បន្ថែមមួយប្រទេសទៀតហើយ! LOLC KHQR ពង្រីកសមត្ថភាពទទួលការទូទាត់ពីភ្ញៀវទេសចរអន្តរជាតិ ពីប្រទេសសិង្ហបុរី

រាជធានីភ្នំពេញ ថ្ងៃទី03 ខែកញ្ញា ឆ្នាំ2026៖ អិលអូអិលស៊ី (ខេមបូឌា) ភីអិលស៊ី បានពង្រីកសមត្ថភាពទទួលការទូទាត់របស់ LOLC KHQR ដោយបន្ថែមប្រទេសសិង្ហបុរីជាប្រទេសថ្មីមួយទៀត ដើម្បីឱ្យអាជីវកររបស់ អិលអូអិលស៊ី អាចទទួលការទូទាត់ពីភ្ញៀវទេសចរមកពីប្រទេសសិង្ហបុរី តាមរយៈកម្មវិធីធនាគារចល័តរបស់ពួកគេ។ តាមរយៈការតភ្ជាប់ការទូទាត់ឆ្លងដែននេះ ភ្ញៀវទេសចរមកពីប្រទេសសិង្ហបុរីអាចស្គែន LOLC KHQR នៅតាមអាជីវកររបស់ អិលអូអិលស៊ី ជាង 20,000 ទីតាំងទូទាំងប្រទេស ដើម្បីទូទាត់ថ្លៃទំនិញ ឬសេវាកម្មបានយ៉ាងងាយស្រួល រហ័ស និងមានសុវត្ថិភាព។

ការទទួលការទូទាត់ពីភ្ញៀវទេសចរមកពីប្រទេសសិង្ហបុរី ផ្តល់អត្ថប្រយោជន៍ជាច្រើនដល់អាជីវករ ជាពិសេសអាជីវកម្មដែលមានអតិថិជនអន្តរជាតិ ដូចជា សណ្ឋាគារ ភោជនីយដ្ឋាន និងអាជីវកម្មផ្តល់សេវាកម្មផ្សេងៗទៀត។ ការទទួលការទូទាត់តាមរយៈ LOLC KHQR ជួយកាត់បន្ថយការប្រើប្រាស់សាច់ប្រាក់ កាត់បន្ថយការប្តូររូបិយប័ណ្ណ បង្កើនល្បឿនប្រតិបត្តិការ និងផ្តល់ភាពងាយស្រួលដល់អាជីវករក្នុងការបម្រើអតិថិជនបរទេស។ អាជីវករអាចដាក់តាំង LOLC KHQR នៅកន្លែងទូទាត់ ដើម្បីឱ្យអតិថិជនស្គែន និងធ្វើប្រតិបត្តិការបានភ្លាមៗ ខណៈទឹកប្រាក់នឹងចូលទៅក្នុងគណនីប្រាក់រៀលរបស់អាជីវករដោយផ្ទាល់។

អត្ថប្រយោជន៍សម្រាប់អាជីវករដែលប្រើប្រាស់ LOLC KHQR នៅទីតាំងលក់ដូរ៖

ទទួលប្រាក់ពីភ្ញៀវទេសចរអន្តរជាតិជាច្រើនរួមមាន សិង្ហបុរី ឥណ្ឌា ចិន ឡាវ វៀតណាម និងបណ្តាប្រទេសផ្សេងទៀត
ទទួលការទូទាត់បានរហ័ស សុវត្ថិភាព និងងាយស្រួល
កាត់បន្ថយការកាន់កាប់សាច់ប្រាក់ និងការប្តូររូបិយប័ណ្ណ
គ្រប់គ្រងចំណូលអាជីវកម្មបានកាន់តែងាយស្រួល និងមានប្រសិទ្ធភាព
ទទួលបានអត្រាការប្រាក់លើសមតុល្យគណនីរហូតដល់ 4% ក្នុងមួយឆ្នាំ ពី អិលអូអិលស៊ី

សម្រាប់អាជីវករដែលមិនទាន់មាន LOLC KHQR នេះគឺជាឱកាសដ៏ល្អក្នុងការចូលរួមជាមួយបណ្តាញទូទាត់ឌីជីថលរបស់ អិលអូអិលស៊ី ដើម្បីត្រៀមទទួលការទូទាត់ពីអតិថិជនទាំងក្នុងស្រុក និងអន្តរជាតិ ព្រមទាំងបង្កើនឱកាសអាជីវកម្មនៅក្នុងទីផ្សារទេសចរណ៍ដែលកំពុងរីកចម្រើន។

អាជីវករអាចស្នើសុំ LOLC KHQR ដោយឥតគិតថ្លៃ តាមរយៈលេខទូរស័ព្ទ 023 991 991 / 014 991 991 / 096 3 991 991 / 031 3 991 991។

អំពី អិលអូអិលស៊ី៖ គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី គឺជាគ្រឹះស្ថានហិរញ្ញវត្ថុទទួលប្រាក់បញ្ញើឈានមុខគេមួយនៅកម្ពុជា ដែលផ្តល់នូវដំណោះស្រាយហិរញ្ញវត្ថុប្រកបដោយបរិយាបន្ន ជូនដល់បុគ្គល ម្ចាស់សហគ្រាស និងអាជីវកម្មនានា។ ជាមួយនឹងបណ្តាញប្រតិបត្តិការនៅទូទាំងប្រទេស ព្រមទាំងសេវាកម្មឥណទាន ប្រាក់បញ្ញើ សេវាធនាគារឌីជីថល និងសេវាកម្មហិរញ្ញវត្ថុយ៉ាងសម្បូរបែប អិលអូអិលស៊ី ប្តេជ្ញាចិត្តក្នុងការលើកកម្ពស់ជីវភាពរស់នៅរបស់ប្រជាជន គាំទ្រដល់សហគ្រាសធុនមីក្រូ តូច និងមធ្យម (SMEs) ពង្រឹងបរិយាបន្នហិរញ្ញវត្ថុ និងជំរុញបរិវត្តកម្មឌីជីថលនៅកម្ពុជា តាមរយៈសេវាហិរញ្ញវត្ថុប្រកបដោយការទទួលខុសត្រូវ និងនវានុវត្តន៍។

Publish date: September3 , 2026

ចង់ក្លាយជាម្ចាស់រថយន្ត Dongfeng VIGO ប៉ុន្តែប្រាក់មិនទាន់គ្រប់? ជាមួយសេវារំលស់រថយន្តពី អិលអូអិលស៊ី បង់មុនចាប់ពី 10% ប៉ុណ្ណោះ ក៏អាចសម្រេចក្តីស្រមៃបាន!

ការរៀបចំផែនការហិរញ្ញវត្ថុ ជួយជំរុញការរីកចម្រើនដល់អាជីវកម្មលក្ខណៈគ្រួសារ

កសិករអាចទទួលបានជី ថ្នាំកសិកម្ម និងធាតុចូលកសិកម្មផ្សេងៗបានទាន់ពេលវេលា ស្របតាមរដូវកាលដាំដុះ និងដោយមិនបារម្ភពីការខ្វះដើមទុន តាមរយៈ ឥណទានធាតុចូលកសិកម្ម អិលអូអិលស៊ី

អិលអូអិលស៊ី (ខេមបូឌា) រួមចំណែកលើកកម្ពស់ជីវភាពគ្រួសាររបស់បងស្រី ម៉ែន សារឿន និងប្រជាកសិករផ្សេងទៀត

អិលអូអិលស៊ី បានចូលរួមឧបត្ថម្ភក្នុងកម្មវិធី «កិច្ចប្រជុំថ្នាក់តំបន់នៅខេត្តកំពត»

លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា) ភីអិលស៊ី និងជាប្រធានក្រុមប្រឹក្សាភិបាល សមាគមមីក្រូហិរញ្ញវត្ថុកម្ពុជា បានចូលរួមកិច្ចពិគ្រោះយោបល់ពហុភាគី លើកទី៤ ស្តីពី «មីក្រូហិរញ្ញវត្ថុនៅកម្ពុជា»

អិលអូអិលស៊ី បោះផ្សាយលក់សញ្ញាបណ្ណចីរភាពជាផ្លូវការ

អិលអូអិលស៊ី រៀបចំវគ្គបណ្តុះបណ្តាលក្រោមប្រធានបទ «ចំណេះដឹងផ្នែកហិរញ្ញវត្ថុក្នុងយុគសម័យឌីជីថល និងឱកាសការងារនៅ អិលអូអិលស៊ី» ជូនដល់និស្សិតនៅសាកលវិទ្យាល័យ បៀលប្រាយ

អិលអូអិលស៊ី ខេមបូឌា គាំទ្រអតិថិជនម្នាក់នៅខេត្តព្រៃវែង ក្នុងការពង្រីកអាជីវកម្ម និងបង្កើនប្រាក់ចំណូលប្រកបដោយនិរន្តរភាព

LOLC KHQR បើកឱកាសឱ្យអាជីវករកម្ពុជាទទួលការទូទាត់ពីភ្ញៀវទេសចរឥណ្ឌា ដោយមិនប្រើក្រដាសប្រាក់

អិលអូអិលស៊ី (ខេមបូឌា) ពង្រីកវិសាលភាពសេវាទូទាត់ប្រាក់មិនប្រើក្រដាសប្រាក់ ដើម្បីផ្តល់ភាពងាយស្រួលជូនដល់ភ្ញៀវទេសចរឥណ្ឌា អាចទូទាត់មកកាន់អាជីវករ អិលអូអិលស៊ី ជាង 20,000 កន្លែងទូទាំងប្រទេស

អិលអូអិលស៊ី បន្តពង្រីកវិសាលភាព «ឥណទានមាសកើនទ្រព្យ» ដល់សាខាខណ្ឌទួលគោក ដែលជាសាខាចុងក្រោយក្នុងរាជធានីភ្នំពេញ!

អិលអូអិលស៊ី (ខេមបូឌា) ភីអិលស៊ី ប្រកាសបោះផ្សាយលក់ «សញ្ញាបណ្ណចីរភាព» ជាផ្លូវការ ដើម្បីរួមចំណែកជំរុញការអភិវឌ្ឍគម្រោងបៃតង និងសង្គមនៅកម្ពុជា

អិលអូអិលស៊ី (ខេមបូឌា) មានមោទនភាពក្នុងការចុះហត្ថលេខាលើអនុស្សរណៈនៃការយោគយល់គ្នា (MoU) រវាងក្រុមហ៊ុន BTI Payments

អិលអូអិលស៊ី បន្តនាំយក «ឥណទានមាសកើនទ្រព្យ» មកដល់សាខាខណ្ឌដូនពេញ ដើម្បីបង្កើនភាពងាយស្រួលដល់អតិថិជនក្នុងការទទួលបានកម្ចីត្រឹម 15នាទី

អិលអូអិលស៊ី (ខេមបូឌា) បាននាំយកថវិកាទៅកាន់មន្ទីរពេទ្យគន្ធបុប្ផាភ្នំពេញ ក្នុងយុទ្ធនាការ “១ម៉ឺនរៀល ១ម៉ឺននាក់”

អិលអូអិលស៊ី សាខាខណ្ឌសែនសុខ ក្លាយជាទីតាំងថ្មីបន្ទាប់នៅក្នុងទីក្រុងភ្នំពេញ ដែលដាក់ឱ្យដំណើរការ «ឥណទានមាសកើនទ្រព្យ» សម្រាប់ផ្តល់ដំណោះស្រាយហិរញ្ញវត្ថុរហ័សដល់អតិថិជន

អិលអូអិលស៊ី សាខាខណ្ឌ7មករា-សង្កាត់បឹងព្រលឹត ជាសាខាទី07 ដែលដាក់ដំណើរការ ឥណទានមាសកើនទ្រព្យ សម្រាប់នាំយកដំណោះស្រាយហិរញ្ញវត្ថុដ៏រហ័សជូនដល់អតិថិជននៅក្នុងតំបន់

អ្នកខេត្តកណ្តាលត្រូវការសាច់ប្រាក់បន្ទាន់ អាចយកគ្រឿងមាស ឬផ្លាកទីនទៅ អិលអូអិលស៊ី សាខាខេត្តកណ្តាលដាក់ស្នើឥណទានមាសកើនទ្រព្យ ចំណាយពេល ១៥ នាទីទទួលបានកម្ចី

វត្តមាន«ឥណទានមាសកើនទ្រព្យ» សាខាខណ្ឌ៧មករា-សង្កាត់វាលវង់ ត្រៀមផ្តល់ដំណោះស្រាយសាច់ប្រាក់បន្ទាន់ដល់អតិថិជនតាមរយៈការទទួលយកគ្រឿងមាស ឬផ្លាកទីនជាទ្រព្យធានាស្នើកម្ចី

ជ្រើសរើសដៃគូហិរញ្ញវត្ថុដ៏ត្រឹមត្រូវ នាំមកនូវការរីកចម្រើន! ជាក់ស្តែង តាមរយៈការគាំទ្រពី អិលអូអិលស៊ី អ្នកស្រី សាន ជឿន បានពង្រីកដីដាំដំឡូងមី បង្កើនទិន្នផលស្វាយចន្ទី និងបង្កើនប្រភពចំណូលច្រើនផ្លូវ

អិលអូអិលស៊ី រៀបចំវគ្គបណ្តុះបណ្តាលស្តីពី «ចំណេះដឹងហិរញ្ញវត្ថុក្នុងយុគសម័យឌីជីថល និងឱកាសការងារ» សម្រាប់និស្សិតសាកលវិទ្យាល័យ បៀល ប្រាយ

អិលអូអិលស៊ី រួមចំណែកលើកកម្ពស់កំណើនវិស័យកសិកម្ម ក្នុងភាពជាដៃគូគាំទ្រភាពជោគជ័យរបស់កសិករ

អិលអូអិលស៊ី ឧបត្ថម្ភកុំព្យូទ័រលើតុ (Computer Desktop) ចំនួន ១០គ្រឿង ដល់សាលាបឋមសិក្សាវត្តដំបូកខ្ពស់

អិលអូអិលស៊ី ចូលរួមចំណែកជំរុញការរីកលូតលាស់នៃអាជីវកម្មខ្នាតតូច និងលើកកម្ពស់ជីវភាពឱ្យមានភាពប្រសើរឡើង

អិលអូអិលស៊ី ជួយជ្រោមជ្រែងឱ្យអាជីវកម្មគ្រប់កម្រិតរីកចម្រើន និងទទួលបានជោគជ័យ

អិលអូអិលស៊ី បន្តគាំទ្រវិស័យកសិកម្ម តាមរយៈការដាក់សម្ពោធ “ឥណទានធាតុចូលកសិកម្ម” នៅខេត្តបាត់ដំបង

“ឥណទានធាតុចូលកសិកម្ម” អិលអូអិលស៊ី ដំណោះស្រាយហិរញ្ញវត្ថុឆ្លាតវៃ សម្រាប់អ្នកផ្គត់ផ្គង់ធាតុចូលកសិកម្ម និងកសិករ! លក់ភ្លាម ទទួលប្រាក់ភ្លាម!

ផលិតផលសន្សំថ្មីពី អិលអូអិលស៊ី “គណនីសន្សំតាមផែនការ” ផ្តល់អត្រាការប្រាក់រហូតដល់ 6.25% ក្នុងមួយឆ្នាំ!

អិលអូអិលស៊ី (ខេមបូឌា) ភីអិលស៊ី បានបម្រើដល់សាធារណជន និងសង្គមកម្ពុជា អស់រយៈពេលជាង៣២ឆ្នាំមកហើយ ហើយក៏ត្រូវបានទទួលស្គាល់ពីស្ថាប័នហិរញ្ញវត្ថុជាតិ និងអន្តរជាតិផងដែរ។ ផលិតផល និងសេវាកម្មរបស់យើង ត្រូវបានបង្កើតឡើងដើម្បីសម្រួលដល់ជីវភាពរស់នៅរបស់អតិថិជនកម្ពុជា។

អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា