៅ គីម ប្រកបរបរជាកសិករដាំដុះដំណាំ ពោត ដំឡូងមី និងមេ្ទស ដែលមានទីតាំងនៅភូមិហុងទឹក ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។ បងស្រី មានក្តីស្រមៃចង់ពង្រីកការដាំដុះដំណាំកសិកម្មរបស់គាត់ឱ្យកាន់តែល្អប្រសើរ ប៉ុន្តែក្ដីស្រមៃទាំងនោះត្រូវបានរារាំងដោយបញ្ហាហិរញ្ញវត្ថុ។ យ៉ាងណាក៏ដោយ ជាមួយនឹងការប្ដេជ្ញាចិត្តដ៏មោះមុតរបស់គាត់ បានធ្វើឱ្យបងស្រី គីម បន្តស្វះស្វែងរកដំណោះស្រាយ ហើយគាត់ក៏បានសម្រេចចិត្តប្រើប្រាស់ប្រាក់កម្ចីពី អិលអូអិលស៊ី (LOLC) បន្ទាប់ពីបានអាននូវរឿងអតិថិជនជោគជ័យរបស់ អិលអូអិលស៊ីកន្លងមក។
នៅឆ្នាំ២០២១ បងស្រី សៅ គីម បានក្លាយជាអតិថិជនមួយរូបរបស់ អិលអូអិលស៊ី (LOLC) ដោយបានប្រើប្រាស់កម្ចីដំបូងក្នុងគោលបំណងពង្រីកទំហំនៃការដាំដុះដំណាំរបស់គាត់ និងបានយកប្រាក់កម្ចីដែលនៅសេសសល់ទៅទិញឧបករណ៍មួយចំនួនដើម្បីសម្រួលដល់ការធ្វើចម្ការផងដែរ។ មកដល់ពេលនេះ បងស្រី បានប្រើប្រាស់ប្រាក់កម្ចីចំនួន ៤វគ្គមកហើយ ព្រោះគាត់បានមើលឃើញពីភាពរីកចម្រើននៃអាជីវកម្មរបស់គាត់ បន្ទាប់ពីបានប្រើប្រាស់ប្រាក់កម្ចីដែលជាជំនួយផ្នែកហិរញ្ញវត្ថុពីមួយវគ្គទៅមួយវគ្គប្រកបដោយទំនុកចិត្តខ្ពស់ពី អិលអូអិលស៊ី (LOLC)។
ជាសក្ខីភាព នៃភាពរីកចម្រើនខាងលើ បងស្រី គីម អាចបង្កើនទិន្នផលនៃដំណាំពោត ដំឡូងមី និងមេ្ទសរបស់គាត់បានកាន់តែច្រើន ដែលបានធ្វើឱ្យប្រាក់ចំណូលរបស់គាត់កើនឡើង រួមទាំងបានកែប្រែផ្ទះឈើរបស់គាត់ឱ្យក្លាយទៅជាផ្ទះថ្មដ៏ស្រស់ស្អាតទៀតផង។ ទាំងនេះ គឺជាដំណើរនៃការប្រើប្រាស់កម្ចីដ៏ត្រឹមត្រូវ និងចំគោលដៅមួយ ដែលបាននាំឱ្យជីវភាពរបស់ បងស្រី គីម កាន់តែរីកចម្រើន។
បងប្រុស ភារម្យ ជឿថា ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បានចូលរួមចំណែកធ្វើឱ្យអាជីវកម្មរបស់គាត់រីកចម្រើន ហើយថែមទាំងសម្រេចនូវក្តីប្រាថ្នាក្នុងការផ្គត់ផ្គង់ការរៀនសូត្ររបស់កូនៗ និងមានការទទួលស្គាល់ពីសហគមន៍ដែលគាត់កំពុងរស់នៅ។
បងប្រុស ហ៊ុន ភារម្យ គឺជាជាងជួសជុលម៉ូតូ ស្ថិតនៅភូមិទួលជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។ ត្រឡប់ទៅមើលកាលពីប៉ុន្មានឆ្នាំមុន បងប្រុសមិន មានលទ្ធភាពគ្រប់គ្រាន់ដើម្បីពង្រីកមុខរបររបស់គាត់នោះទេ ទោះបីជាគាត់ប្រកបមុខរបរនេះអស់រយៈពេលជាច្រើនឆ្នាំមកក៏ដោយ។ អាស្រ័យហេតុនេះ ទើបបងប្រុស យល់ឃើញថា ការដែលស្នើសុំប្រាក់កម្ចីដើម្បីធ្វើជាជំនួយផ្នែកហិរញ្ញវត្ថុ ក្នុងការពង្រីកអាជីវកម្ម គឺជាជម្រើសដ៏ល្អមួយ ដែលធ្វើឱ្យអាជីវកម្មរបស់គាត់រីកចម្រើន និងមានជីវភាពធូរធារ។
ជាមួយនឹងប្រាក់កម្ចីដំបូងពី អិលអូអិលស៊ី (LOLC) បងប្រុស ភារម្យ បានយកមកពង្រីកអាជីវកម្មរបស់គាត់ និងបានធ្វើឱ្យអាជីវកម្មនោះចាប់ផ្តើមផ្លាស់ប្តូរទៅកាន់ភាពរីកចម្រើន។ ដោយពេញចិត្តផលិតផលប្រាក់កម្ចី និងសេវាកម្មដ៏សម្បូរបែបរបស់ អិលអូអិលស៊ី (LOLC) បានធ្វើឱ្យបង ភារម្យ បន្តប្រើប្រាស់ប្រាក់កម្ចីជាបន្តបន្ទាប់រហូតដល់ទៅ ៤វគ្គ ក្នុងគោលបំណងពង្រីកអាជីវកម្ម ទិញសម្ភារបន្ថែមសម្រាប់មុខរបរជួសជុលម៉ូតូ និងពង្រីកតូបជួសជុលម៉ូតូរបស់គាត់ឱ្យកាន់តែធំទូលាយ។
បច្ចុប្បន្ន ជីវភាពរស់នៅរបស់គ្រួសារ បងប្រុស ភារម្យ មានភាពធូរធារជាងមុនច្រើន ដែលអាចឱ្យគាត់មានលទ្ធភាពពង្រីកអាជីវកម្មឱ្យរីកចម្រើន ដែលទទួលបានការគាំទ្រពីអតិថិជនជិតឆ្ងាយកាន់តែច្រើន និងមានលទ្ធភាពផ្គត់ផ្គង់ការសិក្សារៀនសូត្ររបស់កូនៗគាត់ឱ្យទទួលបានការអប់រំគ្រប់ៗគ្នា រួមទាំងបានកែប្រែគេហដ្ឋានរបស់គាត់ពីផ្ទះឈើតៀមតូចចង្អៀត ក្លាយជាផ្ទះថ្មធំទូលាយជាងមុន។
ជាមួយនឹងស្នាមញញឹម បងស្រី មួង ណៃអ៊ាង បានអរគុណ និងមានក្ដីរីករាយមកកាន់ អិលអូអិលស៊ី (LOLC) ជាខ្លាំងដែលបានចូលរួមចំណែកក្នុងការផ្លាស់ប្តូរស្ថានភាពគ្រួសាររបស់គាត់។
ដោយបានការគាំទ្រតាមរយៈការផ្ដល់ប្រាក់កម្ចី ដែលបានធ្វើអោយអាជីវកម្មរបស់គាត់ មានភាពរីកចម្រើន ព្រមទាំងធ្វើឱ្យគាត់អាចផ្គត់ផ្គង់គ្រួសារបានគ្រប់គ្រាន់ និងមានប្រាក់អាចសន្សំសម្រាប់ថ្ងៃអនាគតថែមទៀតផង។
បងស្រី មួង ណៃអ៊ាង គឺជាអ្នករស់នៅស្រុកអូរាំងឪ ក្នុងខេត្តត្បូងឃ្មុំ មានមុខរបរជាកសិករដាំដុះ និងលក់ស្លឹកម្លូ និងផ្លែស្លា។ បងស្រី មានកូនពីរនាក់ ដែលកូនប្រុសច្បងប្រកបការងារជាមួយគាត់ផ្ទាល់ក្នុងការដាំដុះ និងប្រមូលផល ព្រមទាំងជួយគ្រប់គ្រងអាជីវកម្មនៅក្នុងគ្រួសារ ចំណែកកូនស្រីពៅកំពុងសិក្សានៅថ្នាក់វិទ្យាល័យនៅឡើយ។
ដោយសារកង្វះខាតដើមទុនសម្រាប់ពង្រីកអាជីវកម្ម និងពង្រីកការដាំដុះដំណាំម្លូរ និងស្លា ជាមួយការប្ដេជ្ញាចិត្តក្នុងការខិតខំប្រឹងប្រែង និងឆន្ទះក្នុងការកសាងជីវភាពរស់នៅឱ្យកាន់តែល្អប្រសើរ បងស្រី ណៃអ៊ាង បានស្វែងរកជំនួយហិរញ្ញដែលគួរឱ្យទុកចិត្តបាន។ ជាចុងក្រោយ បងស្រី បានជ្រើសរើស អិលអូអិលស៊ី (LOLC) ដើម្បីជាដៃគូរហិរញ្ញវត្ថុរបស់គាត់។ ស្ថានភាពសេដ្ឋកិច្ចគ្រួសារ និងអាជីវកម្មរបស់ បងស្រី ក៏ចាប់ផ្ដើមល្អប្រសើរឡើងនៅឆ្នាំ ២០២១ ក្រោយពេលដែលគាត់បានប្រើប្រាស់ប្រាក់កម្ចីដែលជាជំនួយផ្នែកហិរញ្ញវត្ថុពី អិលអូអិលស៊ី (LOLC)។ ដោយមើលឃើញពីភាពរីកចម្រើនក្នុងការប្រើប្រាស់កម្ចីលើកដំបូង បងស្រី ក៏បន្តប្រើប្រាស់ប្រាក់កម្ចីជាបន្តបន្ទាប់បន្ថែមទៀត។
ការខិតខំប្រឹងប្រែងលើមុខរបរដាំ និងលក់ស្លឹកម្លូ និងផ្លែស្លាបានធ្វើឱ្យ បងស្រី ណៃអ៊ាង ទទួលបានទិន្នផលច្រើន និង នាំឱ្យការលក់របស់គាត់ដាច់ខ្លាំងជាងមុន ជាពិសេសបានផ្គត់ផ្គង់ទៅកាន់អតិថិជនរបស់គាត់បានគ្រប់គ្រាន់តាមតម្រូវការ។ បើនិយាយអំពីប្រាក់ចំណូលក្នុងគ្រួសារបស់បងស្រី ក៏បានកើនឡើងកាន់តែខ្ពស់ ដែលអាចឱ្យគាត់មានលទ្ធភាពសាងសង់ផ្ទះបានពីរខ្នងបន្ថែម ទិញដីទុកបានជាច្រើនហិកតា និងមានទុនបម្រុងគ្រប់គ្រាន់សម្រាប់ពង្រីកអាជីវកម្មផងដែរ។
ខាងក្រោមនេះគឺជាសំណេររបស់បងស្រី ស្វាយ សំណាង ដែលបានសម្រេចក្តីប្រាថ្នារបស់គាត់ជាបន្តបន្ទាប់ ក្រោយពីបានប្រើប្រាស់កម្ចីរបស់ អិលអូអិលស៊ី។
ភាពជោគជ័យ គឺបានមកពីការខិតខំប្រឹងប្រែងគួបផ្សំនឹងភាពប៉ិនប្រសប់ និងឈ្លាសវៃផងដែរ។ តាមរយៈការខិតខំប្រឹងប្រែងជាមួយនឹងបា្រក់កម្ចីពី អិលអូអិលស៊ី (LOLC) បានជំរុញឱ្យ អាជីវកម្មរបស់បងស្រី ស្វាយ សំណាង ទទួលបានភាពជោគជ័យលើសពីការរំពឹងទុក ព្រមទាំងបានបង្កើនប្រាក់ចំណូលឱ្យកាន់តែច្រើនឡើងៗ ដែលជាហេតុធ្វើឱ្យ បងស្រី សំណាង អាចសម្រេចក្តីប្រាថ្នារបស់គាត់ជាបន្តបន្ទាប់។
បងស្រី សំណាង ជាអ្នករស់នៅក្នុងខេត្តត្បូងឃ្មុំ មានវ័យ ៣៥ឆ្នាំ និងប្រកបរបរ លក់ចាប់ហួយ ហើយគាត់បានប្រកបរបរនេះអស់រយៈពេលប្រមាណ ៥ឆ្នាំ មកហើយ។ ពីមុនតាមរយៈចំណូលប្រចាំថ្ងៃ និងប្រាក់សន្សំបន្តិចបន្តួចរបស់ បងស្រី មិនអាចឱ្យគាត់សម្រេចក្តីប្រាថ្នាក្នុងការពង្រីកអាជីវកម្មរបស់គាត់បានទាំងស្រុងនោះឡើយ។ អាស្រ័យហេតុនេះ គាត់ក៏បានប្រើប្រាស់ប្រាក់កម្ចី ដែលជា ជំនួយផ្នែកហិរញ្ញវត្ថុពី អិលអូអិលស៊ី (LOLC) ដើម្បីធ្វើជាដើមទុនក្នុងការពង្រីកអាជីវកម្ម។ ប្រាក់កម្ចីដែលបានស្នើនោះគាត់យកមកប្រើប្រាស់ដូចជាបង្កើនមុខទំនិញថ្មីៗបន្ថែម និងទិញអីវ៉ាន់ស្ដុកទុកឱ្យច្រើនជាងមុនសម្រាប់ផ្គត់ផ្គង់ជូនភ្ញៀវ។
ក្រោយប្រើប្រាស់កម្ចីដើម្បីពង្រីកអាជីវកម្មពីមួយវគ្គទៅមួយវគ្គ បងស្រីបានសង្កេតឃើញ ការរីកចម្រើននៃអាជីវកម្មរបស់ខ្លួនគួរឱ្យកត់សម្គាល់។ ភាពរីកចម្រើននៃអាជីវកម្មនាពេលបច្ចុប្បន្ន បានធ្វើឱ្យជីវភាពរស់នៅរបស់ បងស្រី សំណាង មានភាពល្អប្រសើរ និងមានលទ្ធភាពគ្រប់គ្រាន់ក្នុងការកែលម្អគេហដ្ឋានរបស់គាត់ទៀតផង។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
