-
ក្រុមការងារផ្នែកគ្រប់គ្រងនិរន្តរភាព បរិស្ថាន និងសង្គម បានទៅដល់ខេត្តមណ្ឌលគិរី និងឧត្តរមានជ័យដើម្បីផ្តល់ការបណ្តុះបណ្តាល អំពីចំណេះដឹងហិរញ្ញវត្ថុ ដល់សហគមន៍
ថ្ងៃទី១៣ និង១៤ ខែមីនា ឆ្នាំ២០២៤ ក្រុមការងារផ្នែកគ្រប់គ្រងនិរន្តរភាព បរិស្ថាន និងសង្គម បានទៅដល់ខេត្តមណ្ឌលគិរី និងឧត្តរមានជ័យដើម្បីផ្តល់ការបណ្តុះបណ្តាល អំពីចំណេះដឹងហិរញ្ញវត្ថុ ដល់សហគមន៍។ គោលបំណងនៃវគ្គបណ្តុះបណ្តាលនេះ គឺផ្តល់ការយល់ដឹងដល់អ្នកចូលរួមក្នុងការគ្រប់គ្រងហិរញ្ញវត្ថុរបស់ពួកគេប្រកបដោយប្រសិទ្ធភាព។ វគ្គបណ្តុះបណ្តាលនេះមានអ្នកចូលរួមរហូតដល់ ១៥២នាក់ ក្នុងនោះមានស្ត្រី ១២៥នាក់ ទាំងអតិថិជន អិលអូលអិលស៊ី (LOLC) និងប្រជាពលរដ្ឋទូទៅក្នុងតំបន់ដាច់ស្រយាលដូចបានរៀបរាប់ខាងក្រោម៖ ១. ភូមិអូរគគីក្រោម ឃុំលំទង ស្រុកអន្លង់វែង ខេត្តឧត្តរមានជ័យ ២. ភូមិទួលប្រាសាទ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ៣. ភូមិថ្នល់កែង ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ៤. ភូមិទួលប្រសើរ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ ៥. ភូមិមានជ័យ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ ៦. ភូមិពូលុ ឃុំប៊ូស្រា ស្រុកពេជ្រាដា ខេត្តមណ្ឌលគីរី ៧. ភូមិឡាំមេះ ឃុំប៊ូស្រា ស្រុកពេជ្រាដា ខេត្តមណ្ឌលគីរី ៨. ភូមិពូតឺត ឃុំប៊ូស្រា ស្រុកពេជ្រាដា ខេត្តមណ្ឌលគីរី ៩. ភូមិពូរ៉ាប៉េត ឃុំក្រង់តេះ ស្រុកពេជ្រាដា ខេត្តមណ្ឌលគីរី ១០. ភូមិត្រាំកាច់ ឃុំក្រង់តេះ ស្រុកពេជ្រាដា ខេត្តមណ្ឌលគីរី -
ក្រោមការគាំទ្រពីគណៈគ្រប់គ្រង ក្រុមការងារផ្នែកគ្រប់គ្រងនិរន្តរភាពបរិស្ថាន និងសង្គម បានបន្តបេសកកម្មរបស់ខ្លួនក្នុងការផ្តល់ចំណេះដឹងហិរញ្ញវត្ថុជូនអតិថិជន និងប្រជាពលរដ្ឋទូទៅ តាមបណ្តាខេត្តនានា
ក្រោមការគាំទ្រពីគណៈគ្រប់គ្រង ក្រុមការងារផ្នែកគ្រប់គ្រងនិរន្តរភាពបរិស្ថាន និងសង្គម បានបន្តបេសកកម្មរបស់ខ្លួនក្នុងការផ្តល់ចំណេះដឹងហិរញ្ញវត្ថុជូនអតិថិជន និងប្រជាពលរដ្ឋទូទៅ តាមបណ្តាខេត្តនានា ក្នុងតំបន់ជនបទ ស្តីពី “ការគ្រប់គ្រងកម្ចី”។ គោលបំណងចម្បងនៃការបណ្តុះបណ្តាលនេះ គឺដើម្បីផ្តល់ចំណេះដឹងចាំបាច់មួយចំនួន ដល់អ្នកចូលរួម ក្នុងការធ្វើសេចក្ដីសម្រេចចិត្តមុនប្រើប្រាស់កម្ចី និងគ្រប់គ្រងកម្ចីឱ្យបានត្រឹមត្រូវ ដើម្បីលើកកម្ពស់សេដ្ឋកិច្ចគ្រួសារ ព្រមទាំងរួមចំណែកដល់ការអភិវឌ្ឍសហគមន៍ទាំងមូល។ កម្មវិធីចំណេះដឹងហិរញ្ញវត្ថុនេះ ធ្វើឡើងនៅថ្ងៃទី១២ ខែមីនា ឆ្នាំ២០២៤ មានវគ្គបណ្តុះបណ្តាលសរុបចំនួន៤ ដែលមានអ្នកចូលរួមចំនួន១១០នាក់ ក្នុងនោះមានស្រ្តី៥០នាក់ នៅតាមភូមិដាច់ស្រយាលមួយចំនួន ដូចបានរៀបរាប់ខាងក្រោម៖ ១. ភូមិពូរឡេះ ឃុំដាក់ដាំ ស្រុកអូរាំង ខេត្តមណ្ឌលគីរី។ ២. ភូមិពូឆប ឃុំដាក់ដាំ ស្រុកអូរាំង ខេត្តមណ្ឌលគីរី។ ៣. ភូមិថ្នល់បំបែក ឃុំអន្លង់វែង ស្រុកអន្លង់វែង ខេត្តឧត្តរមានជ័យ។ ៤. ភូមិថ្នល់ទទឹង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។ -
ទាំងនេះជាសកម្មភាពរបស់ អិលអូអិលស៊ី (LOLC) សាខាស្រុកភ្នំស្រួច
ទាំងនេះជាសកម្មភាពរបស់ អិលអូអិលស៊ី (LOLC) សាខាស្រុកភ្នំស្រួច ក្នុងកិច្ចការងារទំនួលខុសត្រូវសង្គម ក្នុងគោលបំណងចូលរួមអភិវឌ្ឍធនធានជំនាន់ក្រោយក្នុងវិស័យអប់រំ ឱ្យមានចំណេះដឹងគ្រប់គ្រាន់ ដើម្បីក្លាយជាទំពាំងដ៏មានតម្លៃសម្រាប់ប្រទេសជាតិនាពេលអនាគត។ សកម្មភាពនេះធ្វើឡើងនាព្រឹកថ្ងៃទី២ ខែមីនា ឆ្នាំ២០២៤ ដោយបាននាំយកនូវសម្ភារសិក្សាមួយចំនួនចែកជូនដល់សិស្សានុសិស្ស ព្រមទាំងសម្ភារការិយាល័យ និងសម្ភារផ្សេងទៀតដូចជា អំបោសស្មៅ កៅអី ធុងសំរាម ធុងទឹក ដើម្បីគាំទ្រដល់ការសិក្សារបស់សិស្សានុសិស្សនៅសាលាបឋមសិក្សាក្រាំងធំ ដែលមានទីតាំងស្ថិតនៅខេត្តកំពង់ស្ពឺ។ -
អតិថិជន និងប្រជាពលរដ្ឋ ក្នុងវគ្គបណ្តុះបណ្តាលស្តីពី “ការគ្រប់គ្រងកម្ចី”
ទាំងនេះជាសកម្មភាព ថ្ងៃទី២៧ ខែកុម្ភៈ ឆ្នាំ២០២៤ របស់អតិថិជន និងប្រជាពលរដ្ឋ ក្នុងវគ្គបណ្តុះបណ្តាលស្តីពី “ការគ្រប់គ្រងកម្ចី”។ តាមរយៈសកម្មភាពនៃការយកចិត្តទុកដាក់របស់អ្នកចូលរួម ពិតជាបានបង្ហាញពីអត្ថប្រយោជន៍នៃវគ្គបណ្តុះបណ្តាល ដែលឱ្យពួកគាត់យល់ដឹងបន្ថែមនូវ ប្រសិទ្ធភាពនៃការគ្រប់គ្រង់កម្ចីឱ្យល្អប្រសើរ។ នេះក៏បានបង្ហាញពីការយកចិត្តទុកដាក់របស់ អិលអូអិលស៊ី (ខេមបូឌា) ក្នុងការលើកកម្ពស់ការយល់ដឹងនូវការអប់រំចំណេះដឹងផ្នែកហិរញ្ញវត្ថុចំពោះអតិថិជនរបស់ខ្លួន ព្រមទាំងប្រជាពលរដ្ឋទូទៅផងដែរ។ វគ្គបណ្តុះបណ្តាលនេះ មានអ្នកចូលរួមសរុបចំនួន ៩៩នាក់ ដោយក្នុងនោះមានស្ត្រីចំនួន៨៣នាក់ ដែលក្រុមការងារផ្នែកគ្រប់គ្រងនិរន្តរភាពបរិស្ថាន និងសង្គម របស់ អិលអូអិលស៊ី (ខេមបូឌា) បានចុះទៅបង្រៀនដោយផ្ទាល់ដល់ភូមិដ្ឋានដែលពួកគាត់កំពុងរស់នៅចំនួន៤ភូមិដូចបានរៀបរាប់ខាងក្រោម៖ ១. ភូមិក្តុល ឃុំម្លូព្រៃមួយ ស្រុកឆែប ខេត្តព្រះវិហារ។ ២. ភូមិបុស្ស ឃុំម្លូព្រៃពីរ ស្រុកឆែប ខេត្តព្រះវិហារ។ ៣. ភូមិគោកលៀប ឃុំម្កាក់ ស្រុកសិរីសោភ័ណ ខេត្តបន្ទាយមានជ័យ។ ៤. ភូមិបែកចាន ឃុំម្កាក់ ស្រុកសិរីសោភ័ណ ខេត្តបន្ទាយមានជ័យ។ -
អិលអូអិលស៊ី (ខេមបូឌា) សាខាស្រុកមោងឫស្សី បានរៀបចំព្រឹត្តិការណ៍សហគមន៍មួយស្ថិតនៅក្នុងសាលាបឋមសិក្សាដំណាក់រុន
ថ្ងៃទី២៤ ខែកុម្ភៈ ឆ្នាំ២០២៤ អិលអូអិលស៊ី (ខេមបូឌា) សាខាស្រុកមោងឫស្សី បានរៀបចំព្រឹត្តិការណ៍សហគមន៍មួយស្ថិតនៅក្នុងសាលាបឋមសិក្សាដំណាក់រុន ដែលមានទីតាំងនៅភូមិកោះថ្កូវ ឃុំគារ ស្រុកមោងឫស្សី ខេត្តបាត់ដំបង។ ព្រឹត្តិការណ៍នោះរួមមានសកម្មភាពមួយចំនួនដូចជា ចែកសម្ភារសិក្សាជូនសិស្សានុសិស្ស ដាំដើមឈើ និងឧបត្ថមបង់ថ្មសម្រាប់អង្គុយ។ សកម្មភាពទាំងនេះបានបង្ហាញពីក្តីស្រឡាញ់ និងការយកចិត្តទុកដាក់ខ្ពស់ពីសាខាស្រុកមោងឫស្សីចំពោះសហគមន៍ ជាពិសេសគឺបានចូលរួមចំណែកក្នុងការលើកកម្ពស់បរិស្ថាន និងវិស័យអប់រំនៅក្នុងប្រទេសកម្ពុជារបស់យើងឱ្យបានល្អប្រសើរ។ -
ទាំងនេះជាសកម្មភាពរបស់ក្រុមការងារផ្នែកគ្រប់គ្រងនិរន្តរភាព បរិស្ថាន និងសង្គម នៃគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) បានយកចិត្តទុកដាក់ផ្តល់ចំណេះដឹងផ្នែកហិរញ្ញវត្ថុដល់អតិថិជន និងប្រជាពលរដ្ឋដែលរស់នៅតំបន់ជនបទ
ទាំងនេះជាសកម្មភាពរបស់ក្រុមការងារផ្នែកគ្រប់គ្រងនិរន្តរភាព បរិស្ថាន និងសង្គម នៃគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) បានយកចិត្តទុកដាក់ផ្តល់ចំណេះដឹងផ្នែកហិរញ្ញវត្ថុដល់អតិថិជន និងប្រជាពលរដ្ឋដែលរស់នៅតំបន់ជនបទ ដើម្បីឱ្យពួកគាត់យល់ដឹងបន្ថែមអំពី “ការគ្រប់គ្រងកម្ចី”។ បន្ទាប់ពីបានចូលរួមក្នុងវគ្គបណ្តុះបណ្តាលនេះ អ្នកចូលរួមទាំងអស់ទទួលបានបាននូវសារសំខាន់មួយចំនួនដូចជា ដឹងនូវប្រភេទកម្ចីដែលបង្កើនបន្ទុកចំណាយ និងបង្កើនចំណូល ចេះថ្លឹងថ្លែងពីលទ្ធភាពក្នុងការទទួលយកកម្ចី និងប្រការគួរចៀសវាងមួយចំនួនដើម្បីកុំឱ្យធ្លាក់ខ្លួនជាប់បំណុលលើសលុប។ វគ្គបណ្តុះបណ្តាលនេះបានធ្វើឡើងនៅថ្ងៃទី៧ ដល់ថ្ងៃទី៩ ខែកុម្ភៈ ឆ្នាំ២០២៤ ដែលមានអ្នកចូលរួមសរុបចំនួន ១៣៨នាក់ ដែលក្នុងនោះមានស្ត្រីចំនួន ៧៩នាក់ ស្ថិតក្នុង៨ភូមិរួមមាន៖ ១. ភូមិសិក ឃុំតាអង ស្រុកកូនមុំ ខេត្តរតនគិរី ២. ភូមិតឺន ឃុំតឺន ស្រុកកូនមុំ ខេត្តរតនគិរី ៣. ភូមិកាឡែង ឃុំកាឡែង ស្រុកលំផាត់ ខេត្តរតនគិរី ៤. ភូមិឡូន សង្កាត់យក្ខឡោម ស្រុកបានលុង ខេត្តរតនគិរី ៥. ភូមិទួលគគីរលើ ឃុំទួលគគីរ ស្រុកមណ្ឌលសីមា ខេត្តកោះកុង ៦. ភូមិទួលគគីរក្រោម ឃុំទួលគគីរ ស្រុកមណ្ឌលសីមា ខេត្តកោះកុង ៧. ភូមិតាចាត ឃុំទួលគគីរ ស្រុកមណ្ឌលសីមា ខេត្តកោះកុង ៨. ភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង -
ទាំងនេះជាសកម្មភាពរបស់អតិថិជន និងអ្នកភូមិ កំពុងផ្តោតការយកចិត្តទុកដាក់លើមេរៀនចំណេះដឹងហិរញ្ញវត្ថុ ក្នុងវគ្គបណ្តុះបណ្តាលស្តីពី “ការគ្រប់គ្រងកម្ចី”។
ទាំងនេះជាសកម្មភាពរបស់អតិថិជន និងអ្នកភូមិ កំពុងផ្តោតការយកចិត្តទុកដាក់លើមេរៀនចំណេះដឹងហិរញ្ញវត្ថុ ក្នុងវគ្គបណ្តុះបណ្តាលស្តីពី “ការគ្រប់គ្រងកម្ចី”។ តាមរយៈការយកចិត្តទុកដាក់នេះ បានបញ្ជាក់ពីអត្ថប្រយោជន៍នៃមេរៀន ដែលផ្តល់ឱ្យពួកគាត់ ដើម្បីអាចឱ្យពួកគាត់ចេះថ្លឹងថ្លែងពីលទ្ធភាពរបស់ខ្លួនមុនទទួលយកកម្ចី និងប្រការគួរចៀសវាងមួយចំនួនដើម្បីកុំឱ្យធ្លាក់ក្នុងបំណុលលើសលុប ជាពិសេសជ្រើសរើសស្ថាប័នណាដែលស្របច្បាប់ ចៀសវាងការប្រើប្រាស់កម្ចីក្រៅផ្លូវការ ដែលមានអត្រាការប្រាក់ខ្ពស់ និងពុំមានគោលការណ៍ការពារអតិថិជនច្បាស់លាស់ នាំឱ្យមានហានិភ័យនៅថ្ងៃខាងមុខ។ វគ្គបណ្តុះបណ្តាលនេះ ធ្វើឡើងនៅថ្ងៃទី២២ និងទី២៣ ខែកុម្ភៈ ឆ្នាំ២០២៤ ដែលមានអតិថិជន ព្រមទាំងប្រជាពលរដ្ឋចូលរួមសរុបចំនួន៥៣នាក់ ដែលក្នុងនោះមានស្ត្រីចំនួន៤២នាក់ ក្នុងភូមិចំនួន៣ ដូចបានរៀបរាប់ខាងក្រោម៖ ១. ភូមិខ្នារ ឃុំឈើទាល ស្រុកបាណន់ ខេត្តបាត់ដំបង។ ២. ភូមិអន្ទជិត ឃុំឈើទាល ស្រុកបាណន់ ខេត្តបាត់ដំបង។ ៣. ភូមិព្រៃចេក ឃុំកំពង់ព្រះ ស្រុកសង្កែ ខេត្តបាត់ដំបង។ -
អតិថិជន ព្រមទាំងប្រជាពលរដ្ឋសរុបចំនួន១៥២នាក់ ដែលក្នុងនោះមានស្ត្រីចំនួន១១៥នាក់ បានចូលរួមវគ្គបណ្តុះបណ្តាលចំណេះដឹងផ្នែកហិរញ្ញវត្ថុស្តីពី “ការគ្រប់គ្រងកម្ចី”
ថ្ងៃទី២០ និងទី២១ ខែកុម្ភៈ ឆ្នាំ២០២៤ អតិថិជន ព្រមទាំងប្រជាពលរដ្ឋសរុបចំនួន១៥២នាក់ ដែលក្នុងនោះមានស្ត្រីចំនួន១១៥នាក់ បានចូលរួមវគ្គបណ្តុះបណ្តាលចំណេះដឹងផ្នែកហិរញ្ញវត្ថុស្តីពី “ការគ្រប់គ្រងកម្ចី” ដែលបង្រៀនដោយក្រុមការងារផ្នែកគ្រប់គ្រងនិរន្តរភាពបរិស្ថាន និងសង្គមនៃគ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា)។ វគ្គបណ្តុះបណ្តាលនេះបានធ្វើឡើងនៅ ក្នុងភូមិចំនួន៨ ដូចបានរៀបរាប់ខាងក្រោម៖ ១. ភូមិ កំពង់ព្រះ ឃុំកំពង់ព្រះ ស្រុកសង្កែ ខេត្តបាត់ដំបង ២. ភូមិ ស្រះកែវ ឃុំកំពង់ព្រះ ស្រុកសង្កែ ខេត្តបាត់ដំបង ៣. ភូមិ រកា ដែលស្ថិតនៅក្នុងឃុំរកា ស្រុកសង្កែ ខេត្តបាត់ដំបង ៤. ភូមិ សម្តេច ដែលស្ថិតនៅក្នុងឃុំតាប៉ុន ស្រុកសង្កែ ខេត្តបាត់ដំបង ៥. ភូមិដារ ឃុំដារ ស្រុកចិត្របុរី ខេត្តក្រចេះ ៦. ភូមិអញ្ចាញ ឃុំដារ ស្រុកចិត្របុរី ខេត្តក្រចេះ ៧. ភូមិជួរជ្រៃ ឃុំដារ ស្រុកចិត្របុរី ខេត្តក្រចេះ ៨. ភូមិស្ទឹងស្វាយ ឃុំដារ ស្រុកចិត្របុរី ខេត្តក្រចេះ សកម្មភាពនៃការយកចិត្តទុកដាក់របស់អ្នកចូលរួម ក្នុងវគ្គបណ្តុះបណ្តាលនេះ បានបង្ហាញពីគុណប្រយោជន៍នៃមេរៀន ដែលបានផ្តល់ជូនគាត់ដើម្បីអាចឱ្យពួកគាត់ចេះថ្លឹងថ្លែងពីលទ្ធភាពរបស់ខ្លួនមុនទទួលយកកម្ចី ព្រមទាំងប្រការគួរចៀសវាងមួយចំនួនដើម្បីកុំឱ្យធ្លាក់ក្នុងបំណុលលើសលុប។ -
ក្រុមការងារផ្នែកគ្រប់គ្រងនិរន្តរភាព បរិស្ថាន និងសង្គម នៃគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) បានធ្វើដំណើរដល់ទឹកដីនៃខេត្តរតនគិរី និងកោះកុង ដើម្បីផ្តល់ការបណ្តុះបណ្តាលចំណេះដឹងហិរញ្ញវត្ថុ
ក្រុមការងារផ្នែកគ្រប់គ្រងនិរន្តរភាព បរិស្ថាន និងសង្គម នៃគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) បានធ្វើដំណើរដល់ទឹកដីនៃខេត្តរតនគិរី និងកោះកុង ដើម្បីផ្តល់ការបណ្តុះបណ្តាលចំណេះដឹងហិរញ្ញវត្ថុដល់អតិថិជន និងប្រជាពលរដ្ឋស្តីពី “ការគ្រប់គ្រងកម្ចី” ក្នុងគោលបំណងឱ្យពួកគាត់យល់ដឹងបន្ថែមពីប្រសិទ្ធភាពនៃការគ្រប់គ្រងកម្ចីឱ្យបានកាន់តែល្អប្រសើរ។ វគ្គបណ្តុះបណ្តាលនេះបានធ្វើឡើងនៅថ្ងៃទី៦ ខែកុម្ភៈ ឆ្នាំ២០២៤ ដែលមានអ្នកចូលរួមសរុបចំនួន ៦០នាក់ ដែលក្នុងនោះមានស្ត្រីចំនួន ៣២នាក់ ស្ថិតក្នុង៤ភូមិរួមមាន៖ ១. ភូមិប៉ាជន់ធំ ឃុំឯកភាព ស្រុកអូរជុំ ខេត្តរតនគិរី ២. ភូមិអូម ឃុំឯកភាព ស្រុកអូរជុំ ខេត្តរតនគិរី ៣. ភូមិប៉ាក់ខ្លង២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង ៤. ភូមិ១ ឃុំពាមក្រសោប ស្រុកមណ្ឌលសីមា ខេត្តកោះកុង -
អិលអូអិលស៊ី (ខេមបូឌា) សាខាស្រុកតំបែរ បានរៀបចំព្រឹត្តិការណ៍សហគមន៍មួយស្ថិតនៅក្នុងសាលាបឋមសិក្សាខ្នាច់ជុំ
ថ្ងៃទី៣ ខែកុម្ភៈ ឆ្នាំ២០២៤ អិលអូអិលស៊ី (ខេមបូឌា) សាខាស្រុកតំបែរ បានរៀបចំព្រឹត្តិការណ៍សហគមន៍មួយស្ថិតនៅក្នុងសាលាបឋមសិក្សាខ្នាច់ជុំ ដែលមានទីតាំងនៅភូមិខ្នាច់ជុំ ឃុំសេដា ស្រុកតំបែរ ខេត្តត្បូងឃ្មុំ។ ព្រឹត្តិការណ៍នោះរួមមានសកម្មភាពមួយចំនួនដូចជា ចែកសម្ភារសិក្សាជូនសិស្សានុសិស្ស ដាំដើមឈើ ទិញសៀវភៅដាក់ក្នុងបណ្ណាល័យ ដាក់បង់អង្គុយ និងលាបរបងសាលាផងដែរ។ សកម្មភាពទាំងនេះបានបង្ហាញពីក្តីស្រឡាញ់ និងការយកចិត្តទុកដាក់ខ្ពស់ពីសាខាស្រុកតំបែរចំពោះសហគមន៍ ជាពិសេសគឺបានចូលរួមចំណែកក្នុងការលើកស្ទួយវិស័យអប់រំនៅក្នុងប្រទេសកម្ពុជារបស់យើងឱ្យបានល្អប្រសើរ។ -
អិលអូអិលស៊ី (ខេមបូឌា) សាខាខេត្តប៉ៃលិន បានរៀបចំព្រឹត្តិការណ៍សហគមន៍របស់ខ្លួន ដោយបាននាំយកនូវសម្ភារសិក្សាមួយចំនួនចែកជូនដល់សិស្សានុសិស្ស ព្រមទាំងបង់អង្គុយ កៅអីជ័រ អំបោស បង្គី និងសៀវភៅសម្រាប់ដាក់ក្នុងបណ្ណាល័យ ជូនដល់សាលាបឋមសិក្សាខកមុស
នាព្រឹកថ្ងៃទី៣ ខែកុម្ភៈ ឆ្នាំ២០២៤ អិលអូអិលស៊ី (ខេមបូឌា) សាខាខេត្តប៉ៃលិន បានរៀបចំព្រឹត្តិការណ៍សហគមន៍របស់ខ្លួន ដោយបាននាំយកនូវសម្ភារសិក្សាមួយចំនួនចែកជូនដល់សិស្សានុសិស្ស ព្រមទាំងបង់អង្គុយ កៅអីជ័រ អំបោស បង្គី និងសៀវភៅសម្រាប់ដាក់ក្នុងបណ្ណាល័យ ជូនដល់សាលាបឋមសិក្សាខកមុស ដែលមានទីតាំងស្ថិតនៅភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន។ សកម្មភាពខាងលើនេះ បានបញ្ជាក់ពីការចូលរួមចំណែកយ៉ាងសំខាន់ របស់សាខាខេត្តប៉ៃលិនក្នុងការលើកកម្ពស់វិស័យអប់រំនៅកម្ពុជា ក្នុងន័យចូលរួមបណ្តុះ និងអភិវឌ្ឍធនធានជំនាន់ក្រោយ ឱ្យមានចំណេះដឹងគ្រប់គ្រាន់ដែលអាចជួយខ្លួនឯង និងប្រទេសជាតិនាពេលអនាគត។ -
ក្រុមការងារផ្នែកគ្រប់គ្រងនិរន្តរភាព បរិស្ថាន និងសង្គម នៃគ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) បានចុះទៅបណ្តុះបណ្តាលចំណេះដឹងហិរញ្ញវត្ថុ ដល់អតិថិជន និងប្រជាពលរដ្ឋនៅក្នុងសហគមន៍
នេះជាសកម្មភាព ថ្ងៃទី៣១ ខែមករា ដល់ថ្ងៃទី២ ខែកុម្ភៈ ឆ្នាំ២០២៤ ដែលក្រុមការងារផ្នែកគ្រប់គ្រងនិរន្តរភាព បរិស្ថាន និងសង្គម នៃគ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) បានចុះទៅបណ្តុះបណ្តាលចំណេះដឹងហិរញ្ញវត្ថុ ដល់អតិថិជន និងប្រជាពលរដ្ឋនៅក្នុងសហគមន៍ ដើម្បីចូលរួមលើកស្ទួយការយល់ដឹងផ្នែកហិរញ្ញវត្ថុ ពីប្រសិទ្ធភាពនៃការគ្រប់គ្រងកម្ចី។ វគ្គបណ្តុះបណ្តាលនេះមានអតិថិជន និងបងប្អូនប្រជាពលរដ្ឋចូលរួមសរុបចំនួន ១៣៦នាក់ ដែលក្នុងនោះមានស្ត្រីចំនួន ១០៦នាក់ ស្ថិតក្នុង៨ភូមិរួមមាន៖ ១. ភូមិត្រាំ ឃុំត្នោតជុំ ស្រុកក្រគរ ខេត្តពោធិ៍សាត់ ២. ភូមិប៉ែន ឃុំលាច ស្រុកភ្នំក្រវ៉ាញ ខេត្តពោធិ៍សាត់ ៣. ភូមិធ្លាម្អម ឃុំបឹងកន្ទួត ស្រុកក្រគរ ខេត្តពោធិ៍សាត់ ៤. ភូមិរំចេក ឃុំកកោះ ស្រុកមោងឫស្សី ខេត្តបាត់ដំបង ៥. ភូមិទួលព្រំ១ ឃុំកកោះ ស្រុកមោងឫស្សី ខេត្តបាត់ដំបង ៦. ភូមិទួលព្រំ២ ឃុំកកោះ ស្រុកមោងឫស្សី ខេត្តបាត់ដំបង ៧. ភូមិដូនទ្រី ឃុំជ្រៃ ស្រុកមោងឫស្សី ខេត្តបាត់ដំបង ៨. ភូមិអង្រ្គង ឃុំជ្រៃ ស្រុកមោងឫស្សី ខេត្តបាត់ដំបង -
បុគ្គលិក អិលអូអិលស៊ី (LOLC) សាខាស្រុកមេសាង បានផ្តល់ជាបង់អង្គុយ ធុងសម្រាម និងទឹកសុទ្ធ ជូនដល់សាលាស្រុកមេសាង
នាថ្ងៃទី៣១ ខែមករា ឆ្នាំ២០២៤ បុគ្គលិក អិលអូអិលស៊ី (LOLC) សាខាស្រុកមេសាង បានផ្តល់ជាបង់អង្គុយ ធុងសម្រាម និងទឹកសុទ្ធ ជូនដល់សាលាស្រុកមេសាង ដែលមានទីតាំងស្ថិតនៅភូមិវាំង ឃុំជីផុច ស្រុកមេសាង ខេត្តព្រៃវែង។ សកម្មភាពនេះ បានឆ្លុះបញ្ចាំងពីការចូលរួមចំណែកក្នុងការងារទំនួលខុសត្រូវសង្គម តាមរយៈការគាំទ្រដល់អាជ្ញាធរ ដើម្បីផ្តល់សេវាសាធារណៈដ៏ល្អប្រសើរដល់ប្រជាពលរដ្ឋក្នុងមូលដ្ឋាន។ -
ក្រុមការងារផ្នែកគ្រប់គ្រងនិរន្តរភាពបរិស្ថាន និងសង្គម បានបន្តផ្តល់ចំណេះដឹងហិរញ្ញវត្ថុដល់អតិថិជន និងប្រជាពលរដ្ឋ
ថ្ងៃទី៣០ ខែមករា ឆ្នាំ២០២៣ ក្រុមការងារផ្នែកគ្រប់គ្រងនិរន្តរភាពបរិស្ថាន និងសង្គម បានបន្តផ្តល់ចំណេះដឹងហិរញ្ញវត្ថុដល់អតិថិជន និងប្រជាពលរដ្ឋចំនួនសរុប ៩២នាក់ ដែលមានស្ត្រីចូលរួម ៧២នាក់ នៅក្នុងភូមិចំនួន៥ដូចខាងក្រោម៖ ១. ភូមិព្រៃឱម៉ាល់ ឃុំរលាប ស្រុកពោធិ៍សាត់ ខេត្តពោធិ៍សាត់ ២. ភូមិឈើទាល ឃុំត្នោតជុំ ស្រុកក្រគរ ខេត្តពោធិ៍សាត់ ៣. ភូមិត្រស់ ឃុំតាលាស់ ស្រុកមោងឫស្សី ខេត្តបាត់ដំបង ៤. ភូមិម៉ាណោក ឃុំតាលាស់ ស្រុកមោងឫស្សីខេត្តបាត់ដំបង ៤. ភូមិសួស្តី ឃុំតាលាស់ ស្រុកមោងឫស្សីខេត្តបាត់ដំបង វគ្គបណ្តុះបណ្តាលនេះ មានគោលបំណង ឱ្យអតិថិជន និងអ្នកចូលរួមផ្សេងទៀតដើម្បីគ្រប់គ្រងកម្ចីរបស់ពួកគាត់ឱ្យមានប្រសទ្ធភាពខ្ពស់ ដោយបានចែករំលែកនូវសារសំខាន់ៗដូចជា ពិចារណាច្បាស់លាស់មុនប្រើកម្ចី គោលបំណងកម្ចី និងការប្រើប្រាស់កម្ចីឱ្យចំគោលដៅដើម្បីជៀសវៀងធ្លាក់ខ្លួនជាប់បំណុលលើសលុប។ -
អិលអូអិលស៊ី (ខេមបូឌា) ដែលជាគ្រឹះស្ថានមីក្រូហិរញ្ញវត្ថុឈានមុខគេមួយនៅកម្ពុជាបានបន្តសកម្មភាពរបស់ខ្លួនក្នុងការផ្តល់ចំណេះដឹងហិរញ្ញវត្ថុដល់សហគមន៍ ដែលស្ថិតក្នុងតំបន់ប្រតិបត្តិការសាខារបស់ខ្លួន
អិលអូអិលស៊ី (ខេមបូឌា) ដែលជាគ្រឹះស្ថានមីក្រូហិរញ្ញវត្ថុឈានមុខគេមួយនៅកម្ពុជាបានបន្តសកម្មភាពរបស់ខ្លួនក្នុងការផ្តល់ចំណេះដឹងហិរញ្ញវត្ថុដល់សហគមន៍ ដែលស្ថិតក្នុងតំបន់ប្រតិបត្តិការសាខារបស់ខ្លួន។ ការបណ្តុះបណ្តាលនេះគឺបង្ហាញពីការយកចិត្តទុកដាក់របស់ អិលអូអិលស៊ី ចំពោះសហគមន៍ និងសង្គមជាតិ ដើម្បីរក្សាបាននូវនិរន្តរភាពអាជីវកម្មដ៏យូរអង្វែង។ វគ្គបណ្តុះបណ្តាលនេះបានធ្វើឡើងនៅថ្ងៃទី១៦ ដល់ថ្ងៃទី១៧ ខែមករា ឆ្នាំ២០២៤ ដោយក្រុមការងារផ្នែកគ្រប់គ្រងនិរន្តរភាព បរិស្ថាន និងសង្គម ដោយបានបង្រៀនដល់អតិថិជន និងប្រជាពលរដ្ឋសរុបចំនួន ៥៩នាក់ ដែលមានស្រ្តីចំនួន ៥០នាក់ ក្នុងខេត្តកំពត ចំនួន៦ទីតាំងបន្ថែមទៀតដូចរៀបរាប់ខាងក្រោម៖ ១. ភូមិត្រពាំងគុយ ឃុំល្បើក ស្រុកឈូក ខេត្តកំពត ២. ភូមិត្រពាំងគគីរ ឃុំល្បើក ស្រុកឈូក ខេត្តកំពត ៣. ភូមិដំណាក់អំពិល ឃុំល្អាង ស្រុកដងទង់ ខេត្តកំពត ៤. ភូមិត្រពាំងសេះ ឃុំល្អាង ស្រុកដងទង់ ខេត្តកំពត ៥. ភូមិឈើទាល ឃុំជម្ពូរវ័ន ស្រុកជុំគីរី ខេត្តកំពត ៦. ភូមិដូនឪ ឃុំស្នាយអញ្ចិត ស្រុកជុំគីរី ខេត្តកំពត
សកម្មភាពសង្គម (CSR)
អិលអូអិលស៊ី (ខេមបូឌា) ភីអិលស៊ី បានបម្រើដល់សាធារណជន និងសង្គមកម្ពុជា អស់រយៈពេលជាង២៩ឆ្នាំមកហើយ ហើយក៏ត្រូវបានទទួលស្គាល់ពីស្ថាប័នហិរញ្ញវត្ថុជាតិ និងអន្តរជាតិផងដែរ។ ផលិតផល និងសេវាកម្មរបស់យើង ត្រូវបានបង្កើតឡើងដើម្បីសម្រួលដល់ជីវភាពរស់នៅរបស់អតិថិជនកម្ពុជា។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទ៖ (+៨៥៥) ២៣ ៩៩១ ៩៩១
សារអេឡិចត្រូនិច៖ [email protected]
 សុវត្ថិភាពសេវាកម្មពត៌មាន
ការរក្សាការសម្ងាត់ព័ត៌មាន
|
|