ប្រាក់កម្ចីដែលជាជំនួយផ្នែកហិរញ្ញវត្ថុពី អិលអូអិលស៊ី (LOLC) បានចូលរួមចំណែកជួយដល់ការរីកលូតលាស់នៃអាជីវកម្មរបស់បងស្រីហ៊ាង លាងហ៊ី កាន់តែប្រសើរឡើង។
ប្រាក់កម្ចីដែលជាជំនួយផ្នែកហិរញ្ញវត្ថុពី អិលអូអិលស៊ី (LOLC) បានចូលរួមចំណែកជួយដល់ការរីកលូតលាស់នៃអាជីវកម្មរបស់បងស្រីហ៊ាង លាងហ៊ី កាន់តែប្រសើរឡើង។ បងស្រី លាងហ៊ី គឺជាអាជីវករលក់ចាប់ហួយមួយរូប ស្ថិតនៅភូមិឈូកស ឃុំឃុនរាម ស្រុកបន្ទាយស្រី ខេត្តសៀមរាប ដែលគាត់បានប្រកបរបរនេះអស់រយៈពេលជិត១០ឆ្នាំមកហើយ។
ក្នុងឆ្នាំ២០១៧ បន្ទាប់ពីបានស្គាល់ អិលអូអិលស៊ី (LOLC) និងបានយល់ច្បាស់អំពីផលិតផលប្រាក់កម្ចី បងស្រី ក៏មានគំនិតចង់កែប្រែជីវភាពរស់នៅរបស់ខ្លួនឱ្យកាន់តែប្រសើរ ដោយសម្រេចចិត្តដាក់គោលដៅពង្រីកអាជីវកម្មរបស់គាត់។ ក្រោយមក បងស្រី បានសម្រេចប្រើប្រាស់កម្ចីដំបូងរបស់ខ្លួនយកទៅពង្រីកអាជីវកម្ម ដោយទិញអីវ៉ាន់ចាប់ហួយបន្ថែមសម្រាប់លក់។
ជាលទ្ធផល អាជីវកម្មរបស់បងស្រីមានភាពរីកចម្រើនបន្តិចម្តងៗ ជាហេតុធ្វើឱ្យគាត់បន្តប្រើប្រាស់កម្ចីចំនួន២វគ្គបន្តបន្ទាប់ទៀតដើម្បីពង្រីកអាជីវកម្មបន្ថែម និងទិញដីសម្រាប់សាងសង់ផ្ទះ។
ភាពជោគជ័យនៃអាជីវកម្មរបស់ បងស្រី លាងហ៊ី ដែលបានរៀបរាប់ខាងលើ បានបង្ហាញឱ្យឃើញយ៉ាងច្បាស់ពីផលវិជ្ជមានក្នុងការប្រើប្រាស់កម្ចីចំគោលដៅប្រកបដោយភាពឈ្លាសវៃ និងទំនួលខុសត្រូវ។
បងស្រី លាងហ៊ី បានរៀបរាប់ទាំងទឹកមុខញញឹមថា “ខ្ញុំពិតជាសប្បាយចិត្តណាស់ដែលអាជីវកម្មរបស់ខ្ញុំរីកចម្រើន ហើយថែមទាំងមានលទ្ធភាពសាងសង់ផ្ទះថ្មីយ៉ាងស្រស់ស្អាតប្រកបដោយផាសុកភាពគួរជាទីរស់នៅ”។ ជាចុងក្រោយ បងស្រី បានបង្ហើបថា គាត់មានបំណងកបន្តពង្រីកអាជីវកម្មរបស់គាត់ឱ្យធំជាងនេះបន្ថែមទៀត និងចង់ទិញរថយន្តមួយគ្រឿងសម្រាប់ប្រើប្រាស់ក្នុងគ្រួសារនាពេលខាងមុខផងដែរ។
បងប្រុស ឯក សុវិម៉ុន អាជីវករជោគជ័យជាមួយប្រាក់កម្ចី អិលអូអិលស៊ី (LOLC)
ជាមួយនឹងបទពិសោធន៍ និងជំនាញក្នុងការប្រកបរបរជាជាងជួសជុលម៉ូតូ អស់រយៈពេលជាច្រើនឆ្នាំ បងប្រុស ឯក សុវិម៉ុន នៅតែជួបឧបសគ្គដោយសារកង្វះខាតដើមទុនបន្ថែមសម្រាប់ពង្រីកអាជីវកម្មរបស់គាត់ឱ្យកាន់តែល្អប្រសើរ។ យ៉ាងណាមិញ ដោយសារតែការយល់ដឹងច្បាស់ពីការប្រើប្រាស់ប្រាក់កម្ចី បងប្រុស បានសម្រេចស្នើកម្ចីពី អិលអូអិលស៊ី (LOLC) ដើម្បីគាំទ្រដល់ការវិវឌ្ឍន៍នៃអាជីវកម្មរបស់គាត់។
ប្រាក់កម្ចីដែល បងប្រុស យកទៅប្រើប្រាស់ពិតជាបានផ្តល់ជាប្រយោជន៍ដល់ដំណើររីកលូតលាស់នៃមុខរបររបស់គាត់ប្រាកដមែន ព្រោះគាត់បានទិញនូវគ្រឿងបន្លាស់ និងឧបករណ៍សម្រាប់ជួសជុលម៉ូតូបន្ថែមទៀត ដើម្បីបង្កើនសេវាកម្មជួសជុលជូនភ្ញៀវឱ្យកាន់តែប្រសើរឡើង។ ទន្ទឹមនឹងនោះ បងប្រុស ក៏មានចក្ខុវិស័យវែងឆ្ងាយ ដោយបានប្រើកម្ចីមួយផ្នែកសម្រាប់ទិញដីមួយកន្លែង ទុកក្រែងមានឱកាសលក់យកចំណេញផងដែរ។
តាមរយៈការរៀបរាប់របស់ បងប្រុស ដោយទឹកមុខរីករាយ បានបញ្ជាក់យ៉ាងច្បាស់ថា គាត់ពេញចិត្តលើផលិតផល និងសេវាកម្មរបស់ អិលអូអិលស៊ី (LOLC)។ គាត់បានសន្មតថា គាត់ពិតជាមានសមត្ថភាពក្នុងការលើកកម្ពស់មុខរបររបស់គាត់ឱ្យធំធាត់ជាងមុន តាមរយៈការកើនឡើងនៃប្រាក់ចំណូលប្រចាំខែរបស់គាត់ និងដោយទទួលបានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ផងដែរ។
ជាមួយការគ្រប់គ្រងហិរញ្ញវត្ថុប្រកបដោយភាពច្បាស់លាស់ និងការប្រើប្រាស់ប្រាក់កម្ចីរបស់ អិលអូអិលស៊ី (LOLC) បានត្រឹមត្រូវ ធ្វើឱ្យបងប្រុសអាចសម្រេចបាននូវគោលដៅអាជីវកម្មរបស់គាត់ និងប្រែក្លាយមុខរបររបស់គាត់ឱ្យកាន់តែរីកចម្រើនខ្លាំងឡើងលើសពីការរំពឹងទុក។
បងស្រី រស់ សុគុណ គឺជាអាជីវករឆ្លាតវៃម្នាក់នៅភូមិសសរស្តម្ភ ឃុំសសរស្តម្ភ ស្រុកពួក ខេត្តសៀមរាប
គាត់ជាអាជីវករគំរូរដែលបានបង្ហាញឱ្យឃើញថា គ្រប់បញ្ហាហិរញ្ញវត្ថុសុទ្ធសឹងតែមានដំណោះស្រាយ តាមរយៈការសម្រេចចិត្តត្រឹមត្រូវ និងការជ្រើសរើសដៃគូរហិរញ្ញវត្ថុដែលរឹងមាំ។
បងស្រី រស់ សុគុណ មានជំនាញក្នុងការទិញ-លក់រូបិយប័ណ្ណផ្សេងៗ និងគ្រឿងអលង្ការកាឡៃ ក៏ប៉ុន្តែបងស្រីនៅតែជួបឧបសគ្គផ្នែកហិរញ្ញវត្ថុ ដែលបានរារាំងដល់ការរីកចម្រើននៃអាជីវកម្មរបស់គាត។ ក្នុងអំឡុងពេលនោះដែរ គាត់បានស្វែងរកដំណោះស្រាយ ដែលជាជំនួយផ្នែកហិរញ្ញវត្ថុពី អិលអូលអិលស៊ី (LOLC) និងបានស្នើកម្ចីរហូតដល់៨វគ្គ។ ជាមួយនឹងការសម្រេចចិត្តប្រកបដោយភាពវៃឆ្លាត គាត់បានប្រើប្រាស់កម្ចីទាំងនោះក្នុងការពង្រីកអាជីវកម្ម និងបានទិញដីជាច្រើនកន្លែងសម្រាប់ជាទ្រព្យ និងទុកសម្រាប់លក់ទៅវិញ។
អាជីវកម្មរបស់បងស្រីបានរីកចម្រើនលើសពីការរំពឹងទុកបន្ទាប់ពីទទួលបានដើមទុនបន្ថែមយកមកទំនុកបម្រុងក្នុងមុខរបរមួយនេះ និងស្របជាមួយការខិតខំប្រឹងប្រែងឥតឈប់ឈររបស់បងស្រី កាន់តែធ្វើឱ្យគាត់អាចរកប្រាក់ចំណេញបានច្រើនជាងពីមុនគួរឱ្យកត់សម្គាល់។ ភាពឆ្លាតវៃក្នុងការប្រើប្រាស់ដើមទុន និងគ្រប់គ្រងប្រាក់កម្ចីបានត្រឹមត្រូវ មិនត្រឹមតែធ្វើឱ្យបងស្រីរីកចម្រើនទៅលើអាជីវកម្មតែមួយមុខទេ ថែមទាំងអនុញ្ញាតឱ្យគាត់មានលទ្ធភាពធ្វើការជួសជុលផ្ទះបានយ៉ាងល្អប្រសើរ និងមានផាសុកភាពជាងមុនផងដែរ។
បងស្រីបានបង្ហាញចំណាប់អារម្មណ៍ដោយការដឹងគុណថា «ខ្ញុំរីករាយក្នុងការប្រើប្រាស់ប្រាក់កម្ចីពី អិលអូអិលស៊ី (LOLC) ព្រោះវាបានផ្តល់លទ្ធភាពដល់ខ្ញុំក្នុងការពង្រីកអាជីវកម្ម និងធានាបាននូវដើមទុនគ្រប់គ្រាន់ក្នុងអាជីវកម្មនេះ»។ បទពិសោធន៍ប្រើប្រាស់កម្ចីរបស់បងស្រីគឺជាសក្ខីភាពមួយចំពោះឥទ្ធិពលនៃការគាំទ្ររបស់ អិលអូអិលស៊ី (LOLC) ដែលបានជួយម្ចាស់អាជីវកម្មឱ្យទទួលបានភាពរីកចម្រើនតាមគោលដៅដែលបានរំពឹងទុកយ៉ាងពិតប្រាកដ។
បងស្រី ពុំ ស្រស់ ចែករំលែកបទពិសោធន៍គ្រប់គ្រង និងពង្រីកអាជីវកម្មពីរឱ្យដំណើរការដោយរលូន
ខណៈពេលកំពុងពិនិត្យបញ្ជីលក់ដូរជាមួយស្វាមី បងស្រី ពុំ ស្រស់ ដែលជាអាជីវករលក់ដូរ និងជាអ្នកបោកអ៊ុតសម្លៀកបំពាក់ក្នុងខេត្តសៀមរាប បានចែករំលែកបណ្តើរនូវបទពិសោធន៍សំខាន់ៗមួយចំនួនពីដំណើររីកចម្រើននៃអាជីវកម្មរបស់គាត់មកកាន់ក្រុមការងារ អិលអូអិលស៊ី ឱ្យបានដឹងថា ដំបូងឡើយគាត់លក់គ្រឿងទេសតិចតួចប៉ុណ្ណោះ។
ក្រោយមកបងស្រីមានបំណងពង្រីកការលក់ដូរ ដើម្បីបំពេញតម្រូវការអតិថិជន និងបង្កើនចំណូលបន្ថែមទៀត ទើបសម្រេចចិត្តស្នើប្រាក់ម្ចីពី អិលអូអិលស៊ី (LOLC)។
បងស្រីបានលើកឡើងជាមួយនឹងទំនុកចិត្តថា ដើមទុនបានពីកម្ចីរបស់ អិលអូអិលស៊ី (LOLC) មានឥទ្ធិពលយ៉ាងសំខាន់លើការរីកចម្រើននៃអាជីវកម្មរបស់គាត់។ បងស្រីបានបង្ហើបទៀតថាគាត់បានប្រើកម្ចីដល់ទៅបីវគ្គដើម្បីពង្រីកតូប និងពង្រីកការលក់ដូររបស់គាត់ដោយទិញរបស់របរជាច្រើនបន្ថែមដើម្បីលក់បោះដុំទៅកាន់អ្នកលក់តូចៗ និងមធ្យមនៅក្នុងសហគមន៍ និងទិញម៉ាស៊ីនបោកគក់សម្រាប់មុខរបរបោកអ៊ុតសម្លៀកបំពាក់ថ្មីមួយទៀត។
ការពង្រីកខ្លួនលើមុខរបរមួយនេះធ្វើឱ្យបងស្រីមានអតិថិជនជាប្រចាំច្រើនជាងមុនទាំងអ្នកទិញដុំ និងរាយដែលធ្វើឱ្យប្រាក់ចំណូលរបស់គាត់បានកើនឡើងយ៉ាងខ្លាំង។ ការសម្រេចចិត្តត្រឹមត្រូវលើផ្នែកហិរញ្ញវត្ថុនេះបានផ្តល់ឱ្យបងស្រី នូវដើមទុនកាន់តែច្រើនដើម្បីបង្វិលក្នុងអាជីវកម្ម ដែលជួយបង្កើនប្រាក់ចំណូលកាន់តែច្រើនសម្រាប់ឱ្យបងស្រីផ្គត់ផ្គង់គ្រួសាររបស់គាត់បានកាន់តែប្រសើរឡើង។
គួរយកគំរូតាម! បងប្រុស សុខ ទីណា ប្រឹងប្រែងពង្រឹងចំណេះជំនាញជាច្រើនឆ្នាំរហូតដល់មានបទពិសោធន៍គ្រប់គ្រាន់ចាប់ផ្តើមអាជីវកម្មផ្ទាល់ខ្លួន និងស្វែងរកដៃគូហិរញ្ញវត្ថុដ៏រឹងមាំជាជំនួយដើម្បីពង្រីកអាជីវកម្មបង្កើនប្រាក់ចំណូល
បងប្រុស សុខ ទីណា គឺជាជាងជួសជុលរថយន្តនៅភូមិរំចេក១ ឃុំរតនៈ ក្រុងបាត់ដំបង ខេត្តបាត់ដំបង។ គាត់ប្រកបរបរនេះអស់រយៈពេល៣ឆ្នាំមកហើយដោយបានចាប់យកអាជីពនេះដំបូងជាកូនជាងនៅយានដ្ឋានមួយកន្លែង។ តាមរយៈបទពិសោធន៍ជាច្រើនឆ្នាំ បងប្រុសបានប្រឹងប្រែងពង្រឹងចំណេះជំនាញរបស់ខ្លួនលើមុខរបរមួយនេះរហូតដល់រឹងមាំទើបសម្រេចចិត្តបើកយានដ្ឋានជួសជុសរថយន្តផ្ទាល់ខ្លួនជាមួយនឹងដើមទុនមួយចំនួនដែលខ្លួនមាន។
ទោះបីជាបងប្រុសបានចាប់ផ្តើមអាជីវកម្មផ្ទាល់ខ្លួនពិតមែន ប៉ុន្តែក្តីស្រមៃរបស់បងប្រុសមិនឈប់ត្រឹមនេះទេ បងប្រុសមានបំណងចង់ពង្រីកមុខរបរមួយនេះឱ្យធំជាងសព្វថ្ងៃបន្ថែមទៀត ដើម្បីទាក់ទាញអតិថិជន និងបង្កើនចំណូលបន្ថែម។ បងប្រុសក៏បានជ្រើសរើស អិលអូអិលស៊ី (LOLC) ជាដៃគូរហិរញ្ញវត្ថុ ដើម្បីធ្វើជាដើមទុនបន្ថែម ក្នុងការពង្រីករបរនេះ ដោយបានសើ្នកម្ចីចំនួន៣វគ្គជាប់ៗគ្នា តាំងពីឆ្នាំ២០១៩ រហូតដល់បច្ចុប្បន្ន។
បងប្រុស បានរៀបរាប់បទពិសោធន៍ក្នុងការប្រើប្រាស់កម្ចីពង្រីកអាជីវកម្មរបស់ខ្លួន ទាំងទឹកមុខសប្បាយរីករាយ និងបានបញ្ជាក់ថា ប្រាក់កម្ចីរបស់ អិលអូអិលស៊ី (LOLC) ពិតបានចូលរួមចំណែកក្នុងដំណើរការពង្រីកអាជីវកម្មរបស់គាត់បានរីកចម្រើន ដែលអាចឱ្យបងប្រុសបង្កើនប្រាក់ចំណូលប្រចាំថ្ងៃបានច្រើន ព្រមទាំងអាចផ្គត់ផ្គង់ជីវភាពគ្រួសារយ៉ាងល្អប្រសើរ។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
