ប្អូនស្រី ឌី សុណៃ ពីបុគ្គលិកលក់ទាអាំង ទៅជាម្ចាស់អាជីវកម្មខ្លួនឯង
ពីបុគ្គលិកលក់ទាអាំងជាមួយបងប្រុសដែលទទួលប្រាក់ខែពីគាត់រាល់ខែ ប្អូនស្រី ឌី សុណៃ បានកម្លាយខ្លួនជាម្ចាស់អាជីវកម្មខ្លួនឯង ដោយបានបង្កើតមុខរបរលក់ទាអាំងផ្ទាស់ខ្លួន បន្ទាប់ពីទទួលបានកម្ចីដំបូង ពីគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) នៅឆ្នាំ២០១៩។
ប្អូនស្រី ឌី សុណៃ គឺជាអតិថិជនដ៏ល្អម្នាក់របស់ អ៊ិលអូលអិលស៊ី (LOLC) ដែលបានប្រើប្រាស់កម្ចីចំគោលដៅ និងទទួលបានភាពរីកចម្រើននៃអាជីវកម្មរបស់គាត់ ដែលអាចរកចំណូលបានច្រើនសម្រាប់ផ្គត់ផ្គង់ជីវភាពរស់នៅរបស់គ្រួសារគាត់។ “ខ្ញុំសប្បាយចិត្តណាស់ ហើយខ្ញុំគិតថាខ្ញុំជាអតិថិជនល្អម្នាក់របស់ អិលអូអិលស៊ី (LOLC) ដោយមានប្រវត្តិក្នុងការប្រើប្រាស់កម្ចីល្អ ប្រកបដោយភាពរីកចម្រើន។” ពាក្យពេចន៍របស់ ប្អូនស្រី ឌី សុណៃ។
បន្ទាប់ពីអាជីវកម្មរបស់គាត់រីកលូតលាស់ទៅមុខ ដោយរលូននិងល្អប្រសើរ ព្រមទាំងភាពជឿជាក់ និងមានទំនុកចិត្តលើគុណភាពផលិតផល និងសេវាកម្មរបស់ អិលអូអិលស៊ី (LOLC) ប្អូនស្រី ឌី សុណៃ បានសម្រេចបន្តប្រើប្រាស់កម្ចីរបស់ អិលអូអិលស៊ី (LOLC) ២វគ្គបន្ថែមទៀត ក្នុងគោលបំណងសាងសង់ផ្ទះ និងបើកហាងមួយទៀត ដើម្បីបំពេញក្តីស្រមៃរបស់ខ្លួន ដែលចង់រស់នៅលើផ្ទះដែលជាកម្មសិទ្ធិខ្លួនឯង និងបង្កើនចំណូលបន្ថែម ដើម្បីជីវភាពរស់នៅកាន់តែល្អប្រសើរ។ ក្រោយក្លាយជាអតិថិជន អិលអូអិលស៊ី (LOLC) ប្អូនស្រី ឌី សុណៃ បានសម្រេចនូវគោលដៅនិងក្តីស្រមៃយ៉ាងជោគជ័យ ដោយមានមុខរបរជារបស់ខ្លួនឯង ផ្ទះសមរម្យ និងហាងលក់ទាអាំងមួយថ្មីបន្ថែមទៀតផងដែរ។
លោកពូ លៀវ តៃលី មុខរបរកសិករដាំដើមគូឆាយ និងមៀន
លោកពូ លៀវ តៃលី ជាកសិករវ័យ ៦៣ឆ្នាំ នៅភូមិស្វាយពុំត្រង់ ឃុំកោះអន្លង់ចិន ក្រុងតាខ្មៅ ខេត្តកណ្តាល បានរៀបរាប់ឱ្យដឹងថា មុនពេលប្រើប្រាស់កម្ចីរបស់អិលអូអិលស៊ី លោកពូក៏បានស្វែងយល់ពីលក្ខខណ្ឌផ្តល់ជូនប្រាក់កម្ចីរបស់គ្រឹះស្ថានហិរញវត្ថុផ្សេងទៀតមួយចំនួនផងដែរ ក្នុងគោលបំណងស្នើប្រាក់កម្ចីយកទៅពង្រីកមុខរបរដាំដំណាំដើមគូឆាយ និងចម្ការមៀនរបស់គាត់។
យ៉ាងណាមិញ ក្រោយពីបានស្គាល់អិលអូលអិលស៊ី តាមរយៈការណែនាំពីអាជ្ញាធរមូលដ្ឋាន លោកពូសង្កេតឃើញថា លក្ខណៈផលិតផលរបស់អិលអូអិលស៊ី មានភាពល្អប្រសើរច្រើន ជាពិសេសអត្រាការប្រាក់ទាបសមរម្យ ហើយការផ្តល់ជូនសេវាកម្មពីបុគ្គលិកក៏បានរហ័សទាន់ចិត្ត និងប្រកបដោយវិជ្ជាជីវៈខ្ពស់ផងដែរ។ ជាលទ្ធផល លោកពូក៏បានសម្រេចចិត្តទទួលកម្ចីពី អិលអូអិលស៊ី ដើម្បីយកទៅប្រើប្រាស់នាពេលនោះ។
ជាមួយនឹងប្រាក់កម្ចីដែលមានលក្ខខណ្ឌដ៏សមស្របជាមួយនឹងតម្រូវការមុខរបរ បានធ្វើឱ្យជីវភាពនិងការរស់នៅរបស់គ្រួសារលោកពូលៀវ តៃលី កាន់តែរីកចម្រើនតាមរយៈការបង្កើនប្រាក់ចំណូលខ្ពស់ជាងមុន។ ដោយមើលឃើញពីឱកាសនាពេលអនាគតក្នុងការពង្រីកប្រភពចំណូលរបស់ខ្លួនបន្ថែមទៀត លោកពូ តៃលី បានសើ្នកម្ចីបន្ថែមដោយបែងចែកប្រាក់មួយចំនួនយកទៅចាក់ដីចម្ការ និងមួយចំនួនផ្សេងទៀតសម្រាប់រៀបចំគេហដ្ឋានឱ្យមានសោភណ្ឌភាព និងផាសុកភាពជាងមុន។ គិតត្រឹមឆ្នាំ ២០២៣ នេះ លោកពូមានកម្ចីសរុបចំនួន ៣វគ្គ ជាមួយអិលអូអិលស៊ី ដែលកម្ចីវគ្គទី៣នេះគឺលោកពូបានយកមកសម្រាប់ទិញដីបន្ថែម និងចាក់ពង្រីកដីចម្ការបន្ថែមទៀត។
លោកពូ លៀវ តៃលី បានឱ្យដឹងថា លោកពូពេញចិត្តចំពោះសេវាប្រាក់កម្ចីរបស់អិលអូអិលស៊ីជាខ្លាំង ព្រោះតាមរយៈសេវាប្រាក់កម្ចីនេះបានធ្វើឱ្យជីវភាពរបស់លោកពូមានការរីកចម្រើនជាច្រើន ជាពិសេសអាចពង្រីកទំហំដីនៃការដាំដុះដំណាំបានកាន់តែធំជាងមុន។
បងប្រុស សំ សុគុយ មានអាយុ ៤៥ឆ្នាំ មានមុខរបរជាជាងជួសជុលម៉ូតូឡាន
បងប្រុស សំ សុគុយ មានអាយុ ៤៥ឆ្នាំ មានមុខរបរជាជាងជួសជុលម៉ូតូឡាន និងភរិយា មានមុខរបរជាជាងកាត់ដេរ ដែលមានអាសយដ្ឋានស្ថិតនៅ ភូមិឆ្នាល់មាន់ ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង។
បងប្រុស សុគុយ បានរៀបរាប់ថា បងប្រុស និងភរិយាបានចាប់ផ្ដើមមុខរបរនេះអស់រយៈពេល ៤ឆ្នាំមកហើយ ក៏ប៉ុន្តែអាជីវកម្មរបស់ពួកគាត់មិនសូវរីកចម្រើនប៉ុន្មាននោះទេ ព្រោះមិនមានដើមទុនគ្រប់គ្រាន់ដើម្បីពង្រីកលើមុខរបរជាជាងជួសជុលម៉ូតូ រថយន្ត និងមុខរបរជាជាងកាត់ដេររបស់ពួកគាត់។
បងប្រុស សុគុយ បានបន្ថែមថា បន្ទាប់ពីបានស្គាល់ អិលអូអិលស៊ី តាមការណែនាំពីបងប្អូន គាត់ក៏បានពិភាក្សាជាមួយភរិយាហើយបានសម្រេចចិត្តស្នើសុំប្រាក់កម្ចីលើកទី១ នៅក្នុងឆ្នាំ២០២១ ដើម្បីទិញក្រណាត់ និងគ្រឿងបន្លាស់សម្រាប់ជុសជុលម៉ូតូ និងរថយន្តបន្ថែមដើម្បីបំពេញទៅតាមតម្រូវការរបស់អតិថិជនពួកគាត់។ ជាលទ្ធផលមុខរបរទាំងពីររបស់ពួកគាត់ត្រូវបានអតិថិជនគាំទ្រ ហើយទទួលបានអតិថិជនច្រើនជាងមុន។ ទាំងនេះជាមូលហេតុដែលធ្វើឱ្យបងប្រុស សុគុយ ស្នើសុំប្រាក់កម្ចីលើកទី២ នៅចុងឆ្នាំ២០២២ ដើម្បីទិញម៉ាស៊ីនដេរបន្ថែម។
បច្ចុប្បន្ននេះ មុខរបររបស់ពួកគាត់ទាំងពីរមានការរីកចម្រើនគួរឱ្យកត់សម្គាល់ ព្រោះមានក្រណាត់ និងសម្ភារគ្រប់គ្រាន់សម្រាប់បំពេញតម្រូវការជូនអតិថិជន និងគ្រឿងបន្លាស់គ្រប់ប្រភេទសម្រាប់ជុសជុលម៉ូតូ និងរថយន្តគ្រប់ធុន ដែលអាចធ្វើឱ្យចំណូលពួកគាត់កើនឡើង និងធ្វើឱ្យជីវភាពរស់នៅរបស់គ្រួសារគាត់ល្អប្រសើរជាងមុន។
នេះជាពាក្យសម្ដីផ្ទាល់របស់ បងប្រុស សុគុយ “ប្រាក់កម្ចីពី អិលអូអិលស៊ី ពិតជាបានធ្វើឱ្យជីវភាពគ្រួសារខ្ញុំរីកចម្រើន ហើយខ្ញុំជឿជាក់ថាខ្ញុំមានលទ្ធភាពគ្រប់គ្រាន់ដើម្បីផ្គត់ផ្គង់កូនៗទាំង៤ របស់ខ្ញុំឱ្យរៀនសូត្របានខ្ពង់ខ្ពស់”។
អ្នកមីង នុន វណ្ណឌី
អ្នកមីង វណ្ណឌី មានអាយុ ៥២ឆ្នាំ និងមានអាសយដ្ឋាននៅភូមិជ្រៃពីរ ឃុំជ្រៃ ស្រុកមោងឫស្សី ខេត្តបាត់ដំបង។ អ្នកមីងមានកូនចំនួន ០២នាក់ អ្នកមីងប្រកបមុខរបរជាអ្នកលក់ចាប់ហួយ លក់បាយ និងធ្វើកសិកម្ម (ធ្វើស្រែ) ដែលការប្រកបរបរនេះគឺអ្នកមីងបានធ្វើអស់រយៈពេល៣០ឆ្នាំ មកហើយគិតត្រឹមពេលបច្ចុប្បន្ននេះ។
ជាមួយទឹកមុខប្រកបដោយស្នាមញញឹម អ្នកមីងវណ្ណឌីបានឱ្យដឹងថា នៅមុនពេលទទួលបានប្រាក់កម្ចីពី អិលអូអិលស៊ី អ្នកមីងពុំមានដើមទុនគ្រប់គ្រាន់ដើម្បីពង្រីកមុខរបរបន្ថែមដែលមានស្រាប់នោះទេ បើទោះបីជាដឹងថាទីផ្សារកំពុងមានតម្រូវការខ្ពស់ដ៏ដោយ។ ជាលទ្ធផលអ្នកមីងបានសម្រេចចិត្តខ្ចីប្រាក់ពី អិលអូអិលស៊ី ដើម្បីបំពេញតម្រូវការ និងចាប់យកឱកាសពង្រីកអាជីវកម្ម។ អ្នកមីងទទួលកម្ចីលើកដំបូងពី អិលអូអិលស៊ី ក្នុងឆ្នាំ២០១៨ និងបន្តសម្រេចចិត្តទទួលកម្ចីលើកទី២ ទី៣ និងទី៤ ដើម្បីពង្រីកមុខរបរដូចមានរៀបរាប់ខាងលើជាបន្តបន្ទាប់។
តាមរយៈការរីកលូតលាស់ធំជាងមុនរបស់អាជីវកម្មពីមួយពេលទៅមួយពេល អ្នកមីងវណ្ណឌីអាចទទួលបានចំណូលធូរធារជាងមុនសម្រាប់ផ្គត់ផ្គង់ជីវភាពគ្រួសារ ទ្រទ្រង់ការសិក្សារបស់កូន ហើយក៏បានធ្វើការកែលម្អផ្ទះសម្បែងបានល្អប្រសើរជាងមុនផងដែរ។
អ្នកមីង វណ្ណឌី បានលើកឡើងថា ពេលយើងខ្ចីប្រាក់គេយកមករកស៊ី យើងត្រូវចំណាយការប្រាក់ខ្លះក៏ពិតមែន ប៉ុន្តែបើយើងរង់ចាំមានប្រាក់គ្រប់វាក៏នឹងត្រូវការពេលវេលារង់ចាំ ហើយក៏អាចបាត់បង់ឱកាសល្អផងដែរសម្រាប់មុខរបរមួយចំនួន។ ប៉ុន្តែអ្វីដែលសំខាន់នោះគឺយើងត្រូវមានផែនការនិងការតាំងចិត្តច្បាស់លាស់ខ្លួនឯងថាប្រាក់ដែលយើងយកមកគឺប្រើប្រាស់ដើម្បីប្រកបរបររកស៊ី ដែលអាចផ្តល់ចំណូលដល់យើងច្រើនជាងការចំណាយលើការសងត្រលប់ប្រាក់កម្ចី។
អ្នកមីងបានបន្ថែមទៀតថា “ខ្ញុំពិតជាអរគុណជាខ្លាំងដល់ អិលអូអិលស៊ី ដែលបានផ្តល់នូវប្រភពទុនដ៏ល្អប្រសើរគាំទ្រមុខរបររបស់ខ្ញុំឱ្យទទួលបាននូវភាពរីកចម្រើនដូចសព្វថ្ងៃនេះ”៕
លោកពូ អៀវ អ៉ីម បានប្រើប្រាស់ប្រាក់កម្ចីពី អិលអូអិលស៊ី ដើម្បីធ្វើចម្ការបន្ថែមលើរបរលក់ចាប់ហួយរបស់គាត់
លោកពូ អៀវ អ៉ីម អាយុ៤៤ឆ្នាំ និងភរិយា រស់នៅភូមិដីឡូត៍ ឃុំជ័យឧត្តម ស្រុកលំផាត់ ខេត្តរតនគីរី។ លោកពូ និងភរិយាមានមុខរបរជាអ្នកលក់ដូរអីវ៉ាន់ចាប់ហួយ និងបានប្រកបរបរនេះអស់រយៈពេលប្រាំបួនឆ្នាំមកហើយ។ ក្រៅពី របរលក់ចាប់ហួយ គាត់ក៏ជាអ្នកធ្វើចម្ការដាំដំឡូងមី និងស្វាយចន្ទីផងដែរ។ លោកពូ អៀវ អ៊ីម និងភរិយា មានកូនចំនួនពីរនាក់ កូនទីមួយជាអ្នកប្រកបរបរបិទស្គុតម៉ូតូ និងកូនទីពីរ កំពុងសិក្សាថ្នាក់អនុវិទ្យាល័យ។
លោកពូ អៀវ អ៉ីម បានលើកឡើងថាគាត់បានស្គាល់ អិលអូអិលស៊ី តាមរយៈអ្នកជិតខាង និងមានការចាប់អារម្មណ៍មួយចំនួនអំពីការចែករំលែកព័ត៌មាននៅពេលនោះ។ ក្រោយមក នៅពេលមន្រ្តីលក់សេវាហិរញ្ញវត្ថុរបស់ អិលអូអិលស៊ី បានចុះមកផ្សព្វផ្សាយតាមភូមិ លោកពូក៏បានសាកសួរព័ត៌មានបន្ថែម និងបានយល់កាន់ច្បាស់ពីផលិតផលកម្ចី ហើយក៏បានសម្រេចចិត្តដាក់ពាក្យស្នើសុំខ្ចីប្រាក់ពី អិលអូអិលស៊ី។ គិតត្រឹមពេលបច្ចុប្បន្ននេះលោកពូ ធ្លាប់បានស្នើកម្ចីនៅ អិលអូអិលស៊ី រហូតដល់ទៅបីវគ្គជាប់ៗគ្នារួចមកហើយ ដែលវគ្គទីមួយ ទីពីរ និងទីបី ក្នុងគោលបំណងតែមួយនោះគឺដើម្បីពង្រីកការដាំដុះ ដោយការទិញដីចម្ការបន្ថែម ដើម្បីដាំដំណាំស្វាយចន្ទី និងដំឡូងមី បន្ថែមលើមុខរបរលក់ចាប់ហួយដែលមានស្រាប់។
បន្ទាប់ពីពង្រីកការដាំដុះនូវចម្ការដំណាំស្វាយចន្ទី និងដំឡូងមី ឱ្យមានវិសាលភាពធំជាងមុនមក ទិន្នផលក្រោយប្រមូលផលពីដំណាំរបស់ លោកពូ អៀវ អ៉ីម មានការកើនឡើងខ្លាំង ហើយដំណាំរបស់គាត់បានបន្តលក់ឱ្យឈ្មួញកណ្តាលដែលមកប្រមូលទិញដល់ចំការតែម្តងផងដែរ។ មកដល់ពេលនេះ គ្រួសាររបស់លោកពូមានជីវភាពល្អប្រសើរជាងមុន ព្រោះចំណូលពីការលក់ទិន្នផលដំណាំរបស់គាត់បានកើនឡើងទ្វេដង។
លោកពូ អៀវ អ៉ីម បានថ្លែងអំណរគុណយ៉ាងជ្រាលជ្រៅចំពោះ អិលអូអិលស៊ី ដែលយកចិត្តទុកដាក់ចំពោះអតិថិជនជាពិសេសរូបគាត់ផ្ទាល់ ដោយទទួលបានការប្រឹក្សាយោបល់ពីវិធីសាស្រ្តក្នុងការពង្រឹង និងពង្រីកអាជីវកម្មឱ្យរីកចម្រើនប្រកបដោយនិរន្តរភាព។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
