បងស្រី សៀន គីមសាន់ អ្នកលក់សម្លៀកបំពាក់ និងស្បែកជើងបុរស និងស្ត្រីនៅខេត្តតាកែវ បានចែករំលែកបទពិសោធន៍របស់គាត់មុន និងក្រោយពេលទទួលបានប្រាក់កម្ចីពី LOLC ។
“កាលពីមុន ខ្ញុំមិនមានដើមទុនគ្រប់គ្រាន់ដើម្បីទំនុកបម្រុងអាជីវកម្មរបស់ខ្ញុំឱ្យដំណើរការបានល្អប្រសើរនោះទេ ដូច្នេះហើយ ទើបមិនមានសម្លៀកបំពាក់ ក៏ដូចជាស្បែកជើងសម្បូរបែបដើម្បីបំពេញតម្រូវការរបស់អតិថិជន” ប្រសាសន៍ បងស្រី សៀន គឹមសាន់ ដែលជាអ្នកលក់សម្លៀកបំពាក់ និងស្បែកជើងបុរស នារី នៅខេត្តតាកែវ ជាមួយនឹងបទពិសោធន៍នៃការប្រកបរបរនេះអស់រយៈពេលជាងមួយទសវត្សរ៍មកហើយ។
ថ្ងៃមួយ បងស្រី ក៏សម្រេចចិត្តចាប់យកឱកាសក្នុងការអភិវឌ្ឍអាជីវកម្មរបស់ខ្លួនជាមួយដៃគូគាំទ្រផ្នែកហិរញ្ញវត្ថុរបស់គាត់គឺ អិលអូអិលស៊ី (LOLC)។ មិនបង្អង់យូរ បងស្រី បានស្នើប្រាក់កម្ចី ដើម្បីពង្រីកអាជីវកម្មរបស់គាត់ និងទិញតូបបន្ថែមនៅទីផ្សារ។
បន្ទាប់ពីប្រើប្រាស់ប្រាក់កម្ចី អិលអូអិលស៊ី (LOLC) អស់មួយរយៈ បងស្រី បានសង្កេតឃើញពីភាពប្រសើរឡើង និងរីកចម្រើនគួរឱ្យកត់សម្គាល់ទាំងជីវភាពផ្ទាល់ខ្លួន និងអាជីវកម្មរបស់គាត់។ ដោយការប្រើប្រាស់កម្ចីប្រកបដោយភាពឈ្លាសវៃ និងប៉ិនប្រសប់ បងស្រី អាចជួយឱ្យជីវភាពរស់នៅប្រចាំថ្ងៃរបស់គាត់បានល្អប្រសើរ ហើយថែមទាំងបានបង្កើនទ្រព្យសម្បត្តិបន្ថែមទៀតផង។
សមិទ្ធផលដែល បងស្រី ទទួលបានក្រោយពីប្រើប្រាស់ប្រាក់កម្ចីពី អិលអូអិលស៊ី គឺពង្រីកអាជីវកម្មរបស់គាត់ឱ្យធំជាងមុន បានទិញតូបថ្មីចំនួន៤ បន្ថែមនៅក្នុងផ្សារ និងមានអីវ៉ាន់សម្បូរបែបជាច្រើនប្រភេទសម្រាប់លក់ និងបំពេញតម្រូវការអតិថិជនរបស់គាត់ឱ្យកាន់តែប្រសើរឡើង និងថែមទាំងបានទាក់ទាញអតិថិជនថ្មីៗជាបន្តបន្ទាប់។
បងស្រី បានបន្ថែមថា “កម្ចីដែលខ្ញុំទទួលបានពី អិលអូអិលស៊ី (LOLC) ពិតជាបានចូលរួមចំណែកយ៉ាងសំខាន់ក្នុងការជួយលើកកម្ពស់ជីវភាពគ្រួសារខ្ញុំ”។
ដើម្បីបន្តក្តីសុបិន្តរបស់គាត់ក្នុងការពង្រីកអាជីវកម្មរបស់គាត់ និងសម្រេចបាននូវភាពរីកចម្រើនកាន់តែខ្លាំង បងប្រុស វង្ស ប៊ុនថាត បានចាប់ដៃគូជាមួយ LOLC ដោយយកប្រាក់កម្ចីដើម្បីវិនិយោគលើអាជីវកម្មរបស់គាត់។
នេះគឺជារឿងរ៉ាវ បងប្រុស វង្ស ប៊ុនថាត ដែលជាកសិករប្រកបរបរដាំស្វាយចន្ទី ដាំដំឡូង និងជាអ្នកបណ្តុះផ្សិតលក់ស្ថិតនៅភូមិអូរទេវតា ឃុំកំពង់ដំរី ស្រុកឆ្លូង ខេត្តក្រចេះ។
បងប្រុស មានការតាំងចិត្ត និងមានក្តីស្រមៃចង់ពង្រីកអាជីវកម្មរបស់ខ្លួនឱ្យកាន់តែរីកចម្រើន ប៉ុន្តែគាត់ពុំមានដើមទុនគ្រប់គ្រាន់ដើម្បីធ្វើវា។ ស្របពេលជាមួយគ្នានោះផងដែរ គាត់ត្រូវបានណែនាំឱ្យស្គាល់ អិលអូអិលស៊ី (LOLC) ខណៈពេលនោះគាត់ក៏បានសម្រេចចិត្តខ្ចីកម្ចីពី អិលអូអិលស៊ី (LOLC) លើកដំបូងដើម្បីធ្វើជាទុនវិនិយោគក្នុងអាជីវកម្មរបស់គាត់ ក៏ដូចជាការចាប់ផ្តើមថ្មីមួយផងដែរ។
ជាមួយនឹងប្រាក់កម្ចីដំបូងបងប្រុស វង្ស ប៊ុនថាត និងភរិយាបានយកទៅទិញដីចម្ការ និងបានពង្រីកកន្លែងបណ្តុះផ្សិតបន្ថែម ដែលជាហេតុធ្វើឱ្យការបណ្ដុះផ្សិតរបស់គាត់ទទួលបានផលច្រើនជាងមុន ហើយអាចផ្គត់ផ្គង់ផ្សិតទៅកាន់អតិថិជនរបស់គាត់បានគ្រប់គ្រាន់ និងទាន់ពេលវេលា រួមទាំងបានទាក់ទាញអតិថិជនថ្មីៗឱ្យកាន់តែច្រើនបន្ថែមទៀតផងដែរ។ ការចាប់ផ្តើមនៃការប្រើប្រាស់កម្ចីជាដើមទុននេះ បានធ្វើឱ្យអាជីវកម្មរបស់បងប្រុស មានការរីកចម្រើនយ៉ាងឆាប់រហ័ស។ ដោយមើលឃើញពីភាពជោគជ័យនៃអាជីវកម្ម បងប្រុស បានស្នើប្រាក់កម្ចីចំនួនពីរវគ្គបន្ថែមទៀតពី អិលអូអិលស៊ី (LOLC) ដើម្បីពង្រីកអាជីវកម្មរបស់ខ្លួន ក៏ដូចជាបង្កើនលទ្ធភាពក្នុងការពង្រីកការដាំដុះ និងលើកកម្ពស់គុណភាពនៃផលដំណាំរបស់គាត់បន្ថែម។
បងប្រុស ប៊ុនថាត ចាត់ទុកភាពជោគជ័យជាច្រើនកន្លងមករបស់គាត់ គឺបានមកពីការជួយគាំទ្រផ្នែកហិរញ្ញវត្ថុដ៏មានទំនុកចិត្តពី អិលអូអិលស៊ី (LOLC) ជាមួយនឹងអត្រាការប្រាក់សមរម្យ និងលក្ខខណ្ឌងាយស្រួល។ ជាងនេះទៅទៀត អិលអូអិលស៊ី (LOLC) បានចែករំលែកនូវចំណេះដឹងហិរញ្ញវត្ថុមួយចំនួនបន្ថែមដល់បងប្រុស អំពីការប្រើប្រាស់កម្ចីឱ្យចំគោលដៅ និងចៀសវាងការប្រើប្រាស់កម្ចីខុសគោលដៅ ឬយកប្រាក់កម្ចីទៅចែកគ្នាបន្ត។ ហើយការយល់ដឹងនេះបានដើរតួយ៉ាងសំខាន់ក្នុងការទ្រទ្រង់ និងធ្វើឱ្យអាជីវកម្មរបស់គាត់មានភាពរីកចម្រើនក៏ដូចជាធ្វើឱ្យប្រសើរឡើងនូវស្ថិរភាពហិរញ្ញវត្ថុរបស់គ្រួសារគាត់ផងដែរ។
បងស្រីផា ឌីណា ដែលជាអ្នកលក់ចាប់ហួយ និងពងទាបានសម្រេចប្រើប្រាស់កម្ចីរបស់ អិលអូអិលស៊ី នៅក្នុងការធ្វើឱ្យកាន់តែប្រសើរនូវអាជីវកម្មរបស់គាត់។
ក្រឡេកទៅមើលបងស្រី ផា ឌីណា កំពុងមមាញឹកជាមួយការប្រកបរបរលក់ចាប់ហួយ និងពងទារបស់គាត់ដោយក្ដីរីករាយជាមួយនឹងភាពរីកចម្រើនរបស់គាត់ ដែលមានទីតាំងស្ថិតនៅក្រុងបានលុងក្នុងខេត្តរតនគិរី ភូមិភាគឦសាននៃប្រទេសកម្ពុជា។ បងស្រី បានរំឭកថា មុនពេលស្វែងរកការគាំទ្រផ្នែកហិរញ្ញវត្ថុពី អិលអូអិលស៊ី (LOLC) គាត់បានប្រឈមជាមួយនឹងបញ្ហាហិរញ្ញវត្ថុជាច្រើនក្នុងការពង្រីកអាជីវកម្ម ក៏ដូចជាការជួសជុល និងកែលម្អផ្ទះរបស់គាត់ផងដែរ។
នៅក្នុងឆ្នាំ២០២២ បងស្រី ឌីណា បានស្នើប្រាក់កម្ចីដំបូងពី អិលអូអិលស៊ី (LOLC) សម្រាប់ប្រើប្រាស់ជាទុនក្នុងការពង្រីកអាជីវកម្មរបស់គាត់។ ភាពរីកចម្រើននៃដំណើរអាជីវកម្មបានជំរុញទឹកចិត្តឱ្យបងស្រីសម្រេចស្នើប្រាក់កម្ចីបន្ថែមជាលើកទីពីរដើម្បីទិញពងទាស្តុកទុកបន្ថែម សម្រាប់បោះឱ្យឈ្មួញកណ្ដាលរបស់គាត់ ហើយប្រាក់ដែលនៅសល់គាត់ក៏បានយកមកទិញអីវ៉ាន់បន្ថែមសម្រាប់មុខរបរលក់ចាប់ហួយរបស់គាត់ផងដែរ។
ជាលទ្ធផលនៃការប្រើប្រាស់ប្រាក់កម្ចីទាំងពីរវគ្គខាងលើ គឺពិតជាបានហុចផ្លែផ្កាដល់អាជីវកម្មរបស់បងស្រីឱ្យរីកចម្រើនប្រាកដមែន ដោយប្រាក់ចំណូលប្រចាំថ្ងៃរបស់គាត់ពីការលក់ពងទា និងមុខរបរលក់ចាប់ហួយបានកើនឡើង។ ដោយមើលឃើញពីភាពរីកចម្រើនយ៉ាងពិតប្រាកដពីការប្រើប្រាស់ជំនួយផ្នែកហិរញ្ញវត្ថុពី អិលអូអិលស៊ី (LOLC) បងស្រីក៏បានសើ្នប្រាក់កម្ចីជាបន្តបន្ទាប់ទៀតរហូតដល់៤វគ្គជាប់ៗគ្នា ដើម្បីជាទុនបង្វិលបន្ថែមផងដែរ។
ប្រាក់កម្ចីពី អិលអូអិលស៊ី (LOLC) បានធ្វើឱ្យជីវភាព និងអាជីវកម្មរបស់ បងស្រី ឌីណា រីកចម្រើនសមតាមសេចក្តីប្រាថ្នា។ ដោយបច្ចុប្បន្ន ក្រៅពីអាជីវកម្មដែលមានភាពរីកចម្រើនរបស់គាត់ បងស្រី ក៏មានលទ្ធភាពក្នុងការកែលម្អគេហដ្ឋាន ហើយថែមទាំងបានទិញម៉ូតូមួយគ្រឿងសម្រាប់ប្រើប្រាស់ជាមធ្យោបាយធ្វើដំណើរ និងមានភាពងាយស្រួលជាងមុន។ គាត់ជឿជាក់យ៉ាងមុតមាំថា ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ពិតជាបានធ្វើឱ្យប្រសើរឡើងយ៉ាងខ្លាំងនូវស្ថានភាព និងអនាគតរបស់គ្រួសារគាត់។
បងស្រី លាប់ ចិន្តា បានបង្ហាញយ៉ាងច្បាស់ថា ប្រាក់កម្ចីដែលជាជំនួយផ្នែកហិរញ្ញវត្ថុរបស់ អិលអូអិលស៊ី (LOLC) ពិតជាបានរួមចំណែកកសាងជីវភាពរបស់អតិថិជនឱ្យកាន់តែល្អប្រសើរ។
បងស្រី លាប់ ចិន្តា គឺជាអាជីវករលក់គ្រឿងសំណង់ម្នាក់នៅភូមិប្រផុង ឃុំសំរោងលើ ស្រុកបន្ទាយមាស ខេត្តកំពត។ ត្រលប់ទៅប៉ុន្មានឆ្នាំមុន បងស្រី ចិន្ដា អាចរកចំណូលបានសម្រាប់តែផ្គត់ផ្គង់ក្នុងគ្រួសារតែប៉ុណ្ណោះ ព្រោះគាត់មិនមានប្រាក់សន្សំសម្រាប់ប្រើប្រាស់ជាទុនក្នុងការពង្រីកអាជីវកម្មរបស់គាត់ឱ្យល្អប្រសើរជាងនេះឡើយ។ យ៉ាងណាមិញ ក្តីស្រមៃ និងឆន្ទះរបស់ បងស្រីនៅតែមានចំពោះការពង្រីកអាជីវកម្មឱ្យរីកលូតលាស់ និងរីកចម្រើនជាងនេះ។
ដើម្បីដោះស្រាយបញ្ហាហិរញ្ញវត្ថុខាងលើ បងស្រីបានគិតគូរយ៉ាងច្បាស់លាស់ក្នុងការសើ្នប្រាក់កម្ចីពី អិលអូអិលស៊ី (LOLC) នៅឆ្នាំ២០១៤ ដើម្បីពង្រីកអាជីវកម្មឱ្យស្របតាមក្តីស្រមៃរបស់គាត់។ ដោយមើលឃើញពីទិដ្ឋភាពជាក់ស្តែងនៃការរីកលូតលាស់លើអាជីវកម្ម បងស្រី ចិន្ដា បានសើ្នប្រាក់កម្ចីលើកទីពីរ ដើម្បីបង្កើតមុខរបរជួសជុលម៉ូតូថ្មីមួយទៀតសម្រាប់ស្វាមី បន្ថែមពីលើអាជីវកម្មដែលមានស្រាប់របស់គាត់។ បងស្រី ចិន្ដា ក៏បានស្នើប្រាក់កម្ចីពីរវគ្គបន្ថែមទៀត ដើម្បីពង្រីកអាជីវកម្ម និងមុខរបរទាំងពីរខាងលើឱ្យកាន់តែមានសក្តានុពល និងភាពរីកចម្រើន។
ដោយមានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ជីវភាព និងការរស់នៅរបស់ បងស្រី ចិន្ដា និងគ្រួសារកាន់តែរីកចម្រើន និងល្អប្រសើរ ដោយគាត់អាចរកចំណូលបានច្រើនជាងមុន និងមានលទ្ធភាពកែលម្អគេហដ្ឋានរបស់គាត់ឱ្យមានផាសុកភាពក្នុងការរស់នៅផងដែរ។
សាច់រឿងដែល បងស្រី ចិន្ដា បានរៀបរាប់ខាងលើនេះ បានបង្ហាញយ៉ាងច្បាស់ថា ប្រាក់កម្ចីដែលជាជំនួយផ្នែកហិរញ្ញវត្ថុរបស់ អិលអូអិលស៊ី (LOLC) ពិតជាបានរួមចំណែកកសាងជីវភាពរបស់អតិថិជនឱ្យកាន់តែល្អប្រសើរ ក្នុងដំណើររីកលូតលាស់ប្រកបដោយចីរភាព និងភាពរីកចម្រើនទាំងអស់គ្នា។
ស្ថិរភាពផ្នែកហិរញ្ញវត្ថុ មិនត្រឹមតែជួយឱ្យជីវភាពរបស់ បងស្រី ឡោ ស្រីកែវ មានភាពធូរធារជាងមុនប៉ុណ្ណោះទេ ថែមទាំងធ្វើឱ្យការរស់នៅមានសុភមង្គលផងដែរ។
សាច់រឿងខាងក្រោមនេះ គឺជាសក្ខីភាពមួយចំពោះការផ្លាស់ប្តូរគួរឱ្យកត់សម្គាល់តាមរយៈការប្តេជ្ញាចិត្ត និងការគ្រប់គ្រងហិរញ្ញវត្ថុត្រឹមត្រូវមួយរបស់ បងស្រី កែវ ដែលភាពជោគជ័យទាំងអស់នេះក៏ជាការរួមចំណែកខាងផ្នែកហិរញ្ញវត្ថុពី អិលអូអិលស៊ី (LOLC) ផងដែរ។
បងស្រី ឡោ ស្រីកែវ គឺជាអ្នកលក់អាហារ និងម្ចាស់ហាងសាឡន មួយកន្លែងដែលស្ថិតនៅភូមិក្របីត្រាំ ឃុំជង្រុក ស្រុកគងពិសី ខេត្តកំពង់ស្ពឺ។ បងស្រី តែងតែមានក្ដីស្រមៃចង់ពង្រីកអាជីវកម្មរបស់គាត់ ប៉ុន្តែដើមទុនសម្រាប់ការពង្រីកអាជីវកម្មរបស់គាត់នៅតែមានភាពខ្វះខាត។ ពេលដែលគាត់បានស្គាល់ អិលអូអិលស៊ី (LOLC) តាមរយៈបងប្អូនបង្កើតរបស់គាត់ ក្ដីស្រមៃនៃការពង្រីកអាជីវកម្មរបស់ បងស្រី កែវ ចាប់ផ្ដើមមានពន្លឺឡើងវិញ ហើយហាក់បីដូចជានៅជិតបង្កើយ។
មិនបង្អង់យូរក្នុងការចាប់យកឱកាស និងសម្រេចក្ដីស្រមៃ បងស្រី កែវ បានសើ្នប្រាក់កម្ចីដំបូងពី អិលអូអិលស៊ី (LOLC) ក្នុងការពង្រីកអាជីវកម្ម និងបន្តប្រើប្រាស់កម្ចីបន្ថែមជាច្រើនវគ្គបន្តបន្ទាប់ទៀត។ តាមរយៈប្រាក់កម្ចីដែលជាជំនួយផ្នែកហិរញ្ញវត្ថុពី អិលអូអិលស៊ី (LOLC) បងស្រី កែវ ពិតជាបានពង្រីកអាជីវកម្មរបស់គាត់ប្រកបដោយភាពជោគជ័យ និងភាពឆ្លាតវៃ ដែលបានធ្វើឱ្យប្រាក់ចំណូលប្រចាំថ្ងៃរបស់គាត់កើនឡើងទ្វេដង។ ការកើនឡើងនៃប្រាក់ចំណូលទាំងនេះបានធ្វើឱ្យជីវភាពរបស់ បងស្រី ប្រសើរឡើងគួរឱ្យកត់សម្គាល់ ថែមទាំងបានធ្វើឱ្យជីវភាពរស់នៅរបស់គ្រួសារគាត់កាន់តែល្អប្រសើរ រួមទាំងមានទុនបន្ថែមគ្រប់គ្រាន់ក្នុងការវិនិយោគអាជីវកម្មរបស់គាត់។
លើសពីជំនួយផ្នែកហិរញ្ញវត្ថុ បុគ្គលិក អិលអូអិលស៊ី (LOLC) ក៏បានផ្តល់ចំណេះដឹងហិរញ្ញវត្ថុសំខាន់ៗ និងមានតម្លៃទៅកាន់ បងស្រី ដែលជួយឱ្យគាត់អាចគ្រប់គ្រងកម្ចីប្រកបដោយប្រសិទ្ធភាព។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
