-
អិលអូអិលស៊ី (LOLC) មានបំណងដ៏មុតមាំក្នុងការលើកកម្ពស់ការយល់ដឹងរបស់អតិថិជន និងសាធារណជន ដោយផ្តល់ចំណេះដឹងអំពីហិរញ្ញវត្ថុសំខាន់ៗ
គោលបំណងនៃវគ្គបណ្តុះបណ្តាល គឺផ្តល់ការណែនាំយ៉ាងច្បាស់អំពីវិធីសាស្រ្តគ្រប់គ្រងហិរញ្ញវត្ថុប្រកបដោយប្រសិទ្ធភាព និងអាចធ្វើការសម្រេចចិត្តដោយត្រឹមត្រូវ។ ចន្លោះថ្ងៃទី១៧ ដល់ថ្ងៃទី២១ ខែកុម្ភៈ ឆ្នាំ ២០២៥ អិលអូអិលស៊ី (LOLC) បានរៀបចំវគ្គបណ្តុះបណ្តាលស្តីពីការគ្រប់គ្រងកម្ចី សម្រាប់អតិថិជន និងអ្នកភូមិផ្សេងទៀតនៅក្នុងសហគមន៍ ដែលសរុបអ្នកចូលរួមទាំងអស់មានចំនួន ២៣៧ នាក់ ក្នុងនោះមានស្ត្រី ១៨១នាក់។ វគ្គបណ្តុះបណ្តាលនេះ ត្រូវបានរៀបចំនៅតាមទីតាំងផ្សេងៗ ដែលបានរៀបរាប់ដូចខាងក្រោម៖ ១. ភូមិព្រៃឈើទាល ឃុំអង្គតាសូ ស្រុកស្វាយជ្រំ ខេត្តស្វាយរៀង ២. ភូមិធ្លក ឃុំក្រោលគោ ស្រុកស្វាយជ្រំ ខេត្តស្វាយរៀង ៣. ភូមិអូរស្រងាំ ឃុំដូនស ស្រុកស្វាយជ្រំ ខេត្តស្វាយរៀង ៤. ភូមិព្រៃញ៉យ ឃុំក្រោលគោ ស្រុកស្វាយជ្រំ ខេត្តស្វាយរៀង ៥. ភូមិស្វាយព្រហួត ឃុំគោកព្រីង ស្រុកស្វាយជ្រំ ខេត្តស្វាយរៀង ៦. ភូមិព្រៃសម្ភ័រ ឃុំសំបូរ ស្រុកស្វាយទាប ខេត្តស្វាយរៀង ៧. ភូមិកក់ ឃុំស្វាយរំពារ ស្រុកស្វាយទាប ខេត្តស្វាយរៀង ៨. ភូមិអង្គសាលា ឃុំចំបក់ ស្រុកស្វាយជ្រំ ខេត្តស្វាយរៀង ៩. ភូមិឈើភ្លើង ឃុំកំពង់ត្រាច ស្រុករមាសហែក ខេត្តស្វាយរៀង ១០. ភូមិតាតែ ឃុំកំពង់អំពិល ស្រុករំដួល ខេត្តស្វាយរៀង ១១. ភូមិត្រពាំងគ្រួស ឃុំជ្រុងពពេល ស្រុករំដួល ខេត្តស្វាយរៀង ១២. ភូមិជួរថ្នល់ ឃុំជាច ស្រុកកំចាយមារ ខេត្តព្រៃវែង ១៣. ភូមិត្រពាំងរមាស ឃុំជាច ស្រុកកំចាយមារ ខេត្តព្រៃវែង ១៤. ភូមិតាណែង ឃុំសង្កែ ស្រុករំដួល ខេត្តស្វាយរៀង ១៥. ភូមិត្រពាំងរុន ឃុំសង្កែ ស្រុករំដួល ខេត្តស្វាយរៀង -
អិលអូអិលស៊ី មានភាពរីករាយយ៉ាងក្រៃលែងដែលបានចូលរួមសហការជាមួយ BNI CREATOR ក្នុងការរៀបចំកម្មវិធីសប្បុរសធម៌មួយ
អិលអូអិលស៊ី មានភាពរីករាយយ៉ាងក្រៃលែងដែលបានចូលរួមសហការជាមួយ BNI CREATOR ក្នុងការរៀបចំកម្មវិធីសប្បុរសធម៌មួយ ដោយបានចែកជូនសម្ភារៈមួយចំនួនដូចជា កាតាប សៀវភៅ មួកក្រណាត់ ប្រតិទិន និងឆ័ត្រជាដើម ដល់សិស្សានុសិស្សសរុបចំនួន ១០០នាក់ ដែលរស់នៅក្នុងតំបន់សហគមន៍អេកូទេសចរណ៌ធម្មជាតិចំបក់ ដែលមានទីតាំងស្ថិតនៅ ភូមិចំបក់ដង្គុំ ឃុំចំបក់ ស្រុកភ្នំស្រួច ខេត្តកំពង់ស្ពឺ កាលពីថ្ងៃទី១៥ និង១៦ ខែកុម្ភៈ ឆ្នាំ២០២៥ ក្នុងគោលបំណងជំរុញទឹកចិត្តឱ្យប្អូនៗតស៊ូ និងតាំងចិត្តក្នុងការបន្តការសិក្សាបានខ្ពង់ខ្ពស់ដើម្បីអនាគតខ្លួនឯង គ្រួសារ និងសង្គមជាតិទាំងមូលផងដែរ។ -
បរិច្ចាកឈាម សង្គ្រោះជីវិតជាមួយ អិលអូអិលស៊ី!
នៅថ្ងៃទី៧ ខែមីនា ឆ្នាំ២០២៥ បុគ្គលិក អិលអូអិលស៊ី បានចូលរួមបរិច្ចាកឈាម ដើម្បីចែករំលែកសេចក្តីស្រលាញ់ និងរួមចំណែកក្នុងការជួយសង្គ្រោះជីវិត ក្រោមប្រធានបទ ”បរិច្ចាគឈាម សង្គ្រោះជីវិត” ដែលរៀបចំដោយសមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា សហការជាមួយមជ្ឈមណ្ឌលជាតិផ្តល់ឈាម នៅវិទ្យាស្ថានសិក្សាបច្ចេកទេសធនាគារ។ អិលអូអិលស៊ី សង្ឃឹមថាការចូលរួមចំណែកមួយនេះនឹងអាចជួយសង្គ្រោះជីវិតអ្នកជំងឺ ជាពិសេសសម្រាប់អ្នកដែលកំពុងមានតម្រូវការ ក៏ដូចជាផ្តល់នូវគំរូដ៏ល្អមួយក្នុងសកម្មភាពមនុស្សធម៌ និងរួមចំណែកជួយដល់សង្គមជាតិទាំងមូល។ -
អិលអូអិលស៊ី (LOLC) យកចិត្តទុកដាក់ខ្ពស់ក្នុងការលើកកម្ពស់ការយល់ដឹងរបស់អតិថិជន និងសាធារណៈជនអំពីការអប់រំចំណេះដឹងហិរញ្ញវត្ថុ
ដោយមានគោលដៅច្បាស់លាស់ក្នុងការលើកស្ទួយការយល់ដឹងនេះ អិលអូអិលស៊ី (LOLC) បានពាំនាំនូវមេរៀនដ៏មានអត្ថប្រយោជន៍មួយដើម្បីផ្តល់វគ្គបណ្តុះបណ្តាលដល់អតិថិជន និងអ្នកភូមិតាមបណ្តាខេត្តនានាឱ្យទទួលបានការយល់ដឹងស្តីពី ការគ្រប់គ្រងកម្ចី។ វគ្គបណ្តុះបណ្តាលនេះ ធ្វើឡើងនៅថ្ងៃទី៣ ដល់ថ្ងៃទី៧ ខែកុម្ភៈ ឆ្នាំ២០២៥ ដោយមានអតិថិជន និងអ្នកភូមិផ្សេងទៀតនៅក្នុងសហគមន៍បានចូលរួមសរុបចំនួន ២៥៧នាក់ ដែលក្នុងនោះមានស្ត្រី ១៨៦នាក់ ដែលធ្វើឡើងតាមភូមិមួយចំនួនដូចបង្ហាញខាងក្រោម៖ ១. ភូមិគៀនឃ្លាំង ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ២. ភូមិបែកចាន ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ៣. ភូមិខ្លាគ្រហឹម ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ៤. ភូមិក្រាំងបេង ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ៥. ភូមិសុខសែនជ័យ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ៦. ភូមិស្វាយចេក ឃុំចោងម៉ោង ស្រុកទឹកផុស ខេត្តកំពង់ឆ្នាំង ៧. ភូមិស្រែព្រិច ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង ៨. ភូមិស្ទឹង ឃុំពានី ស្រុកកំពង់ត្រឡាច ខេត្តកំពង់ឆ្នាំង ៩. ភូមិត្រាំជើង ឃុំស្រម៉ ស្រុកជើងព្រៃ ខេត្តកំពង់ចាម ១០. ភូមិត្រាំកើត ឃុំស្រម៉ ស្រុកជើងព្រៃ ខេត្តកំពង់ចាម ១១. ភូមិស្អាង ឃុំត្រពាំងគគរ ស្រុកជើងព្រៃ ខេត្តកំពង់ចាម ១២. ភូមិត្រពាំងចក ឃុំសណ្តែក ស្រុកបាធាយ ខេត្តកំពង់ចាម ១៣. ភូមិប្រសាំ ឃុំទំនប់ ស្រុកបាធាយ ខេត្តកំពង់ចាម ១៤. ភូមិដូនប៉ែន ឃុំទំនប់ ស្រុកបាធាយ ខេត្តកំពង់ចាម -
សកម្មភាពខ្លះៗក្នុងព្រឹត្តិការណ៍សហគមន៍ដែលបានប្រារព្ធឡើងនៅថ្ងៃទី២២ ខែកុម្ភៈ ឆ្នាំ២០២៥ ដោយ អិលអូអិលស៊ី LOLC) សាខាខេត្តពោធិ៍សាត់
ព្រឹត្តិការណ៍នេះត្រូវបានរៀបចំឡើងដើម្បីចែកជូនសម្ភារសិក្សាដល់សិស្សានុសិស្សនៅសាលាបឋមសិក្សាត្រពាំងឃ្លៃ។ លើសពីនេះ សាខានេះក៏បានផ្តល់បង់អង្គុយ និងបានចាក់សាបបំពេញទីធ្លានៅមុខអគារសិក្សារបស់សាលាឱ្យបានស្អាតផងដែរ។ ទង្វើដ៏មានអត្ថន័យនេះ គឺជាផ្នែកដ៏សំខាន់នៃការចូលរួមរបស់ អិលអូអិលស៊ី (LOLC) ក្នុងការគាំទ្រការសិក្សារបស់សិស្សានុសិស្ស។ តាមការប្តេជ្ញាចិត្តរបស់ខ្លួន អិលអូអិលស៊ី (LOLC) តែងតែអនុវត្តសកម្មភាពដូចនេះជានិច្ច ដើម្បីលើកកម្ពស់វិស័យអប់រំក្នុងសហគមន៍ និងចូលរួមចំណែកក្នុងការបង្កើតធនធានមនុស្សជំនាន់ក្រោយដ៏មានតម្លៃ សម្រាប់អនាគតនៃប្រទេសជាតិ។ -
នៅថ្ងៃទី២២ ខែមីនា ឆ្នាំ២០២៥ អិលអូអិលស៊ី (LOLC) សាខាខេត្តព្រៃវែងពិតជាមានសេចក្តីរីករាយក្នុងការបរិច្ចាគបង់ថ្ម និងធុងសំរាមដល់វិទ្យាល័យ សម្ដេចតេជោរ ហ៊ុន សែន កំពង់លាវ
នៅថ្ងៃទី២២ ខែមីនា ឆ្នាំ២០២៥ អិលអូអិលស៊ី (LOLC) សាខាខេត្តព្រៃវែងពិតជាមានសេចក្តីរីករាយក្នុងការបរិច្ចាគបង់ថ្ម និងធុងសំរាមដល់វិទ្យាល័យ សម្ដេចតេជោរ ហ៊ុន សែន កំពង់លាវ ដែលមានទីតាំងស្ថិតនៅភូមិឯករាម សង្កាត់កំពង់លាវ ក្រុងព្រៃវែង ខេត្តព្រៃវែង។ កម្មវិធីនេះ មានបំណងសំខាន់ក្នុងការគាំទ្រដល់ការសិក្សារបស់សិស្សានុសិស្ស និងលើកកម្ពស់អនាម័យនៅក្នុងទីធ្លាសាលារៀន។ ព្រឹត្តិការណ៍នេះបានចូលរួមដោយនាយកសាខា បុគ្គលិកសាខា នាយកសាលា លោកគ្រូអ្នកគ្រូ និងសិស្សានុសិស្ស សរុបចំនួន២១០នាក់។ ក្នុងឱកាសនោះ លោកនាយកសាខា ខេត្តព្រៃវែង បានចូលរួមចែករំលែកសារដ៏មានអត្ថន័យមួយចំនួនដល់សិស្សានុសិស្ស ដើម្បីលើកទឹកចិត្តពួកគាត់ឱ្យខិតខំរៀនសូត្រដើម្បីមានចំណេះដឹងគ្រប់គ្រាន់សម្រាប់ដឹកនាំខ្លួនឯង គ្រួសារ និងចូលរួមអភិវឌ្ឍសង្គមជាតិរបស់យើង។ -
ក្រុមការងារនៃនាយកដ្ឋានគ្រប់គ្រងចីរភាពរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) បានផ្តល់វគ្គបណ្តុះបណ្តាលអំពីការអប់រំចំណេះដឹងហិរញ្ញវត្ថុស្តីពី ការគ្រប់គ្រងកម្ចី
ថ្ងៃទី២៤ ដល់ថ្ងៃទី២៨ ខែមីនា ឆ្នាំ២០២៥ ក្រុមការងារនៃនាយកដ្ឋានគ្រប់គ្រងចីរភាពរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) បានផ្តល់វគ្គបណ្តុះបណ្តាលអំពីការអប់រំចំណេះដឹងហិរញ្ញវត្ថុស្តីពី ការគ្រប់គ្រងកម្ចី ដល់អតិថិជន និងអ្នកភូមិផ្សេងទៀតនៅក្នុងសហគមន៍ ដោយមានអ្នកចូលរួមសរុបចំនួន ១៦៣នាក់ ដែលក្នុងនោះមានស្ត្រី ១១១នាក់។ វគ្គបណ្តុះបណ្តាលនេះធ្វើឡើងតាមភូមិមួយចំនួន៖ ១. ភូមិព្រៃពាយ ឃុំអង្គតាសោម ស្រុកត្រាំកក់ ខេត្តតាកែវ ២. ភូមិត្រពាំងវែង ឃុំផុង ស្រុកបរសេដ្ឋ ខេត្តកំពង់ស្ពឺ ៣. ភូមិព្រៃម្នោ ឃុំផុង ស្រុកបរសេដ្ឋ ខេត្តកំពង់ស្ពឺ ៤. ភូមិត្រពាំងខ្ចៅ ឃុំអូរសារាយ ស្រុកត្រាំកក់ ខេត្តតាកែវ ៥. ភូមិត្រពាំងក្រញូង ឃុំត្រពាំងក្រញូង ស្រុកត្រាំកក់ ខេត្តតាកែវ ៦. ភូមិអង្គតាង៉ិល ឃុំគុស ស្រុកត្រាំកក់ ខេត្តតាកែវ ៧. ភូមិតាលាក់ខាងត្បូង ឃុំគុស ស្រុកត្រាំកក់ ខេត្តតាកែវ ៨. ភូមិទួលខ្លុង ឃុំអូរសារាយ ស្រុកត្រាំកក់ ខេត្តតាកែវ នៅក្នុងវគ្គបណ្តុះបណ្តាលនីមួយៗ អ្នកចូលរួមមានភាពសកម្មដោយបានចូលរួមធ្វើការសាកល្បងយ៉ាងយកចិត្តទុកដាក់ ព្រមទាំងចូលរួមសួរសំណួរ និងឆ្លើយប្រកបដោយការត្រិះរិះពិចារណា។ សកម្មភាពនេះ បង្ហាញឱ្យឃើញថា ខ្លឹមសារនៃមេរៀនពិតជាមានតម្លៃសម្រាប់ពួកគាត់ ព្រោះចំណេះដឹងក្នុងការបណ្តុះបណ្តាលនេះអាចឱ្យពួកគាត់អាចគ្រប់គ្រងកម្ចីបានត្រឹមត្រូវ ដោយអាចចេះថ្លឹងថ្លែងពីលទ្ធភាពក្នុងការទទួលយកកម្ចី និងប្រការគួរចៀសវាងមួយចំនួនដើម្បីកុំឱ្យធ្លាក់ខ្លួនជាប់បំណុលលើសលុប។ -
គ្រឹះស្ថានមីក្រូហិរញ្ញវត្ថុ អិលអូអិលស៊ី បានប្រគល់ជូននូវ ស្ទីគឃ័រ App NoDrug ចំនួន ១.២០០សន្លឹក ដល់អាជ្ញាធរជាតិប្រយុទ្ធប្រឆាំងគ្រឿងញៀន
រាជធានីភ្នំពេញ ថ្ងៃទី០៨ ខែមេសា ឆ្នាំ២០២៥៖ គ្រឹះស្ថានមីក្រូហិរញ្ញវត្ថុ អិលអូអិលស៊ី បានប្រគល់ជូននូវ ស្ទីគឃ័រ App NoDrug ចំនួន ១.២០០សន្លឹក ដល់អាជ្ញាធរជាតិប្រយុទ្ធប្រឆាំងគ្រឿងញៀន នៅការិយាល័យកណ្ដាលអិលអូអិលស៊ី សម្រាប់ផ្សព្វផ្សាយក្នុងឱកាសបុណ្យចូលឆ្នាំខ្មែរខាងមុខនេះ។ ពិធីប្រគល់ទទួលនេះ មានវត្តមានចូលរួមដ៏ខ្ពង់ខ្ពស់ពី ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈនៃអាជ្ញាធរជាតិប្រយុទ្ធប្រឆាំងគ្រឿងញៀន និងលោក សុខ វឿន ប្រធាននាយកប្រតិបត្ដិគ្រឹះស្ថានមីក្រូហិរញ្ញវត្ថុ អិលអូអិលស៊ី។ ស្ទីគឃ័រនេះនឹងបិទនៅលើរថយន្តក្រុងរបស់រដ្ឋបាលរាជធានីភ្នំពេញ ដើម្បីជួយជំរុញ និងលើកកម្ពស់ឱ្យប្រជាពលរដ្ឋធ្វើការទាញយក App NoDrug តាមរយៈការស្គែន QR Code ដែលមានលើស្ទីគឃ័រមកប្រើប្រាស់ដើម្បីទទួលបានចំណេះដឹង និងរាយការណ៍រាល់ករណីគ្រឿងញៀននៅមូលដ្ឋានដោយទទួលបានការដោះស្រាយយ៉ាងមានប្រសិទ្ធភាព ក៏ដូចជាបានសហការជាមួយគណៈកម្មាធិការត្រួតពិនិត្យគ្រឿងញៀនខេត្តសៀមរាប ក្រសួងទេសចរណ៍ សហភាពសហព័ន្ធយុវជនកម្ពុជា និងវិស័យឯកជន ដើម្បីផ្សព្វផ្សាយក្នុងតាំងពិព័រណ៍នៅព្រឹត្តិការណ៍អង្គរសង្ក្រាន្ត និងការតាំងពិព័រណ៌នៅមាត់ស្ទឹងសៀមរាប ក្នុងឱកាសបុណ្យចូលឆ្នាំថ្មីឆ្នាំម្សាញ់ សប្តស័ក ព.ស.២៥៦៩ ខាងមុខនេះ។ -
អិលអូអិលស៊ី ចូលរួមចំណែកយ៉ាងសកម្មដើម្បីលើកកម្ពស់វិស័យអប់រំ និងគាំទ្រការអភិវឌ្ឍរបស់សហគមន៍នៅកម្ពុជា!
នៅថ្ងៃទី១៩ ខែមករា ឆ្នាំ២០២៥ ក្នុងនាមជាគ្រឹះស្ថានមីក្រូហិរញ្ញវត្ថុឈានមុខគេក្នុងប្រទេសកម្ពុជា អិលអូអិលស៊ី បានបន្តខិតខំប្រឹងប្រែងសកម្មភាពមនុស្សធម៌ដោយបាននាំយកនូវសម្ភារសិក្សាមួយចំនួនដូចជា កាតាប និងសៀវភៅសរុបចំនួន ៨២ឈុតបន្ថែមទៀត សម្រាប់ចែកជូនដល់ប្អូនៗសិស្សានុសិស្សសរុបចំនួន ៨២នាក់ នៅសាលាបឋមសិក្សាសែនសុខ ស្ថិតនៅភូមិទួលពោធិ៍ ឃុំសំឡូត ស្រុកសំឡូត ខេត្តបាត់ដំបង។ ការចែកជូននេះ មានការចូលរួមពីលោកប្រធាននាយកសាខា និងក្រុមការងារ អិលអូអិលស៊ី សាខាស្រុកសំឡូត ព្រមទាំងលោកនាយកសាលា លោកគ្រូ អ្នកគ្រូ អាជ្ញាធរដែនដី និងអាណាព្យាបាលសិស្ស ក្នុងគោលបំណងឧបត្ថម្ភជាសម្ភារសិក្សាទៅដល់ប្អូនៗសិស្សានុសិស្សស្ថិតក្នុងតំបន់ដាច់ស្រយាល ដើម្បីជួយសម្រាលបន្ទុកចំណាយបន្ថែមលើសម្ភារសិក្សាចាំបាច់។ សង្ឃឹមថាសម្ភារសិក្សាទាំងនេះនឹងជំរុញទឹកចិត្តប្អូនៗសិស្សានុសិស្សឱ្យខិតខំប្រឹងប្រែងព្យាយាមរៀនសូត្រ និងជាទំពាំងល្អទៅថ្ងៃអនាគត ដើម្បីចូលរួមអភិវឌ្ឍគ្រួសារ សង្គម និងប្រទេសជាតិយើងទាំងអស់គ្នា។ -
អិលអូអិលស៊ី (LOLC) សាខា អង្គរជុំ មានកិត្តិយសដោយបានរៀបចំព្រឹត្តិការណ៍សហគមន៍ដ៏មានសារៈសំខាន់មួយនៅសាលាបឋមសិក្សាគោកស្រុក
អិលអូអិលស៊ី (LOLC) សាខា អង្គរជុំ មានកិត្តិយសដោយបានរៀបចំព្រឹត្តិការណ៍សហគមន៍ដ៏មានសារៈសំខាន់មួយនៅសាលាបឋមសិក្សាគោកស្រុក ដែលស្ថិតនៅភូមិវ៉ាវិន ឃុំវ៉ារិន ស្រុកវ៉ារិន ខេត្តសៀមរាប។ សកម្មភាពសំខាន់ៗក្នុងព្រឹត្តិការណ៍នោះរួមមាន ការចាក់ដីបំពេញទីធ្លាសាលារៀនដើម្បីបង្កើតបរិយាកាសល្អប្រសើរ និងសុវត្ថិភាព ការចែកជូនសម្ភារៈសិក្សាចាំបាច់មួយចំនួនដើម្បីគាំទ្រការអប់រំប្អូនៗសិស្សានុសិស្ស និងការផ្តល់បង់អង្គុយដល់សាលា ដើម្បីលើកស្ទួយសោភ័ណភាពក្នុងសាលារៀនផងដែរ។ ព្រឹត្តិការណ៍នេះបានប្រព្រឹត្តិទៅនាព្រឹកថ្ងៃទី២៣ ខែវិច្ឆិកា ឆ្នាំ២០២៤ បានយ៉ាងជោគជ័យដោយបានការសហការប្រកបដោយសាមគ្គីភាពរបស់ក្រុមការងារ អិលអូអិលស៊ី (LOLC) និងការស្វាគមន៍យ៉ាងកក់ក្តៅពីលោកនាយក លោកគ្រូអ្នកគ្រូ និងប្អូនៗសិស្សានុសិស្ស។ តាមរយៈសកម្មភាពសង្គមនេះបានបង្ហាញពីការប្តេជ្ញារបស់ អិលអូអិលស៊ី (LOLC) ក្នុងការគាំទ្រវិស័យអប់រំក្នុងសហគមន៍ ដោយបានបង្កើតបរិយាកាសសិក្សាដែលប្រសើរជាងមុនសម្រាប់ប្អូនៗសិស្សានុសិស្ស។ -
អិលអូអិលស៊ី (LOLC) តែងតែសកម្មក្នុងការចូលរួមលើកកម្ពស់សង្គម និងបរិស្ថាន!
អិលអូអិលស៊ី (LOLC) តែងតែសកម្មក្នុងការចូលរួមលើកកម្ពស់សង្គម និងបរិស្ថាន! ក្នុងកម្មវិធីកាលពីថ្ងៃទី២៦ ខែតុលា ឆ្នាំ២០២៤ សាខាស្រុកកំពង់ត្រាច បានរៀបចំព្រឹត្តិការណ៍សហគមន៍មួយដែលមានគោលបំណងលើកកម្ពស់ការអប់រំ និងបរិស្ថាន។ កម្មវិធីនេះបានផ្តល់បង់អង្គុយ និងសម្ភារការិយាល័យដល់លោកគ្រូអ្នកគ្រូ ព្រមទាំងចែកសម្ភារសិក្សាដល់សិស្សានុសិស្សផងដែរ។ បុគ្គលិកសាខាស្រុកកំពង់ត្រាច ក៏បាននាំយកដើមឈើមួយចំនួន និងបានដាំក្នុងបរិវេណសាលារៀន ដើម្បីផ្តល់ជាម្លប់ និងបង្កើនបរិយាកាសឱ្យកាន់តែល្អប្រសើរសម្រាប់សិស្សានុសិស្ស នៅពេលដើមឈើទាំងនោះលូតលាស់ធំឡើង។ ព្រឹត្តិការណ៍សហគមន៍នេះ ធ្វើឡើងនៅសាលាបឋមសិក្សាកោះទ្រមូង ដែលមានទីតាំងស្ថិតនៅភូមិកោះទ្រមូង ឃុំបឹងសាលាខាងជើង ស្រុកកំពង់ត្រាច ខេត្តកំពត ដោយមានការចូលរួមពីសំណាក់ លោកមេភូមិ នាយកសាលា លោកគ្រូអ្នកគ្រូ បុគ្គលិក អិលអូអិលស៊ី និងសិស្សានុសិស្ស។ នេះអាចគូសបញ្ជាក់យ៉ាងច្បាស់ពីការចូលរួមរបស់ អិលអូអិលស៊ី (LOLC) ក្នុងការលើកស្ទួយសហគមន៍តាមរយៈសកម្មភាពទំនួលខុសត្រូវសង្គម (CSR)។ -
គ្រឹះស្ថានមីក្រូហិរញ្ញវត្ថុ អិលអូអិលស៊ី បានរៀបចំកម្មវិធីប្រគល់រង្វាន់កុំព្យូទ័រ ដល់សិស្សានុសិស្សទទួលបាននិទ្ទេស A...
រាជធានីភ្នំពេញ ព្រឹកថ្ងៃទី១០ ខែធ្នូ ឆ្នាំ២០២៤៖ គ្រឹះស្ថានមីក្រូហិរញ្ញវត្ថុ អិលអូអិលស៊ី បានរៀបចំកម្មវិធីប្រគល់រង្វាន់កុំព្យូទ័រ ដល់សិស្សានុសិស្សទទួលបាននិទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៤ សរុបចំនួន ៤៦ នាក់ដែលត្រូវជាបុត្រធីតារបស់អតិថិជនប្រើប្រាស់ផលិតផល និងសេវាកម្ម អិលអូអិលស៊ី។ កម្មវិធីនេះមានវត្តមានចូលរួមដ៏ខ្ពង់ខ្ពស់ពី លោកសុខ វឿន ប្រធាននាយកប្រតិបត្តិ អិលអូអិលស៊ី រួមទាំងគណៈគ្រប់គ្រងជាន់ខ្ពស់ជាច្រើនរូប និងមាតាបិតាអាណាព្យាបាលរបស់សិស្សានុសិស្ស ដែលបានញ៊ាំងឱ្យកម្មវិធីនាព្រឹកនេះបានប្រព្រឹត្តទៅយ៉ាងអធិកអធម។ កម្មវិធីដ៏ពិសេសនេះ រៀបចំឡើងដើម្បីកោតសរសើរចំពោះការខិតខំប្រឹងប្រែងរៀនសូត្ររបស់ប្អូនៗ ក៏ដូចជាផ្តល់ឱ្យប្អូនៗនូវសម្ភារសិក្សាចាំបាច់ក្នុងការបន្តការសិក្សារៀនសូត្រឱ្យស្របទៅនឹងបរិបទថ្មីតាមបែបឌីជីថល និងឱ្យប្អូនៗត្រៀមខ្លួនសម្រាប់ភាពជោគជ័យបន្តទៀតនៅថ្ងៃអនាគត។ គួរបញ្ជាក់ផងដែរថា អិលអូអិលស៊ី បានរៀបចំកម្មវិធីនេះឡើងក្នុងគោលបំណងថ្លែងអំណរគុណដល់អតិថិជនរបស់យើងចំពោះការជឿទុកចិត្ត និងប្រើប្រាស់នូវផលិតផល និងសេវាកម្មរបស់ អិលអូអិលស៊ី រួមទាំងអតិថិជនប្រាក់បញ្ញើ អតិថិជនកម្ចី និងអតិថិជនដែលប្រើប្រាស់សេវាកម្មឌីជីថលរបស់ អិលអូអិលស៊ី ហើយយើងក៏សូមចូលរួមត្រេកអរ និងអបអរសាទរដល់បងប្អូន អ៊ុំ ពូ មីង ដែលកូនៗរបស់ពួកគាត់ ជាកូនល្អ សិស្សល្អ និងបានខិតខំប្រឹងប្រែងរៀនសូត្ររហូតទទួលបានលទ្ធផលដ៏ល្អប្រសើរមួយនេះ។ -
ចំណេះដឹងផ្នែកហិរញ្ញវត្ថុពិតជាមានសារៈសំខាន់ណាស់សម្រាប់បុគ្គលគ្រប់រូប
ចំណេះដឹងផ្នែកហិរញ្ញវត្ថុពិតជាមានសារៈសំខាន់ណាស់សម្រាប់បុគ្គលគ្រប់រូប ព្រោះវាគឺជាបំណិនជីវិតមួយមិនអាចខ្វះបាននៅក្នុងជីវភាពប្រចាំថ្ងៃពាក់ព័ន្ធនឹងការសម្រេចចិត្តផ្នែកហិរញ្ញវត្ថុ។ ដើម្បីលើកកម្ពស់ការយល់ដឹងនូវចំណេះដឹងដ៏មានសារៈសំខាន់នេះ អិលអូអិលស៊ី (LOLC) បានទៅដល់តំបន់រស់នៅរបស់អតិថិជនក្នុងសហគមន៍ ដើម្បីផ្តល់វគ្គបណ្តុះបណ្តាលនូវមេរៀនដ៏មានអត្ថប្រយោជន៍ដោយផ្តោតចម្បងលើការគ្រប់គ្រងកម្ចី ដើម្បីឱ្យពួកគាត់បានយល់ដឹងពីការប្រើប្រាស់កម្ចីឱ្យបានត្រឹមត្រូវ និងប្រកបដោយទំនួលខុសត្រូវ ។ ជាក់ស្តែងណាស់ ពីថ្ងៃទី០២ ដល់ថ្ងៃទី០៦ ខែធ្នូ ឆ្នាំ២០២៤ ក្រុមការងារ អិលអូអិលស៊ី (LOLC) បានផ្តល់វគ្គបណ្តុះបណ្តាលបានសរុបចំនួន ១៤វគ្គ ដល់អតិថិជនរបស់ខ្លួន ដែលក្នុងនោះក៏មានការចូលរួមពីសំណាក់ប្រជាពលរដ្ឋទូទៅផងដែរ ដោយមានអ្នកចូលរួមសរុបចំនួន ២១៨នាក់ រួមទាំងមានស្រ្តីចំនួន ១៦៦នាក់។ វគ្គបណ្តុះបណ្តាលនេះបានធ្វើឡើងនៅតាមបណ្តាភូមិមួយចំនួនដូចរៀបរាប់ខាងក្រោមនេះ៖ ១. ភូមិទួលចាន់ ឃុំលើកដែក ស្រុកកោះធំ ខេត្តកណ្តាល ២. ភូមិព្រែកតាដុល ឃុំពោធិ៍បាន ស្រុកកោះធំ ខេត្តកណ្តាល ៣. ភូមិកំពង់គរ ឃុំពោធិ៍បាន ស្រុកកោះធំ ខេត្តកណ្តាល ៤. ភូមិទួលក្រាំង ឃុំក្រាំងយ៉ូវ ស្រុកស្អាង ខេត្តកណ្តាល ៥. ភូមិប៉ារែនលើ ឃុំស្វាយប្រទាល ស្រុកស្អាង ខេត្តកណ្តាល ៦. ភូមិព្រែក ឃុំត្រើយស្លា ស្រុកស្អាង ខេត្តកណ្តាល ៧. ភូមិព្រៃទទឹង ឃុំខ្ពប ស្រុកស្អាង ខេត្តកណ្តាល ៨. ភូមិថ្មី ឃុំឈើខ្មៅ ក្រុងសំពៅពូន ខេត្តកណ្តាល ៩. ភូមិព្រែកតាសេក ឃុំជ្រោយតាកែវ ក្រុងសំពៅពូន ខេត្តកណ្តាល ១០. ភូមិរកាក្រោម ឃុំខ្ពប ស្រុកស្អាង ខេត្តកណ្តាល ១១. ភូមិព្រែកតាកេរ ឃុំកោះធំ "ខ" ស្រុកកោះធំ ខេត្តកណ្តាល ១២. ភូមិឡក្បឿង ឃុំព្រែកស្តី ក្រុងសំពៅពូន ខេត្តកណ្តាល ១៣. ភូមិព្រែកខ្នាច ឃុំលើកដែក ស្រុកកោះធំ ខេត្តកណ្តាល ១៤. ភូមិវាលត្រែង ឃុំតាលន់ ស្រុកស្អាង ខេត្តកណ្តាល -
អិលអូអិលស៊ី មានមោទនភាព និងភាពរីករាយយ៉ាងក្រៃលែងក្នុងការចូលរួមលើកកម្ពស់វិស័យអប់រំតាមរយៈការផ្តល់ជូនសម្ភារសិក្សា
នៅថ្ងៃទី២៥ ខែធ្នូ ឆ្នាំ២០២៤ អិលអូអិលស៊ី មានមោទនភាព និងភាពរីករាយយ៉ាងក្រៃលែងក្នុងការចូលរួមលើកកម្ពស់វិស័យអប់រំតាមរយៈការផ្តល់ជូនសម្ភារសិក្សាដូចជា កាតាបសរុបចំនួន ៣.៤០០ និងសៀវភៅសរុបចំនួន ៣៤.០០០ក្បាល ដល់ប្អូនៗសិស្សានុសិស្សសរុបចំនួន ៣.៤០០នាក់ នៅសាលារៀនចំនួន ២០ ក្នុងខេត្តរតនគិរីរួមមាន៖ ១.សាលាបឋមសិក្សាឡុំ ២.សាលាបឋមសិក្សាប៉ក់តូច ៣.សាលាបឋមសិក្សាប៉ក់ធំ ៤.សាលាបឋមសិក្សាកាតែ ៥.សាលាបឋមសិក្សាគងយុគ ៦.សាលាបឋមសិក្សាពាក់ ៧.សាលាបឋមសិក្សាគងធំ ៨.សាលាបឋមសិក្សាឡុំកម ៩.សាលាបឋមសិក្សាសោមគល់ ១០.សាលាបឋមសិក្សាក្រេះ ១១.សាលាបឋមសម្តេចឪម៉ែយាក់ប៉ូយ ១២.សាលាបឋមសិក្សាសោមត្រកថ្មី ១៣.សាលាបឋមសិក្សាប៉ាដល ១៤.សាលាបឋមសិក្សាសោមធំ(សោមកានីញ) ១៥.សាលាបឋមសិក្សាប៉ក់ប៉ូ ១៦.សាលារៀនបឋមសិក្សាឯកភាព ១៧.សាលាបឋមសិក្សាក្រឡា ១៨.សាលាបឋមសិក្សាតងណងឡិៈ ១៩.សាលាបឋមសិក្សាកាំ ២០.សាលាបឋមសិក្សាល្អឺនក្រែន។ កម្មវិធីត្រូវបានរៀបចំឡើងដោយ អិលអូអិលស៊ី និងមានការចូលរួមពីលោក សុខ វឿន ប្រធាននាយកប្រតិបត្តិ រួមទាំងគណៈគ្រប់គ្រងជាន់ខ្ពស់ និងក្រុមការងារ អិលអូអិលស៊ី ជាច្រើនរូប។ អិលអូអិលស៊ី រៀបចំកម្មវិធីនេះឡើងក្នុងគោលបំណងឧបត្ថម្ភជាសម្ភារសិក្សាចាំបាច់បន្ថែមដល់ប្អូនៗសិស្សានុសិស្ស និងជម្រុញទឹកចិត្តពួកគាត់ឱ្យខិតខំប្រឹងប្រែងរៀនសូត្របន្តទៀត ដើម្បីបានសម្រេចក្តីស្រមៃនាពេលអនាគត។ យើងសង្ឃឹមថាប្អូនៗនឹងប្រើប្រាស់សម្ភារសិក្សានេះក្នុងការរៀនសូត្រដើម្បីអនាគតខ្លួនឯង ក្រុមគ្រួសារ និងក្លាយខ្លួនជាសរសរទ្រូងដ៏រឹងមាំដើម្បីរួមចំណែកអភិវឌ្ឍប្រទេសជាតិយើង។ ព្រឹត្តិការណ៍មួយនេះបានបញ្ចប់ទៅដោយរលូនជាមួយទឹកមុខប្រកបដោយស្នាមញញឹមសប្បាយរីករាយរបស់សិស្សានុសិស្ស លោកគ្រូ អ្នកគ្រូ ក្រុមការងារ អិលអូអិលស៊ី និងប្រជាពលរដ្ឋក្នុងសហគមន៍ទាំងមូល។ គួរបញ្ជាក់ផងដែរថា អិលអូអិលស៊ី នឹងនៅតែបន្តសកម្មភាពមនុស្សធម៌នេះជាបន្តបន្ទាប់ ដោយយើងបានត្រៀមសម្ភារសិក្សាដូចជាកាតាប និងសៀវភៅជាង ៧.០០០ ឈុតបន្ថែមទៀតសម្រាប់ចែកជូនសិស្សានុសិស្ស ជាពិសេសក្នុងតំបន់ដាច់ស្រយាល ឆាប់ៗខាងមុខនេះ។ -
ក្រុមការងារផ្នែកគ្រប់គ្រងចីរភាព នៃគ្រឹះស្ថានមីក្រូហិរញ្ញវត្ថុ អិលអូលអិលស៊ី (ខេមបូឌា) សម្រេចបាននូវការផ្តល់វគ្គបណ្តុះបណ្តាលស្តីពីចំណេះដឹងហិរញ្ញវត្ថុដល់អតិថិជន និងអ្នកចូលរួមផ្សេងទៀតនៅក្នុងសហគមន៍បានសរុបចំនួន៣១៨វគ្
សម្រាប់ឆ្នាំ២០២៤នេះ ក្រុមការងារផ្នែកគ្រប់គ្រងចីរភាព នៃគ្រឹះស្ថានមីក្រូហិរញ្ញវត្ថុ អិលអូលអិលស៊ី (ខេមបូឌា) សម្រេចបាននូវការផ្តល់វគ្គបណ្តុះបណ្តាលស្តីពីចំណេះដឹងហិរញ្ញវត្ថុដល់អតិថិជន និងអ្នកចូលរួមផ្សេងទៀតនៅក្នុងសហគមន៍បានសរុបចំនួន៣១៨វគ្គ ដែលមានអ្នកចូលរួមសរុបចំនួន ៦.២៦៤នាក់ ក្នុងនោះមានស្ត្រីចូលរួមចំនួន ៤.៦២៥នាក់។ វគ្គបណ្តុះបណ្តាលនេះ ធ្វើឡើងនៅតាមបណ្តាភូមិឃុំនានាក្នុងសហគមន៍មួយចំនួនដែលស្ថិតក្នុងតំបន់ប្រតិបត្តិការរបស់ អិលអូលអិលស៊ី (ខេមបូឌា)។ តាមរយៈការសម្រេចបានដ៏ប្រសើរនេះបានបង្ហាញថា អិលអូអិលស៊ី (LOLC) តែងតែគិតគូរ និងចូលរួមចំណែកយ៉ាងសកម្មក្នុងការលើកកម្ពស់ចំណេះដឹងផ្នែកហិរញ្ញវត្ថុទៅកាន់អតិថិជនរបស់ខ្លួនក៏ដូចជាប្រជាពលរដ្ឋទូទៅឱ្យបានយល់ដឹងបន្ថែម និងអាចប្រើប្រាស់ចំណេះដឹងដ៏មានសារៈសំខាន់នេះក្នុងជីវភាពរស់នៅប្រចាំថ្ងៃរបស់ពួកគាត់។ អ្វីដែលគួរឱ្យគត់សម្គាល់ ក្រោយចប់វគ្គបណ្តុះបណ្តាលអ្នកចូលរួមបានសម្តែងចំណាប់អារម្មណ៍បង្ហាញពីការពេញចិត្ត និងចង់ឱ្យមានវគ្គបណ្តុះបណ្តាលដូចនេះបន្ថែមទៀត។ ឆ្លើយតបទៅនឹងការគាំទ្រ និងស្នើសុំពីអ្នកចូលរួម អិលអូលអិលស៊ី (LOLC) មានគម្រោងនឹងបន្តផ្តល់វគ្គចំណេះដឹងហិរញ្ញវត្ថុនេះដល់អតិថិជន និងសហគមន៍ បន្តទៀតនៅឆ្នាំក្រោយ ដោយនាំយកនូវមេរៀនថ្មីៗដែលមានអត្ថប្រយោជន៍ទាក់ទងនឹងចំណេះដឹងហិរញ្ញវត្ថុ រួមទាំងចំណេះដឹងអំពីបរិស្ថាន និងសង្គមផងដែរ។
សកម្មភាពសង្គម (CSR)
អិលអូអិលស៊ី (ខេមបូឌា) ភីអិលស៊ី បានបម្រើដល់សាធារណជន និងសង្គមកម្ពុជា អស់រយៈពេលជាង២៩ឆ្នាំមកហើយ ហើយក៏ត្រូវបានទទួលស្គាល់ពីស្ថាប័នហិរញ្ញវត្ថុជាតិ និងអន្តរជាតិផងដែរ។ ផលិតផល និងសេវាកម្មរបស់យើង ត្រូវបានបង្កើតឡើងដើម្បីសម្រួលដល់ជីវភាពរស់នៅរបស់អតិថិជនកម្ពុជា។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទ៖ (+៨៥៥) ២៣ ៩៩១ ៩៩១
សារអេឡិចត្រូនិច៖ [email protected]
 សុវត្ថិភាពសេវាកម្មពត៌មាន
ការរក្សាការសម្ងាត់ព័ត៌មាន
|
|