ប្អូនស្រី ណន នុត បានដើរតាមឆន្ទៈរបស់ខ្លួនក្នុងការពង្រីកអាជីវកម្មឱ្យទទួលបានជោគជ័យ និងរីកចម្រើនគួរឱ្យស្ញប់ស្ញែង។ ប្អូនស្រី នុត គឺជាអាជីវករលក់ចាប់ហួយ និងសម្ភារប្រើប្រាស់គ្រប់ប្រភេទ ស្ថិតនៅភូមិស្លែង ឃុំពេជសារ ស្រុកកោះអណ្តែត ខេត្តតាកែវ។ ប្អូនស្រីបានប្រកបរបរនេះអស់រយៈពេលជាង ៤ឆ្នាំមកហើយ។
ក្នុងនាមជាស្រ្តីមួយរូបដែលមានក្តីស្រមៃធំធេងពោរពេញដោយក្តីសង្ឃឹម និងការតាំងចិត្តខ្ពស់ ប្អូនស្រី ណន នុត បានដើរតាមឆន្ទៈរបស់ខ្លួនក្នុងការពង្រីកអាជីវកម្មឱ្យទទួលបានជោគជ័យ និងរីកចម្រើនគួរឱ្យស្ញប់ស្ញែង។ ប្អូនស្រី នុត គឺជាអាជីវករលក់ចាប់ហួយ និងសម្ភារប្រើប្រាស់គ្រប់ប្រភេទ ស្ថិតនៅភូមិស្លែង ឃុំពេជសារ ស្រុកកោះអណ្តែត ខេត្តតាកែវ។ ប្អូនស្រីបានប្រកបរបរនេះអស់រយៈពេលជាង ៤ឆ្នាំមកហើយ។
ចាប់ផ្តើមពីតូបឈើតូចមួយ និងមានអីវ៉ាន់ស្តុកទុកបន្តិចបន្តួច ប្អូនស្រី នុត បានសម្លឹងមើលឃើញពីសក្តានុពលនៃអាជីវកម្ម ហើយបានសម្រេចចិត្តពង្រីកអាជីវកម្មរបស់ខ្លួនតាមរយៈការគាំទ្រផ្នែកហិរញ្ញវត្ថុពី អិលអូអិលស៊ី (LOLC) កាលពីឆ្នាំ២០២២ ដោយបានស្នើប្រាក់កម្ចីចំនួន ១១.០០០ដុល្លារ ដើម្បីបង្កើនស្តុកអីវ៉ាន់ឱ្យកាន់តែសម្បូរបែប សម្រាប់បំពេញតម្រូវការអតិថិជន។
ក្រោយមកនៅឆ្នាំ២០២៤ ប្អូនស្រីក៏បានប្រើប្រាស់ប្រាក់កម្ចីលើកទីពីរចំនួន ១៥.០០០ដុល្លារ ដើម្បីធ្វើជាដើមទុនបន្ថែមក្នុងការពង្រីកអាជីវកម្មបន្តទៀតឱ្យកាន់តែធំជាងមុន។ ដោយការខិតខំប្រឹងប្រែងគួបផ្សំនឹងភាពឆ្លាតវៃលើការប្រើប្រាស់ប្រាក់កម្ចីប្រកបដោយប្រសិទ្ធភាព បានជំរុញឱ្យអាជីវកម្ម ប្អូនស្រី ទទួលបានភាពជោគជ័យមកដល់សព្វថ្ងៃ។
ប្អូនស្រី នុត បានបញ្ជាក់ថា ការប្រើប្រាស់ប្រាក់កម្ចីពី អិលអូអិលស៊ី (LOLC) បានផ្តល់ឱ្យគាត់នូវដើមទុនគ្រប់គ្រាន់សម្រាប់អភិវឌ្ឍក៏ដូចជាពង្រីកអាជីវកម្មបន្ថែម មានអីវ៉ាន់គ្រប់ប្រភេទសម្រាប់លក់ជូនអតិថិជន និងមានទីតាំងលក់ដូរធំទូលាយជាងមុន។ ជាពិសេស តាមរយៈភាពរីកចម្រើននេះ បានធ្វើឱ្យប្រាក់ចំណូលរបស់ ប្អូនស្រី កើនឡើងកាន់តែច្រើនដើម្បីប្រើប្រាស់ក្នុងអាជីវកម្ម និងសម្រាប់ផ្គត់ផ្គង់ជីវភាពគ្រួសារ។
បងប្រុស ហោ លីហៀង មានមុខរបរជាអ្នកលក់គ្រឿងទេសមួយរូបនៅភូមិផ្អាវ ឃុំទឹកជ្រៅ ស្រុកតំបែរ ខេត្តត្បូងឃ្មុំ។
ដំបូងឡើយ បងប្រុស ហោ លីហៀង មានមុខរបរជាអ្នកលក់គ្រឿងទេសមួយរូបនៅភូមិផ្អាវ ឃុំទឹកជ្រៅ ស្រុកតំបែរ ខេត្តត្បូងឃ្មុំ ប៉ុន្តែដោយសារតែមុខរបរមួយនេះមិនសមប្រកប បងប្រុសបានស្វែងយល់ពីតម្រូវការនៅក្នុងតំបន់ដែលគាត់រស់នៅ ហើយបានសម្រេចចិត្តបង្កើតមុខរបរថ្មីដើម្បីចាប់យកឱកាសក្នុងការទទួលបានភាពជោគជ័យ។ ដើម្បីបង្កើតអាជីវកម្មលក់ស្បែកជើង សម្លៀកបំពាក់ និងកាបូបថ្មីនេះ បងប្រុស បានស្នើប្រាក់កម្ចីចំនួន ២០.០០០ ដុល្លារអាមេរិកពី អិលអូអិលស៊ី (LOLC) នៅឆ្នាំ២០២២។ បន្ទាប់ពីដំណើរការអាជីវកម្មថ្មីនេះបានមួយរយៈ បងប្រុស បានសង្កេតឃើញពីការរីកលូតលាស់យ៉ាងល្អប្រសើរនៃអាជីវកម្មនេះ ព្រោះការលក់របស់គាត់មានការកើនឡើងយ៉ាងច្រើន។ ហេតុផលនេះហើយបានជំរុញទឹកចិត្តបងប្រុសឱ្យស្នើកម្ចីលើកទីពីរចំនួន ៧.០០០ ដុល្លារអាមេរិកនៅឆ្នាំ២០២៣ ដើម្បីបង្កើនស្តុកអីវ៉ាន់កាន់តែច្រើនសម្រាប់លក់ និងបំពេញតម្រូវការអតិថិជនរបស់គាត់។
សព្វថ្ងៃនេះ ហាងលក់ ស្បែកជើង សម្លៀកបំពាក់ និងកាបូបរបស់ បងប្រុស លីហៀង ទទួលបានការគាំទ្រយ៉ាងច្រើនពីសំណាក់អតិថិជន។ ភាពរីកចម្រើនក្នុងអាជីវកម្មនេះ បានជួយឱ្យស្ថានភាពហិរញ្ញវត្ថុក្នុងគ្រួសាររបស់គាត់មានភាពប្រសើរឡើងគួរឱ្យកត់សម្គាល់។
ជាចុងក្រោយ បងប្រុស លីហៀង បានលើកឡើងថា ភាពជោគជ័យនេះ គឺដោយសារមានការចូលរួមចំណែកគាំទ្រផ្នែកហិរញ្ញវត្ថុពី អិលអូអិលស៊ី (LOLC) ដែលបានផ្តល់ឱកាសឱ្យគាត់បង្កើត និងអភិវឌ្ឍអាជីវកម្មមួយនេះ។
បងប្រុស តេង សំអាង និងភរិយា គឺជាអាជីវករលក់ជ្រក់ស្ពៃ នៅភូមិចន្លក់ ឃុំគគីរ ស្រុកកៀនស្វាយ ខេត្តកណ្តាល។
ពួកគាត់មានកូនបីនាក់នៅក្នុងបន្ទុកដែលកំពុងសិក្សាថ្នាក់បឋមសិក្សា ហើយពេលសម្រាកពីការសិក្សារៀនសូត្រ កូនៗរបស់គាត់តែងតែជួយធ្វើកិច្ចការងារស្រាលៗក្នុងអាជីវកម្មលក់ជ្រក់ស្ពៃរបស់គាត់ដូចជា លាងសម្អាតស្ពៃ និងកាត់គល់ស្ពៃជាដើម។
មុនពេលក្លាយជាអតិថិជនរបស់ អិលអូអិលស៊ី (LOLC) បងប្រុស សំអាង បានឱ្យដឹងថាគាត់ និងគ្រួសារមិនមានដើមទុនគ្រប់គ្រាន់សម្រាប់ពង្រីកអាជីវកម្មធ្វើជ្រក់ស្ពៃរបស់គាត់ឡើយ។ ដោយមានឆន្ទៈក្នុងការពង្រីកអាជីវកម្ម វាបានជំរុញឱ្យ បងប្រុស សំអាង និងភរិយាពិភាក្សាគ្នា ដើម្បីស្វែងរកដំណោះស្រាយ។ ជាលទ្ធផល ពួកគាត់បានជ្រើសរើសយក អិលអូអិលស៊ី (LOLC) ដើម្បីជាដៃគូគាំទ្រផ្នែកហិរញ្ញវត្ថុក្នុងដំណើរនៃការពង្រីកអាជីវកម្មរបស់គាត់។
គិតមកដល់ពេលបច្ចុប្បន្ននេះ បងប្រុស សំអាង និងភរិយា បានស្នើប្រាក់កម្ចីយកមកប្រើប្រាស់ជាបន្តបន្ទាប់រហូតដល់ទៅបួនវគ្គជាប់ៗគ្នាក្នុងគោលបំណងដើម្បីពង្រីកអាជីវកម្ម។ ប្រាក់កម្ចីទាំងនោះ បានធ្វើឱ្យពួកគាត់មានដើមទុនគ្រប់គ្រាន់សម្រាប់បង្វិលក្នុងអាជីវកម្ម និងបានសាងសង់រោងសម្រាប់ធ្វើជ្រក់ស្ពៃបានយ៉ាងសមរម្យ។ មិនត្រឹមតែប៉ុណ្ណោះ ពួកគាត់ក៏បានទិញរថយន្តមួយគ្រឿងសម្រាប់ប្រើប្រាស់ក្នុងអាជីវកម្មផងដែរ។
ភាពរីកចម្រើននៃអាជីវកម្មនេះ បានកែប្រែជីវភាពរស់នៅរបស់គ្រួសារ បងប្រុស សំអាង ឱ្យកាន់តែប្រសើរឡើង តាមរយៈការកើនឡើងនៃប្រាក់ចំណូល ដោយអាចឱ្យគាត់កែប្រែគេហដ្ឋានរបស់គាត់ ទៅជាគេហដ្ឋានថ្មីមួយប្រកបដោយសោភ័ណភាព ផាសុកភាព និងសុវត្ថិភាពក្នុងការរស់នៅផងដែរ។
បងប្រុស ផៃ សុផុន បច្ចុប្បន្នជាគ្រូបង្រៀនម្នាក់នៅវិទ្យាល័យថ្មពួក ដែលគាត់បានប្រកបអាជីពនេះអស់រយៈពេល១៤ឆ្នាំមកហើយ។ លើសពីតួនាទីជាគ្រូបង្រៀន បងប្រុស សុផុន ក៏ជានាយកមជ្ឈមណ្ឌលភាសា និងបច្ចេកវិទ្យាមួយកន្លែង ដែលមានទីតាំងស្ថិតនៅភូមិថ្មពួក ឃុំថ្មពួក ស្រុកថ្មពួក ខេត្តបន្ទាយមានជ័យ។
បងប្រុស សុផុន បានចែករំលែកថាមជ្ឈមណ្ឌលភាសា និងបច្ចេកវិទ្យារបស់គាត់ផ្តោតលើការពង្រឹងវិន័យរបស់សិស្សជាចម្បងដើម្បីឱ្យសិស្សមានសីលធម៌ និងសុជីវធម៌ល្អ រីឯបរិយាកាសនៅខាងក្នុង និងក្រៅថ្នាក់រៀនគឺរក្សាបាននូវអនាម័យជាប់ជានិច្ច ដើម្បីឱ្យសិស្សមានអារម្មណ៍ល្អក្នុងការសិក្សា។ ចំពោះលោកគ្រូ អ្នកគ្រូ ក្នុងមជ្ឈមណ្ឌលក៏មានបទពិសោធន៍ និងវិជ្ជាជីវៈច្បាស់លាស់ ដែលអាចបង្រៀនសិស្សដែលរៀនយឺតឱ្យរៀនទាន់គេបាន។ ចំណុចសំខាន់ៗទាំងអស់នេះហើយ បានធ្វើឱ្យមជ្ឈមណ្ឌលរបស់គាត់រក្សាបាននូវការគាំទ្រពីសំណាក់អាណាព្យាបាលរបស់សិស្ស និងមានសិស្សថ្មីចុះឈ្មោះចូលរៀនជារឿយៗ។
គុណភាព និងសេវាកម្មបង្រៀនក្នុងមជ្ឈមណ្ឌលបានទាក់ទាញកំណើនរបស់សិស្សកាន់តែច្រើនឡើងៗ ដែលធ្វើឱ្យបងប្រុស សុផុន រិះរកមធ្យោបាយក្នុងការពង្រីកមជ្ឈមណ្ឌលឱ្យធំជាងនេះ។ បងប្រុស បានទទួលការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ដើម្បីជាទុនបន្ថែមសម្រាប់ពង្រីកមជ្ឈមណ្ឌលរបស់គាត់។ បងប្រុសបានបង្ហើបឱ្យដឹងថា គាត់បានប្រើប្រាស់ប្រាក់កម្ចីរហូតដល់ទៅ ៤វគ្គ សម្រាប់យកមកអភិវឌ្ឍមជ្ឈមណ្ឌលមួយនេះ ដោយបានទិញសម្ភារបង្រៀន តុសិស្ស កៅអីគ្រូ កុំព្យូទ័រ និងរៀបចំបន្ទប់បង្រៀន។ បន្ថែមពីនេះ បងប្រុសក៏បានទិញដីបន្ថែមសម្រាប់សាងសង់អគារសិក្សាថ្មី ដើម្បីពង្រីកមជ្ឈមណ្ឌលរបស់គាត់ឱ្យកាន់តែធំ។
ដោយសារការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បានជួយឱ្យមជ្ឈមណ្ឌលភាសា និងបច្ចេកវិទ្យារបស់ បងប្រុស សុផុន រីកចម្រើនយ៉ាងល្អប្រសើរ។ បងប្រុស បានអរគុណចំពោះ អិលអូអិលស៊ី (LOLC) ដែលបានផ្តល់ប្រាក់កម្ចីសម្រាប់ពង្រីកអាជីវកម្ម និងជួយឱ្យគ្រួសាររបស់គាត់មានជីវភាពកាន់តែប្រសើរជាងមុន។ ភាពរីកចម្រើននៃអាជីវកម្មសព្វថ្ងៃបានជំរុញចិត្តឱ្យ បងប្រុស មានក្តីស្រមៃចង់កសាងអាជីវកម្មមួយបន្ថែមទៀតនាពេលអនាគតផងដែរ។
បងប្រុស ប៊ុន រ៉ាវណ្ណ ចាប់ផ្តើមពីអ្នកលក់អីវ៉ាន់ចាប់ហួយតូចមួយរហូតអាចបង្កើត និងគ្រប់គ្រងអាជីវកម្មចំនួនបីក្នុងពេលតែមួយប្រកបដោយភាពជោគជ័យ
បងប្រុស ប៊ុន រ៉ាវណ្ណ ចាប់ផ្តើមពីអ្នកលក់អីវ៉ាន់ចាប់ហួយតូចមួយរហូតអាចបង្កើត និងគ្រប់គ្រងអាជីវកម្មចំនួនបីក្នុងពេលតែមួយប្រកបដោយភាពជោគជ័យ។ បងប្រុស ប៊ុន រ៉ាវណ្ណ គឺជាម្ចាស់ស្ថានីយលក់ប្រេងឥន្ធនៈ ហើយក៏ជាភ្នាក់ងារវីង និងជាអាជីវករលក់អីវ៉ាន់ចាប់ហួយមួយរូបផងដែរ ដែលមានទីតាំងស្ថិតនៅភូមិកណ្តោល ឃុំស្វាយចេក ស្រុកអង្គរធំ ខេត្តសៀមរាប។
តាមការរៀបរាប់របស់ បងប្រុស រ៉ាវណ្ណ ក្នុងកិច្ចសម្ភាសន៍ជាមួយបុគ្គលិក អិលអូអិលស៊ី (LOLC) បានឱ្យដឹងថា ភាពជោគជ័យរបស់គាត់សព្វថ្ងៃ គឺមានការរួមចំណែកពីការគាំទ្រផ្នែកហិរញ្ញវត្ថុរបស់ អិលអូអិលស៊ី (LOLC) ជាមួយនឹងការតស៊ូព្យាយាមរបស់គាត់។ ផ្ដើមពីហាងលក់អីវ៉ាន់ចាប់ហួយ និងភេសជ្ជៈក្នុងផ្ទះឈើតូចមួយ បងប្រុស រ៉ាវណ្ណ តែងតែមានបំណង ចង់ពង្រីកមុខរបររបស់គាត់តាំងពីដើមមក។
នៅឆ្នាំ២០១៨ បងប្រុស បានស្នើសុំ និងទទួលកម្ចីដំបូងពី អិលអូអិលស៊ី (LOLC) ដើម្បីពង្រីកមុខរបរ ដែលជាកត្តាជំរុញឱ្យអាជីវកម្មលក់ចាប់ហួយរបស់គាត់ចាប់ផ្តើមរីកចម្រើនបន្ទាប់ពីមានស្តុកអីវ៉ាន់គ្រប់គ្រាន់សម្រាប់លក់។ ក្រោយមក បងប្រុសក៏បានស្នើកម្ចីជាបន្តបន្ទាប់ទៀត ដើម្បីបន្តពង្រីកអាជីវកម្ម និងបង្កើតមុខរបរពីរបន្ថែមទៀតគឺ បើកស្ថានីយលក់ប្រេងឥន្ធនៈ និងបើកភ្នាក់ងារវីង ដើម្បីអាចស្វែងរកប្រាក់ចំណូលបន្ថែមឱ្យកាន់តែច្រើន។
ជាមួយប្រាក់កម្ចីជាច្រើនវគ្គរបស់ អិលអូអិលស៊ី (LOLC) បានធ្វើឱ្យជីវភាពរស់នៅរបស់ បងប្រុស រ៉ាវណ្ណ មានការប្រែប្រួលយ៉ាងច្រើន ដោយគាត់អាចពង្រឹង និងអភិវឌ្ឍអាជីវកម្មទាំងបីរបស់គាត់យ៉ាងរឹងមាំ និងមានស្ថិរភាព។ ការគាំទ្រនេះអាចឱ្យ បងប្រុស រ៉ាវណ្ណបានកែលម្អជីវភាពរស់នៅរបស់គ្រួសារគាត់កាន់តែល្អប្រសើរផងដែរ ដោយគាត់អាចសាងសង់គេហដ្ឋានថ្មីមួយសម្រាប់គ្រួសារយ៉ាងមានផាសុកភាព។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
