លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា) ភីអិលស៊ី និងជាប្រធានក្រុមប្រឹក្សាភិបាល សមាគមមីក្រូហិរញ្ញវត្ថុកម្ពុជា បានចូលរួមកិច្ចពិគ្រោះយោបល់ពហុភាគី លើកទី៤ ស្តីពី «មីក្រូហិរញ្ញវត្ថុនៅកម្ពុជា»

ភ្នំពេញ៖ លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា) ភីអិលស៊ី និងជាប្រធានក្រុមប្រឹក្សាភិបាល សមាគមមីក្រូហិរញ្ញវត្ថុកម្ពុជា រួមជាមួយលោក ជំទាវ ឌិត នីតា អនុប្រធានក្រុមប្រឹក្សាភិបាល ព្រមទាំងថ្នាក់ដឹកនាំសមាគម បានចូលរួមកិច្ចពិគ្រោះយោបល់ពហុភាគី លើកទី៤ ស្តីពី «មីក្រូហិរញ្ញវត្ថុនៅកម្ពុជា» កាលពីថ្ងៃទី២០ ខែសីហា ឆ្នាំ២០២៦ ដែលរៀបចំដោយធនាគារជាតិនៃកម្ពុជា សហការជាមួយអង្គការសហប្រជាជាតិនៅកម្ពុជា ក្រោមអធិបតីភាពដ៏ខ្ពង់ខ្ពស់របស់លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា និងលោកស្រី Vladanka Andreeva អ្នកសម្របសម្រួលអង្គការសហប្រជាជាតិប្រចាំនៅកម្ពុជា។

កិច្ចពិគ្រោះយោបល់នេះ មានគោលបំណងពិនិត្យវឌ្ឍនភាពនៃការអនុវត្តសកម្មភាពអាទិភាពទាំង ២២ ដើម្បីពង្រឹងកិច្ចការពារអតិថិជន និងការផ្តល់ឥណទានប្រកបដោយការទទួលខុសត្រូវ និងតម្លាភាព។

អិលអូអិលស៊ី បន្តប្តេជ្ញាគាំទ្រ និងសហការជាមួយភាគីពាក់ព័ន្ធទាំងអស់ ដើម្បីលើកកម្ពស់កិច្ចការពារអតិថិជន និងពង្រឹងប្រព័ន្ធហិរញ្ញវត្ថុកម្ពុជាឱ្យរឹងមាំ បរិយាបន្ន និងធន់។